Дипломатиялық өкілдіктерді, халықаралық ұйым және/немесе оның өкілдігін, консулдық мекемені тіркеу, дипломатиялық өкілдіктердің, халықаралық ұйымдар және/немесе олардың өкілдіктерінің басшылары мен персонал мүшелерін



жүктеу 134.91 Kb.
Дата21.04.2019
өлшемі134.91 Kb.
түріДиплом


Дипломатиялық өкілдіктерді, халықаралық ұйым және/немесе оның өкілдігін, консулдық мекемені тіркеу, дипломатиялық өкілдіктердің, халықаралық ұйымдар және/немесе олардың өкілдіктерінің басшылары мен персонал мүшелерін, консулдық мекемелердің қызметкерлерін Қазақстан Республикасында аккредиттеу қағидаларын бекіту туралы


  1. Жалпы ережелер

1. Осы Қағидалар 1961 жылғы 18 сәуірдегі Дипломатиялық қатынастар туралы Вена конвенциясының және 1963 жылғы 24 сәуірдегі Консулдық қатынастар туралы Вена конвенциясының ережелеріне, 2002 жылғы 7 наурыздағы «Қазақстан Республикасының Дипломатиялық қызметі туралы» Заңына, Қазақстан Республикасы ратификациялаған халықаралық шарттарға сәйкес әзірленді және дипломатиялық өкілдіктерді, халықаралық ұйымдарды және/немесе олардың өкілдіктерін, консулдық мекемелерді тіркеудің, дипломатиялық өкілдіктердің, халықаралық ұйымдар және/немесе олардың өкілдіктерінің басшылары мен персонал мүшелерін, консулдық мекемелер қызметкерлерін Қазақстан Республикасында аккредиттеудің тәртібін реттейді.

2. Осы Қағидалардың мақсаты үшін халықаралық ұйым ретінде 1969 жылғы 23 мамырдағы Халықаралық шарттар құқығы туралы Вена конвенциясының 2-бабы 1-тармағының і) тармақшасына, 2005 жылғы 30 мамырдағы «Қазақстан Республикасының халықаралық шарттары туралы» Қазақстан Республикасы заңының 1-бабының 13) тармақшасына сәйкес тек мемлекетаралық немесе үкіметаралық ұйымдар білдіріледі.
2. Дипломатиялық өкілдікті, халықаралық ұйым және/немесе оның өкілдігін, консулдық мекемені Қазақстан Республикасы Сыртқы істер министрлігі жанында тіркеу
3. Дипломатиялық өкілдікті, халықаралық ұйымды және/немесе оның өкілдігін, консулдық мекемені тіркеуге шет мемлекеттердің сыртқы саяси ведомствосының, халықаралық ұйымның немесе оның өкілдігінің Қазақстан Республикасында дипломатиялық өкілдікті, халықаралық ұйымды және/нмесе оның өкілдігін, консулдық мекемені ашу туралы нотасы негіз болып табылады.

4. Қазақстан Республикасының құзыретті органдарымен келісілгеннен кейін Қазақстан Республикасының Сыртқы істер министрлігі (бұдан әрі – Сыртқы істер министрлігі) дипломатиялық өкілдікке, халықаралық ұйымдарға және/немесе оның өкілдігіне, консулдық мекемеге Сыртқы істер министрлігінің жанынан дипломатиялық өкілдікті, халықаралық ұйымды және/немесе оның өкілдігін, консулдық мекемені нотада көрсетілген мекенжай бойынша тіркелгендігін растайтын нота жібереді.

5. Осы Қағидалардың 4-тармағында көрсетілген растайтын нота алғаннан кейін келген жіберуші мемлекеттің дипломатиялық өкілдігі персоналының мүшесі, халықаралық ұйымның және/немесе оның өкілдігінің қызметкері, өзі өкілдік ететін мемлекеттің дипломатиялық өкілдігінің консулдық мекемесі консулдық персоналының, халықаралық ұйымның және-немесе оның өкілдігінің, консулдық мекеменің қызметкері алғашқы аккредиттеу күнінен бастап Сыртқы істер министрлігі жанында аккредиттелген болып саналады.
3. Дипломатиялық өкілдіктердің басшылары мен персонал мүшелерін, консулдық мекемелердің қызметкерлерін Қазақстан Республикасында аккредиттеу
3.1. Төтенше және Өкілетті Елшіні және Нунцийді аккредиттеу
6. Жіберуші мемлекеттің Төтенше және Өкілетті Елшісін, Нунцияны (Бұдан әрі - Елші) аккредиттеуге жіберуші мемлекеттің сыртқы саяси ведомствосының Сыртқы істер министрлігіне Елші лауазымына ұсынылған кандидатураның өмірбаяндық деректері (орыс және ағылшын тілдерінде, туған жері мен күні көрсетілген) қоса берілген келісім беру (агреман) туралы өтініш нотасы негіз болып табылады.

7. Қазақстан Республикасының құзыретті мемлекеттік органдарының келісімінен кейін Сыртқы істер министрлігі жіберуші мемлекеттің сыртқы саяси ведомствосына ұсынылған кандидатураға арналған келісімді беру немесе бас тартуды жібереді.

8. Резиденциясы Қазақстан Республикасында орналасқан жаңадан тағайындалған Елші сенім грамоталарын Қазақстан Республикасының Президентіне, ал міндетін қоса атқаруға тағайындалған (резиденциясы басқа елде орналасқан) Елші – Қазақстан Республикасының Мемлекеттік хатшысына тапсырады. Оның Қазақстан Республикасында болу мерзімі сенім грамоталарын тапсырған күнінен бастап саналады.
3.2 Сенімді өкілдерді аккредиттеу
9. Сенімді өкілдерді аккредиттеуге жіберуші мемлекеттің сыртқы саяси ведомствосының Сенімді өкілді тағайындау туралы нотасы негіз болып табылады.

10. Жіберуші мемлекеттің сыртқы саяси ведомствосы басшысының Сенімді өкілді тағайындау туралы жолдауын Қазақстан Республикасы Сыртқы істер министрінің орынбасарына тапсырған күннен бастап Сенімді өкіл өз функцияларын атқаруға кірісті деп саналады.




3.3. Консулдық мекеме басшысын аккредиттеу
11. Консулдық мекеме басшысын аккредиттеуге өзі өкілдік етуші мемлекеттің сыртқы саясм ведомствосының Сыртқы істер министрлігіне консулдық мекеме басшысы лауазымына ұсынылған кандидатураның өмірбаяндық мәліметтері қоса берілген нотасы негіз болып табылады.

12. Қазақстан Республикасының құзыретті мемлекеттік органдарымен келісілгеннен кейін Сыртқы істер министрлігі консулдық мекеме басшысына ұсынылған кандидатураға қатысты өз шешімі жөнінде нотамен хабарлайды және де оң жауап болған жағдайда, келісім (экзекватура) береді, содан кейін оны Сыртқы істер министрлігі жанынан аккредиттеу жүргізіледі.


3.4. Әскери, теңіз немесе әуе атташелерін аккредиттеу
13. Әскери, теңіз немесе әуе атташелерін аккредиттеуге 1961 жылғы 18 сәуірдегі Дипломатиялық қатынастар туралы Вена конвенциясының 7-бабына сәйкес дипломатиялық өкілдіктің ұсынылған кандидатураның өмірбаяндық мәліметтері қоса берілген тиісті нотасы негіз болып табылады.

14. Қазақстан Республикасының құзыретті органдарымен келісілгеннен кейін, Сыртқы істер министрлігі ұсынылған әскери, теңіз немесе әуе атташелігі кандидаттурасына қатысты өз шешімі туралы хабарлайды және де оң жауап болған жағдайда, оны Сыртқы істер министрлігі жанынан аккредиттеу жүргізіледі.


4. Аккредиттеу куәліктерін берудің тәртібі мен санаттары
15. Дипломатиялық өкілдіктердің, халықаралық ұйымдар және/немесе олардын өкілдіктерінің басшылары мен персонал мүшелері, консулдық мекемелердің қызметкерлері, әскери, теңіз немесе әуе атташелері (бұдан әрі - өкілдіктердің қызметкерлері), өкілдіктер қызметкерлерінің отбасы мүшелері өз мәртебелеріне сәйкес аккредиттеу куәліктерін (бұдан әрі – куәлік) алады.

Өкілдіктер қызметкерімен бірге тұратын басқа тұлғаларды отбасы мүшелеріне жатқызу және оларға куәліктер беру жіберуші/өзі өкілеттік ететін мемлекетпен өзара қағидаттық негізде жүзеге асырылады.

Өкілдік қызметкерінің отбасы мүшесі ретінде аккредиттелетіндер:

1) жұбайы/зайыбы;

2) некеге тұрмаған балалар:

18 жасқа толмаған;

21 жасқа толмаған, Қазақстан Республикасының жоғары/арнаулы орта оқу орындарында оқитын;

3) Асыраудағы ата-аналар мен 25 жасқа дейінгі балалар жіберуші/өкілеттік етуші елмен өзара келісім негізінде (иммунитеттер мен жеңілдіктерсіз)

16. Өкілдік қызметкерін аккредиттеу және куәлік алу үшін дипломатиялық өкілдік, консулдық мекеме, халықаралық ұйым және/немесе оның өкілдігі өкілдік қызметкерінің келген күнінен бастап үш күн мерзім ішінде Сыртқы істер министрлігіне келесі құжаттарды қоса беру арқылы нота жібереді:

1) осы Қағидалардың қосымшасына сәйкес тиісті үлгіде толтырылған тіркеу сауалнамасының бір нұсқасы;

2) көлемі 3x4 см. ақ түсті фонға түсірілген түрлі түсті бірдей екі фотосурет (паспорттық фото, фас);

3) дипломатиялық өкілдіктің, консулдық мекеменің, халықаралық ұйымның немесе оның өкілдігінің мөрімен куәландырылған паспорттың дипломатиялық/қызметтік визаның (визалық тәртіп орнатылған мемлекеттері үшін) і және кіру жөніндегі мөрінің көшірмелері;

4) осы тармақтың 1) және 2) тармақшаларында көрсетілген құжаттардың электронды көшірмесі.

17. Сыртқы істер министрлігінің Мемлекеттік протокол қызметі егер осы тармақтың төртінші бөлімінде өзгеше көзделмесе, өкілдіктің қызметкеріне куәлікті алғашқы рет берген кезде үш жыл мерзімге ресімдейді.

Дипломатиялық өкілдік, консулдық мекеме, халықаралық ұйым немесе оның өкілдігі куәліктің қолданылу мерзімін ұзарту үшін Сыртқы істер министрлігіне осы Қағидалардың 16-тармағында көрсетілген құжаттарды қоса беру арқылы нота (хат) жібереді.

Егер осы тармақтың төртінші бөлігінде өзгеше көзделмесе, қолданылу мерзімі екі жыл болатын жаңа куәлікті беру жолымен куәліктің қолданылу мерзімін ұзарту жүзеге асырылады. Бұрын берілген куәлікті қайтарғаннан соң куәліктің қолданылу мерзімі ұзартылады.

Куәліктің қолданылу мерзімі өкілдік қызметкер паспортының қолданылу мерзімінен аспауы тиіс. Егер паспортты қолданылу мерзімі осы Қағидалардың 16-тармағында көрсетілген құжаттарды тапсыру күнінен бастап екі жылдан кем болса, паспорттың қалған қолданылу мерзіміне беріледі, бірақ үш айдан кем болмауы тиіс.

Құжаттарды қарау және куәлікті беру мерзімі, соның ішінде ұзарту кезінде: құжаттарды тапсырған күннен бастап жиырма жұмыс күнін құрайды.

18. Өкілдік қызметкерінің отбасы мүшесін аккредиттеу және куәлік алу үшін дипломатиялық өкілдік, консулдық мекеме, халықаралық ұйым немесе оның өкілдік қызметкерінің отбасы мүшесі келген күннен бастап бес күн ішінде Сыртқы істер министрлігіне нотамен қоса:

1) осы Қағидалардың 16-тармағында көрсетілген құжаттарды;

2) өкілдік қызметкерінің жұбайын/зайыбын аккредиттеу кезінде некеге тұру туралы куәландырылған және заңдастырылған куәлікті;

3) 21 жасқа толмаған және Қазақстан Республикасының оқу орнында оқитын өкілдік қызметкерінің балаларын аккредиттеу кезінде Қазақстан Республикасы оқу орнының анықтамасын жолдайды.

Отбасы мүшесінің куәлігінің қолданылу мерзімін ұзарту үшін дипломатиялық өкілдік, консулдық мекеме, халықаралық ұйым немесе оның өкілдігі Сыртқы істер министрлігіне осы тармақта көрсетілген құжаттарды қоса беру арқылы нота (хат) жібереді.

Құжаттарды қарау және куәлікті беру мерзімі, соның ішінде ұзарту кезінде: құжаттар тапсырған күннен бастап жиырма жұмыс күнін құрайды.

Өкілдік қызметкерінің отбасы мүшесі куәлігінің қолданылу мерзімі осы Қағидалардың 16-тармағында көрсетілген тәртіпте белгіленеді, бірақ өкілдік қызметкерінің өзінің аккредиттеу мерзімінен аспауы тиіс.

19. Мәртебесіне байланысты өкілдік қызметкеріне, отбасы мүшелеріне тиісінше, Қазақстан Республикасының ратификацияланған халықаралық шарттармен белгіленген артықшылықтары мен имунитеттеріне сәйкес «D», «C», «HC», «T», «S» және «М» сериялы куәліктер ресімделеді.

20. «D» сериялы куәлік дипломатиялық паспорты бар болғанда (оларды иеленбейтін мемлекеттерден басқа) немесе Біріккен Ұлттар Ұйымының P4 және жоғары санатты паспорттары бар болғанда беріледі:

1) дипломатиялық өкілдіктердің басшыларына;

2) дипломатиялық өкілдіктердің дипломатиялық персоналының мүшелеріне;

3) әскери, теңіз және әуе атташелеріне;

4) мәртебесі бойынша осы тармақтың 2) тармақшасында көрсетілген тұлғалар теңестірілген халықаралық ұйымдар және/немесе оның өкілдіктерінің қызметкерлеріне;

5) осы тармақтың 1) - 4) тармақшаларында көрсетілген тұлғалардың отбасы мүшелеріне беріледі.

21. «C» сериялы куәліктер дипломаттық паспорты (оларды иеленбейтін мемлекеттерден басқа) болған жағдайда:


  1. консулдық лауазымды адамдарға;

  2. осы тармақтың 1) тармақшасында көрсетілген адамдардың отбасы мүшелеріне беріледі.

22. «HC» сериялы куәліктер Құрметті консул лауазымындағы тұлғаларға өзі өкілдік ететін мемлекетпен өзаралық қағидат негізінде беріледі. Бұл ретте, Құрметті консулдың отбасы мүшелеріне куәлік берілмейді.

23. «T» сериялы куәліктер қызметтік (оған теңестірілген) немесе ұлттық паспорты болған жағдайда:



  1. дипломатиялық өкілдіктердің әкімшілік-техникалық персоналы мүшелеріне;

  2. консулдық мекемелердің консулдық қызметшілеріне;

  3. мәртебесі бойынша осы тармақтың 1) тармақшасында көрсетілген тұлғаға теңестірілген халықаралық ұйымдар және оның өкілдіктерінің қызметшілеріне;

  4. осы тармақтың 1) – 3) тармақшаларында көрсетілген адамдардың отбасы мүшелеріне беріледі.

24. «S» сериялы куәліктер ұлттық паспорты болған жағдайда жіберуші/өзі өкілдік ететін мемлекпен өзаралық қағидат негізінде беріледі:

1) дипломатиялық өкілдіктің қызмет көрсететін персоналының қызметшілеріне;

2) консулдық қызметтің қызмет көрсететін персоналының қызметшілеріне;

3) мәртебесі бойынша осы тармақтың 1) тармақшасында көрсетілген тұлғаға теңестірілген халықаралық ұйымдар және/немесе олардың өкілдіктерінің қызметкерлеріне;

4) осы тармақтың 2) тармақшасында көрсетілген адамдардың отбасы мүшелеріне беріледі.

5) дипломатиялық өкілдік қызметкерінің қызметіндегі ғана тұратын үй қызметшілеріне беріледі.

6) консулдық мекемелер қызметкерінің қызметіндегі ғана тұратын жеке үй қызметшілеріне беріледі.

25. «М» сериялы куәліктер халықаралық ұйымдар және/немесе олардың өкілдіктерінің қызметкерлеріне, сондай-ақ егер осы Қағидалардың 20, 23, 24-тармақтарында көрсетілген адамдар санатына жатпаған жағдайда, олардың отбасы мүшелеріне беріледі.

26. Өкілдік қызметкерінің қызметтік жағдайы өзгерген жағдайда, сондай-ақ бұрын берілген куәліктің пайдалану мерзімі біткеннен соң, дипломатиялық өкілдік, консулдық мекеме, халықаралық ұйым және/немесе оның өкілдігі бұл туралы Сыртқы істер министрлігіне осы Қағидалардың 16-тармағында көрсетілген құжаттарды қоса отырып, нота (хат) жолдау арқылы хабардар етеді.

Қазақстан Республикасында аккредиттелген, сол мезгілде дипломатиялық өкілдіктің немесе консулдық мекеменің қызметкері болып табылатын белгілі бір тұлғаны халықаралық ұйым және/немесе оның өкілдігі аккредиттеуге құжаттар жіберген кезде бұл тұлғаны жіберуші/өзі өкілдік ететін мемлекеттің қандай санатта қабылдайтындығы жөнінде қосымша ақпарат ұсынуы қажет.

Егер жоғарыда аталған тұлғаның бұрынғы мәртебесі сақталып қалған жағдайда (дипломатиялық өкілдіктің қызметкері, консулдық мекеменің қызметшісі), оның халықаралық ұйымның және/немесе оның өкілдігінің қызметкері ретінде оны тіркеуге рұқсат етілмеуі тиіс.

Егер мұндай тұлғаның бұрынғы мәртебесі сақталмаған жағдайда, бұрын берілген дипломатиялық өкілдік қызметкері, консулдық мекеме қызметкері куәлігінің орнына халықаралық ұйым қызметкері ретіндегі деңгейіне сәйкес артықшылықтары мен иммунитеттерін растайтын куәлік беріледі.

27. Куәлікті жоғалтқан жағдайда дипломатиялық өкілдік, консулдық мекеме, халықаралық ұйым және/немесе оның өкілдігі міндетті түрде бұл туралы Сыртқы істер министрлігіне осы Қағидалардың 16, 18 - тармақтарында көрсетілген құжаттар, дипломатиялық өкілдіктің, консулдық мекеменің, халықаралық ұйым және/немесе оның өкілдігінің тұрған жеріндегі қалалық Ішкі істер басқармасының жоғалған заттарды табу бюросының анықтамасы қоса берілген нота жолдау арқылы хабарлайды. Куәліктің телнұсқасы осы Қағидалардың 17, 18 - тармақтарында көрсетілген мерзімде беріледі.

28. Дипломатиялық өкілдік, консулдық мекеме, халықаралық ұйым және/немесе оның өкілдігі қызметкері, оның отбасы мүшелері біржолата кеткенде немесе қайтыс болған жағдайда, міндетті түрде бес күнтізбелік күн ішінде өкілдік қызметкеріне немесе оның отбасы мүшесіне берілген тіркеу куәлігі қоса берілген нотамен Сыртқы істер министрлігіне хабарлайды.



8. Артықшылықтар және иммунитеттер
29. «D» сериялы куәліктер:

1) осы Қағидалардың 20-тармағының 1) – 4) тармақшаларында көрсетілген Қазақстан Республикасының азаматы болып табылмайтын немесе Қазақстан Республикасында тұрақты тұратын тұлғаларға қатысты 1961 жылғы 18 сәуірдегі Дипломатиялық қатынастар туралы Вена конвенциясының 29 – 36-баптарымен;

2) осы Қағидалардың 20-тармағының 5) тармақшасында көрсетілген Қазақстан Республикасының азаматы болып табылмайтын тұлғаларға қатысты 1961 жылғы 18 сәуірдегі Дипломатиялық қатынастар туралы Вена конвенциясының 29 – 36-баптарымен көзделген артықшылықтар мен иммунитеттерді растайды.

30. «С» сериялы куәліктер:

1) осы Қағидалардың 21-тармағының 1)тармақшасында көрсетілген Қазақстан Республикасының азаматы болып табылмайтын немесе Қазақстан Республикасында тұрақты тұратын тұлғаларға қатысты 1963 жылғы 24 сәуірдегі Консулдық қатынастар туралы Вена конвенциясының 40,41,43,44,46 – 52-баптарымен көзделген;

2) осы Қағидалардың 21-тармағының 2) тармақшасында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын тұлғаларға қатысты 1963 жылғы 24 сәуірдегі Консулдық қатынастар туралы Вена конвенциясының 46-бабының 1-тармағымен, 48-бабының 1-тармағымен, 49-бабының 1-тармағымен, 50-бабының 1-тармағының b) тармақшасы, 3-тармағымен 51 және 52-баптарымен көзделген;

3) осы Қағидалардың 21-тармағының 1) тармақшасында көрсетілген Қазақстан Республикасының азаматы болып табылатын немесе Қазақстан Республикасында тұрғылықты тұратын тұлғаларға қатысты 1963 жылғы 24 сәуірдегі Консулдық қатынастар туралы Вена конвенциясының 71-бабының 1-тармағымен көзделген артықшылықтар мен иммунитеттерді растайды.

31. «НС» сериялы куәліктер:



  1. осы Қағидалардың 22-тармағында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын адамдарға қатысты 1963 жылғы 24 сәуірдегі Консулдық қатынастар туралы Вена конвенциясының 58-бабының 2-тармағымен;

  2. Қазақстан Республикасының азаматы немесе Қазақстан Республикасында тұрғылықты тұратын адамдарға қатысты 1963 жылғы 24 сәуірдегі Консулдық қатынастар туралы Вена конвенциясының 71-бабымен көзделген артықшылықтар мен иммунитеттерді растайды.

32. «T» сериялы куәліктер:

1) осы Қағидалардың 23-тармағының 1) және 3) тармақшаларында көрсетілген Қазақстан Республикасының азаматы болып табылмайтын тұлғаларға және олардың отбасы мүшелеріне немесе Қазақстан Республикасында тұрғылықты тұратын тұлғаларға қатысты 1961 жылғы 18 сәуірдегі Дипломатиялық қатынастар туралы Вена конвенциясының 37-бабының 2-тармағымен;

2) осы Қағидалардың 23-тармағының 2) тармақшасында көрсетілген Қазақстан Республикасының азаматы болып табылмайтын тұлғаларға немесе Қазақстан Республикасында тұрғылықты тұратын тұлғаларға қатысты 1963 жылғы 24 сәуірдегі Консулдық қатынастар туралы Вена конвенциясының 43, 44, 46 – 52 -баптарымен;

3) осы тармақтың 2) тармақшасында көрсетілген Қазақстан Республикасының азаматы болып табылмайтын тұлғаларға және отбасы мүшелері немесе Қазақстан Республикасында тұрғылықты тұратын тұлғаларға қатысты 1963 жылғы 24 сәуірдегі Консулдық қатынастар туралы Вена конвенциясының 46-бабының 1-тармағымен, 48-бабының 1-тармағымен, 49-бабының 1-тармағымен, 51 және 52-баптарымен көзделген артықшылықтар мен иммунитеттерді растайды.

33. «S» сериялы куәліктер:

1) осы Қағидалардың 24-тармағының 1) және 3) тармақшаларында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын тұлғаларға қатысты 1961 жылғы 18 сәуірдегі Дипломатиялық қатынастар туралы Вена конвенциясының 37-бабының 3-тармағымен;

2) осы Қағидалардың 24-тармағының 2) тармақшасында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын тұлғаларға қатысты 1963 жылғы 24 сәуірдегі Консулдық қатынастар туралы Вена конвенциясының 44-бабының 2-тармақшасымен, 47-бабының 1-тармақшасымен, 48-бабының 1-тармақшасымен, 49-бабының 2-тармақшасымен, 51 және 52- баптарымен;

3) осы Қағидалардың 24-тармағының 4) тармақшасында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын тұлғаларға қатысты 1963 жылғы 24 сәуірдегі Консулдық қатынастар туралы Вена конвенциясының 48-бабының 1-тармақшасымен, 51 және 52- баптарымен;

4) осы Қағидалардың 24-тармағының 5) тармақшасында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын тұлғалар бойынша 1961 жылғы 18 сәуірдегі Дипломатиялық қатынастар туралы Вена конвенциясының дипломатиялық агенттің ғана қызметіндегі тұлғаларға қатысты 33-бабының 2-тармағымен, 37-бабының 4-тармағымен;

5) осы Қағидалардың 24-тармағының 5) тармақшасында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын тұлғалар бойынша 1961 жылғы 18 сәуірдегі Дипломатиялық қатынастар туралы Вена конвенциясының дипломатиялық қызметкерлердің ғана қызметіндегі тұлғаларға қатысты 37-бабының 4-тармағымен;

6) осы Қағидалардың 24-тармағының 6) тармақшасында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын тұлғалар бойынша 1963 жылғы 24 сәуірдегі Консулдық қатынастар туралы Вена конвенциясының консулдық лауазымды тұлғалар мен консулдық қызметкерлердің ғана қызметіндегі тұлғаларға қатысты 47-бабының 2-тармағымен, 48-бабының 2-тармағымен;

7) осы Қағидалардың 24-тармағының 6)-тармақшасында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын тұлғалар бойынша 1963 жылғы 24 сәуірдегі Консулдық қатынастар туралы Вена конвенциясының консулдық мекеме қызметкерлерінің ғана қызметіндегі тұлғаларға қатысты 48-бабының 2-тармағымен көзделген артықшылықтар мен иммунитеттерді растайды.



36. «М» сериялы куәлігі осы Қағидалардың 25-тармағында көрсетілген Қазақстан Республикасының азаматы болып табылмайтын немесе Қазақстан Республикасында тұрғылықты тұратын тұлғалар бойынша Қазақстан Республикасымен бекітілген халықаралық шарттарда көзделген артықшылықтар мен иммунитеттерді растайды.





Достарыңызбен бөлісу:


©kzref.org 2019
әкімшілігінің қараңыз

    Басты бет