Ресейдің Орталық сайлау комиссиясы қазіргі мемлекет басшысы және өзін-өзі ұсынған кандидат Владимир Путинді ағымдағы жылдың наурыз айында өтетін президенттік сайлауға үміткер ретінде тіркеді. Бұл туралы Stan.kz ақпарат агенттігі Interfax басылымына сілтеме жасап хабарлайды. 

Фото: ТАСС

Орталық сайлау комиссиясының тиісті қаулысы бүгін комиссия отырысында қабылданды.

Путин алдағы Ресей президенттігіне сайлауға тіркелген төртінші кандидат.

Бұған дейін Орталық сайлау комиссиясы ЛДПР партиясының жетекшісі Леонид Слуцкийді, Мемлекеттік Дума вице-спикері және "Жаңа халық" партиясының мүшесі Владислав Даванковты, сондай-ақ Мемлекеттік Думаның депутаты (РФ Коммунистік партиясының фракциясы) Николай Харитоновты үміткер ретінде тіркеген болатын.

  • Орыс тілі жөніндегі халықаралық ұйым құруды Тоқаев ойлап тапты, біз оны ұсынған жоқпыз – Путин
  • Назарбаев Путинді "сөзіне берік кісі" деп атап, Отанын қайтадан әлемдік держава биігіне шығарып берді деді

2023 жылдың 16 желтоқсанында сайлаушылардың бастамашыл тобы президенттік сайлауда өзін-өзі ұсынған кандидат ретінде Путиннің кандидатурасын қолдады.

22 қаңтарда Путиннің сайлауалды штабы 89 аймақта жиналған қолдарды Орталық сайлау комиссиясына оның өзін-өзі ұсынуын қолдауға жіберді. Путиннің сайлауалды штабының тең төрағасы, Мәскеудегі №52 аурухананың бас дәрігері Марьяна Лысенконың айтуынша, Орталық сайлау комиссиясына 315 мың қол қойылған.

Өзін-өзі ұсыну жолымен ұсынылған кандидат 300 мыңнан 315 мыңға дейін қол жинауы қажет.

Ресей Федерациясында президент сайлауы ағымдағы жылдың 15-17 наурыз аралығында өтеді.

Айта кетейік, бұған дейін Путин Ресейдегі 2024 жылғы президенттік сайлауда өз кандидаттығын ұсынатыны туралы жазған едік. 


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.