Оқу-ағарту министрлігі азаматтардың жаңа мектеп оқулықтарын талқылауға қатысып, олардың сапасын бағалай алатынын мәлімдеді. Бұл туралы Stan.kz ақпарат агенттігі хабарлайды. 

Фото: bangkokbook.ru

Оқу-ағарту министрлігінің Білім беру мазмұнын сараптау республикалық ғылыми-тәжірибелік орталығының хабарлауынша, 12 ақпаннан бастап жаңадан әзірленген оқулықтарды қоғамдық талқылау жүріп жатыр. 

Talkylau.ebmso.edu.kz сайтында оқулықтардың мазмұнының сапасы, құрылымы, әдістемелік тәсілдері, баяндалу тілі мен безендірілуі туралы қоғам мен ғылыми-педагогикалық қауымдастық өкілдері сындарлы пікірлерімен бөлісе алады. Онда жаңадан әзірленген оқулықтар бар:

3-сыныпқа арналған "Еңбекке оқыту", "Бейнелеу өнері", "Орыс тілі" (орыс тілінде оқытатын мектептер үшін), шет тілдері (ағылшын, француз);

3, 9-11 сыныптар үшін "неміс тілі";

5-9 сыныптарға арналған "Жаһандық құзыреттер" оқулықтары қағаз нұсқада;

3-сыныпқа арналған "Цифрлық сауаттылық" пәнінен электронды оқулықтар.

  • Жаңа жүйе әзірленді: Еліміздегі мұғалімдер енді оқулықтарды өздері таңдамақ
  • Депутат Қазақстан тарихы бойынша оқулықтарды қайта жазып шығуды ұсынды

"Қоғамдық талқылауға ғылыми-педагогикалық қоғамдастық өкілдері, әдіскерлер, ғалымдар, сондай-ақ оқулықтардың сапасына бей-жай қарамайтын қазақстандықтар қатысуға мүмкіндік алды. Ол үшін келесі қадамдарды орындау қажет: веб-порталда оқулықтардың жеке емес түпнұсқа макеттерімен танысыңыз және "пікір қосу" қойындысына оқулықтардың мазмұны мен құрылымына қатысты сын-пікірлерді, ұсыныстар мен бақылауларды жазып, жіберіңіз", — делінген хабарламада. 

Айта кетейік, бұған дейін Қазақша курс ашқан өзге ұлт өкілдері тіл үйренушілерге ерекше әдістеме оқулық жазғысы келетіні туралы жазған едік. 


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.