Танымал өнерлі отбасы Әли Оқапов пен Ақерке Бүркітбай ұлдары Зейіннің 1 жасқа толу тойын жасады. Бұл туралы Stan.kz ақпарат агенттігі хабарлайды. 

Фото: https://www.instagram.com/akerkeburkitbay/

Халық әртісі Роза Рымбаева тұңғыш немересіне ән арнап, той шымылдығын ашты. 

“Бүгін көптен күткен тойымыз болады. Зейіннің 1 жасы мен тұсаукесер рәсімін жасаймыз. Ағайын-тума ғана болады. Үлкен той жасап, көп адамды шақырмадық. Өнердегі достарым музыка жағын көтереді. Қазір уақыт қымбат. Бірақ қонақтарымыз кешігіп жатыр. Кейін шақырған жерге кешікпейтін күн де келер. Қатты толқып тұрмын. Ерекше күнді әдейі таңдадық. Бізбен бірге болыңыздар”, – деді Әли Оқапов.

Фото: https://www.instagram.com/akerkeburkitbay/

Сонымен қатар Зейіннің анасы, қобызшы, “Асыл” тобының солисі Ақерке Бүркітбай да ұлын құттықтады. 

“Құлыншағым! Алғашқы жеке мерекең құтты болсын! Денің сау, еркін, ақылды, саналы болып өсе бер! Біз сені әрдайым қолдаймыз және жақсы көреміз!”, – деп жазды өнер иесі. 

Зейіннің тұсауын елімізге белгілі актерлар Азамат Сатыбалды мен Дулыға Ақмолда кескен. 

Еске салайық, Әли Оқаповтың денсаулығы күйзелістің кесірінен сыр бергенін айтқан еді. 


Автор: Айгерим Жумабаева

Айгерим — опытный редактор с богатым опытом в изучении и письме о культуре и истории. Ее страсть к языкам и письму помогает создавать увлекательные тексты.