23 жастағы тұрғын азық-түлік жеткізуші курьері боп көрініп, елордада есірткі сатумен айналысқан. Бұл туралы Stan.kz ақпарат агенттігі Polisia.kz сайтына сілтеме жасап хабарлайды. 

Арнайы операция барысында ұсталған күдікті бұрын сотты болғаны анықталды. Ол интернет арқылы есірткіге тапсырыс алып, содан кейін бүкіл Астана бойынша жеткізіп отырған.

Жігіттен кокаин тәркіленді. Кейін оның пәтері мен көлігін тінту кезінде полицейлер кокаин, мефедрон және марихуана тапты. Сондай-ақ есірткі заттарының іздері бар электронды таразылар, қаптамаға арналған полиэтилен пакеттер және әртүрлі дәрілік заттардың 100-ден астам бір реттік дозалары болды.

Аталған факті бойынша қылмыстық кодекстің 297-бабының 3-бөлігі "Есірткі, психотроптық заттарды, аса ірі мөлшерде заңсыз алу, сақтау, тасымалдау немесе өткізу" бойынша қылмыстық іс қозғалды.

Ұсталған азамат кінәсін мойындап, уақытша ұстау изоляторына қамалды. Қазір есірткі сатумен айналысқан сыбайластар анықталуда.

Бұған дейін Астанада рэпер мен оның продюсері есірткі таратты деген күдікпен ұсталған.


Автор: Даулет Байгонусов

Даулет — природовед и путешественник. Его увлечение природой Казахстана и исследования вносят неповторимый вклад в наше издание.