3415 адамды, отбасы саны 635-ті құрайды. Экономикалық белсенді халық саны 1995



жүктеу 83.15 Kb.
Дата22.04.2019
өлшемі83.15 Kb.


Қызылөзек ауылдық округі әкімінің 2017 жылы атқарылған жұмыстары мен алдағы міндеттері туралы халық алдындағы есебі
Қызылөзек ауылдық округі 3 елді мекеннен тұрады: Қараөзек ауылы, Айнакөл ауылы және Қараөзек бекетіндегі тұрғындар саны 3415 адамды, отбасы саны 635-ті құрайды.

Экономикалық белсенді халық саны - 1995 (56%) оның ішінде: жастар саны – 353, тұрақты жұмысқа орналасқандар саны - 1462.

Жыл басынан нақты тіркелген жұмыссыздар саны 51 адамды, (жұмыссыздық деңгейі 2,6 пайыз), 505 азамат (181 – өнімді, 324 – өнімсіз) өзін-өзі жұмыспен адамды құраған болатын.

2017 жылы жоспарлы түрде жүзеге асырылып отырған «Нәтижелі жұмыспен қамтуды және жаппай кәсіпкерлікті дамытудың


2017-2021 жылдарға арналған бағдарламасы»
шеңберінде 118 жұмыссыз және өзін-өзі өнімсіз жұмыспен қамтыған азаматтар қатыстырылып, 39 адам қоғамдық ақылы жұмыспен, 8 азамат әлеуметтік жұмыс орынымен, 4 азамат жастар тәжірибесімен қамтылды. 7 азамат кәсіби оқыту курсында білім алып, «Өрлеу» бағдарламасымен 16 азамат жұмысқа орналасты. 44 азамат - «Бос жұмыс орындары жәрмеңкесіне» қатыстырылып, тұрақты жұмысқа орналасты.

Есепті кезеңге жұмыссыздар саны 28 адамды (1,4 пайыз), өзін өзі өнімді жұмыспен қамтығандар – 379, өнімсіз жұмыспен қамтығандар – 126 адамды құрады.

Есепті мерзімде 24 отбасы (126 адам) 753 729 теңге тұрғын үй көмегін, 95 отбасы (317 бала) 6 859 200 теңге балалар жәрдемақысын алды.

Жаппай кәсіпкерлікті дамыту

2017 жыл басында ауылдық округ бойынша салық органдарында тіркелген кәсіпкерлер саны 78 болса, есепті мерзімде 15 дара кәсіпкер (8-мал бордақылаушы, 1-ТЖО, 1-шаштараз, 1-монша, 1-тойхана, 1-такси, 2-әр түрлі),


3 шаруа қожалығы тіркеліп, қазіргі таңда кәсіпкерлер саны 96-ны құрады. (Жалпы шағын кәсіпкерлерлік нысандарының жұмыс істеп тұрғандар саны – 72
(77 пайыз).
Оның ішінде: шаруа қожалықтары саны – 34, ауылшаруашылығы өндірістік кооперативі-1, дара кәсіпкерлер-61 (сауда дүкендері саны –17, такси қызметі-6, мал бордақылау – 18, пластик шығару –1, асхана-1, ТЖО-1, шаштараз-1, монша-1, тойхана-1, наубайхана-1, балық шаруашылығы – 1, әртүрлі қызметтер – 12).

«Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» аясында «Бастау-Бизнес» және «Бизнес-Кеңесші» бағдарламалары арқылы кәсіпкерлік негіздеріне жаппай оқыту бойынша Өңірлік кәсіпкерлік палатасымен келіссөздер жүргізіліп, ауылдық клубта 26 жұмыссыз және өзін-өзі жұмыспен қамтыған азаматтар бағдарлама бойынша оқу курсынан өтіп, тиісті сертификаттарын алды.

Мемлекеттік және салалық бағдарламаларға қатысушылар саны – 10 адамды құрап, аталған жобалар қаржы институттарында несие алу үшін тіркелді. Оның ішінде:

1. «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» бойынша құны 13,5 млн теңге тұратын 3 жоба (1 тойхана, 1 ТЖО және 1 шаштараз) әзірленді. Жобаларды іске асыру мақсатында ауылдық округ әкімі аппараты теңгеріміндегі ғимараттардан сатып алу құқығынсыз сенімді басқаруға беру шарты бойынша 2 ғимарат (ескі кеңсе, бу қазандығы) жеке кәсіпкерлерге ұсынылды.

2. Мал шаруышылығымен айналысу (мал өсіру және бордақылау) мақсатында кооператив мүшелерінен (2016 жыл басында құрылған «Қараөзек» ауылшаруашылығы өндірістік кооперативін ірілендіру мақсатында 2017 жыл басынан кооперативтің 3 мүшесіне қосымша 26 азамат қосылып, 29 мүшеге толықтырылды) несие алуға - 7 жоба (44 млн тенге) әзірленіп, "Ауыл шаруашылығын қаржылай қолдау Қоры" АҚ Қызылорда филиалына тиісті құжаттары өткізілді. Тамыз айында - ЖК «Ай-Ару» 3 млн теңге несие алып, мал бордақылаумен айналысуда, 1 азаматты жұмыспен қамтыды. Сол сияқты, жуық арада ЖК «Оразкүл» мал шаруашылығын дамытуға 4 млн теңге несие алады деп күтілуде. Жоғарыда аталған жобаларды іске асыру барысында өзін-өзі өнімсіз жұмыспен қамтыған 126 азаматтың 84-і (67 пайызы) жұмыспен қамтылады деп күтілуде.

Инвестор тарту арқылы ет-сүт өңдеу цехына аукцион өткізіліп, жеке кәсіпкер «Ақмар и К» ЖШС-мен ет-сүт бағытында цех өз жұмысын бастады.

Цехтың қазіргі таңдағы қуаттылығы тәулігіне 1,5 тонна ет өңдеу,
12 азамат жұмыспен қамтылған.

Іске қосылған ет және ет өнімдерін өңдеу орталығының өнімдері нарық бағасынан төмен бағамен таратылуда.

Серіктестік тарапынан алдағы уақытта мал бордақылау, жем-шөп дайындау, нан өнімдерін шығару цехын іске қосу жоспарланып 35 азамат тұрақты жұмыспен қамтылатын болады. Сонымен қатар, 2007 жылға дейін жұмыс жасаған «Шоқсу» табиғи ас суын шөлмекпен шығару цехын іске қосу жоспарлануда.

«Агробизнес-2020» бағдарламасы шеңберінде 10 кәсіпкер «Сыбаға» бағдарламасына, 1 кәсіпкер «Алтын асық» бағдарламасына, 1 кәсіпкер (жайылымдық жерін суландыру мақсатында ұңғымалы құдық қаздырып) «Ырыс» бағдарламасына қатысуда.

Бұған дейін «Жұмыспен қамту 2020 Жол картасы» бағдарламасы аясында 11 азамат 22,5 млн. теңге несиеге қол жеткізіп, өз кәсіптерін ашқан болатын.



Инфрақұрылым. Ауыз су. Айнакөл және Қараөзек елді-мекендерінде ауыз су жүйесі Қызылорда қаласының оқшау сумен жабдықтау жүйелерін пайдаланушы өндірістік бөлімшесінің теңгерімінде. Барлық тұрғын үйлер мен әлеуметтік нысандарға ауыз су жүйесі жеткізілген, тәулік бойы ауыз су берілуде. Қараөзек бекеті елді мекенінің тұрғындарын ауыз сумен «Теміржолсу-Қызылорда» ЖШС қамтамасыз етіп, 76 үйге су желісі кіргізілген.

Аяқ сумен қамту бойынша бюджеттен қаралған 963 мың теңге қаражатқа «Айнакөл», «Ақ канал», «Гажденбек» каналдарының құжаттары әзірленсе, қолма-қол бақылау есеп шоты қаржысынан 130 мың теңгеге «Шегіртке» шабындығына баратын каналдың сағалары қазып тазартылды.

Демеушілер есебінен «Сауранбай» каналынан тарайтын «Айнакөл» каналының 1,5 шақырым бөлігіне тазарту жұмысы (2 млн теңге) жүргізілсе, жыл соңында «Қызылордасушар» өндірістік учаскесі арқылы «Айнакөл» каналының қалған бөлігі (3,5 шақырым) «Жаманкөл» көліне дейін қазылып тазартылды.



Жарықтандыру. «Өңірлерді дамыту» бағдарламасы бойынша республикалық бюджеттен қаралған 3 млн 254 мың теңге қаражатқа Қараөзек ауылындағы М. Жабағыұлы көшесіне көше жарығын орнату жұмысы (26 баған) жүргізілді. Сонымен қатар, қала орталығынан босаған жарық бағаналары алынып, жергілікті өзін-өзі басқару қолма-қол қаражаттың бақылау шоты қаржысы есебінен (1 млн 300 мың теңге) Абылайхан көшесінің тозған жарық қондырғыларын металл бағаналарға алмастыру жұмысы жүргізілді. Жарықтандырылған көшелердің электр желілерін күтіп ұстауға
7 437 мың теңге бөлінді.

Абаттандыру. Өткен жылғы есепті кездесуде көтерілген мәселенің бірі – Қараөзек ауылындағы орталық бейітті қоршау жұмысына Қалалық бюджеттен 15 млн 711 мың теңге бөлініп, мәселе толық шешімін тапты.

Елді-мекен көшелеріне аяқ су тарататын 2 электр насосты күтіп ұстауға 125 мың теңге бөлінді.

Есепті жылы ауыл шаруашылығы техникасын сатып алуға бюджеттен
9 млн 770 мың теңге қаралып, МТЗ-82 тракторына орнатылған экскаватор сатып алынды. Сол сияқты «Қараөзек» ауылшаруашылығы өндірістік кооперативі өз қаражатына жағдайы орташа ЗИЛ самосвалын
сатып алды.

Қалалық бюджеттен елді мекендердің санитариясын қамтамасыз ету, көркейту-көгалдандыру жұмыстарына 748 мың теңге қаржы қаралды. Қараөзек ауылындағы 5 га жеміс бағы күтімге алынып, еңбек ардагері А.Сыздықовтың есімі берілді.



Әкімшілік ғимаратты жөндеу. Қолма-қол бақылау есеп шоты қаржысы (1 054,2 мың теңге) және демеушілік көмек арқылы ауыл әкімі аппараты кеңсе ғимаратына күрделі жөндеу жүргізіліп, жылу жүйесі орнатылды.

Ауыл шаруашылығы бойынша округте 3116 бас МІҚ, 3319 бас қой мен ешкі, 695 бас жылқы, 383 бас түйе, құс 499 басты құрап, есепті мерзімде олардан шамамен 188 тонна ет, 53,2 тонна сүт өндірілді.

Мүйізді ірі қарадан – 750 бас, қой-ешкіден – 2500 бас, жылқыдан – 225 бас, түйеден – 96 бас төл алынды. Есепті мерзімде 5319 ветеринарлық тексерулер жүргізіліп, түрлі ауруларға қарсы 38051 вакцианалар егу шаралары жүргізілді. 1645 бас малдар бірдейлендіріліп, 73 бас қаңғыбас ит-мысық ауланды. 711 азаматқа ветеринарлық паспорт, 29 азаматқа ветеринариялық анықтама беріліп, мемлекеттік қызмет көрсетілді.

Егін шаруашылығы бойынша 378 га жерге егіс орналастырылды, оның ішінде 137 га картоп, 151 га көкөніс, 90 га бақша дақылдары егіліп, картоптан 1747 тонна (127,5 ц/га), көкөністен 1888 тонна (125 ц/га), бақшадан 1143 тонна (127 ц/га) өнім алынды.

Ылғал үнемдеудің бірден-бір тәсілі - тамшылатып суару технологиясы бойынша «Үміт» шаруа қожалығы 7 га, «Бердібек» шаруа қожалығы 9 га картоп дақылын өсірді.



Білім беру саласы бойынша 4 бітіруші түлек «Алтын белгі» иегері атанып, 18 бітіруші мемелекеттік грант бойынша ЖОО қабылданды. Мектептер жанындағы шағын орталықтарда 50 бүлдіршін тәрбиеленіп келсе, наурыз айында жаңадан «Луиза и К» жеке балабақшасы ашылып,
74 бүлдіршін мектепке дейінгі біліммен қамтылды.

№39 орта мектепте 50 оқушыға тасымал қызметі көрсетілуде. «Дипломмен ауылға» бағдарламасымен есепті мерзімде 1 жас маман мектепке жұмысқа орналасты.



Денсаулық сақтау саласы бойынша ауыл тұрғындарына 1 ауылдық амбулатория, 2 фельдшерлік бекет, 1 дәріханада - 12 медицина қызметкерлері қызмет көрсетуде.

Мәдениет саласында типтік жобадағы 150 орындық бір клуб үйі,
1 кітапхана жұмыс істейді. Кітап қоры 12826 дана, 758 оқырманы бар, интернет желісіне қосылған. Ауылдық клубта 9 штаттық бірлік қызметкерлер, 8 үйірме жұмыс жасайды. Есепті жылы жергілікті мәдени шараларды қолдауға 572,0 мың теңге бөлініп, жоспарланған 57 іс-шара өткізілді.

Рухани жаңғыру. Елбасы Нұрсұлтан Әбішұлы Назарбаевтың елімізді рухани жаңғыруға бастаған «Болашаққа бағдар: рухани жаңғыру» бағдарламалық мақаласындағы міндеттерді жүзеге асыру мақсатында ел мерейін өсіріп, халық бірлігін нығайтуға бағытталған 28 рухани шаралар (қалалық отбасылар, жайдарманшылар, түрлі спорттық іс-шаралар, ауылдан шыққан республикаға танымал әнші Ғ.Молданазармен кездесу және т.б.) өткізілді.

"Туған жерге тағзым" акциясы аясында ауылдық округ көлеміндегі кәсіпкерлер, қалалық мәслихат депутаты Қ. Ерназаровтың демеушілігімен
8 наурыз мерекесіне орай аналарға арнап ҚР еңбек сіңірген қайраткері
А. Қосанованың концерті, «Наурыз» мерекесіне орай облыстық ақындар айтысы ұйымдастырылып, діни және ресми мерекелер барысында мерекелік дастархандар жайылып, 59 тұрмысы төмен отбасыларға азық түлік пакеттері және басқадай көмектер, 31 балаға оқу құралдары, 7 мүгедек балаларға сыйлықтар тапсырылды. Сол сияқты, жоғарыда аталып өткендей, ауылдан шыққан кәсіпкерлер канал тазарту, мешіт ғимаратын, әкімшілік ғимаратын жөндеу, жарықтандыру жұмыстарына өз үлестерін қосты.

Үкіметтік емес ұйымдармен жұмыс. Қараөзек ауылында заңды түрде тіркелген «Қараөзек» мешіті жұмыс жасайды. Сонымен қатар, ардагерлер кеңесі, әйелдер кеңесі, көше коммитеттері, құрамында 11 мүшесі бар жергілікті қоғамдастық және қоғамдық келісім кеңесі қоғамдық негізде жұмыс жасайды.

Есепті мерзімде Қараөзек ауылынан “Ардагерлер бөлмесі” ашылды. Демеушілер есебінен «Қараөзек» мешітіне ағымдағы жөндеу, «Қараөзек стансасы» мешітіне күрделі жөндеу жүргізіліп, жылу жүйесі орнатылды. «Қараөзек» меішітінің жанынан отын және басқа құрал жабдықтарға арналған құрылыс салынып, бейне-бақылау камералары орнатылды.



Ішкі жұмыстар. Ауылдық округ тұрғындарының жер сұраған өтініштері заңға сәйкес арнайы есепке қойылған. (Қараөзек ауылы бойынша - 88 азамат, Қараөзек бекеті бойынша - 68 азамат, Айнакөл ауылы бойынша - 81 азамат, барлығы 237 азамат жер кезегінде тұр.) Тұрғындардың өтініштерін қанағаттандыру мақсатында «Қызылорда жер сәулет құрылысы» жауапкершілігі шектеулі серіктестігі мамандарының қатысуымен Қараөзек елді мекеніндегі көшелер бойынан (электр жарығы мен су жүйесі жүргізілген) бос жер телімдері зерттеліп,  100-ге жуық бос алаңдар анықталып, картаға орналастырылды. Қазіргі уақытта кезектілік ретімен азаматтарға жер телімін табыстау жұмысы жүргізілуде.

Ауылдық округ бойынша жергілікті салықтардан 2 млн 684 мың теңге түсіру жоспарланса, жиналған салық көлемі 3 млн 532 мың теңгені құрап 132 пайызға артық орындалды. Ағымдағы жылы бұл көрсеткішті бұдан да арттыру жоспарланды.



Атқарылған жұмыстар қаншалықты ауқымды болғанымен алдағы жоспарлар соншылықты маңызды. Алдағығы кезеңдегі жұмыстар елді мекен көшелері мен кіре беріс жолдарды кезең-кезеңімен жөндеу, жарықтандыру, тұрғындарды ауыз сумен толық қамту мәселелерінің шешілуіне атсалысу, мемлекеттік-жекеменшік әріптестік арқылы әлеуметтік нысандар құрылысын жүргізуге, мемлекет тарапынан кәсіпкерлікті қолдауға, асыл тұқымды мал шаруашылығын дамытуға бағытталған бағдарламаларға ауылдық округ тұрғындарын кеңінен тарту, шағын және орта бизнестің дамуына жан-жақты ықпал жасау арқылы ауылдық округтің экономикасын нығайтып, тұрғындардың әл-ауқатын жақсартуға бағытталатын болады.

Достарыңызбен бөлісу:


©kzref.org 2019
әкімшілігінің қараңыз

    Басты бет