Денсаулық сақтау министрлігінің өкілдері желтоқсан айында қызылшадан көз жұмған екі балаға қатысты оқиғаға пікір білдірді. Бұл туралы Stan.kz ақпарат агенттігі хабарлайды.
Орталық коммуникациялар қызметі алаңында эпидемиологиялық жағдайды баяндаған министрлік өкілдері қызылшаның өршіп тұрғанын айтты. Сондай-ақ желтоқсан айында елімізде қызылшадан екі бала көз жұмғанын жасырмады.
"Желтоқсан айында бізде қызылшадан балалар өлімінің екі жағдайы тіркелді. Біріншісі Шығыс Қазақстан облысында 6 айлық бала. Ата-анасы біріншісінде баланы ауруханаға жатқызудан бас тартқан. Ал екінші рет ауруханаға стационарға жатқызған уақытта оның жағдайы нашарлап кетті, ауру асқынып кеткен. Өкінішке орай, олар баласынан айырылып қалды”,-деді ДСМ Ана мен бала денсаулығын қорғау департаменті директорының орынбасары Әйгерім Оспанова.
Департамент өкілі 6 айл баланың шынымен де қызылшадан көз жұмғаны сараптама қортындысында расталғанын айтты. Әйгерім Оспанова тағы бір бала өліміне әкелген жағдайға қатысты да түсініктеме берді.
“Екінші жағдайға келсек, бала 4 айлық болған. Оны ауруханаға әкелген уақытта ауыр жағдайда болған. Бүгінгі таңда сараптамалар жүргізіліп, диагноз расталды", — деді департамент басшысының орынбасары.
Ведомство өкілінің айтуынша Шығыс Қазақстан облысында аурудан көз жұмған емізулі баланың анасы да қызылшаға қарсы екпе салдырмаған.
Еске салайық, бұған дейін Өскеменде қызылшадан 6 айлық нәресте көз жұмғаны туралы хабарлаған едік. Жұқпалы аурудан көз жұмған тағы бір бала өлімі Астана қаласында тіркелген болатын.
Айгерим — опытный редактор с богатым опытом в изучении и письме о культуре и истории. Ее страсть к языкам и письму помогает создавать увлекательные тексты.