Денсаулық сақтау министрі Ақмарал Әлназарова балалардың Рамазан айында ораза ұстағаны жөн бе деген сауалға жауап берді. Бұл туралы Stan.kz ақпарат агенттігі хабарлайды. 

Фото: smartik.ru

Министрдің айтуынша, баланың денесі метаболизмнің жоғарылауына байланысты тез өседі және энергия шығыны өте жоғары.

"Сондықтан, берген энергияны дер кезінде толықтырып отыруы керек. Баланың денсаулығы мен оның болашақта тұлға болып қалыптасуына уақытылы, сапалы, теңгерімді тамақтану өте маңызды. Мұны әрбір ата-ана түсінуі керек", – деді Әлназарова.

  • 2024 жылғы Қазақстан қалаларына арналған ораза кестесі жарияланды
  • Қазақстан мұсылмандары діни басқармасы 2024 жылғы пітір садақа мөлшерін белгіледі

Министр балаларына ораза ұстауға рұқсат беруді әрбір ата-ана өзі шешетінін айтты. Айтуынша, бұл жағдайда баланың жасы маңызды.

"Негізі, бала белгілі бір жасқа дейін толыққанды тамақтануы керек, яғни 16-17 жасқа дейін, барлық мүшелері толық қалыптасқанша", – деді министр.

Айта кетейік, бұған дейін Балаларға ораза ұстау міндет пе деген сауалға имам мен аудармашының эфирде жауап бергені туралы жазған едік. 


Автор: Ербол Нурланов

Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.