2023 жылы Қазақстанда қанша мұнай өндірілгені және елдегі қара алтынды қай мемлекет игеріп жатқаны белгілі болды. Бұл туралы Stan.kz ақпарат агенттігі энергетика министрлігіне сілтеме жасап хабарлайды.

Министрліктің мәліметінше, 2023 жылы Қазақстанда 89,9 миллион тонна мұнай өндірілген. Қара алтынның 33,1%-ы Қазақстанға тиесілі. Ал АҚШ пен Ресей өндіріп отырған мұнай көлемі жалпы өндірістің 34,4%-ын алады. Министрлік ұсынған тізім келесідей: 

  • АҚШ – 30,9%;
  • Еуропа – 18,4%;
  • Қытай – 11,4%;
  • Ресей – 3,5%;
  • басқалары – 2,7%.
  • Ақтөбе облысында жарты ғасыр бойы жиналған тау-кен қалдықтарын өңдеу қолға алынды
  • "Жалақы 100%-ға көтерілсін": Маңғыстауда мұнай сервис компаниясының жұмысшылары президентке бейнеүндеу жолдады

Сондай-ақ ведомство кейінгі бір жылда Атырау облысы мұнай өндіру бойынша көш бастап (58,6%) тұрғанын атап өтті. Екінші және үшінші орында сәйкесінше, Маңғыстау (18,5%) және Батыс Қазақстан (13,65%) облыстары тұр. Мұнай өндіруден алғашқы бестікке Ақтөбе облысы (5,1%) мен Қызылорда облысы (4,1%) кірсе, Жамбыл және Шығыс Қазақстан облыстары алтыншы орынды бөлісті.

Айта кетейік, бұған дейін "ТеңізШевройл" және "Karabatan Utility Solutions" компаниялары экологиялық заңнаманы өрескел бұзғаны үшін миллиардтап айыппұл арқалаған еді.


Автор: Даулет Байгонусов

Даулет — природовед и путешественник. Его увлечение природой Казахстана и исследования вносят неповторимый вклад в наше издание.