20 ақпанда Қазақстанның жеті облысында дауылды ескерту жарияланды. Бұл туралы Stan.kz ақпарат агенттігі хабарлайды.
Фото: freepik.com
"Қазгидромет" баспасөз қызметінің мәліметінше, Батыс Қазақстан облысының батысында түнде тұман күтіледі.
Ұлытау облысының батысы мен оңтүстігінде шығыстан соғатын желдің екпіні 18 м/с болады.
Күндіз Қарағанды облысының оңтүстігінде шығыстан жел соғады, солтүстік-шығыстан соғатын желдің екпіні 18 м/с болады. Түнде облыстың шығысында -35-38 қатты аяз сақталады.
Қызылорда облысының орталығында және оңтүстігінде тұман күтіледі. Облыс орталығында және шығысында солтүстік-шығыстан соғатын желдің күші 15-20 м/с.
Абай облысында түнде -40 аяз күтілуде.
Түркістан облысының оңтүстігінде, батысында, таулы және тау бөктеріндегі аудандарында көктайғақ, тұман күтіледі. Облыстың таулы аймақтарында жаңбыр жауады.
Шығыс Қазақстан облысында түнде қатты аяз болып, ауа температурасы -45 градусқа дейін төмендейді. Өскеменде түнде қатты аяз -40 болады деп күтілуде.
Талдықорғанда түнде -33 градусқа дейін қатты аяз күтіледі.
Даулет — природовед и путешественник. Его увлечение природой Казахстана и исследования вносят неповторимый вклад в наше издание.