«Қанды, оның компоненттерін дайындау, өңдеу, сақтау, өткізу номенклатурасын, қағидаларын, сондай-ақ, қанды, оның компоненттері мен препараттарын сақтау, құю қағидаларын бекіту туралы»



жүктеу 0.68 Mb.
бет1/4
Дата10.04.2019
өлшемі0.68 Mb.
  1   2   3   4


Жоба

«Қанды, оның компоненттерін дайындау, өңдеу, сақтау, өткізу номенклатурасын, қағидаларын, сондай-ақ, қанды, оның компоненттері мен препараттарын сақтау, құю қағидаларын бекіту туралы» Қазақстан Республикасы Денсаулық сақтау министрінің міндетін атқарушының 2009 жылғы 6 қарашадағы № 666 бұйрығына өзгерістер мен толықтыруларды енгізу туралы

«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексінің 162-бабының 5-тармағына сәйкес БҰЙЫРАМЫН:

1) «Қанды, оның компоненттерін дайындау, өңдеу, сақтау, өткізу номенклатурасын сондай-ақ, қанды, оның компоненттері мен препараттарын сақтау, құю ережелерін бекіту туралы» Қазақстан Республикасы Денсаулық сақтау министрінің міндетін атқарушының 2009 жылғы 6 қарашадағы № 666 бұйрығына мынадай өзгерістер мен толықтырулар енгізілсін:

«Қанның, оның компоненттері мен препараттарының номенклатурасы» 1-қосымшасы мынадай тармақтармен толықтырылсын:

«22-1. Көлемі азайтылған, лейкофильтрленген эритроциттік жүзінді»;

«24-1. Көлемі азайтылған, лейкофильтрленген, сәулеленген эритроциттік жүзінді»;

«24-2. Вирустазартылған эритроциттер»;

«66-1. Аферездік гранулоциттер»;

«66-2. Аферездік лимфоциттер»;

«66-3. Фотохимиялық өңделген аферездік лимфоциттер»;

«75-1. Аферездік, карантинделген жаңа мұздатылған плазма, аз көлемде»;

«78-1. Аферездік, вирустазартылған жаңа мұздатылған плазма, аз көлемде»;

92-1-тармағындағы компоненттің атауы «плазма» сөзімен толықтырылсын;

92-2-тармағындағы компоненттің атауы «плазма» сөзімен толықтырылсын;

92-3-тармағындағы компоненттің атауы «плазма» сөзімен толықтырылсын;

92-4 -тармағындағы компоненттің атауы «плазма» сөзімен толықтырылсын;

мынадай тармақшалармен толықтырылсын:

«94-1. Тромбоциттердің ерітілетін факторларымен байытылған, ауто/аллогендік плазма, жергілікті пайдалану үшін»;

«94-2. Келісімшарттық фракциялауға арналған плазма»;

«95-1. Альбумин ерітіндісі (5% - 200мл)»;

«96-1. Альбумин ерітіндісі (10% - 50мл)»;

«96-2. Альбумин ерітіндісі (10% - 100мл)»;

«96-3. Альбумин ерітіндісі (10% - 200мл)»;

«97-1. Стандартты, диагностикалық эритроциттер (2мл)»;

«2-қосымша. Қанды және оның компоненттерін дайындау, қайта өңдеу, сақтау, өткізу қағидалары» бөлімінде

«2-тарау. Қанды және оның компоненттерін дайындау тәртібі» бөлімінде

4-тармақ өзгерістермен мазмұндалсын:

«Қан қызметі ұйымының донорды қабылдауы «Жеке басты куәландыратын құжаттар туралы» 2013 жылғы 29 қаңтардағы № 73-V Қазақстан Республикасының Заңына сәйкес жеке басын куәландыратын құжаттар немесе шұғыл қызметтегі әскери қызметшілер үшін әскери есепке алу құжатының негізінде жүргізіледі.»;

8-тармақ жаңа редакцияда жазылсын:

«Донорға оның жазбаша өтініші бойынша жүзеге асырылған донацияның түрлері мен көлемі туралы мұрағаттық анықтама беріледі, ол қан қызметі ұйымының бірінші басшының қолы қойылған бланкісінде ресімделеді»;

9-тармақ жаңа редакцияда жазылсын:

«Перифериялық қанның ГДЖ донорын қоспағанда, донорлық функцияны жүзеге асырғаннан кейін донорға «Денсаулық сақтау ұйымдарының бастапқы медициналық құжаттама нысандардарын бекіту туралы» ҚР ДСМ м.а. 2010 жылғы 23 қарашадағы № 907 бұйрығымен бекітілген №402-е нысаны бойынша анықтама беріледі;

12-тармақ өзгерістермен мазмұндалсын және мынадай мазмұндағы абзацпен толықтырылсын:

«Қан мен оның компоненттерін қан қызметі ұйымдарына (стационарда) немесе көшпелі жағдайларда донациялауды донор жеке басын куәландыратын құжаттар немесе шұғыл қызметтегі әскери қызметшілер үшін әскери есепке алу құжаты, қан мен оның компоненттерін донациялаудың түрі мен көлемі көрсетілген дәрігердің рұқсаты бар донор картасы болған кезде жүзеге асырады.

Донорлық функцияны жүзеге асыру мүмкіндігі туралы шешім қабылдау үшін мыналар дереккөз:

1) донорлар және қан мен оның компоненттерінің донорлығына жатпайтын тұлғалар туралы электрондық дерекқор;

2) қан және оның компоненттері донорының сауалнамасы;

3) алдын-ала зертханалық тексеріп-қарау;

4) дәрігерлік тексеру.»;

12-1-тармақшасымен толықтырылсын:

«Қан мен оның компоненттерін донациялаудың алдында және одан кейін донор құрамында қант бар кондитерлік тағамдармен тәтті шай ішеді.»;

13-тармақ мынадай өзгерістермен мазмұндалсын:

«Стационарда немесе көшпелі жағдайларда донацияны орындаудың бірыңғай тәртібі сақталады.

Донациялау залында, оның түріне қарамастан, донорды донордың картасындағы және жеке басын куәландыратын құжатындағы деректердің сәйкестігіне оны сұрай отырып, сәйкестендіру және қан мен оның компоненттерін алуға дайындау жүргізіледі.

Осы мақсатта донордың қатысуымен зауыттық заттаңбада мынадай мәліметтерді: тіркеу нөмірі (тіркеу кезінде берілген донация коды немесе таңба нөмірі), қан тобы, резус-факторы және қанды және оның компоненттерін донациялау күнін көрсете отырып, арнайы жабық зарарсыздандыру жүйесін (бұдан әрі - гемакон) бастапқы паспорттау, сондай-ақ донордың тегі, аты, әкесінің аты, туған күні, жынысы, тіркеу нөмірі (тіркеу кезінде берілген донация коды немесе таңба нөмірі), қан тобы, резус-факторы және қан мен оның компоненттерін донациялау күні көрсетілген пробиркаларды (вакутейнерлер) паспорттау жүргізіледі.

Гемаконы бар қаптаманы ашу алдында олардың жарамдылық мерзімі тексеріледі, оның бүтіндігін көзбен шолу және қолмен басу арқылы бақылау жүзеге асырылады. Қаптаманың тұмшаланып жабылуы бұзылса, гемакондар пайдаланылмайды. Гемакондардың қаптамаларын ашқаннан кейін консервіленген ерітіндінің ағуы немесе гемакондардың ішіндегі консервілеу ерітіндісінде лайлану, жүзінділер, өңездер анықталған жағдайда бүкіл қаптама пайдаланылмайды.»;

16-тармақ жаңа редакцияда мазмұндалсын:

«Эксфузионист жұмыс басталарда медициналық киім киеді және МЭЭҚД 2013 жылғы 23 сәуірдегі № 111 бұйрығымен бекітілген ҚР Денсаулық сақтау ұйымдары қызметкерлерінің қолдарын өңдеу жөніндегі әдістемелік ұсынымдарға сәйкес антисептикті пайдалана отырып, қолдарын тазартуды жүзеге асырады, одан кейін бір рет пайдаланылатын стерильді емес медициналық қолғаптарды киеді.

Әрбір жаңа венепункцияның алдында қолды өңдеуге арналған антисептикті қолдана отырып, қолғаптарға өңдеу жүргізіледі.

Бір рет пайдаланылатын қолғаптарды ауыстыру олардың тұтастығы бұзылған жағдайда немесе биологиялық сұйықтықтармен көзге көрінетін ластану кезінде, сондай-ақ қан алу жұмысы өзге функцияларды орындау үшін үзілген жағдайда жүргізіледі.

Қолғаптарды ауыстырған кезде қолдарға антисептикті қолдана отырып, өңдеу қайта жүргізіледі.»;

17-тармақ жаңа редакцияда мазмұндалсын:

«Жаңа алынған қан эксфузиясы рәсімі кезінде:

1) донор қайта сәйкестіндіріледі, донор картасы мен пробиркалардың затбелгісіндегі жеке деректерінің сәйкестігі тексеріледі;

2) гемаконды қолымен басу арқылы оның тұмшалап жабылауын тексеріледі (гемаконның жалғастық мембранасының бетінде консервілейтін ерітінді болған жағдайда ол пайдалануға жатпайды);

3) донордың шыңтақ буыны бүгілген жері тексіріп-қаралады және тиісті ийықтың ортаңғы бөлігіне жгут салынады;

4) донордың таңдалған шынтақ буыны бүгілген жері аясындағы терісі өңдірушінің нұсқаулығына сәйкес Қазақстан Республикасында қолдануға рұқсат етілген тері антисептиктерін пайдалана отырып, өңдейді.

Шынтақ буыны бүгілген жері антисептикпен өңделгеннен кейін венепункция орнындағы теріге қол тигізуге жол берілмейді;

5) венепункция жүргізіледі, қанның бірінші порциясына арналған қапшыққа 15-35 миллилитр (бұдан әрі - мл) мөлшерінде қанның бірінші порциясы алынады;

6) қанның бірінші порциясының тиісті мөлшерін алғаннан кейін негізгі гемаконға қан жинақтауды жүргізіледі;

7) эксфузия үдерісінде қан үлгілерін бірінші порция қапшығынан вакутейнерге алу жүргізіледі, қанның гемаконға келіп түскені және таразы-араластырғыштардың жұмысы бақыланады;

8) эксфузиядан кейін гемакон тұмшалап дәнекерленеді, ине венадан алынады, венепункция орнына бекітетін таңғыш немесе арнайы лейкопластырь салынады;

9) донор креслосының алдында қан бар гемакондарды және зерттеуге арналған үлгілерді таңдабалудың дұрыстығы.»;

19-тармақ жаңа редакцияда мазмұндалсын:

«Донациялаудың жанама әсерлері жағдайында қан және оның компоненттерін донациялаудан кейін қан және оның компоненттерін донациялау, оның ішінде реакция түрі мен көрсетілген медициналық көмектің көлемі, туралы ақпарат электрондық ақпараттық дерекқорға және қағаз тасымалдауыштарына – «Қан және оның компоненттерінің тұрақты донорының медициналық картасы» №406/е және «Қан және оның компоненттері донорының медициналық картасы» № 407/е нысанындағы донор карталарына, сондай-ақ № 907 бұйрығының 6-қосымшасына сәйкес №411/е және № 412/е нысаны бойынша есепке алу журналдарына тіркеледі.

Донор қанының үлгісі салынған пробиркалар зертхана ұсынған температуралы жағдайға орналастырылады және зертхана белгілеген мерзімде ілеспе құжаттамамасымен бірге тестілеуге жіберіледі.

Стационарда жиналған қан немесе оның компоненттері нысаналы компоненттерді дайындау үшін белгіленген бақыланатын температурасы бар сақтау жағдайына бірден орналастырылады.

Көшпелі жағдайларда жиналған қан термоконтейнерлерге «Тексерілмеген қан өнімі, беруге болмайды» деген жазумен таңбаланған термоконтейнерлерге салынады және 22±2°С температурада 18-24 сағат ішінде қан қызметі ұйымына жеткізіледі.

Дайындалған қан және оның компоненттері ілеспе құжаттарымен бірге бастапқы фракциялау блогына беріледі.»;

21-тармақ алып тасталсын;

23-тармақ жаңа редакцияда мазмұндалсын:

«Қанды және оның компоненттерін донациялау кезінде жанама реакциялар туындаған кезде алғашқы медициналық көмек көрсету осы Қағидаларға 4-қосымшаға және қан қызметі ұйымдарында әзірленген құжатталған рәсімдерге сәйкес жүргізіледі.»;

24-тармақ алып тасталсын;

27, 28, 29-тармақтары алып тасталсын;

30-тармақ жаңа редакцияда мазмұндалсын:

«Қан компоненттерін стационарда және көшпелі жағдайда сақтау мен тасымалдау қан қызметі ұйымдарында әзірленген құжатталған рәсімдерге сәйкес «суықтық тізбегі» қағидаттарын сақтай отырып, жүзеге асырылады.»;

«3-тарау. Қан компоненттерін плазмацитаферез әдістерімен дайындау тәртібі» тарауында

34-тармағындағы 2 және 3 абзацтарына өзгерістер енгізілсін:

«Аферез, әсіресе аппараттық мультикомпонентті процедурасы кезіндегі болжамды цитрат жүктемесінің профилактикасы мақсатында қарсы көрсетілімдер болмаған жағдайда донорға ауыз арқылы, оның ішінде жылдам сіңетін шайналатын формаларындағы кальций глюконаты препараттарын әрбір «қайтару» кезеңінің алдында 1 таблеткадан ішу тағайындалады.

Қанның немесе эритроциттердің тұрақты донорларына, сондай-ақ донациялаудың барлық түрлерін жүзеге асыратын донорларына гемоглобин мен эритроциттер мөлшерінің зертханалық көрсеткіштері нормасының төменгі шекарасы болған кезде жылына бір рет темір тапшылығы анемиясының профилактикасы жүргізіледі. Құрамында темір бар препараттарды қабылдауға қарсы көрсетілімдер болмағанда 1-2 апта бойы қабылдау үшін минималды дозадағы таблетка түріндегі формалар тағайындалады.»;

35-тармақ өзгерістермен мазмұндалсын:

«Аферез процедурасын жұмыс орнында арнайы дайындығы бар медицина қызметкері - эксфузионист жүргізеді

37, 38, 39-тармақтары алынып тасталсын;

40-тармақтың басы мынадай сөйлеммен толықтырылсын:

«Дискреттік бір немесе екі реттік аферез қан қызметі ұйымында әзірленген құжатталған рәсімдерге сәйкес жүзеге асырылады.

Гемаконға қанды алу пайдаланылатын гемакон түрінің өндірушісі белгілеген тәртіпке сәйкес жүзеге асырылады.

Қанның бірінші порциясы үшін қапшықпен жабдықталмаған гемакондарды пайдаланған кезде зертханалық зерттеулерге арналған донорлық қан үлгілері эксфузиядан кейін донор венасынан өтетін түтіктен алынады.»;

41, 42, 43, 44-тармақтары алынып тасталсын;

47-тармақ өзгерістермен мазмұндалсын:

«Аппараттық аферез ресімінің алдында аппараттың дұрыстығы тексеріледі, жаңа алынған қанды алудағы қағидаларына ұқсас жалпы талаптарға сәйкес қан компоненттерін алуға дайындық жүргізіледі.»;

52-тармағының соңғы абзацы жаңа редакцияда мазмұндалсын:

«Плазма патогендерді мұздатқанға дейін немесе өндірушінің нұсқаулығына сәйкес технология бойынша ерітілгеннен кейін инактивациялау процедурасына жатады.

В гепатитінің, С гепатитінің және редукцияның логарифмдік факторы бар адамның иммун тапшылығы вирусының (Log[MS1]) кемінде 4 инактивация дәрежесі қамтамасыз етіледі.»;




Достарыңызбен бөлісу:
  1   2   3   4


©kzref.org 2019
әкімшілігінің қараңыз

    Басты бет