Қазақстан Республикасында жеңiл өнеркәсiптi дамыту жөнiндегi 2010-2014 жылдарға арналған бағдарламаны бекiту туралы



жүктеу 0.83 Mb.
бет1/4
Дата07.11.2018
өлшемі0.83 Mb.
  1   2   3   4

Қазақстан Республикасында жеңiл өнеркәсiптi дамыту жөнiндегi 2010-2014 жылдарға арналған бағдарламаны бекiту туралы

Қазақстан Республикасы Үкiметiнiң 2010 жылғы 30 қыркүйектегi № 1003 Қаулысы



      Қазақстан Республикасы Үкiметiнiң 2010 жылғы 14 сәуiрдегi № 302  қаулысыменбекiтiлген Қазақстан Республикасы Үкiметiнiң Қазақстан Республикасын үдемелi индустриялық-инновациялық дамыту жөнiндегi 2010-2014 жылдарға арналған мемлекеттiк бағдарламаны iске асыру жөнiндегi iс-шаралар жоспарының 9-тармағын iске асыру мақсатында Қазақстан Республикасының Үкiметi ҚАУЛЫ ЕТЕДI:
      1. Қоса берiлiп отырған Қазақстан Республикасында жеңiл өнеркәсiптi дамыту жөнiндегi 2010 - 2014 жылдарға арналған бағдарлама (бұдан әрi - Бағдарлама) бекiтiлсiн.
      2. Қазақстан Республикасы Индустрия және жаңа технологиялар министрлiгi мүдделi министрлiктермен, облыстардың, Астана және Алматы қалаларының әкiмдерiмен бiрлесiп, Бағдарламада көзделген iс-шаралардың тиiсiнше және уақтылы орындалуын қамтамасыз етсiн.
      3. Жауапты орталық және жергiлiктi атқарушы органдар, ұлттық холдингтер, компаниялар және ұйымдар (келiсiм бойынша) «Салалық бағдарламаларды әзiрлеу және мониторингiлеу ережесiн бекiту туралы» Қазақстан Республикасы Үкiметiнiң 2010 жылғы 18 наурыздағы № 218 қаулысымен бекiтiлген Салалық бағдарламаларды әзiрлеу және мониторингiлеу ережесiне сәйкес Бағдарламаның iске асырылу барысы туралы ақпарат берсiн.
      4. Осы қаулының орындалуын бақылау Қазақстан Республикасы Премьер-Министрiнiң орынбасары - Қазақстан Республикасының Индустрия және жаңа технологиялар министрi Ә.Ө. Исекешевке жүктелсiн.
      5. «Жеңiл өнеркәсiптi дамыту жөнiндегi iс-шаралар жоспарын бекiту туралы» Қазақстан Республикасы Үкiметiнiң 2009 жылғы 7 сәуiрдегi № 485 қаулысының күшi жойылды деп танылсын.
      6. Осы қаулы қол қойылған күнiнен бастап қолданысқа енгiзiледi.

      Қазақстан Республикасының


      Премьер-Министрi                               К. Мәсiмов

Қазақстан Республикасы


Үкiметiнiң     
2010 жылғы 30 қыркүйектегi
№ 1003 қаулысымен 
бекiтiлген     

Қазақстан Республикасында жеңiл өнеркәсiптi
дамыту жөнiндегi 2010 - 2014 жылдарға арналған
бағдарлама

1. Бағдарламаның паспорты

Атауы                    Қазақстан Республикасында жеңiл өнеркәсiптi


                         дамыту жөнiндегi 2010-2014 жылдарға
                         арналған бағдарлама

Әзiрлеу үшiн негiздеме   Қазақстан Республикасы Президентiнiң «Нұр


                         Отан» ХДП-ның 2009 жылғы 15 мамырдағы
                         кезектен тыс XII съезiнде берген
                         тапсырмасы;
                         Қазақстан Республикасы Президентiнiң
                         2009 жылғы 2 маусымдағы № 326 өкiмiмен
                         бекiтiлген
                         Қазақстан Республикасы Президентiнiң «Нұр
                         Отан» ХДП-ның 2009 жылғы 15 мамырдағы
                         кезектен тыс XII съезiнде берген
                         тапсырмаларын iске асыру жөнiндегi
                         iс-шаралар жоспары;
                         Қазақстан Республикасының экономикасын
                         жаңғырту мәселелерi жөнiндегi мемлекеттiк
                         комиссияның 2009 жылғы 1 маусымдағы
                         отырысының хаттамасы;
                         Қазақстан Республикасы Президентiнiң
                         2010 жылғы 19 наурыздағы № 958 Жарлығымен
                         бекiтiлген Қазақстан Республикасын үдемелi
                         индустриялық-инновациялық дамыту жөнiндегi
                         мемлекеттiк бағдарлама

Жауапты орындаушы        Қазақстан Республикасы Индустрия және жаңа


                         технологиялар министрлiгi

Мақсаты                  Әлеуметтiк тиiмдiлiгiн күшейте отырып, ұзақ


                         мерзiмдi кезеңде жеңiл өнеркәсiптi
                         әртараптандыруды қамтамасыз ету және оның
                         өнiмдерiнiң бәсекеге қабiлеттiгiн арттыру
Мiндетi                  Шикiзатты қайта өңдеу, қосылған құны жоғары
                         және оны сыртқы нарықтарға шығару
                         перспективасы бар өнiм өндiрiсi есебiнен
                         iшкi нарық қажеттiлiгiн қанағаттандыру,
                         сондай-ақ еңбекке қабiлеттi халықты жұмыспен
                         қамтамасыз ету жолымен әлеуметтiк шиеленiстi
                         төмендету

Iске асыру мерзiмi       2010-2014 жылдар

Қаржыландыру көлемi      Қаржыландыру көздерi Даму институттарының
мен көздерi              қаражаты, сондай-ақ iшкi және шетелдiк
                         инвестициялар болып табылады.
                         Бұдан өзге республикалық бюджетте көзделген
                         қаражат есебiнен саланы кәсiпкерлiктi
                         дамыту, бiлiктi кадрлық ресурстармен
                         қамтамасыз ету, жеңiл өнеркәсiп өнiмiн сату
                         бойынша жәрдемдесу, техникалық реттеу
                         мәселелерi бөлiгiнде қаржыландыруды жүзеге
                         асыру болжанады.

Нысаналы                 1. 2008 жылмен салыстырғанда 2014 жылға


индикаторлар             қарай  жалпы қосылған құнды 50 %-ға ұлғайту
                         2. 2014 жылға қарай iшкi нарықтың жеңiл
                         өнеркәсiп өнiмiне қажеттiлiгiн 30 %
                         деңгейiне дейiн қанағаттандыру
                         3. Еңбек өнiмдiлiгiн 2008 жылмен
                         салыстырғанда бiр жарым есеге ұлғайту
                         4. Мемлекеттiк мекемелердiң және ұйымдардың,
                         ұлттық басқарушы холдингтiң, ұлттық
                         холдингтер мен компанияның сатып алуында
                         қазақстандық қамтудың үлесi 2,5 %-ға дейiн
                         жеткiзу
                         5. 2008 жылмен салыстырғанда тiкелей
                         инвестициялар 70 %-ға дейiн ұлғайту;
                         6. 2008 жылмен салыстырғанда қосылған құны
                         жоғары өнiмдi экспорттау көлемiн 2014 жылы
                         30 %-ға жеткiзу
                         7. Электр энергиясын тұтыну деңгейiн 2014
                         жылы 153,4 млн. КВт сағ. деңгейiне дейiн
                         төмендету
                         8. Электр энергиясын, газ бен су тұтынудың
                         деңгейiн сала кәсiпорындарының жабдығын
                         жаңғырту жолымен 2014 жылы 1448,2 млн. Теңге
                         деңгейiне дейiн төмендету.

2. Кiрiспе

      Қазақстан Республикасында жеңiл өнеркәсiптi дамыту жөнiндегi 2010 - 2014 жылдарға арналған бағдарлама Қазақстан Республикасы Президентiнiң 2009 жылғы 2 маусымдағы № 326 өкiмiмен бекiтiлген Қазақстан Республикасы Президентiнiң «Нұр Отан» ХДП-ның 2009 жылғы 15 мамырдағы кезектен тыс XII съезiнде берген тапсырмаларын iске асыру жөнiндегi iс-шаралар жоспарына, Қазақстан Республикасы Премьер-Министрiнiң iс-шаралар жоспарын бекiту бойынша 2009 жылғы 17 маусымдағы № 22-14/3853, 001-319 тапсырмасына, Қазақстан Республикасының экономикасын жаңғырту мәселелерi жөнiндегi мемлекеттiк комиссияның 2009 жылғы 1 маусымдағы отырысының хаттамасына және Қазақстан Республикасы Президентiнiң 2010 жылғы 19 наурыздағы № 985 Жарлығымен бекiтiлген Қазақстан Республикасын үдемелi индустриялық-инновациялық дамыту жөнiндегi 2010 - 2014 жылдарға арналған мемлекеттiк бағдарламаға (бұдан әрi - ҮИИДМБ) сәйкес әзiрлендi.


      Бағдарлама жеңiл өнеркәсiптiң жоғары сапалы және кең ассортименттегi бәсекеге қабiлеттi тұтыну тауарларын өндiрудi дамыту жөнiндегi iс-шаралар жоспарын iс жүзiнде iске асыру кезеңi болып табылады.
      Алдағы кезеңде саланы дамытудың негiзгi бағыттары тоқыма, тiгiн, былғары және аяқ киiм өнеркәсiбiнде жергiлiктi шикiзатты (мақта, жүн, былғары) қайта өңдеу бойынша өндiрiстi жаңғырту және әртараптандыру үшiн ынталандыру жасаумен байланысты.
      Бағдарламаны әзiрлеу саланы реформалау және орнықты, теңдестiрiлген өсiмдi қамтамасыз ету бойынша мемлекет қабылдайтын шаралардың дәйектi жалғасы болып табылады.

3. Ағымдағы ахуалды талдау

3.1. Саланың қазiргi жай-күйiн бағалау

      Кез келген елдiң жеңiл өнеркәсiбi - бұл экономиканың аса маңызды көп бейiндi және инновациялық тартымды секторы.


      Тұтыну деңгейi бойынша жеңiл өнеркәсiп азық-түлiк тауарларынан кейiн екiншi орында тұр, бұл оның маңыздылығын бiлдiредi. Жеңiл өнеркәсiптiң экономикалық және стратегиялық қауiпсiздiктi, еңбекке қабiлеттi халықты жұмыспен қамтуды және оның өмiр сүру деңгейiн жаңа геосаяси жағдайларға көтерудi қамтамасыз етудегi маңызды ролiн ескере отырып, әлемнiң iрi елдерi саланы дамытуға айрықша назар аударады және оған айтарлықтай инвестициялық қолдау көрсетедi.
      Тұтыну секторы тауарларының әлемдiк өндiрiсiнде еңбектi нақты бөлу қолданылады. Олардың бiрi шикiзатты сатады, екiншiсi қайта өңдейдi, үшiншiсi түпкi өнiмдi өндiредi, төртiншiсi сатады. Осыны ескере отырып, бұл үдерiстегi басымдықтарды айқындау қажет, осының негiзiнде нарықтық перспективасы бар жобаларға және ұлттық қауiпсiздiктi қамтамасыз ететiн жобаларға салынуы тиiс тиiмдi даму матрицасы пайда болады.
      Бүгiнде Қазақстанның жеңiл өнеркәсiбiндегi кәсiпорындардың 80%-ы шағын және орта бизнес субъектiлерi болып табылады, бұл ретте шамамен сала кәсiпорындарының шамамен 80%-ы жүктемелiгi 30 - 40 %-ды құрайтын ескiрген жабдықтармен жарақталған.
      Саланы дамытудың жалпы үрдiсi ел өнеркәсiбi көлемiндегi оның үлесiнiң төмендеуiмен сипатталады, бұл жұмыс орындарының қысқаруына, iшкi нарықтан отандық тауар өндiрушiлердi шетелдiк өндiрушiлердiң тықсыруына әкеледi, бұл апатты сипат алды.
      Халықты жұмыспен қамту мәселесi жiтi орында тұр. Егер 2005 жылы жеңiл өнеркәсiпте жұмыс iстейтiндердiң саны 20,0 мың адам болса, 2010 жылғы 1 қаңтардағы жағдай бойынша ол 13,7 мың адамға дейiн азайды, бұл әлеуметтiк шиеленiстiң өсуiмен шарттасады.
      Жеңiл өнеркәсiп технологиялық жағынан аграрлық сектормен барынша байланысты екенiн ескерсек, оның дамуы елеулi түрде ауыл шаруашылығы өндiрiсiнiң маңызды бағыттарын қалпына келтiруге және дамытуға ықпал ететiн болады, осының арқасында ел iшiндегi төлем қабiлетi сұранысы мен iшкi нарықтың сыйымдылығы артады.
      Бұл мәселелердi шешу қазақстандық өндiрушiнi қорғау, контрафакт және контрабандалық өнiмге қарсы күрес, субсидияларды, лизинг схемаларын, инвестициялық қорларды пайдалану, мемлекеттiк-жеке әрiптестiктi дамыту бойынша шараларды iске асыру негiзiнде мемлекеттiң тiкелей қатысуымен жүзеге асырылады.
      Жеңiл өнеркәсiптегi ахуалды сипаттайтын созылмалы дағдарыс өндiрiсi көлемiнiң құлдырауымен жалғасады. Тек 2005 - 2009 жылдар кезеңiнде республика өнеркәсiбiнiң құрылымындағы сала үлесi 2,2 %-дан 0,8 %-ға төмендедi, бұл ретте iшкi жалпы өнiмдегi өнеркәсiп үлесi 2005 жылғы 0,62 %-дан, 2008 жылғы 0,27 %-ға дейiн төмендедi.
      2010 жылғы 1 қаңтардағы жағдай бойынша елдiң жеңiл өнеркәсiбiнде 1591 кәсiпорын тiркелген, олардың 526-ы белсендi жұмыс iстейдi, оның iшiнде 449-ы шағын, 60-ы орта және 17-сi iрi кәсiпорын.
      Жұмыс iстеп тұрған кәсiпорындардың жалпы саны iшiнде 54%-ы киiм өндiрiсi кәсiпорындары, 31%-ы тоқыма және тiгiн өнеркәсiбi кәсiпорындары (киiмнен басқа, тоқыма және тiгiн бұйымдарын өндiретiн) болса, былғары және аяқ киiм өндiрiсi кәсiпорындары 9%-ды, былғары мен терiден жасалған киiм өндiрiсi - 6%-ды құрайды (1 - сурет).



      2006 жылдан бастап жеңiл өнеркәсiп өнiмi экспортының өсу серпiнi байқалады. Егер 2006 жылы экспорт 63 млрд. теңгенi құраса, 2008 жылы ол 82 млрд. теңгеге ұлғайған. 2009 жылы экспорт көрсеткiшiнiң алдыңғы жылдармен салыстырғанда 22%-ға құлдырауы байқалады, бұл әлемдiк экономикалық дағдарысы салдарынан тауардың бұл түрiне сұраныстың азаюымен байланысты болып отыр, бұл ретте экспорт үлесiнiң 90 %-ға дейiн көлемiн шикiзат (шиттi мақта, жүн, iрi қара мал және ұсақ мал терiсi) құрайды.


      Импорт көрсеткiшiнде өсiмнiң де, құлдыраудың да серпiнi байқалып отыр. Егер 2006 жылы импорт 27 млрд. теңге болса, 2007 жылы импорт 37 млрд. теңгеге дейiн өстi. Сондай-ақ, егер 2008 жылы импорт 29 млрд. теңгенi құраса, 2009 жылы ол 56%-ға өстi, бұл ретте ұлғаю сырт киiм, сондай-ақ киiмге және басқа да дайын бұйымдарға сұраныстың 50 %-ға ұлғаюымен байланысты болып отыр (4-сурет).

      2007 жылдан бастап өнеркәсiп өндiрiсiнiң көлемi құлдырап барады. Егер 2007 жылы көлем 31,1 млрд. теңгенi құраса, 2008 жылы 11%-ға құлдырау байқалып, 2009 жылы бұл көрсеткiш 27,9 млрд. теңгенi құрады.



3.2. Ақпараттық-коммуникациялық технологияларды пайдалану

      Жаhандық ақпараттық кеңiстiктi пайдаланусыз, әлемдiк ақпараттық ресурстарға қол жеткiзусiз, персоналға тиiмдi хабарлаусыз, ақпараттық-коммуникациялық технологиялар (бұдан әрi - АКТ) негiзiндегi персоналдың өзара iс-қимылынсыз қазiргi заманғы экономикалық табысты кәсiпорын құру мүмкiн емес. Ақпаратты тауарға айналдыратын фактор ретiнде ақпарат пен бiлiм нарығы кеңiнен, оның iшiнде өндiрiсте пайдаланылады.


      Қазiргi кезде жеңiл өнеркәсiп кәсiпорындары «зияткерлiк» деп аталатын жабдықты қолданады, ол технологиялық үдерiстердiң мүмкiндiктерiн пайдалана отырып, өтiп жатқан өндiрiстiк үдерiс туралы толық ақпаратты ұсынады.
      Сондай-ақ әзiрлеу мерзiмiн елеулi түрде қысқартуға және жаңа үлгiлердi енгiзуге, өнiмнiң бәсекеге қабiлеттiлiгiн арттыруға мүмкiндiк беретiн киiмдi автоматтандырылған жобалау жүйесi (бұдан - киiмдi АЖЖ) енгiзiлдi.
      Жеңiл өнеркәсiп кәсiпорындарында IТ-қызметтердi дамыту стратегиясы қолданыстағы бизнес-үдерiстердi автоматтандыру деңгейiн жоғарылату бойынша, өнiмдiлiктi арттыру, сапаны басқару жүйесiн енгiзу және жоспарлауды оңтайландыру бойынша бизнестiң мiндеттерiн тиiмдi шешудi тұспалдайды.
      Саланың әр түрлi сегменттерiнде 34 %-дан 67 %-ға дейiн IТ-қызметтердiң басшылары ұсынымдарды, инвестициялар негiздемелерiн әзiрлеу үшiн сарапшылар ретiнде тартылады және 7 - 14% жағдайында олар кәсiпорынды басқаруға қатысады.
      Дегенмен, сала кәсiпорындарының айтарлықтай үлесi IТ-қызметтердiң төменгi мәртебесi деңгейiнде (қызмет түрiне байланысты 22 %-дан 54 %-ға дейiн), бұл ретте кәсiпорындардың тек 7 %-ында IТ-қызметтердiң мәртебесi ортадан төмен ретiнде сипатталады.
      Тұтас алғанда ұсынылған деректер сала кәсiпорындарындағы IТ-қызметтердi пайдалану деңгейiн жеткiлiктi түрде дамымаған ретiнде сипаттайды.

3.3 Күштi және әлсiз жақтары

      Жеңiл өнеркәсiптi дамыту үшiн Қазақстан жеткiлiктi әлеуетке ие, республикада қолайлы факторлар мен алғышарттар бар.


      Бұл ретте саланың жай-күйiн талдау оның күштi және әлсiз жақтарын, мүмкiндiктерi мен қауiп-қатерлерiн айқындауға мүмкiндiк бердi (№ 1 кесте).

Жеңiл өнеркәсiптiң жай-күйiн SWOT-талдау

1 кесте



Күштi жақтары:
- шикiзат ресурстарының болуы
- iрi нарықтарға жақындық (Ресей, Қытай, Үндiстан)
- iшкi және әлемдiк нарықтардағы өскелең сұраныс
- көлiк және энергетикалық инфрақұрылымның болуы
- өндiрiстiк әлеуеттiң болуы
- салыстырмалы түрде арзан жұмыс күшi (елдiң оңтүстiгiнде)

Әлсiз жақтары:
- жүн және былғары шикiзатының төмен сапасы
- өнiмнiң бәсекеге қабiлеттiлiгiнiң төмен деңгейi
- салаға күрделi қаржы жұмсалымының жоқтығы
- қосылған құны төмен тауарлар экспортының жоғары үлесi
- отандық брэндтердiң iс жүзiнде толықтай болмауы
- бiлiктi кадрлардың жеткiлiксiздiгi
- негiзгi қорлардың едәуiр тозуы

Мүмкiндiктер:
- ЕурАзЭқ кеден одағына ену есебiнен нарықты кеңейту
- шикiзат (мақта, жүн, былғары) өңдейтiн өндiрiстi дамыту
- толлингтi, алыс-берiс шикiзат өндiрiсiн дамыту
- технологиялық көшбасшылардың тәжiрибесiн пайдалана отырып, өндiрiстi ұйымдастыру жолымен технологиялар трансфертi

Тәуекелдер:
- отандық өнiм өндiрiсiнiң деңгейi экономикалық қауiпсiздiктiң шектi деңгейiнен төмен
- салаға инвестицияны жеткiлiксiз тарту
- контрабандалық және контрафактiлiк өнiмдер экспансиясының күшеюi
- әлемдiк көшбасшылар тарапынан бәсекенiң жоғарылығы

3.4 Сандық және сапалық смпаттамалар

      Экономикалық қызмет түрлерiнiң мемлекеттiк жiктеуiшiне сәйкес Қазақстан Республикасының жеңiл өнеркәсiбi экономикалық қызметтiң үш түрiмен - тоқыма бұйымдары өндiрiсi, киiм өндiрiсi, былғары өндiрiсi және оған жататын өнiмдер мен 14 кiшi түрi ұсынылды.


      Мата, киiм, аяқ киiм, трикотаж, шұлық-ұйық және терi бұйымдары, бас киiмдер өндiрiсiмен қатар шығарылатын өнiмдер құрылымында мақта талшығы өндiрiсiнiң, әлеуметтi ведомстволарға арналған заттай мүлiктiң үлестiк салмағы жоғары. Сала сонымен қатар халықтың медициналық мақсаттағы бұйымдарға, шаруашылық жүргiзушi субъектiлердiң арнайы, жұмыс киiмдерi мен аяқ киiмдерге, жеке қорғау құралдарына қажеттiлiгiн қамтамасыз етедi. Саланың ерекшелiктiрiнiң арасынан салынған қаражаттың тез және барынша тиiмдi қайтарымын, әйел еңбегiн дәстүрлi пайдалануды, жоғары әлеуметтiк маңызын атап айтуға болады.
      3.4.1 Тоқыма өнеркәсiбi иiру, тоқу және өңдеу өндiрiстерiне бөлiнедi.
      2010 жылғы 1 қаңтардағы жағдай бойынша республиканың тоқыма өнеркәсiбiнде 497 кәсiпорын тiркелген, олардың белсендi жұмыс iстеп тұрғаны 155 кәсiпорын, оның iшiнде 12-сi iрi, 24-i орта және 119-ы шағын кәсiпорын. Оларда 7200 адам жұмыс iстейдi.
      Дәстүрлi мақта өсiру Оңтүстiк Қазақстан облысында (бұдан әрi - ОҚО) жүзеге асырылады, осыған байланысты мақта өңдейтiн кәсiпорындар нақ осы жерге шоғырланған, бұдан басқа табиғи тоқыма талшықтары iшiнде мақта талшығы елдегi өндiрiс көлемi бойынша ең үлкен топты құрайды.
      Бүгiнгi күнi тоқыма өнеркәсiбiнiң ең iрi кәсiпорындарына жылына 18,8 мың тонна мақта талшығын өңдейтiн «Textiles.kz» корпорациясы («Ютекс» акционерлiк қоғамы (бұдан әрi - АҚ)/ «Меланж» АҚ), «South Textiline.kz» жауапкершiлiгi шектеулi серiктестiгi (ОҚО) сияқтылар жатады.
      Компанияларда отандық шикiзатты пайдалана отырып, 100% мақта-мата иiрiмжiбi, қатқыл және дайын мақта-матадан тұратын бәсекеге қабiлеттi өнiм шығаратын «Rieter», «Benninger», «LTG Air Engineering» (Швейцария); «Dornier», «Thies Monforts» (Германия), «Savio» (Италия) сияқты белгiлi фирмалардың жаңа жабдығы пайдаланылады.

Қазақстан Республикасындағы тоқыма өнiмдерiн
өндiру көлемi

2 кесте



Өнiмнiң атауы

2006 ж.

2007 ж.

2008 ж.

2009 ж.

1

2

3

4

5

Тоқыма бұйымдарын өндiру

39,6

28,5

24,7

13,5

Кардо- және тарақпен таралған, бөлшек сату үшiн оралмаған жүн иiрiмжiбi, тонна

195,0

148,0

79,0

134,0

Бөлшектiк сату үшiн оралмаған тарақпен таралған және тарақпен таралмаған талшықтан жасалған мақта-мата иiрiмжiбi, тонна

13391,0

11578,0

12661,0

8679,0

Маталар, мың шаршы метр

56459,6

43325,3

43479,6

35490,9

оның iшiнде:













Мақта-мата, мың шаршы м

47639,0

42423,3

42013,9

35335,4

Синтетикалық және жасанды кешендi жiптен жасалған маталар, мың шаршы м

8705,9

32,2

57,0

-

Жүн маталары, мың шаршы м

110,1

74,5

75,7

155,5

Түктi, түктiлi маталар мен өзге де арнайы маталар, мың шаршы м

4,6

365,0

994,0

-

Дайын тоқыма бұйымдары, мың шаршы м

44761,8

84580,5

69871,1

79591,4

Төсек-орын, мың шаршы м

1608,8

1177,7

1251,5

1454,2

Кiлемдер мен кiлем бұйымдары, мың шаршы м

101,5

36,1

2,0

2,0

Мата емес материалдар мен мата емес материалдардан жасалған бұйымдар, мың шаршы м

1484,3

1237,8

1291,1

1178,1

      3.4.2 Тiгiн өнеркәсiбi арнайы киiмдердi, сырт киiмдердi, iш киiмдердi, киiмдердiң өзге де түрлерi мен керек-жарақтарын, терi бұйымдарын, трикотаж бұйымдарды тiгудi, сондай-ақ шұлық-ұйық бұйымдарын қамтиды.
      2010 жылғы 1 қаңтардағы жағдай бойынша тiгiн өнеркәсiбiнде 952 кәсiпорын тiркелген, олардың 329-ы белсендi жұмыс iстейдi, оның iшiнде 4 iрi, 29 орташа және 296 шағын, оларда 5600 адам жұмыс iстейдi.
      Мемлекеттiк қолдау шеңберiнде 2005 жылы Оңтүстiк Қазақстан облысында жалпы аумағы 200 гектарға жуық «Оңтүстiк» арнайы экономикалық аймағы (бұдан әрi - АЭА) құрылды, оның негiзгi мақсаты тоқыма және тiгiн өнеркәсiбiн дамыту үшiн жағдай жасау, сондай-ақ қосылған құны жоғары бәсекеге қабiлеттi тауарлар өндiруге өту үшiн алғышарттар болып табылады.

Қазақстан Республикасындағы тiгiн өнiмiн өндiру көлемi

3-кесте



Өнiмнiң атауы

2006 ж.

2007 ж.

2008 ж.

2009 ж.

1

2

3

4

5

Киiм шығару, млрд. теңге

-

-

9,6

11,7

Жiптiң желiлiк тығыздығы кемiнде 6,7 текс болатын машинамен немесе қолмен тоқылған әйелдердiң трикотаж шұлықтары мен гольфилерi, мың жұп

17,8

10,0

12,6

5,6

Машинамен немесе қолмен тоқылған трикотаж шұлықтар, мың жұп

2348,7

1911,1

1846,5

1233,5

Машинамен немесе қолмен тоқылған свитерлер, жемпiрлер, пульверлер, кардигандар, көкiрекшелер мен осыған ұқсас трикотаж бұйымдары, дана

146293,0

206662,0

222715,0

98409,0

Машинамен немесе қолмен тоқылған сырт киiмдер, дана

27182,0

17385,0

17841,0

32538,0

Трикотаждан басқа, ерлер мен қыздардың сырт киiмi, дана

155658,0

166606,0

179846,0

158123,0

Трикотаждан басқа, әйелдердiң сырт киiмi, дана

371647,0

150481,0

159885,0

161460,0

Машинамен немесе қолмен тоқылған трикотаж iш киiм, мың дана

39,9

49,2

55,4

99,1

Машинамен немесе қолмен тоқылған трикотаж емшектегi балаларға арналған трикотаж киiмдер мен қыдыруға және басқаға киетiн керек-жарақтар мен киiм бөлшектерi, мың дана

42197,0

27530,0

37146,0

47338,0

Спорттық, шаңғы тепкенде киетiн, суға түскенде киетiн, костюмдер мен өзге де трикотаж киiмдер, мың дана

80,4

78,7

1,4

93,2

Трикотаждан басқа, емшектегi балалардың киiмдерi мен киiм керек-жарақтары, мың дана

1994161,0

1924546,0

1921585,0

2295128,0

      3.4.3 Былғары, былғарыдан жасалған бұйымдар және аяқ киiм өндiрiсi тауарлық былғары, iшiк-үлбiр бұйымдар мен аяқ киiм өндiрiсiн қамтиды.
      2010 жылғы 1 қаңтардағы жағдай бойынша былғары, былғарыдан жасалған бұйымдар және аяқ киiм өндiрiсiнде 142 кәсiпорын тiркелген, оның iшiнде белсендi жұмыс iстеп тұрғаны 42 кәсiпорын, соның iшiнде 1 iрi, 7 орташа және 34 шағын кәсiпорындарда 900 адам жұмыс iстейдi.
      Былғары, былғарыдан жасалған бұйымдар және аяқ киiм шығаратын ең iрi кәсiпорындарға: «Семей былғары-терi комбинаты» ЖШС, «Тыныс-V» ЖШС (Шығыс Қазақстан облысы), «Рудный былғары зауыты» ЖШС (Қостанай облысы), «Петропавл былғары зауыты» ЖШС (Солтүстiк Қазақстан облысы), «Тараз былғары аяқ киiм» ЖШС (Жамбыл облысы), «Гекко» ЖШС (Алматы қаласы.) жатады.


Достарыңызбен бөлісу:
  1   2   3   4


©kzref.org 2017
әкімшілігінің қараңыз

    Басты бет