Global Vaccine data Network ғалымдары Covid-19 вакцинасының адамның басқа ағзаларына қалай әсер ететінін зерттеді. Нәтижесінде ол неврологиялық бұзылыс пен жүрек, жұлын жұмысында қабыну тудыратыны анықталды. Вакциналардың басқа органдарға зияны үлкен зерттеу нәтижесінде анықталды. Бұл туралы Stan.kz ақпарат агенттігі The Guardain порталына сілтеме жасап хабарлайды.

Фото pixabay-дан

Зерттеуге Австралия, Аргентина, Канада, Дания, Финляндия, Франция, Жаңа Зеландия және Шотландиядан 99 миллионнан астам адам қатысты. Сарапшылардың сөзінше, Covid-19 вакциналарын тәуекелді шешім болған. 

Global Vaccine data Network зерттеушілері бірнеше электрондық медициналық жазбалардан Moderna, AstraZeneca, Pfizer вакциналарын алған адамдардың 13 ми, қан және жүрек ауруларының көрсеткіштерін талдады.

Зерттеу Pfizer және Moderna вакциналары миокардит (жүрек бұлшықетінің қабынуы) және перикардит (жүрек қапшығының ісінуі) сияқты сирек жанама әсерлерді тудыруы мүмкін екенін растады. Сонымен қатар AstraZeneca вакцинасының Гильен-Барре синдромы (иммундық жүйе перифериялық жүйке жүйесінің жекелеген аймақтарына шабуыл жасайтын патологиялық жағдайы) және церебральды веноздық синус тромбозы (мидағы қанның ұйюы) сияқты сирек жанама әсерлермен байланысты екенін анықтады.

  • Қытай ғалымдары коронавирустың қалай пайда болғанын тағы жасырып қалды

  • COVID-19 қайта күшейді: ДДСҰ вакцина алып, маска кию режиміне көшуге кеңес берді

"Сирек кездесетін жанама әсерлер туралы біз вакцинаны миллиондаған адамдарға қолданғаннан кейін ғана анықтай аламыз. Дегенмен ешқандай клиникалық зерттеу барлық сауалымызға беретіндей ауқымды бола алмайды. Сондықтан біз оның зиянын вакцинаны енгізгеннен кейін ғана біліп отырмыз", – деді Global Vaccine Data Network директоры, профессор Джим Баттери.

Профессор Баттери сонымен қатар вакцина кері әсер етсе де науқастар әдетте қалпына келетінін алға тартты. Ал миокардиттің даму қаупі вакцинадан гөрі коронавируспен ауырған кезде өрши түседі екен.

Сидней университетінің вакцина сарапшысы, профессор Джули Лиск те вакцинаға қарағанда вирус бұл ауруларды одан сайын қауіпті ететінін алға тартты.

"Біздің мамандар вакциналардың ауыр жанама әсерлерге қандай жағдайда әкелетінін зерттеп, тиісті шараларды қабылдайды. Мәселелерді  анықтайтын және оларды шешетін жүйеге сенім білдіру өте маңызды", – деп қосты Джули Лиск.

Еске салайық, бұған дейін елімізде коронавирус жұқтыру дерегінің көбеюіне байланысты маска режимі қайтарылған еді. Атап айтқанда, әуежайлар, вокзалдар, базарлар, сауда және ойын-сауық орталықтары, сауда үйлері, театрлар, кинотеатрлар, халыққа қызмет көрсету орталықтары, банктерде де бетперде тағу ұсынылады.


Автор: Гульжан Оразбаева

Гульжан — исследовательница жизни и достижений знаменитых личностей Казахстана. Ее статьи позволяют читателям взглянуть на страну через призму вкладов ее ярких представителей.