"Қазгидромет" РМК бас директоры Данара Әлімбаева тағы қай аймақтарға су тасқыны қаупі төніп тұрғанын айтты. Бұл туралы Stan.kz ақпарат агенттігі хабарлайды.
Фото: gov.kz
Үкімет кулуарында ол Батыс Қазақстан облысында су деңгейі көтерілгенін ескертті. Өңірде аптаның аяғы, жұмадан бастап су тасқыны болуы мүмкін.
"Геркул, Шаған, Елік және Шыңғырлау өзендері бойында орналасқан аудандарда дауыл соғуы мүмкін. Біз жергілікті атқарушы органдарға ақпарат бердік. Бұл, яғни, Жайықтың басталған жері”, — деді Данара Әлімбаева.
Ал экология және табиғи ресурстар министрі Ерлан Нысанбаев 1-10 сәуір аралығында Қазақстан аумағының басым бөлігінде ауа райы құбылмалы болатынын айтты. Республиканың басым бөлігінде нормаға сай жауын-шашын түседі.
Болжам бойынша, жауын-шашын көп болады аймақтар:
- 3 және 10 сәуірде еліміздің шығысында – Абай, Шығыс Қазақстан облыстары;
- 8-9 сәуірде орталық және оңтүстік-шығыста – Ұлытау, Қарағанды, Жамбыл облыстарында;
- 9 сәуір – Түркістан, Алматы, Жетісу облыстарында.
Еліміздің батысында бірінші онкүндік басында, ал республиканың көп бөлігінде онкүндіктің ортасында ж ауын-шашынның тоқтайды деген болжам бар.
"Айта кету керек, Росгидрометтің мәліметінше, Ресей аумағында қардың қарқынды еруіне байланысты Жайық өзені бассейнінде қатқан мұз еріп, су деңгейі көтеріле бастайды. Осыған байланысты сәуір айының екінші жартысында Батыс Қазақстан облысындағы Жайық өзенінің бассейнінде жыл сайынғы су тасқынының екінші толқыны болуы мүмкін", – деді Еран Нысанбаев.
Гидрологиялық және метеорологиялық жағдай күрт өзгерген жағдайда, Қазгидромет су тасқыны қаупі туралы алдын ала хабарлауды жалғастырады, деп қосты ол.
Бүгін үкімет отырысында төтенше жағдайлар вице-министрі елдегі су тасқыны жағдайы күрделі екенін мәлімдеп, 5 облысқа су тасқыны қаупі төніп тұрғанын мәлімдеген еді.
Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.