Атыраудың бұрынғы әкімі Қайрат Оразбаев тергеу изоляторынан үйқамаққа ауыстырылды. Бұл туралы Stan.kz ақпарат агенттігі хабарлайды.

Фото: gov.kz

Атырау облысы сотының баспасөз қызметі облыс прокуроры өтініші бойынша бұрын қамауға алынған экс-әкімге қатысты бұлтартпау шарасы өзгертілгенін мәлімдеді.

Айта кетейік, Атырау мамандандырылған тергеу сотының 2023 жылғы 11 қарашадағы қаулысы бойынша бұрынғы әкім Қайрат Оразбаевқа қатысты екі ай мерзімге қамауда ұстау түріндегі бұлтартпау шарасы санкцияланды. Бұған дейін ол бұрынғы шенеунік уақытша ұстау изоляторына қамалған.

  • Атырау облысында судья 2,5 миллион теңге пара алып жатқан жерінде ұсталды
  • Таразда аурухана басшылары 758 миллион теңге бюджет қаржысын жымқырды деген күдікпен ұсталды

"Атырау облысы прокурорының өтініші бойынша Атырау мамандандырылған тергеу сотының 2023 жылғы 22 желтоқсандағы қаулысы бойынша, Қ. Оразбаевқа қатысты бұлтартпау шарасы оның денсаулық жағдайына байланысты үйқамаққа ауыстырылды", – делінген Атырау мамандандырылған тергеу сотының ақпаратында.

Еске салайық, Атыраудың бұрынғы әкімі Қайрат Оразбаевтың ұсталғаны былтырғы қарашада белгілі болды. Сол кезде прокуратура алаяқтық белгілері бойынша Атырау әкімдігінің лауазымды тұлғаларына қатысты соталды тергеу жүргізіп жатқаны хабарланды. Ол облыстық прокуратура қала аумағында жер учаскелерін заңсыз бөлу фактісі бойынша ұсталды. 


Автор: Ербол Нурланов

Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.