Танымал әзілкеш, актер Нұрболхан Шарапов бала кезіндегі келеңсіз оқиғаны есіне алды. Бұл туралы Stan.kz ақпарат агенттігі Danyar Bekzhanov арнасына сілтеме жасап хабарлайды. 

Фото: Подкастан скриншот

Әзілкеш мектепте оқып жүргенде ұрлық жасағанын мойындады. 

“Сол оқиға әлі есімнен кетпейді. Тіпті, сыныптастарым да хабарсыз. 7-8-сыныпта оқитын кезім. Мектептің асханасында тортты тіліп сататын. Бір бөлігі – 15 теңге. Біздің үй мектептің дәл жанында болды. Асханасы үйдің іргесіне тиіп тұратын. Мектепке барғанда тортты сатып алып, күні бойы жеп жүреміз. Бір күні туған ағам “ұрлыққа түсейік” деді. Түңгі 12-де асханаға келдік. Сатушы түнде пісіріп, таңертеңге дайындап, қойып кеткен. Есікті сыммен ашып, ішке кірдік. Тортқа тойып, қайтадан ізімізді жасырдық. Ертеңіне мектепке барып, адамдардың әңгімесін тыңдаймыз. Ешкім ештеңе демейді. Білмей қалады деп ойлап, екінші күні тағы түстік. Күнде екі бүтін торт жейміз. Бір кезде “асханаға ұры түсіпті” деген сыбыс естілді. Ешкім білмей қалады деп ойлап, тағы да ұрланып кірдік. Бір күні енді тортты аузымызға сала бергенде біреу ұстап алды. Асхананың бастығы қызын аңдуға қойып қойған екен. Бетімізге дәу жарық түсті. Сол жерде айқай-шу басталды. Үйдегі анам да естіді. Шағын ғана ауыл болғасын, бәрі естиді. Масқара болдық”, – деп есіне алды өнер иесі. 

  • Алматыда ер адам такси жүргізушілерін алдаудың жаңа жолын ойлап тапқан

  • Атырауда блогер кәсіпкерден 2 миллион теңге бопсалап, дүкеніндегі азық-түлікті тегін алған (видео)

Одан кейін оқиғаның қалай аяқталғанын да айтып берді. Айтуынша, анасы асхананың иесіне баласын апарып берген. 

“Сынып жетекшімнен қатты ұялдым. Ол – асхананың бастығы еді. Анам ұрып-соғып жүріп, апайдың үйіне апарды. Ұстазымның есімі – Жариягүл. Ағам екеуіміз тізерлеп отырып, кешірім сұрадық. Ұсталып қалғаннан кейін "Сынып жетекшім мектептің алдына шығармаса екен" деп ойладым. Онсыз да мектепте жақсы атымыз шықпайды. Апайымның алдында ұялғаным-ай. "Өлтірем десең, балам міне" деп анам мені желкелеп тұрды. Сол оқиға есімнен кетпейді”, – дейді әзілкеш.

Еске салайық, таяуда өнер иесі Үндістанға барып, Шакрух Ханның үйін көріп келген еді. 


Автор: Гульжан Оразбаева

Гульжан — исследовательница жизни и достижений знаменитых личностей Казахстана. Ее статьи позволяют читателям взглянуть на страну через призму вкладов ее ярких представителей.