Танымал әнші Нұржан Қалжан марқұм журналист Руслан Бөлебайдың қаза болған сәтін айтты. Бұл туралы Stan.kz ақпарат агенттігі “Жұлдызды шаңырақ” бағдарламасына сілтеме жасап хабарлайды. 

Фото: https://www.instagram.com/nurzhan_halzhan/

Биыл журналистің дүниеден озғанына – 15 жыл. Оқиға 2009 жылдың 16 шілдесінде болған. 

“Жол апатынан Руслан мен Бауыржан кетіп қалады деп ойлаған жоқпын. Жездем де жанымызда болған. Сол кісінің амандығын ғана тіледім. Жақсы көретін әпкемнің күйеуі әрі алты қыздың арасындағы жалғыз ұл. Ауруханада екі ай жаттым. Үш ай ауылда болдым. Екі досымның өлімі мені қатты есеңгіретті. Тіпті олардың өлімін түсім арқылы білдім. Біздің жағдайды естіп, өнердегі ағаларым көңілімді сұрап келді. Сәкен Майғазиев: “Русланға да кіріп шықтық. Бәрі жақсы екен” деді. Ал ол кезде Руслан дүниеден озып кеткен. Бір күні түс көрдім. Түсімде Русланның екі аяқ киімі екі жақта тұр. Содан білдім. Палатада әй-шайға қарамай, “Руслан өліп қалды ғой, маған неге айтпағансыңдар” деп жыладым”, – деп еске алады әнші. 

  • "Қыз өзін жақсы ұстаса, ондай әңгіме жазылмас еді": Аша Матай Нұрлан Еспановтың ұлына қатысты пікір білдірді

  • "Екі ай жүре алмай қалдым": Мадина Оспан босанғаннан кейінгі жағдайын айтты

Еске түсіруге ауыр болса да, оқиғаның қалай болғанын да бірауыз айтып өтті. 

“Мен жол ережесін бұзған жоқпын. Біз отырған көлікті келіп соқты. Жол патрульдік полициясынан қашып келе жатқан жігіт екен. Есімді жинағанда рөлге жабысып қалыппын. 10-15 жігіт келіп, бізді шығарып алды. Руслан ортасында, Бауыржан шетінде отырған. Машинаның артқы есігін езіп жіберген, кейін ол айналып келіп, сау беті талға соғылған. Бауыржан мен Руслан екеуі басы бір-бірлеріне соғысты ма екен, өйткені бастан кеткен. Есімді жинап тұрып жатқан кезде "көмектесіңдер" деп айқайлап жатырмын. Сол жердегі кейбір адамдар мені танып, атымды атап жатты”, – дейді өнер иесі. 

Еске салайық, жақында эстрада жұлдызы 40 жасқа толған күнін дүркіретіп атап өткен еді. 


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.