Министертво образования и науки, молодежи и спорта украины



жүктеу 2.92 Mb.
бет5/17
Дата07.05.2019
өлшемі2.92 Mb.
түріПрограмма
1   2   3   4   5   6   7   8   9   ...   17

3 сыныф (89 саат)

I семестр – афтада 2 саат – 32 саат

II семестр – афтада 3 саат – 57 саат
3-нджи сыныфта къырымтатар тили дерслерининъ мундеридже ве тешкилий ишлер джеэтинден айрыджа хусусиетлери мевджут. Бу дерслерде язувнынъ график алышкъынлышлары актив шекиллене, талебелер бир сызыкълы дефтерде язмагъа башлайлар, оларнынъ тез язув алышкъанлыкълары эп пекинип бара. Бунынъ исе шу сыныфта талебелерге язы ишлерини эда этмек ичюн, башлангъыч тасильде муим ер туткъан «Сеслер ве арифлер» болюгине аит бильги ве алышкъынлыкъларны менимсевни мукеммелештирювде буюк эмиети ола. Учюнджи сыныф талебелери къырымтатар тили теляффузынынъ ве язы имлясынынъ къаиделерини менимсевни девам эттирелер, оларнынъ экинджи сыныфкъа бакъкъанда умумий бильгилери арта, бунынънен берабер «Джумле», «Сёзнинъ лексик манасы», «Нутукъ къысымлары» киби гъает муим болюклерни огренелер, нутукъ фаалиети ве къонушма медениетини менимсейлер. Агъзакий ве язма нутукъ акъкъындаки, инсанларнынъ къонушувында, бильги алувында тильнинъ эмиети акъкъындаки малюматларны текрарлав ве кенишлетюв. Украинада девлет тили (украин тили) ве башкъа тиллер олгъаны акъкъындаки малюматларны текрарлав.

1-2-нджи сыныфларда эзберленген шиир, тапмаджа, аталар сёзлери ве айтымларны, сайымларны текрарлав; балаларгъа белли олгъан масалларны, мультфильм, кинофильмден парчаларны гъайрыдан айтув. Бедиий ве ильмий-бедиий метинлерни динълеп, анълагъанларыны тешкерюв. Оджа ве талебелернинъ озьлери теклиф эткен мевзуларда субет, тюзгюн агъзакий ве язма метинлер уйдурмакъ.

Давушнен ве ичинден окъума талаплары акъыкъында къаиделерни пекитмек; несир ве назм эсерлерни ифадели окъумакъ; таныш олмагъан метинни ичинден окъутып, анълагъаныны тешкермек, окъугъаны акъкъында субет этмек.

Язы усуллары, язы ишлерини безетюв медениети акъкъында бильгилерини пекитмек. Дефтерде ве тахтада догъру язув алышкъанлыкъларыны пекитмек.

1-2-нджи сыныфларда акъылда тутмакъ ичюн берильген сёзлер джедвелинден сёзлерни догъру язувларыны пекитмек; сёзнинъ теляффузыны ве язылувыны тенъештирмек (эвель айтылувыны догъру теляффуз этип, сонъ язгъанда насыл языладжагъыны догъру теляффуз этип язмакъ). Эвельки сыныфларда кечильген имля къаиделерини текрарламакъ.


I.Текрарлав

( 5 саат)




Окъув

материалынынъ теркиби

Талебелернинъ

умумтасиль севиелерине

девлет талаплары

Агъзавий ве язма нутукъ акъкъында малюматларны текрарлав.

Украинада девлет тили ве башкъа тиллер.

Язы усуллары, язы ишлерни безетюв медениети акъкъында бильгилерини пекитюв.

Дефтерде ве языда догъру язув алышкъанлыкъларны пекитюв.

1-2-нджи сыныфларда акъылда тутмакъ ичюн берильген сёзлер джедвелинден сёзлерни догъру язылувыны пекитюв.

Сёзнинъ теляффузыны ве язылувыны тенъештирюв.

Эвельки сыныфларда кечильген имля къаиделерини текрарлав.


Талебе:

агъзавий ве язма нутукънен файдаланмакъ ичюн насыл беджерикликлер кереклигини анълата;

бильген тиллерни айта;

1-2-нджи сыныфларда эзберден шиир, тапмаджа, аталар сёзлери ве айтымларны, сайымларны окъуй;

дефтерде ве тахтада догъру яза;

1-2-нджи сыныфларда акъылда тутмакъ ичюн берильген сёзлер джедевелинден сёзлерни догъру яза;

сёзлерни догъру теляффуз эте;

огренильген имля къаиделерини текрарлай.




II.Нутукъ фаалиети

( 41 саат)




Окъув

материалынынъ теркиби

Талебелернинъ

умумтасиль севиелерине

девлет талаплары

1.Агъзакий нутукъны динълев ве анълав

(аудирлев) (йыл девамында 8 саат)

Динълев – нутукъ фаалиетининъ чешити.

2 сыныфкъа бакъкъанда узунджа эдебий, ильмий-эдебий услюпкъа менсюп метинлерни анъламакъ.

Сеслерден, эджалардан, сёз бирикмелеринден, джумлелерден тертип олгъан сыраларны эшитювнен идракъ этмеге бильмек.

Динълеген метиннинъ мундериджесининъ айры элементлерини анълав (къарамннынъ арекетлери, вакъианынъ вакъты ве ери, лакъырдынынъ мевзусы ве макъсады).


Талебе:

окъувнынъ мувафакъиетине динълевнинъ тесирини анълата;

экинджи сыныфкъа бакъкъанда муреккепче материалны анълай, ресим ве сёзню нисбетлештире, эшитильгенлерден ресим япа;

динълеген сонъ сёзлер сырасындан айры элементлерни айырув вазифесини беджере;

шиве сёзлер арасындан эдебий тиль сёзлерини айыра ве аксине;

динълеген метинде 3-4 парчаны фаркълай;

энъкъастан янълыш айтылгъан сёзлерни фаркълай;

динълеген эсернинъ мундериджесине, къараманларына, олуп кечкен вакъиаларгъа озь фикирини бильдире.



2.Лакъырды

(йыл девамында 10 саат)

Нефесни, давуш къуветини, нутукъ тезлигини догъру регулирлемеге бильмек.

Субет этюв (диалог)

(йыл девамында 5 саат)

Лакъырды ве къонушма медениети къаиделерини кутьмеге бильмек.

Берильген план я да сёз бирикмелерине эсасланып, метинни гъайрыдан икяе этмеге бильмек.

Мустакъиль окъугъан я да эшитильген метинге эсасланып субет тизмеге бильмек.

Ярдымджы материалгъа эсасланып, я да эсасланмайып, бир-де-бир ресим я да вакъиа боюнджа субет тизмеге бильмек.

Субетке, тюзгюн лакъырдыгъа къыймет кесмеге бильмек.


Талебе:

къонушма медениети къаиделерини кутьмеге;

субетдешни дикъкъатнен динълей, озь фикирини кесек-кессиз ифаделей;

талебелер:

мустакъиль окъулгъан я да динъленильген эсерлер парчаларыны роллерге болюп, ифадели окъуйлар;

динъленген метин, ресим, я да бир-де-бир вакъиа акъкъында озь фикирини бильдирелер ве исбатлайлар;

ярдымджы материалгъа эсаланып диалог къурмагъа билелер;

лакъырдынынъ мундериджесине ве шекилине къыймет кесмеге билелер.


3. Агъзавий икяе (монолог).

(йыл девамында 5 саат)

Агъзавий анълатмагъа талаплар (мевзугъа уйгъунлыгъы, учь къысымдан ибарет олгъаны, бир къысымдан дигерине кечмеси).

Субетдешнинъ, динълейджининъ мерагъыны, имкянларыны козь огюне алып, лаф этмеге билюв.

Лакъырды ве къонушма медениети къаиделерини кутьмеге бильмек.

Ярдымджы васталарнен къулланып метинни гъайрыдан икяе этмек.

Мустакъиль окъугъан метинни, бакъылгъан кинофильмден парчаны, сой-соплардан, таныш-билишлерден эшиткен икяени гъайрыдан икяе этмек.

Гъайрыдан икяе эткен материалгъа иляве къошмакъ.

Ярдымджы материалгъа эсасланып икяе, тапмаджа тизмек.

Берильген я да сечип алынгъан мевзу боюнджа мустакъиль айтылма тертип этмек.

Тертип этильген айтылмаларгъа къыймет кесмек.


Талебе:

агъзавий айтылма насыл олушыны анълата;

давуш къуветини, нутукъ тезлигини догъру регулирлемеге биле;

берильген сёзлер, суаллер, ресимлер, плангъа эсаланып динъленгенни гъайрыдан икяе эте ;


мустакъиль окъугъан метинни гъайрыдан икяе эте, бакъкъан кинофильмден эпизод, телеяйынны гъайрыдан икяе эте;


айтылгъан шей акъкъында озь фикирини бильдире ве исбатлай;
ярдымджы материалгъа эсасланып агъзавий айтылма тизе;
агъзавий айтылманынъ мундериджеси ве шекилине къыймет кесе.

3.Окъув (йыл девамында 6 саат)

Давушнен ве ичтен окъума талаплары акъкъында къаиделерни пекитмек.

2 сыныфкъа бакъкъанда, узунджа ве муреккепче окъув я да оюн вазифесине анълатманы (инструкция), бир-де-бир предметнинъ япылув кетишатыны тарифлеген материалларны ичтен окъув.

Дерсликтеки огретме метинлерни, берильген вазифелерни ифадели окъув, къаиделерни акъылда къалдырмакъ оларны агъзакий ве язма нутукъта догъру къулланмакъ.

Хитап ве кочюрильме лафнен адий ве муреккеп джумлелерни ифадели окъув ве мундериджесини изатлав.

Метинни сербест окъув алышкъанлыкъларыны инкишаф этмек.

Ориентировка в учебнике.


Талебе:

дерсликте берильген материалны давушнен ве ичтен окъуй ве тайинатыны анълай;

динълейиджелерге олдукъча анълайышлы язылгъан иншаны давушнен окъуй;

метиндеки джумлелерни сонъунда тургъан ишаретлерге коре ифадели окъув;

метинде берильген (экинджи сыныфкъа бакъкъанда узунджа ве муреккепче) анълатманы ( инструкция) эда эте;

адий ве муреккеп джумлелернинъ манасыны анълата.




4.Язма нутукъ фаалиети

(йыл девамында 17 саат)

Хатырлав (акъылдан) язув.

Озь ара багълы 2-3 джумле тизюв, берильген мевзугъа 1-2 суаль къойып, джеваплар тизюв.

Беян язув (икяе метиннинъ колеми 30 – 50 сёз этрафында олмалы).

Дерслерде я да дерслерден тыш вакъытта

бир-де-бир олгъан шей, вакъиа акъкъында эшиткен лакъырдыны язмагъа бильмек.

Сербест мевзу боюнджа лакъырдыны мустакъиль язмагъа бильмек.

Тезкере, тапмаджа, хайырлама, мектюп, икяе язув.

Языны мукеммеллештирмеге бильмек.




Талебе:

экинджи сыныфкъа бакъкъанда узунджа метинлер хатырлап яза;

озь ара багълы 2-3 джумле я да ресимнинъ мундериджесинен багълы 1-2 суаль тертип эте;

бирликте тизильген план боюнджа, ярдымджы материалгъа (метиннинъ башы я да сонъу, эсас сёзлер, сёз бирикмелери ве иляхре) эсасланып, лакъырдынынъ учь къысымлы теркибине эмиет беререк, оны беян этмеге биле;

талебелерни меракъландыргъан бир-де-бир вакъиа я да хаберни гъайрыдан икяе эте;

окъулгъан эсер, бакъылгъан кинофильм, аиледе я да мектепте олгъан вакъиа акъкъында лакъырдыны мустакъиль яза;

хайырлама, мектюп, мундериджесинде

бир-де-бир шейни анълатув тезкере яза;



талебелер:

экевлешип, группагъа топланып, озь язы ишлери акъкъында фикирлешип, оджа азырлагъан хатырламагъа эсасланып ишнинъ яхшы тарафларыны кесьтерелер, янълышларны тюзетмек ичюн тевсие берелер.





III.Тиль акъкъында бильгилер.

Тиль алышкъанлыкълары

(37 саат)




Окъув

материалынынъ теркиби

Талебелернинъ

умумтасиль севиелерине

девлет талаплары

1.Метин ( 6 саат)

Мевзу, метиннинъ эсас фикири.

Метиннинъ къурулышы (метин башы, эсас къысмы, сонъу).

Сатыр башы (абзац).

Метинде джумлелернинъ багъы.

Метиннинъ чешитлери: икяе метини, тасвирлев метини, муляаза метини.



Талебе:

метиннинъ къурулышы акъкъында бильгилерини кенишлете;

чешит тюрлю метинлернинъ мевзусы ве макъсадыны таинлей;

метинде метин башы, эсас къысмы, сонъуны тапа;

эр бир абзацнынъ мундериджесини анълата;

берильген плангъа эсасланып метинни боле;

эр бир метин парчасына серлева къоя, 2-3 джумлени бирлештире.


2.Джумле. Имля

( 7 саат)

Джумле акъкъында бильгилерни пекитмек ве мукеммеллештирмек.

Джумледе сёзлернинъ багъы.

Чешит макъсаднен айтылгъан джумлелер.

Нида джумлеси.

Джумле сонъунда ишаретлер.

Джумледе хитап.

Джумленинъ баш азалары.

Джумленинъ экинджи дередже азалары.

Сёз бирикмеси. Баш ве таби сёзлер.

Адий ве муреккеп джумлелер.



Талебе:

чешит макъсаднен айтылгъан джумлелерни айыра;

терминлернен къулланмайып, джумледеки сёзлернинъ грамматик ве мана багъыны амелий шекильде косьтере;

джумледе хитапны виргуль я да нида ишаретинен айыра;

джумленинъ баш азаларына суаллер къоя ве тюбюни сыза;

сёз бирикмелеринде баш сёзден таби сёзге суаль къоя;

эки адий джумлени бир муреккеп джумледе бирлештире;

исе, ве, амма, лякин, я да киби багълайыджы сёзлерни къулланып муреккеп джумлелер тизе.


3.Сёз.Сёзнинъ манасы.

( 3 саат)

Сёзлернинъ лексик манасы.

Берильген сёзлер ичинден я да мустакъиль суретте предметнинъ, арекетнинъ, хусусиетнинъ микъдарыны бильдирген сёзлерни айры-айры группаларгъа больмек.

Терминлерни къулланмайып, нутукъта синоним ве антонимлернинъ эмиетини амелий суретте косьтерюв.

Сыкъ расткельген фразеологизмлернен таныштырув.

Рус тилинден сёзлер догърудан-догъру калька оларакъ терджиме этильгенде оларнынъ манасы бозулгъаныны анълатув.


Талебе:

берильген сёзлер сырасындан маналары якъын ве къарама-къаршы сёзлерни тапа, мезкюр маналы сёзлерни сайлап ала;

берильген сёзлер сырасындан, метинде къулланмагъа ляйыкъ сойларыны сечип ала;

агъзакий нутукъта, язгъанда фикирини там ифаделеген сёзлерни тапмагъа огрене;

метинде таныш олмагъан сёзни айыра, онынъ манасыны тапмагъа, контекстте анълатмагъа биле.
рус тилинден терджиме эткенде сёзнинъ манасына мытлакъа эмиет бере;


4.Сёз теркиби

(йыл девамында 4 саат)

Сёзнинъ тамыры ве негизи акъкъында малюмат.

Ялгъамалар. Ялгъамаларнынъ джумледеки сёзлерни багълавда ойнагъан ролю.

Сёз денъиштириджи ялгъамалар.

Сёз япыджы ялгъамалар.

Янъгъыравукъ ве сагъыр тутукъ сеслер акъкъында бильгилерини тенъештирюв.


Талебе:

сёзнинъ тамыры ве ялгъамасыны айта;

сёз теркибини талиль эте;

негиз сёзлерни манаджа якъын сёзлерден айыра, айтылувы бир олып, манасы башкъа олгъан сёзлерни айыра биле (Усеин кемане чала. Асан пичен чала).

сёз япыджы ялгъамаларнен чешит сёзлер япып, оларны джумлелерге ве метинлерге кирсете;

сёзнинъ тамыры ве ялгъамаларнынъ арасында эки тутукъ сес расткельгенини козете;

сёз тамырында б-п, г-к, гъ-къ сеслерининъ денъишкенини козете;

язылышы теляффуздан фаркълы олгъан сёзлерни догъру теляффуз эте ве яза (тус – туз);

метин ве джумлелерде чешит ялгъамаларнынъ арасында эки тутукъ сес кельгенини козете (баллы, наллы, гуллер);

имля лугъатынен чалыша.



5.Сёз чешитлери

( 2 саат)

Ким? Не? Насыл? Не япа? Не япалар? Не япты? Къач? Къайсы? Къайсылар? Не вакъыт? Насыл? суаллерине джевап берген сёзлерни козете.

Ве, де, да, амма, ичюн, иле киби ярдымджы сёзлерге суаль къоюлмагъаныны анълав ве амелий козетюв.
Исим (4 саат)

Умумий анълам (суаллер, манасы, ялгъамалар ярдымынен джумледе башкъа сёзлернен багъланувы ве эмиети).

Адамларны бельгилеген исимлер ким? суалине джевап берелер.

Башкъа шейлерни бильдирген исимлер не? суалине джевап берелер.

Джыныс ве хас исимлер.

Исимлерде сайы.

Синоним исимлер. Антоним исимлер.

Сыфат (3 саат)

Умумий анълам.

Сыфатларнынъ догърудан-догъру ве кочюрме манасы.

Сыфатларнынъ исимнен багъы.

Метинде сыфатларнен къулланувынынъ эмиети.
Фииль (8 саат)

Умумий анълам.

Джумледе фиильнинъ эмиети.

Джумледе фииллернинъ ве исимлернинъ багъы.

Синоним фииллер. Антоним фииллер.

Фииль заманлары.


Мусбет ве менфий фииллер.

Талебе:

берильген сёзлер сырасындан косьтерильген суаллерге джевап берген сёзлерни тапа.

исимнинъ чешит тюрлерини бильдирген сёзлерге суаллер къоя;

манаджа якъын ве къарама-къаршы исимлерни сайлай;

рус ве украин тиллеринен тенъештире;

ким? суали къырымтатар тилинде тек адамны бельгилеген сёзлерге къоюлгъаныны анълай;

хас исимнинъ буюк арифтен язылувыны биле;

чокълукъны бельгилеген –лар, -лер ялгъамаларына эмиет бере;

синоним ве антоним исимлерни метинде къулланувыны козете ве оларнынъ эмиети акъкъында фикирлеше.

келишкен сыфатларны сайлай;

исимлерден сыфатларгъа суаль къоя;

джумледе сыфатны тапа;

сыфатларнен джумле тизе;

сыфатларны тапмаджаларда ишлете;

тасвирий икяелер тизгенде сыфатларны ишлете.

фииллерни кочюрме манасында ишлете;

метинде вакъиаларны, адиселерни ифаде этмек ичюн муэллиф кямилликнен фииллерни ишлеткенини козете;

берильген фииллер ичинден лакъырдынынъ эсас макъсадыны, фикирини ифаделеген сёзлерни сечип ала, джумледе фииллерни тапа;

термин къулланмайып, саде кечкен заман, шимдики заман, келеджек заманнынъ къатий шекилини ишлетип козете;

фиильнен сёз бирикмелери, джумлелер тизе;

фиилллерни чешит заманларда фаркълай ве лакъырдысында къуллана.

термин къулланмайып субетте, лакъырдыда ишлете.



IV.Имля

(йыл девамында)




Окъув

материалынынъ теркиби

Талебелернинъ

умумтасиль севиелерине

девлет талаплары

Къырымтатар элифбесинде созукъ ве тутукъ сеслерни бельгилеген арифлерни, языда тутукъ сеслерни йымшатув усулларыны, янъгъыравукъ ве сагъыр тутукъ сеслерни бельгилеген арифлерни, индже ве къалын созукъ сеслерни ишаретлеген арифлерни билюв.

Сёзлерни орфоэпия къаиделерине бинаэн догъру окъув.

Сёз къысымларыны (сёзнинъ тамыры, негизи, ялгъамалары) бельгилев.

Программада бельгиленген сёз чешитлеринен багълы имля къаиделерини билюв.

Сёз чешитлери ве оларнынъ грамматик хусусиетлерини билюв.

1-3 сыныфларда огренильген къаиделер боюнджа язылувы теляффузындан фаркълы олмагъан, колеми 40-50 сёзден ибарет олъан диктант язмакъны билюв.

Акъылда тутмакъ ичюн сёзлер джедвели:



аферин, аджджы, бозторгъай, виргюль, гонъюль, дёрт, дюльгер, ешиль, имтиан, кечит, киши, кукуккъуш, кучьлю, къабаат, къаверенки, къайыкъ, къую, мевсим, мектюп, миллий, мукъаддес, мураджаат, нумайыш, расткелиш, таби, талапкяр, текяран, токътамакъ, туруп, тюфек, урлукъ, утюлемек, фикир, хавфлы, чёкюч, дженюп, джесюр, джошкъун, джыймакъ, шеэр, шиир, эфсане, юзьбез, яхшы.

Талебе:

созукъ ве тутукъ сеслерни , янъгъыравукъ ве сагъыр тутукъ сеслерни, индже ве къалын созукъ сеслерни айыра;

элифбе тертибинде сёзлерни тапа;

имля лугъатындан къуллана;

сёзлерде ургъуны бельгилей;

огренген къаиделерге аит олгъан сёзлерде хаталарны тапа;

сёзлерни эрфоэпия къаиделерине бинаэн догъру окъумагъа, къырымтатар тилине хас олгъан

у, о, къ, гъ, дж, нъ сеслерни догъру теляффуз эте.


4 сыныфта акъылда тутмакъ ичюн сёзлерни догъру окъуй ве яза.






V.Язынынъ график алышкъынлыкълары,

язы усулы, язма ишлерни безетюв медениети

(йыл девамында)



Окъув

материалынынъ теркиби

Талебелернинъ

умумтасиль севиелерине

девлет талаплары

Язы усулы (техника).

Кет-кете бир сызыкълы дефтерде язувгъа кечюв.

Арифлерни керекли юксекликте, кенъликте, янтайыкълыкъта олмасына риает этюв.

Баш ве кучюк арифлерни группаларнен догъру язмакъны пекитюв.

Арифлерни эджада бириктиргенде эльни кягъыттан алмайып, язув алышкъанлыкъларны мукеммеллештирюв.

Язув тезлигини арттырув.

Бир сызыкълы дефтернинъ саифелеринде язма ишлерини, шиирий джумлелерни догъру язув.

Сёз чешитлерини шартлы сызыкъларнен сызув, джумленинъ синтаксис теркибининъ график моделини тизюв.



Талебе:

бир сызыкълы дефтернинъ саифелеринде язып башлай;

баш ве кучюк арифлерни керекли юксекликте, кенъликте, янтайыкълыкъта яза биле;

эджалар ве сёзлерни язгъанда н, р, ф арифлерни эльни кягъыттан алмайып яза;

язувда эльнинъ арекетлерине незарет эте;

арифлерни багълап язгъанда озь арекетлерини тешкере;

язма ишлерини догъру ве дюльбер яза;

языда янълышларыны тюзетюв усулларыны биле;

дефтерде ве тахтада язгъанда язув къаиделерине риает эте.


Нетиджелев текрарлав (6 саат йыл девамында)

4 сыныф (89 саат)
I - семестро – афтада 2 саат – 32 саат

II – семестр – афтада 3 саат – 57 саат


Дёртюджи сыныфта къырымтатар тилини окъутувнынъ башлангъыч девири екюнлене. Бу девирде талебелерни метн устюнде чалышув, грамматика, фонетика, имля, нутукъ фаалиети саасында эльде эткен янъы бильги ве алышкъанлыкъларыны пекитмекнен бир сырада тиль бельгисининъ чешит болюклери боюнджа алгъан малюматларны системлештирмеге, 1-3-нджи сыныфларда огренгенлерини умумийлештирмеге огретмек керек. Чюнки башлангъыч сыныфларда менимсенильген бильги ве алышкъанлыкълар келеджекте орта мектепте ана тилини огренювнинъ негизи оладжакъ.
I.Текрарлав

(3 саат)



Окъув

материалынынъ теркиби

Талебелернинъ

умумтасиль севиелерине

девлет талаплары

Агъзавий ве язма нутукъкъа нисбетен талаплар акъкъында малюматларны текрарлав.

Агъзавий нутукъны тюрлю чешитлеринен файдаланмакъ беджерикликлерини инкишаф этюв.

Язув усулы (техника), язув ишлерини безетюв медениети акъкъында малюматларны пекитюв.

1-3-нджи сыныфта огренильген сёзлернинъ догъру язылувыны текрарлав.

Кечкен йылларда огренильген имля къаиделерини текрарлав.


Талебе:

нутукъ фаалиетине аит талапларны тарифлей;

1-3-нджи сыныфта ишлетильген, акъылда

(хатырада) тутмакъ ичюн берильген сёзлер джедвелинден сёзлерни догъру яза;

сёзлерни керекли шекильде ерлештирип, тахтада ве дефтерде яза;

огренильген имля къаиделеринен файдалана биле.




Каталог: storage -> app -> media -> zagalna%20serednya -> programy-1-4-klas
media -> І преамбула
media -> Інформація про робочу групу Розробники Борбела О. І. начальник навчального центру дтек ладижинська тес. Багмут О. М
media -> Конкурсная номинация: «Мир роботов»
zagalna%20serednya -> Програма фізична культура профільний рівень 10 11 класи
zagalna%20serednya -> Комунальний заклад
programy-1-4-klas -> Українська мова 1-4 класи загальноосвітніх навчальних закладів з навчанням румунською (молдовською) мовою пояснювальна записка основна мета
programy-1-4-klas -> Програма для загальноосвітніх навчальних закладів класи Пояснювальна записка Навчальна дисципліна «Фізична культура»


Достарыңызбен бөлісу:
1   2   3   4   5   6   7   8   9   ...   17


©kzref.org 2019
әкімшілігінің қараңыз

    Басты бет