52 шығарылым «Теміржол көлігі және метрополитен; Автомобиль және қалалық электр көлігі; Теңіз және өзен көлігі» бөлімдері Астана 2010 Кіріспе



жүктеу 1.97 Mb.
бет1/13
Дата30.12.2017
өлшемі1.97 Mb.
  1   2   3   4   5   6   7   8   9   ...   13


Қазақстан Республикасы

Еңбек және халықты әлеуметтік

қорғау министрінің

2010 жылғы 1 қыркүйектегі

№ 306-ө бұйрығына

қосымша


Жұмысшылардың жұмыстары мен кәсіптерінің

бірыңғай тарифтік-біліктілік

анықтамалығы


52 шығарылым
«Теміржол көлігі және метрополитен;

Автомобиль және қалалық электр көлігі;

Теңіз және өзен көлігі» бөлімдері

Астана 2010

Кіріспе
Жұмысшылардың жұмыстары мен кәсіптерінің бірыңғай анықтамалығының (БТБА) 52 шығарылымы: «Теміржол көлігі және метрополитен; Автомобиль және қалалық электр көлігі; Теңіз және өзен көлігі» бөлімдерінен тұрады.

БТБА-ның осы шығарылымы бұрын қолданылып келген БТБА «Теміржол көлігі және метрополитен; Автомобиль және қалалық электр көлігі; Теңіз және өзен көлігі» бөлімдерінен тұратын 56 шығарылымының негізінде әзірленді.

БТБА-ның осы шығарылымына берілген жұмыс түрлеріне тән жұмысшы кәсіптері енгізілді.

Тарифтік-біліктілік сипаттама сегіз разрядтық тарифтік кестеге орай әзірленді. Жұмыс разрядтары еңбек жағдайы ескерілмей, олардың күрделілігіне қарай белгіленді.

Өндірістің жағдайына немесе орындалатын жұмыстың сипатына қарай жекелеген кәсіптердің төмендеу разрядтарының жұмыс сипаттамасында жекелеген жұмыстарды орындау анағұрлым жоғары білікті жұмысшының басшылығымен жүргізіледі деп көрсетілген. Біліктілігі анағұрлым жоғары жұмысшы өзінің тарифтік-біліктілік сипаттамасында санамаланған жұмыстармен қатар, біліктілігі анағұрлым төмен жұмысшылардың тарифтік-біліктілік сипаттамасында көзделген жұмыстарды орындай білуге, сондай-ақ осы кәсіптегі разряды төмен жұмысшыларға басшылық жасай білуге тиіс.

Тарифтік-біліктілік сипаттамаларында көзделген жұмыстармен қатар, жұмысшы ауысымды қабылдап алу және тапсыруға байланысты жұмыстарды орындауға, жұмыс орнын, жабдықтарды, аспаптарды, айлабұйымдарды жұмысқа уақытылы дайындау және тиісті тәртіпте ұстап отыруға, бекітілген техникалық құжаттаманы жүргізуге, сондай-ақ ақау түрлерін, себептері мен олардың алдын алу тәсілдерін білуге тиіс.

Тарифтік-біліктілік сипаттамалар ерекше айтылған жағдайлардан басқа, осы бөлімде көрсетілген өндірістер мен жұмыс түрлері бар ұйымдарда, меншік және ұйымдық-құқықтық нысанына қарамастан, жұмыстарды тарифтеу және жұмысшыларға біліктілік разрядтарын беру кезінде қолданылады.

Қызметкердің еңбек қызметін растайтын құжаттарды толтырған кезде, сондай-ақ тарифтік разряды өзгерген кезде, оның кәсібінің атауы БТБА-ға сәйкес жазылады.

Жұмысшылардың жұмыстары мен кәсіптерінің бірыңғай тарифтік-біліктілік анықтамалығының жалпы ережелері БТБА-ның «Экономика салаларының барлығына ортақ жұмысшы кәсіптері» 1 шығарылымында жазылған.

Теміржол көлігі және метрополитен
Тарифтік-біліктілік сипаттамалары
1. Жолдарды және жасанды имараттарды күнделікті ұстап отыру және жөндеу жөніндегі (босатылған) бригадир
Жұмыс сипаттамасы. Жолдарды және жасанды имараттарды күнделікті ұстап отыру және жөндеу жөніндегі жұмыстарды орындауды ұйымдастыру. Қызмет көрсетілетін учаске шеңберінде осы жұмыстарды орындайтын жұмысшыларды басқару. Пойыздардың үздіксіз және қауіпсіз жүруін қамтамасыз ететін жағдайда жолдар мен жасанды имараттарды ұстау. Жолдар мен жасанды имараттарды белгілінген мерзімде тексеру. Жолдың беткі құрылымы элементтерінде, жер төсемінде, жасанды имараттарда пайда болатын ақаулықтарды анықтау, олардың алдын алу жұмыстарын жүргізу, сондай-ақ жолдың беткі құрылымы қызметі мерзімін ұзарту жұмыстарын жүргізу. қысқы жағдайларда жолды жұмысқа дайындау, қар мен құмнан тазарту, иірімдердегі жолды ұстау және жөндеу, жолдар мен жасанды имараттарды көктемгі және сел жаңбыр суларын өткізуге, табиғи құбылыстардан туындаған ақаулықтарды жою жұмыстарын ұйымдастыру және жүргізу. жол жөндеу жұмыстарын жүргізуде пойыздардың қауіпсіз жүруін қамтамасыз ету. Жол монтерларына, аралап тексерушілерге, өтпелі жол кезекшілері және де басқа жұмысшыларға нұсқаулық жүргізу. Бригада қызметкерлеріне тікелей жұмыс орындарында жұмыс орындаудың оңтайлы жолдарын үйрету. Бастапқы есептеу және есептілікті жүргізу. Аспаптарды, механизмдерді, керек-жарақтарды, белгі бергіш материалдар мен оларды сақтау қоймаларын жарамдылықта ұстауды қамтамасыз ету.

Білуге тиіс: теміржолдар мен жасанды имараттардың құрылымы; оларды күнделікті ұстап отыру және жөндеу жұмыстарын жүргізу ережесі мен технологиясы; жолдар мен жасанды имараттардың беткі құрылымы элементтерінің ақаулықтары, жылжымалы құрам мен құрылымдарды жақындату көлемі; жолдар мен жасанды имараттарды күнделікті ұстап отыру және жөндеуде қолданылатын аспаптар мен құралдар арқылы өлшеу ережесі; теміржолдар мен жасанды имараттарды ұстау, жол жөндеу жұмыстарын жүргізгенде пойыздың қауіпсіз жүруін қамтамасыз ету нұсқаулықтары; теміржол және имараттарды жөндеу жұмыстарын жүргізу және жарамды жағдайда ұстап отыруда еңбекті қорғау және өндірістік санитария ережесі; жол гидравликалық және электр аспаптар мен механизмдердің құрылымы; электрленген желілердегі теміржол көлігі қызметкелері үшін еңбекті қорғау ережесі, жол жұмыстарын өндіруде технологиялық-нормалау карталары; алғашқы есеп және есептілік.

Орта кәсіптік білім талап етіледі.



Ескерту. Жолдарды және жасанды имараттарды күнделікті ұстап отыру және жөндеу жөніндегі (босатылған) бригадир өзі басқаратын бригаданың жоғары біліктілігінен бір разряд жоғары, бірақ 5-разрядтан төмен емес тарифтеледі.
2. Жолдарды және жасанды имараттарды күнделікті ұстап отыру және жөндеу жөніндегі (босатылған) бригадир
Жұмыс сипаттамасы. Өндірістік бөлімшелердің жұмысшыларын басқару. Белгіленген технологиялық процесс бойынша жұмысты орындау. Бригаданың бекітілген жұмыс жоспарының уақытылы орындалуын қамтамасыз ету. Жұмысшыларды орналастыру, жұмыс орындарын материалдармен, аспаптармен және бөлшектермен қамтамасыз ету. Еңбекті қорғау және өртке қарсы ережесі бойынша талаптардың орындалуын қамтамасыз ету. Оңтайлы еңбек тәсілдері мен әдістерін қолдану жөнінде бригада жұмысшыларына нұсқаулық жүргізу және оқыту. Орындалатын жұмыстың сапасын қадағалау және бақылау. Жұмысты қабылдап алу және нысандарды шеберге тапсыру. Материалдың шығуын бақылау. Орындалған жұмыстың көлемін есептеу және олардың сапасын бағалау. Жабдықтар мен керек-жарақты жарамдылықта ұстап отыру.

Білуге тиіс: жөнделетін тораптардың құрылымы мен өзара іс-әрекеті; орындалатын жұмыстардың технологиялық процесі, жұмыс өнімділігі ережесі; жұмыс орындарында еңбекті ұйымдастыру; материалдың шығу нормасы, 5 біліктілік разрядынан төмен емес жұмыстарды орындау тәртібі мен ережесі; қауіпсіздік техникасы ережесі; орындалатын жұмысты есептеу тәртібі.

Орта кәсіптік білім талап етіледі.



Ескерту. Жолдарды және жасанды имараттарды күнделікті ұстап отыру және жөндеу жөніндегі (босатылған) бригадир өзі басқаратын бригаданың жоғары біліктілігінен бір разряд жоғары, бірақ 5-разрядтан төмен емес тарифтеледі.
3. Дрезина жүргізуші
Жұмыс сипаттамасы. Теміржолда жүргенде дрезинаны басқару. Материал, жабдық, құрылымдарды жұмыс орындалатын жерге тасымалдау және жұмысшыларды алып келу. Станция шеңберінде маневрлік жұмыстарды орындау. жөндеу, монтаждау және тиеу-түсіру жұмыстарын орындағанда кран құрылғыларын және басқа да арнайы механизмдер иен құрылғыларды басқару. Дрезинада қызмет көрсету және дрезинаны, оның жабдықтарын жарамды етіп ұстап отыру. Дрезинаның, көтергіш және бақса да арнайы жабдықтардың ақауын, жою.

Жоспарлы алдын алу жөндеуге қатысу.



Білуге тиіс: дрезинаның, оның механизмдері мен жабдықтарының құрылымы; оларды пайдалану ережесі; дрезина жұмысындағы және оның механизмдері мен жабдықтарының жұмысындағы ақаулықтардың себептері, олардың алдын алу және жою тәсілдері, бақылау-өлшеу аспаптарының қызметі және құрылымы, жанар жағар материалдардың сипаттамасы мен қасиеті және оларға қойылатын талаптар; адамдарды және жүкті дрезинада тасымалдау ережесі; тиеу-түсіру және басқа да кран жабдықтары арқылы орындалатын жұмыстарды өндіру ережесі; дрезина тораптарының, дөңгелек жұптарының және кран жабдықтарын техникалық байқау, жөндеу және куәландыру ережесі, түрлері және мерзімі, электр техникасы, механика және гидравлика негіздері.

Магистральды теміржол көлігінің теміржолында алмалы дрезинаны және өнеркәсіптік теміржол көлігі теміржолында алынбайтын дрезинаны басқару және қызмет көрсету 3-разряд;

Жүк тасымалдауға арналған прицеппен жабдықталған алмалы дрезинаны, немесе жүкті тасымалдауға арналған платформамен жабдықталған алынбайтын дрезинаны басқару және қызмет көрсетуде – 4-разряд;

Жөндеу, монтаждау және тиеу-түсіру жұмыстарын орындауға арналған мұнара, кран немесе басқа да арнайы механизмдермен жабдықталған карбюраторлы қозғалтқышты алынбайтын дрезинаны басқару және қызмет көрсетуде – 5-разряд;



Дизель күшті құрылғылы, мұнарамен, кранмен немесе басқа да жөндеу, монтаждау және тиеу-түсіру жұмыстарын орындауға арналған басқа да арнайы механизмдермен жабдықталған алынбайтын дрезинаны басқару және қызмет көрсетуде – 6-разряд.

Ескерту: дрезина жүргізушінің көмекшісі басшылығында жұмыс істейтін жүргізушіден бір разряд төмен тарифтеледі.
4. Көлік-жинау машинасының жүргізушісі

3-разряд

Жұмыс сипаттамасы. Вокзал маңы және станциялық аумақтардағы, перрондар мен жолаушы платформаларында, көшелердегі қоқыс жүгін тасымалдауда түрлі жүйедегі және жүк көтергішті көлік-жинау машинасын басқару. Оны тиеу және түсіруді қадағалау. Көлік жинау машинасын жарамды ахуалда ұстау және техникалық қызмет көрсету.

Білуге тиіс: көлік жинау машинасының құрылымы, жұмыс істеуі мен қызмет көрсету ережесі; қолданылатын отын және майдың түрлері мен шығу нормасы; аккумуляторлы батареяларды зарядтау қызметі, мерзімі мен тәсілдері, жол қозғалысы ережесі; қауіпсіз жүру негіздері.
5. Локомотив және поезд бригадаларын шақырушы

2-разряд

Жұмыс сипаттамасы. Наряд бойынша, депо бойынша кезекшінің немесе нарядшының нұсқауына сәйкес локомотив және поезд бригадаларын уақытылы шақыру.

Білуге тиіс: қала аудандары мен көшелерінің орналасуын; локомотив және поезд бригадалары қызметкерлерінің тұратын жерлеріне қалалық көлікпен тезірек бару немесе өту бағытын, станциялық және депо жолдарында болғанда қауіпсіздік техникасын сақтау ережелері.

6. Польстер қылқалам тоқушы

2-разряд

Жұмыс сипаттамасы. Польстер қылқалам, буксты жіп, кордты жіп және шпагатты жіптен иірілген біліктердің қапшықтарын қолмен тоқу. Жіпті орау және тарқату. Буксты жіпті және бауларды бұйым өндірудің техникалық шарттарына сәйкес сұрыптау және дайындау.

Білуге тиіс: польстерлі қылқалам және басқа да бұйымдарды жасауда қолданылатын жіптің сұрыптары; техникалық шарттарға сәйкес жіптің қасиеті; жіпті орау және иіру жолдары; польстерлі қылқаламды орауда қолданылатын бауды иіру тәсілдері, даяр бұйымның мөлшері.
7. Польстер қылқалам тоқушы

3-разряд

Жұмыс сипаттамасы. Польстер қылқалам, буксты жіп, кордты жіп және шпагатты жіптен иірілген біліктердің қапшықтарын тоқу машинасында тоқу. Машинаны іске қосу және тоқтату. Инелерін ауыстыру. Жіптің тығыздығы мен созылуын реттеу. Машинаны тазалау және майлау. Даяр бұйымдардың мөлшерін өлшеу.

Білуге тиіс: машинаның негізгі бөлшектерінің құрылымы мен өзара іс-әрекеті; машинаны іске қосу және тоқтату жолдары; жіп нөмірлері; тоқу сапсына қойылатын талаптар.
8. Көшу жөніндегі кезекші

Жұмыс сипаттамасы. Көшкен кезде поездардың, автомобильдер мен басқа да көлік құралдарының қауіпсіз қозғалысын қамтамасыз ету. Барлық түрдегі көліктің көшу қозғалысын реттеу. Белгіленген тәртіпке сәйкес жүгі көп, көлемді емес, жай жүретін және басқа да машиналарды, механизмдерді жіберуді, мал айдауды ұйымдастыру. Көшкенде автоматты құрылғылардың, бағдаршам және дабыл қаққышты, прожекторлық құрылғылардың, электр жарық беру, радио және телефон байланысы мен басқа да құрылғылардың дұрыс жұмыс істеуін бақылау. Көшу жөніндегі кезекшінің күшімен жөндеуге болатын көшіру жабдықтарының жұмысындағы анықталған ақаулықтар мен кемшіліктерді жөндеу. Көшкендегі авариялық жағдайда автоматты дабыл қағу құралдарын және аспаптарды, поезды тоқтату қол құралдарын пайдалана отырып қауіпсіздік шараларын қамтамасыз ету. Автоматты дабыл қағу, автоматты шлагбаумды басқару аспаптарының жарамсыз жағдайында, энергиямен жабдықтаудың бұзылғанда, автоматика және дабыл қағу құрылғыларына қызмет көрсету және реттеу жұмыстарын өндіруде поездар мен көлік құралдарының қауіпсіз жүруін ұйымдастыру. Көшті қоршау және белгі беру. Өтпелі поездардың жағдайын тексеру, қозғалыстың қауіпсіздігіне қатер төндіретін жылжымалы құрамдағы ақаулықтар және жүк тиеуде кемшіліктер табылғанда поезды тоқтату шараларын қабылдау. Жайлы көшуді және теміржолды жарамды етіп және тазалықта ұстауды қамтамасыз ету.

Білуге тиіс: көштің орналасуын және оған қызмет көрсету ережесі; автоматты және автоматты емес электр жетекті шлагбаумдардың, бағдаршам белгілері мен қоршау бағдаршамдарының жұмыс істеу принципі, қоршау белгілері мен автоматты шлагбаумдарды басқару пультын пайдалану ережесі; теміржол көшінің жол қозғалысы ережесі.

Егер ең жоғарғы тәуліктік норма 10000 поезд-экипажға дейін болатын болса, темір жол мен автомобиль жолының түйіскен жерлерінде көшуге қызмет көрсетуде – 1-разряд.

Егер ең жоғарғы тәуліктік норма жақсы көрінетін қашықтықта 10000-нан 50000 поезд-экипажға дейін немесе қалалық көлік аз жүретін нашар көрінетін қашықтықта 1000 поезд-экипаж болатын болса, темір жол мен автомобиль жолының түйіскен жерлерінде көшуге қызмет көрсетуде – 2-разряд.

Егер ең жоғарғы тәуліктік норма жақсы көрінетін қашықтықта 50000-нан 150000 поезд-экипажға дейін немесе қалалық көлік жақсы жүретін нашар көрінетін қашықтықта 8 поезд-автобус болатын болса, темір жол мен автомобиль жолының түйіскен жерлерінде көшуге қызмет көрсетуде – 3-разряд.

Егер ең жоғарғы тәуліктік норма жақсы көрінетін қашықтықта 150000 поезд-экипаждан жоғары, І және ІІ санаттағы автомобиль жолдары бар, трамвай немесе троллейбус жүретін немесе автобус жақсы жүретін сағатына 8 поезд-автобус болатын болса, темір жол мен автомобиль жолының түйіскен жерлерінде көшуге қызмет көрсетуде – 4-разряд.

9. Жол бұру постының кезекшісі
Жұмыс сипаттамасы. Поездарды қабылдау, жіберу және маневрлау жұмыстары үшін бағдар жасауда орталық емес бұрмаларды бұру және бекіту. Поезды қабылдайтын жолдардың бостығын тексеру, поездардың толық құрамда келуін және жөнелтілуін бақылау. Құрамдар мен вагондарды тежегіш башпақтармен тежеу және бекіту. Жарық беретін бұрма көрсеткіштерін, аударма бұрмаларды, керек-жарақтарды және дабыл заттарын жарамдылықта және тазалықта ұстап отыру. Босаған болаттар мен шуруптардың техникалық жағдайын бақылау, бекіту, бұрма бөлшектерін майлау.

Білуге тиіс: жол бұру постының аға кезекшісі мен кезекшісінің лауазымдық нұсқаулықтары; жүк тасымалдау ережесі; еңбекті қорғау және еңбек қауіпсіздігі техникасы ережесі мен нормалары; жұмысына қатысты станция жұмысының техникалық-тарату актісі мен технологиялық процесі; бұрмалардың құрылымы; поездарды қабылдау, жіберу және маневрлау жұмыстары үшін бағдар жасауда орталық емес бұрмаларды бұру және бекіту ережесі, бақылау бұрма құлыптардың, механикалық және электрлік байланысты бұрмалар мен белгілердің құрылымы және қызметі; бұрма көрсеткіштерін жарамдылықта ұстап отыру ережесі және бұрмаларды жарықтандыру тәртібі; бұзылған бұрмаларды қоршау ережесі; тежегіш башпақтардың құрылымы және оларды пайдалану ережесі.

өнеркәсіптік теміржол көлігі станцияларының маневрлік станция аудандарындағы бұру постыларына қызмет көрсетуде – 2-разряд;

магистральді теміржол көлігі станцияларының маневрлік станция аудандарындағы және тракциялық кәсіпорын жолдарының бұру постыларында; өнеркәсіптік теміржол көлігі стацияларының кернеулі маневрлік аудандарында қызмет көрсетуде - 3-разряд;

магистральді теміржол көлігі станцияларының кернеулі маневрлік аудандарындағы бұру постыларына қызмет көрсетуде – 4-разряд.



Ескерту: бұрма постының аға кезекшісі өзі басқаратын немесе тізбесін жол бөлімшелерінің басшысы бекітетін поездарды қабылдау, жіберу және өткізу жолдарындағы бұрма постыларына өз бетінше қызмет көрсететін бұрма постыларының кезекшілерінен бір разряд жоғары тарифтеледі.
10. Тасымалдау құжаттарын жеткізуші

2-разряд

Жұмыс сипаттамасы. Тасымалдау құжаттарын теміржол станцияларының шеңберінде барлық нысандар мен поездарға жеткізу. Құжаттарды тіркеуде жүргізілген жазбаға сәйкес құжаттарды қабылдау, олардың санын тексеру. Құжаттарды қолхат арқылы тапсыру.

Білуге тиіс: құжаттарды қабылдау және тапсыру ережесі, құжаттарды тапсыру және қабылдау орындарының орналасқан жерлері мен сол пункттерге өтудің қауіпсіз бағдарлары, станция жолдарында болған кездердегі қауіпсіздік техникасы ережесін білу.
11. Сорғытушы

2-разряд

Жұмыс сипаттамасы. Су тегеуріні шлангілерінің, қол аспаптарының және айлабұйымдардың көмегімен тоннель және станциялық сорғыларды, құдықтарды, кабельді және желдеткіш коллекторларды, станциялық платформаларды, қатты жол тұғырларын, жол жағалары мен метрополитен тоннельдерін шаю және тазарту. Су тегеурінді шлангілерді су тегеурінді желіге қосу және ажырату.

Білуге тиіс: метрополитеннің қызмет көрсетілетін учаскесінің сорғыту жүйесін шаю тәртібі, су құбыр жабдықтарының орналасу орны мен пайдалану ережесі, станциялардан және тоннельдерден суды бетіне шығару тәсілдері, үшінші контактілі рельсте, бағдаршамдарда, релелік шкафтарда және басқа құрылғыларда кернеулік жағдайында жұмыс істеу ережесі, бекітілген учаске шеңберінде негізгі және транзиттік айдамалардың орналасуы және сорғыту құрылғыларының кескіні; су бөлімшелерінің шектері; сорғыту жұмыстарын орындауда қолданылатын аспаптар мен айлабұйымдар.

Станциялардағы, кірме дәліздерде, түсіретін камераларда және де басқа жерлердегі жабық сорғы жүйесінің қол жетпейтін жерлері мен күрделендірілген тәсімі орындарындағы сорғыны тазалау және шаю кезінде. Химиялық ерітінділерді, айлабұйымдар мен механизмдерді қолдана отырып жабық сорғы құбыржолдарынан қатты тұз қалдықтары мен бөгде заттарды алып тастау.



Білуге тиіс: қолданылатын механизация құралдарының құрылғысы мен пайдаланылу тәртібі, станциялар мен тоннельдердегі сорғы жүйесінің тәсімі және құрылымы; химиялық ерітіндінің құрамы және әзірлеу тәсілдері, айлабұйымдар мен механизмдердің құрылымы; қатты қалдықтар мен бөгде заттардан жабық құбыржолдарды тазалау технологиясы; аталған жұмыстарды орындау кезіндегі қауіпсіздік шаралары – 3-разряд.

12. Жүк поездарының кондукторы

Жұмыс сипаттамасы. Магистральды теміржол көлігі жолдарындағы жинақ, шығару, жіберу, шаруашылық поездарына қызмет көрсету. Вагондарға жіберу құжаттарын қабылдау және тапсыру, машинистті бағдар парағы бойынша жіберілетін поездың құрамымен таныстыру. Өнеркәсіптік кәсіпорын жолдарындағы поездар мен вагондарды қабылдау, тапсыру және қызмет көрсету. Ашық жылжымалы құрамдағы поездың дұрыс қалыптастырылуын және жүктердің дұрыс тиелуін тексеру. Вагондар мен контейнерлерде жіберілетін жүктің түгел болуын қамтамасыз ету. Поезды қоршау және тоқтағанда тежегіш башмақтар мен қол тежегіштерін бекіту. Аралық станциялардағы құрама, шығару және жіберу поездарында маневрлеуге қатысатын барлық қызметкерлердің маневрлік жұмыстарын басқару және маневрлік жұмыстарға қатысу. Ілеспе поездардың қауіпсіз жүруін және маневрлік жұмыстардың қауіпсіздігін қамтамасыз ету. Кірме жолдардағы барлық үлгідегі думпкарларды, табольт, хоппер-мөлшерлегіштерді босату.

Білуге тиіс: жөнелту, жүру және келу жолдарында поездарды қабылдау, қызмет көрсету және тапсыру тәртібі, ашық жылжымалы құрамға жүк тиеу ережесі және вагондар мен контейнерлерді пломбалау; жүк құжаттарын ресімдеу тәртібі, вагон және контейнер құрылымы туралы жалпы мәліметтер; тежегіш башмақтардың құрылымы мен пайдалану ережесі, поездарды қалыптастыру және маневрлеу жұмыс істеу ережесі, орталықтандырылмаған бұрмаларды аудару және қатыру ережесі.

Өнеркәсіптік кәсіпорынның кірме жолдарындағы барлық жүк поездарға қызмет көрсетуде – 2-разряд;

шаруашылық поездардың темір жол желілеріне қызмет көрсетуде – 3-разряд;

құрама, шығару және жіберу поездардың темір жол желілеріне маневрлік жұмыстармен қызмет көрсетуде – 4-разряд;

құрама поездар желісі теміржолдарда қызмет көрсетуде – 5-разряд;

жүк поездарының кондукторының жұмысы кезінде аралық станциялардағы маневрлік жұмыстарды орындай отырып шығару, жіберу және құрама поездардың теміржол желілеріне қызмет көрсетуде – 6-разряд.



Ескерту:

Жүк поездарының бас кондукторы тиісті қызмет көрсетілетін поездың кондукторы үшін көзделген разрядтан бір разряд жоғары тарифтеледі.


13. Метрополитен автоматты жіберу пунктінің бақылаушысы

2-разряд

Жұмыс сипаттамасы. Автоматты жіберу пункттеріне қызмет көрсету. Тиын қабылдағыш, жарық таблоларының, автоматты жіберу пунктінің саңылауларының жарамдылығын бақылау. Жолаушылардың метрополитенді пайдалану ережесін орындауын бақылау. Жіберу пункті арқылы өтетін жолаушылардың билетін және жүру құжаттарын тексеру. Жүк алып өтудің құнының толық төленуін және жолаушылардың үздіксіз және қауіпсіз өтуін қамтамасыз ету. Жинақтағыштардағы құралдардың ақаулықтарын жою үшін слесарь электрикті шақыру. Метрополитенмен бару бағдары туралы жолаушыларға түсіндіру беру.

Білуге тиіс: автоматты жіберу пункттерін қолдану принципі және пайдалану, ақаулықтарды анықтау және жою ережесі; метрополитенмен жүру құқығын беретін жол жүру құжаттарының түрлері; метрополитенді пайдалану ережесі.

Тәулігіне 25 мың адамға дейін жолаушы өткізетін автоматты жіберу пункттерінде қызмет көрсету кезінде – 2-разряд;

тәулігіне 25 мың адамнан 40 мың адамға дейін жолаушы өткізетін автоматты жіберу пункттерінде қызмет көрсету кезінде – 3-разряд;

тәулігіне 40 мың адамнан көп жолаушы өткізетін автоматты жіберу пункттерінде немесе теміржол вокзалдары мен станцияларына қосылған метрополитен станцияларының автоматты бақылау пункттерінде қызмет көрсету кезінде – 4-разряд;


14. Депо паровоздарының кочегары

3-разряд

Жұмыс сипаттамасы. Деподағы ыстық паровоздарға және оған жолда қызмет көрсету. Желідегі жұмысқа оларды уақытылы даярлау. От жағу, қазандық, арматура, сумен қоректендіру және бақылау-өлшеу аспаптарын жарамды қалыпта ұстап отыру. Қазандықтардағы будың талап етілетін қысымы мен судың қалыпты деңгейін ұстап отыру. Қазандық жұмысын реттеу. Суық паровоздарды отын және суға толтыру.

Білуге тиіс: қазандықтардың, қызмет көрсетілетін паровоздардың құрылымы мен пайдалану ережесі; еңбек қауіпсіздігі және еңбекті қорғау техникасы нұсқаулығы; өрт қауіпсіздігі ережесі, паровоздарды қатты және сұйық отынмен оңтайлы жылыту режимдері, сумен қоректендіру және бақылау-өлшеу аспаптарының құрылымы, жұмыс істеу принципі; қазандықтардың ақаулықтарының алдын алу және жою тәсілдері, слесарлық жұмыстардың қарапайым тәсілдері; депо жолдарының орналасуы.

Ескерту: депо паровоздарының аға кочегары өзі басқаратын депо паровоздарының кочегарларынан бір разряд жоғары тарифтеледі.
15. Автомотриса машинисі

Жұмыс сипаттамасы. Адамдарды тасымалдауға арналған автомотрисаны басқару, теміржолдарда пайдалану және авариялық-қалпына келтіру жұмыстарын, оның ішінде контактілі желі құрылғыларын жөндеу және байқау жұмыстарын жүргізу. Автомотрисаға техникалық қызмет көрсету. Жабдық қозғалтқышын, электр және гидравликалық жабдықтардың, тежегіш жүйесін, қоректендіру және майлау жүйелерін, автомотрисаның жүрдек бөлшектерін және оның көтерме жабдықтарын жарамады қалыпта ұстап отыру. Бақылау-өлшеу аспаптарының көрсеткіштерін қадағалау. Механизмдердің ысқылайтын бөліктерін майлау. Жоспарлы-алдын алу жөндеуіне қатысу.


Достарыңызбен бөлісу:
  1   2   3   4   5   6   7   8   9   ...   13


©kzref.org 2019
әкімшілігінің қараңыз

    Басты бет