«Шығыс Қазақстан облысы Семей қаласының білім бөлімі» мемлекеттік мекемесінің «№» коммуналдық мемлекеттік мекемесінің жарғысы



жүктеу 366.46 Kb.
Дата19.11.2018
өлшемі366.46 Kb.


ШҚО Семей қаласы

әкімдігінің


2018 жылғы «__»

№ ______________



қаулысымен бекітілген


«Шығыс Қазақстан облысы Семей қаласының білім бөлімі»

мемлекеттік мекемесінің «№ _____ » коммуналдық мемлекеттік мекемесінің

ЖАРҒЫСЫ


  1. Жалпы ережелер




  1. «__» коммуналдық мемлекеттік мекемесі (әрі қарай – коммуналдық мемлекеттік мекеме) білім саласындағы функцияларды жүзеге асыру үшін мекеменің ұйымдық-құқықтық нысанында құрылған заңды тұлға мәртебесіне ие коммерциялық емес ұйым болып табылады.

  2. Мемлекеттік мекеме түрі: коммуналдық.

  3. Мемлекеттік мекеме құрылтайшысы Мекеме құру туралы шешім қабылдайтын және оны жүзеге асыратын Шығыс Қазақстан облысы Семей қаласының әкімдігі (әрі қарай – Құрылтайшы).

  4. Тиісті саланың уәкілетті органы, сондай-ақ оған байланысты коммуналдық мемлекеттік мекеменің мүлкіне қатысты құқық субъектісінің функцияларын жүзеге асыратын орган «Шығыс Қазақстан облысы Семей қаласының білім бөлімі» ММ (әрі қарай - тиісті саланың Уәкілетті органы) болып табылады

  5. Коммуналдық мемлекеттік мекеменің толық атауы:

мемлекеттік тілде: «__» коммуналдық мемлекеттік мекемесі;

орыс тілінде: коммунальное государственное учреждение «»

Коммуналдық мемлекеттік мекеменің орналасқан жері: - 070019, Қазақстан Республикасы, Шығыс Қазақстан облысы, Семей қаласы, көше.

  1. Коммуналдық мемлекеттік мекеменің жұмыс тәртібі: 6-(5) күндік жұмыс аптасы, демалыс күні – жексенбі (сенбі) ӘРБІР МЕКТЕП ӨЗ ЖҰМЫС РЕЖІМІН ЖАЗАДЫ, ЕГЕР ШАҒЫН ОРТАЛЫҚ БОЛСА, ШАҒЫН ОРТАЛЫҚ ТУРАЛЫ ҚОСУ ҚАЖЕТ.

2. Коммуналдық мемлекеттік мекеменің заңды мәртебесі


  1. Коммуналдық мемлекеттік мекеме ол мемлекеттік тіркелген кезден бастап құрылды деп есептеліп, заңды тұлғаның құқықтарына ие болады.

  2. Коммуналдық мемлекеттік мекеменің Қазақстан Республикасының заңнамасына сәйкес дербес теңгерімі, Қазақстан Республикасының қаржы Министрлігінің Қазынашылық органдарында шоттары, , Қазақстан Республикасының Мемлекеттік Елтаңбасы бейнеленген және мемлекеттік мекеменің атауы жазылған мөрі, бланкілері болады.

  3. Коммуналдық мемлекеттік мекеме басқа заңды тұлғаны құра алмайды, сондай-ақ оның құрылтайшысы (қатысушысы) бола алмайды.

  4. Коммуналдық мемлекеттік мекеме өзiнiң мiндеттемелерi бойынша өзiнің кепілдігіндегі ақшамен жауап бередi. Коммуналдық мемлекеттік мекемеде ақша жеткіліксіз болған кезде оның міндеттемелері бойынша әкімдік субсидиарлық жауапты болады.

  5. Коммуналдық мемлекеттік мекеменің азаматтық-құқықтық мәмілелері Қазақстан Республикасы Үкіметімен белгіленген тәртіпте тіркелуге жатады.


3. Қызметтің мәні, мақсаты және міндеттері, жүзеге асырылатын оқу бағдарламаларының тізбесі


  1. Коммуналдық мемлекеттік мекеме қызметінің мәні бастауыш, негізгі орта және жалпы орта білім жалпы білім берудің, сондай-ақ білім алушылар мен тәрбиеленушілердің қоғамдық-гуманитарлық, жаратылыстану-математикалық және қабілеттеріне сәйкес өзге оқу бағыттары бойынша кеңейтілген және тереңдетілген білім беруді қамтамасыз ететін қосымша білім берудің оқу бағдарламаларын іске асыру болып табылады.

  2. Коммуналдық мемлекеттік мекеме қызметінің мақсаты: білім алушылардың тиісті мемлекеттік жалпыға міндетті білім беру стандартымен қарастырылған базалық ғылым негіздерін алуын қамтамасыз ету.

  3. Мақсатқа қол жеткізу үшін коммуналдық мемлекеттік мекеме келесі қызмет түрлерін жүзеге асырады:

  1. құзыретті тұлғаны дамыту және қалыптастыруға бағытталған білім беру бағдарламаларын меңгеру арқылы оқушылардың функционалдық сауаттылығын дамыту үшін жағдайлар жасау;

  2. жеке тұлғаның шығармашылық, рухани және дене мүмкiндіктерін дамыту, адамгершілік пен салауатты өмір салтының берік негіздерін қалыптастыру;

  3. азаматтық пен патриоттық, өз Отаны – Қазақстан Республикасына деген сүйіспеншілікке, мемлекеттiк рәміздерді және мемлекеттік тілді құрметтеуге, халық дәстүрлерін қадірлеуге, Конституцияға және қоғамға қайшы келетін кез- келген көріністерге төзбеушілікке тәрбиелеу;

  4. белсенді азаматтық ұстанымы бар жеке тұлғаны тәрбиелеу, республиканың қоғамдық-саяси, экономикалық және мәдени өміріне араласу қажеттілігін, жеке тұлғаның өз құқықтары мен міндеттеріне саналы көзқарасын қалыптастыру;

  5. отандық және әлемдік мәдениет жетістіктеріне баулу, қазақ халқы мен Қазақстан Республикасында тұратын басқа да ұлттардың тарихын, әдет-ғұрпы мен дәстүрлерін зерделеу.

Коммуналдық мемлекеттік мекеменің жарғыда бектілген қызмет мәні мен мақсаттарына сәйкес келмейтін қызметті, сондай-ақ мәмілелерді жүзеге асыруына тыйым салынады.

  1. Коммуналдық мемлекеттік мекемесімен қызметтерді іске асыру, сондай-ақ, жарғыда бекітілген оның қызметтерінің объектілеріне және мақсаттарына жауап бермейтін мәміле жасауға тыйым салынады. Коммуналдық мемлекеттік мекемесі қызмет мақсаттарына қайшы жасалған мәміле, Қазақстан Республикасының шектеулі заңдарында немесе құрылтай құжаттарында не басшының жарғылық құзыретін бұза отырып, жасалған мәміле тиісті саланың уәкілетті органының (жергілікті атқарушы органының) немесе мемлекеттік мүлік жөніндегі уәкілетті органның не прокурордың талабы бойынша жарамсыз деп танылуы мүмкін.

  2. Коммуналдық мемлекеттік мекеме тиісті үлгілік оқу (жұмыс) жоспарлары мен үлгілік оқу бағдарламаларының негізінде әзірленген, бастауыш, негізгі орта және жалпы орта білімнің жалпы білім беретін оқу бағдарламаларын, сондай-ақ жалпы орта білім беретін сыныптарда қоғамдық-гуманитарлық, жаратылыстану-математика бағыттары бойынша бейінді оқыту пәндерді тереңдетіп оқытудың оқу бағдарламалары мен эксперименттік білім берудің оқу бағдарламаларын жүзеге асырады.

  3. Коммуналдық мемлекеттік мекемеде жеке адамның қажеттіліктері мен мүмкіндіктері, денсаулық жағдайлары ескеріле отырып, білім беру бағдарламалары күндізгі оқу түрінде, экстернат оқыту нысанында жүзеге асырылады.

  4. Тиісті білім беру деңгейінің мемлекеттік жалпыға міндетті стандарттары типі мен түріне қарамастан барлық білім беру ұйымдары үшін міндетті.

  5. Денсаулық жағдайына байланысты коммуналдық мемлекеттік мекемеге бара алмайтын және үйде оқытылатын он сегіз жасқа дейінгі 1-11 сынып оқушыларына арналған жеке оқыту жүзеге асырылады.

  6. Инклюзивті білім беру мақсаттарын іске асыра отырып, ерекше білім алу қажеттіліктері бар балаларға олардың білім алуы үшін арнайы жағдайларды қамтамасыз ету.



4. Коммуналдық мемлекеттік мекемені басқару


  1. Құрылтайшы заңнамада белгіленген тәртіпте келесі қызметтерді жүзеге асырады:

1) коммуналдық мемлекеттік мекеменің мүлкін бекітеді;

2) коммуналдық мемлекеттік мекемені қайта ұйымдастыру және тарату туралы шешім қабылдайды;

3) Жарғы, оған өзгертулер мен толықтырулар енгізуді бекітеді немесе жергілікті бюджеттен қаржыландыратын, коммуналдық мүлікке билік етуге уәкілетті атқарушы органға өкілеттік береді;

4) Қазақстан Республикасының заңнамасында белгіленген өзге де өкілеттіктерді жүзеге асырады.



  1. Коммуналдық мемлекеттік мекемені жалпы басқаруды Қазақстан Республикасының заңнамасына сәйкес айқындалған тиісті саланың уәкілетті органы жүзеге асырады.

  2. Тиісті саланың Уәкілетті органы Қазақстан Республикасының заңнамасында белгіленген тәртіппен келесі қызметтерді жүзеге асырады:

1) коммуналдық мемлекеттік мекеменің жеке қаржыландыру жоспарын бекітеді;

2) коммуналдық мемлекеттік мекеме мүлкінің сақталуына бақылауды жүзеге асырады;

3) Жарғыны және енгізілген өзгертулер мен толықтырулар мәтінінәзірлейді және оған қол қояды;

4) коммуналдық мемлекеттік мекеме директорының құқықтарын, міндеттері мен жауапкершілігін оны лауазымынан босату негіздерін айқындайды;

5) коммуналдық мемлекеттік мекеменің құрылымы мен шекті штаттық санын бекітеді;

6) жылдық қаржы есептілікті бекітеді;

7) Қазақстан Республикасының заңнамасында белгіленген өзге де өкілеттіктерді жүзеге асырады;

24. Коммуналдық мемлекеттік мекеме өз қызметінде Қазақстан Республикасының Конституциясын, Қазақстан Республикасының заңдарын, Ережені және осы Жарғыны басшылыққа алады.

25. Білім беру ұйымын тікелей басқаруды оның директоры жүзеге асырады.

26. Коммуналдық мемлекеттік мекеменің директоры мектептің қамқоршылық кеңесінің келісімі бойынша тиісті саланың уәкілетті органымен қызметке тағайындалады және қызметтен босатылады.

27. Коммуналдық мемлекеттік мекеменің директоры коммуналдық мемлекеттік мекеменің жұмысына басшылық етеді, тиісті саланың уәкілетті органына тікелей бағынады және мемлекеттік мекемеге жүктелген міндеттер мен олардың өз функцияларын жүзеге асыруына жеке жауапты болады.

28. Коммуналдық мемлекеттік мекеменің директоры дара басшылық қағидаты бойынша әрекет етеді және коммуналдық мемлекеттік мекеме қызметінің барлық мәселелерін Қазақстан Республикасының заңнамасында және мемлекеттік мекеменің жарғысында айқындалатын өз құзыретіне сәйкес дербес шешеді.

29. Коммуналдық мемлекеттік мекеме директорының коммуналдық мемлекеттік мекеменің жарғылық емес қызметті жүзеге асыруға бағытталған әрекеті еңбек міндеттерін бұзушылық болып табылады және де тәртіптік және материалдық жауапкершілік шараларын қолдануға әкеледі.

30. Коммуналдық мемлекеттік мекеменің қызметті жүзеге асыруы барысында коммуналдық мемлекеттік мекеменің директоры Қазақстан Республикасы заңнамасында белгіленген тәртіппен:

1) коммуналдық мемлекеттік мекеме атынан сенімхатсыз әрекет етеді;

2) мемлекеттік органдарда, басқа да ұйымдарда коммуналдық мемлекеттік мекеменің мүддесін білдіреді;

3) шарттар жасасады;

4) сенімхаттар береді;

5) коммуналдық мемлекеттік мекеменің іссапарларға, тағылымдамаға, қызметкерлерді қазақстандық және шетелдік оқу орталықтарында оқытуға және қызметкерлердің біліктілігін жоғарылатудың басқа да түрлеріне байланысты тәртібі мен жоспарларын бекітеді;

6) банк шоттарын ашады;

7) барлық қызметкерлер үшін міндетті бұйрықтар шығарады және нұсқаулар береді;

8) коммуналдық мемлекеттік мекеме қызметкерлерін жұмысқа қабылдайды және жұмыстан босатады;

9) коммуналдық мемлекеттік мекеме қызметкерлеріне, Қазақстан Республикасының заңнамасына сәйкес көтермелеу шараларын қолданады және оларды жазалайды;

10) коммуналдық мемлекеттік мекемесі қызметкерлерінің міндеттері мен өкілеттік аясын айқындайды;

11) оған Қазақстан Республикасының заңнамасымен, осы жарғымен және тиісті саланың уәкілетті органымен жүктелген басқа да функцияларды жүзеге асырады.

31. Коммуналдық мемлекеттік мекеменің директоры заңнамамен белгіленген тәртіппен:

1) коммуналдық мемлекеттік мекеме білім алушыларының, тәрбиеленушілерінің, қызметкерлерінің құқықтары мен бостандықтарын бұзғаны;

2) өзінің құзыретіне жатқызылған функцияларды орындамағаны;

3) мемлекеттік жалпыға міндетті білім беру стандартының талаптарын бұзғаны;

4) коммуналдық мемлекеттік мекеме білім алушылары мен тәрбиеленушілерінің, қызметкерлерінің оқу-тәрбие процесі кезіндегі өмірі мен денсаулығы;

5) қаржы-шаруашылық қызметтің жай-күйі, соның ішінде материалдық және ақша қаражатының нысаналы пайдаланбағаны;

6) нормативтік құқықтық актілерде және еңбек шартының талаптарында көзделген өзге де талаптарды бұзғаны үшін жауапты болады.

32. Коммуналдық мемлекеттік мекеменің директоры Қазақстан Республикасының заңнамасымен белгіленген тәртіппен үш жылда бір рет аттестаттаудан өтеді.

33. Коммуналдық мемлекеттік мекеменің директорына өздерінің лауазымдарын білім беру ұйымдары ішіндегі немесе одан тыс жерлердегі басқа да басшылық (ғылыми және ғылыми-әдістемелік басшылықтан басқа) лауазымдармен қоса атқаруға тыйым салынады.

34. Коммуналдық мемлекеттік мекеме директорының лауазымдық міндеттерін қоса атқаруға болмайды.

35. Коммуналдық мемлекеттік мекемені алқалы басқарудың нысандары педагогикалық, әдістемелік, қамқоршылық кеңестер және өз қызметтерін Қазақстан Республикасының білім саласындағы заңнамасы негізінде жүзеге асыратын өзге де басқару формалары болып табылады.

36. Педагогикалық кеңестің құрамына: коммуналдық мемлекеттік мекеменің директоры (төрағасы), оның орынбасарлары, педагогтар, тәрбиешілер, психолог, әлеуметтік педагог кіреді. Педагогикалық кеңестің құрамы оқу жылына коммуналдық мемлекеттік мекеме директорының бұйрығымен бекітіледі.

37. Білім беру ұйымының педагогикалық кеңесі (әрі қарай – Педагогикалық кеңес) білім беру ұйымының алқалы басқару нысандарының бірі болып табылады және келесі сұрақтарды қарастырады :

1) оқу – тәрбие жұмысын жоспарлау және іске асыру;

2) оқу - жұмыс жоспарларын бекіту;

3) білім беру қызметтерінің ұсынылу сапасы;

4) инклюзивті арнайы білім беруді қамтамасыз ету үшін білім алушылардың (тәрбиеленушілердің) үлгерімі мен психологиялық-педагогикалық даму ерекшеліктері туралы мәліметтер негізінде білім алушылардың (тәрбиеленушілердің) жеке ерекшеліктерін ескерумен оқу-тәрбие және коррекциялық-дамыту жұмысын ұйымдастыруға ұсынымдар әзірлеу;

5) білім алушылардың аралық және қорытынды аттестаттауын жүргізу, оларды емтиханға жіберу, білім алушыларды ұсынылған құжаттар негізінде емтихандардан босату, білім алушыларды келесі сыныпқа көшіру немесе оларды қайталап оқу курсына қалдыру, білім алушыларды грамоталармен, мақтау қағаздарымен марапаттау, негізгі орта білімді үздік аяқтау туралы аттестат, негізгі орта білімді аяқтау туралы, орта білімді үздік аяқтау туралы аттестат, жалпы орта білім туралы аттестат, белгіленген үлгідегі анықтамалар беру бойынша шешімдер қабылдау;

6) оқу жүктемесін бөлу, аттестаттауға дайындық, педагогтарды марапаттау және көтермелеу;

7) білім беру ұйымының үш тілде оқытуға көшуі;

8) білім алушылардың экстернат нысанындағы аралық және қорытынды аттестаттауына рұқсат беру, өткізу;

9) зияткерлік, ғылыми, спорттық жарыстарға, музыкалық-шығармашылық конкурстарға қатысатын білім алушылар үшін жеке жұмысты ұйымдастыру;

10) сабақтар кестесін құру;

11) білім алушыларды (тәрбиеленушілерді) қабылдау, ауыстыру және шығару;

12) білім алушылардың (тәрбиеленушілердің) эмоционалдық-еріктік және жеке басының дамуын зерделеу.

38. Коммуналдық мемлекеттік мекеменің оқу-әдістемелік жұмысын жалпы басқаруды әдістемелік кеңес жүзеге асырады. Әдістемелік кеңестің құрамына оқытушылар, әдіскерлер, әдістемелік бірлестіктердің жетекшілері, кадрлардың біліктілігін арттыру, қайта даярлау және аттестаттау жөніндегі құрылымдық бөлімшелердің басшылары, коммуналдық мемлекеттік мекеме директорының орынбасарлары кіреді. Кеңестің құрамы коммуналдық мемлекеттік мекеме директорының бұйрығымен бекітіледі.

39. Әдістемелік кеңестің негізгі міндеттері:

1) оқу процесін әдістемелік қамтамасыз етудің сапа мониторингісін ұйымдастыру;

2) коммуналдық мемлекеттік мекемеде шығарылатын оқу, оқу-әдістемелік және ғылыми-әдістемелік әдебиеттерді, құралдарды және басқа да материалдарды басып шығаруды жоспарлауды, сараптаманы және ұсынымды ұйымдастыру;

3) коммуналдық мемлекеттік мекемедегі оқу процесін әдістемелік қамтамасыз ету және жетілдіру;

4) оқу-әдістемелік және ғылыми-әдістемелік жұмыстарды ұйымдастыру және жетілдіру жөніндегі озық тәжірибелерді қорыту және тарату;

5) біліктілікті арттыру, педагогикалық және ғылыми кадрларды қайта даярлау және аттестаттау жүйесін жетілдіру, оқу процесінің мазмұнын талдау;

6) сапа менеджменті жүйесін дамыту және оқу процесіне әдістемелік әзірлемелердің нәтижелерін енгізу бойынша ұсынымдар дайындау;

7) коммуналдық мемлекеттік мекемеде әдістемелік жұмыстарды үйлестіру;

8) коммуналдық мемлекеттік мекемеде оқытудың жаңа және қолданыстағы технологиялар, әдістер, құралдар нысандарын енгізу және жетілдіру бойынша жұмыстарды ұйымдастыру;

9) оқытушылардың оқу-әдістемелік бірлестіктерінің шығармашылық (тұрақты және уақытша) орталықтарының жұмысын ұйымдастыру;

10) педагогтік ұжымның ғылыми-әдістемелік әлеуетін жетілдіру бойынша жұмыстарды басқару;

11) білім беруді дамыту, басым бағыттарды қалыптастыру және оны жүзеге асыру мәселелері бойынша ұсыныстар әзірлеу;

12) білім беру саласындағы қызметкерлерді аттестаттауға қатысу.

40. Қамқоршылық кеңестің құрамын тиісті саланың уәкілетті органы немесе білім саласындағы жергілікті атқарушы органы бекітеді және Қамқоршылық кеңеске мүше болуға үміткерлердің жазбаша келісімімен алынған ұсыныстардың негізінде қалыптастырылады.

41. Қамқоршылық кеңестің құрамына мыналар кіреді:

1) жергілікті өкілдік, атқарушы және құқық қорғау органдарының өкілдері;

2) жұмыс берушілер мен әлеуметтік әріптестердің өкілдері;

3) коммерциялық емес ұйымдардың өкілдері (бар болса);

4) ата-аналар комитеті ұсынған әрбір параллель сыныптан, курстан сол білім беру ұйымында білім алушылардың бір ата-анасы немесе заңды өкілі;

5) жәрдемшілер (бар болса).

Коммуналдық мемлекеттік мекеме жанынан құрылған Қамқоршылық кеңес отырысына директор немесе оның орынбасары қатысады.

42. Білім беру ұйымының Қамқоршылық кеңесі:

1) білім беру ұйымдарының білім алушылары мен тәрбиеленушілердің құқықтарының сақталуына, сонымен қатар білім беру мекемелерінің шотына түсетін қайырымдылық көмектің жұмсалуына қоғамдық бақылауды жүзеге асырады;

2) білім беру ұйымы басшысының бос лауазымына кандидатуралар бойынша шешім шығарады;

3) оқу-тәрбие процесін ұйымдастыру сұрақтарын келіседі;

4) білім беру ұйымының жарғысына өзгерістер және/немесе толықтырулар енгізу туралы ұсыныстар әзірлейді;

5) білім беру ұйымын дамытудың басым бағыттары бойынша ұсынымдарды әзірлейді;

6) қазақстандық азаматтардың отбасына жетім және ата-аналарының қамқорлығынсыз қалған балаларды орналастыру мәселелері жөнінде шараларды жетілдіру бойынша ұсыныстарды әзірлейді;

7) қайырымдылық көмек түрінде білім беру ұйымдарына түскен қаржыны бөлуге қатысады және оның мақсатты жұмсалуы туралы шешім қабылдайды;

8) білім беру ұйымының бюджетін қалыптастыру барысында ұсыныстарды әзірлейді;

9) тиісті саланың уәкілетті органына немесе білім саласындағы жергілікті атқарушы органына Қамқоршылық кеңестің білім беру ұйымының жұмысында анықтаған кемшіліктерді жою туралы ұсыныстар енгізеді;

10) білім беру ұйымы басшысының білім беру ұйымының қызметі туралы, оның ішінде білім беру қызметін ұсыну сапасы, қайырымдылық көмектің жұмсалуы және қазақстандық азаматтардың отбасыларына жетім және ата-аналарының қамқорлығынсыз қалған балаларды орналастыру мәселесі жөнінде шараларды қабылдау туралы есебін тыңдайды;

11) білім беру ұйымы қызметінің мәселелері бойынша конференцияларға, кеңестерге, семинарларға қатысады;

12) білім беру ұйымының қызметімен, білім беру ұйымындағы білім алушыларға және тәрбиеленушілерге жасалған жағдайлармен танысады, білім беру ұйымының психологын қатыстыра отырып, олармен әңгімелеседі.

5. Коммуналдық мемлекеттік мекеменің кұзыреті
43. Коммуналдық мемлекеттік мекеме Қазақстан Республикасының заңнамасында, тиісті үлгідегі білім беру ұйымдарының қызметі туралы үлгілік ережелер мен осы жарғыда белгіленген шектерде оқу-тәрбие процесін жүзеге асыруды, кадрларды іріктеу мен орналастыруды ғылыми, қаржы-шаруашылық және өзге де қызметті дербес жүзеге асырады.

44. Коммуналдық мемлекеттік мекеме өз қызметін жариялы түрде жүзеге асырады, жұртшылықты оқу-тәрбие, ғылыми-зерттеу және қаржы қызметі туралы хабардар етеді.



  1. Коммуналдық мемлекеттік мекеменің құзыретіне мынадай функциялар:

  1. мемлекеттік қызметтер көрсету;

2) ішкі тәртіп ережелерін әзірлеу және бекіту;

3) жұмыс оқу жоспарлары мен жұмыс оқу бағдарламаларын әзiрлеу және бекiту;

4) қысқартылған оқыту мерзімімен білім беру бағдарламаларын әзірлеу және бекіту;

5) ата-аналарды және өзге де заңды өкілдерді, білім алушылар мен тәрбиеленушілерді жыл сайын ағымдағы оқу жылының соңына дейін:

алдағы оқу жылында пайдалануға ұсынылатын оқулықтар мен оқу-әдістемелік кешендердің, құралдар мен қосымша әдебиеттердің, соның ішінде электрондық тасығыштардың тізбесі туралы;

алдағы оқу жылында пайдаланылатын оқу материалдарының тізбесі туралы хабардар ету;

6) егер осы Заңда және қабылдаудың Үлгілік ережесінде өзгеше көзделмесе бiлiм беру қызметiмен айналысуға берілген лицензияға сәйкес білім алушылардың, тәрбиеленушілердің контингентін қалыптастыру;

7) оқытудың жаңа технологияларын, соның ішінде оқытудың кредиттік технологиясын және қашықтықтан білім беру технологияларын енгізу;

8) ұлттық бірыңғай тестілеу мен жұмысшы кадрлардың және орта буын мамандарының мамандықтары бойынша біліктілікті беруді қоспағанда, білім алушылардың үлгерімін ағымдағы бақылауды, аралық және қорытынды аттестатталуын жүргізу;

9) өз қаржы қаражаттары шектерінде қызметкерлерге Қазақстан Республикасының заңнамасында белгіленген тәртіппен лауазымдық айлықтар (ставкалар), қосымша ақылар, үстеме ақылар және өзге де ынталандыру төлемдерін белгілеу;

10) Қазақстан Республикасының заңнамасында белгіленген тәртіппен кадрлардың біліктілігін арттыруды және оларды қайта даярлауды қамтамасыз ету;

11) коммуналдық мемлекеттік мекемені материалдық-техникалық қамтамасыз ету, жарақтандыру мен жабдықтау;

12) Қазақстан Республикасының заңнамасында белгіленген тәртіппен ақылы негізде қызметтер көрсетуді ұсыну;

13) жарғылық қызметті жүзеге асыру үшін Қазақстан Республикасының заңнамасында белгіленген тәртіппен қосымша қаржылық және материалдық қаражат көздерін тарту;

14) денсаулық сақтау саласындағы уәкілетті органның және халықтың санитариялық-эпидемиологиялық салауаттылығы саласындағы мемлекеттік органның келісімі бойынша білім беру саласындағы уәкілетті орган айқындайтын тәртіппен білім алушыларды тамақпен қамтамасыз ету;

15) коммуналдық мемлекеттік мекемесінің білім алушыларының, тәрбиеленушілерінің денсаулықтарын нығайту мен қауіпсіздіктерін жүзеге асырады, қоғамдастықты оқу, ғылыми-зерттеу және қаржылық қызметтен хабардар етеді;

16) білім алушылардың, тәрбиеленушілердің жекелеген санаттарына Қазақстан Республикасының заңнамасында көзделген қосымша жеңілдіктер мен материалдық қамсыздандыру түрлерінің уақтылы берілуін қамтамасыз ету;

17) білім алушылар мен тәрбиеленушілерді ұстауды белгіленген нормалардан төмен болмауын қамтамасыз ету;

18) қоғамдық өзін-өзі басқару органдарының, қоғамдық бірлестіктердің қызметіне жәрдемдесу;

19) Қазақстан Республикасының заңнамасында белгіленген тәртіппен қаржылық есептілікті тапсыру.



6. Коммуналдық мемлекеттік мекемеге қабылдау тәртібі, коммуналдық мемлекеттік мекеменің білім алушылармен, тәрбиеленушілермен және (немесе) олардың ата-аналарымен және басқа да заңды өкілдерімен қарым-қатынасын ресімдеу тәртібі


  1. Білім беру ұйымдары оқуға қабылдауды Қазақстан Республикасының Конституциясына, «Білім туралы» Заңға, бастауыг, негізгі орта және жалпы орта білімнің жалпы білім беретін оқу бағдарламаларын іске асыратын білім беру ұйымдарына оқуға қакбылдаудың үлгі Қағидаларына, өзге де нормативтік құқықтық актілерге сәйкес жүзеге асырады.

  2. Оқушылар, педагогикалық қызметкерлер, оқушылардың ата-аналары немесе олардың заңды өкілдері коммуналдық мемлекеттік мекемедегі білім беру процесінің субъектілері болып табылады.

  3. Мектепке дейінгі мекемелерде болмаған немесе мектепалды даярлықтан өтпеген балалар үшін білім беру ұйымдары оқу жылы басталғанға дейін даярлық курстарын ұйымдастырады.

  4. Білім алушыларды бастауыш және негізгі орта білімнің жалпы білім беретін оқу бағдарламаларын іске асыратын білім беру ұйымдарының екінші, үшінші, төртінші, бесінші, алтыншы, жетінші, сегізінші, тоғызыншы сыныптарына қабылдау білім беру ұйымының қызмет көрсету аумағында тұратын білім алушылардың қолжетімділігін қамтамасыз ете отырып жүзеге асырылады.

  5. Оныншы, он бірінші сыныптарына білім алушыларды қабылдау білім беру ұйымының қызмет көрсету аумағында тұратын білім алушылардың қолжетімділігін қамтамасыз ете отырып және білім алушының жеке өтінішінің не олардың ата-аналарының немесе өзге де заңды өкілдерінің өтінішінің және негізгі орта білім туралы мемлекеттік үлгідегі құжатының негізінде жүзеге асырылады.

  6. Балаларды гимназиялар мен лицейлерден басқа бастауыш білімнің жалпы білім беретін оқу бағдарламаларын іске асыратын білім беру ұйымдарының бірінші сыныбына қабылдау кезінде емтихандар, тестілеулер, сынақтар, конкурстар жүргізілмейді.

  7. Гимназиялар және лицейлер қызмет көрсету аумағында тұратын білім алушылардың қолжетімділігін қамтамасыз ете отырып, Қазақстан Республикасының мемлекеттік жалпыға міндетті білім беру стандарттарында айқындалған міндетті білім көлемін алуын қамтамасыз ету үшін жалпы білім беретін сыныптарды қалыптастырады.

  8. Коммуналдық мемлекеттік мекемеге қабылдау ағымдағы күнтізбелік жылдың 1 маусымы мен 30 тамызы аралығында; баланың туу туралы куәлігінің көшірмесі, денсаулық жағдайы туралы анықтама,
    3x4 көлеміндегі 2 дана фотосуретін қоса ұсынумен баланың ата-анасының және өзге де заңды өкілдерінің жазбаша өтініші негізінде жүзеге асырылады. Білім алушылар қатарына қабылдау коммуналдық мемлекеттік мекеме директорының бұйрығы негізінде жүргізіледі.

  9. Коммуналдық мемлекеттік мекемеге білім алушыларды қабылдау кезінде директор оқуға келушілерді, олардың заңды өкілдерін жарғымен және білім беру процесін ұйымдастыруды регламенттейтін басқа да құжаттармен таныстырады.

  10. Он алты жасқа дейінгі балаларды коммуналдық мемлекеттік мекемеден шығаруға құқыққа қарсы әрекеттер жасағаны, білім беру ұйымының жарғысын өрескел және бірнеше рет бұзғаны үшін тиісті саланың Уәкілетті органының шешімі бойынша ерекше жағдайларда рұқсат етіледі. Жетім балаларды және ата-анасының қамқорлығынсыз қалған балаларды шығару туралы шешім қорғаншы және қамқоршы ұйымдардың келісімімен қабылданады.


Білім беру процесіне қатысушылардың құқықтары мен міндеттері

56. Білім алушылар мен тәрбиеленушілердің:

1) мемлекеттік жалпыға міндетті білім беру стандарттарына сәйкес сапалы білім алуға;

2) білім беру ұйымы кеңесінің шешімі бойынша жалпыға міндетті мемлекеттік білім беру стандарттары аясында жеке оқу жоспарлары, қысқартылған білім беру бағдарламалары бойынша оқуға;

3) оқу жоспарларына сәйкес баламалы курстарды таңдауға;

4) өзінің бейімділігі мен қажеттеріне сәйкес ақылы негізде қосымша білім беру қызметтері мен білім алуға;

5) білім беру ұйымын басқаруға қатысуға;

6) білім беру ұйымдарында, соның ішінде мүгедектер, мүмкіндіктері шектеулі балалар үшін қолжетімді нысанда ақпараттық ресурстарды тегін пайдалануға, оқулықтармен, оқу-әдістемелік кешендермен және оқу-әдістемелік құралдармен, соның ішінде мүгедектер, мүмкіндіктері шектеулі балаларға арнап дайындалған оқулықтармен, оқу-әдістемелік кешендермен және оқу-әдістемелік құралдармен қамтамасыз етілуге;

7) спорт, оқу, акт залдарын, компьютерлік сыныптар және кітапхананы тегін пайдалануға;

8) өзінің пікірі мен сенімін еркін білдіруге;

9) өзінің адамдық қадір-қасиетінің құрметтелуіне;

10) оқудағы, ғылыми және шығармашылық қызметтегі табыстары үшін көтермеленуге және сыйақы алуға құқығы бар.



  1. Білім алушылар мен тәрбиеленушілер:

1) мемлекеттік жалпыға міндетті білім беру стандарттарының талаптарына сәйкес білімді, шеберлікті, практикалық дағдылар мен біліктілікті меңгеруге;

2) ішкі тәртіп ережелерін сақтауға, коммуналдық мемлекеттік мекеменің жарғысында көзделген басқа да талаптарды орындауға міндетті.

3) өздерінің денсаулығы үшін қам жеуге, рухани және тән саулығын өздігінен жетілдіруге ұмтылуға міндетті;

4) мемлекеттік мекеменің мүлкіне ұқыпты қарауға;

5) білім беру ұйымында белгіленген киім формасын сақтауға, этика және эстетика нормаларына жауап беретін мектеп формасына қойылатын талаптарды орындауға міндетті;

6) білім алушылар мен тәрбиеленушілер педагог қызметкердің ар-намысы мен қадір-қасиетін, өздері білім алатын оқу орнының дәстүрлерін құрметтеуге міндетті.



  1. Білім алушылардың, тәрбиеленушілердің міндеттерін бұзғаны үшін оларға мекеменің ішкі тәртіп ережелерімен және жарғысымен көзделген тәртіптік ықпал ету шаралары не білім беру қызметтерін көрсету туралы шартта көзделген өзге де шаралар қолданылуы мүмкін.

  2. Кәмелетке толмаған балалардың ата-аналары мен өзге де заңды өкілдерінің:

1) баланың тілегін, жеке бейімділігі мен ерекшеліктерін ескере отырып білім беру ұйымын таңдауға;

2) ата-аналар комитеттері арқылы білім беру ұйымдарын басқару органдарының жұмысына қатысуға;

3) білім беру ұйымдарынан өз балаларының үлгеріміне, мінез-құлқына және оқу жағдайларына қатысты ақпарат алуға;

4) өз балаларын оқыту мен тәрбиелеу проблемалары жөнінде психологиялық-медициналық-педагогикалық консультациялардан консультациялық көмек алуға;

5) балаларының шарттық негізде қосымша қызмет көрсетулер алуына құқығы бар.


  1. Ата-аналар мен өзге де заңды өкілдер:

1) балаларға өмірі мен оқуы үшін салауатты және қауіпсіз жағдайлар жасауға, олардың ой-өрісі мен дене күшін дамытуды, имандылық тұрғысынан қалыптасуын қамтамасыз етуге;

2) балаларды одан әрі жалпы білім беретін мектепке беруді айқындай отырып, мектепалды даярлығын қамтамасыз етуге;

3) осы жарғыда айқындалған қағидаларды және ішкі тәртіп ережелерін орындауға;

4) балалардың коммуналдық мемлекеттік мекемеде сабаққа баруын қамтамасыз етуге;

5) коммуналдық мемлекеттік мекеме жұмыскерлерінің ар-намысы мен қадір-қасиетін құрметтеуге;

6) білім беру саласындағы уәкілетті органмен белгіленген міндетті мектеп формасына қойылатын талаптарды орындауға;

7) білім беру ұйымында белгіленген киім үлгісін сақтауға;

8) ата-аналар жиналысына қатысуға міндетті.



  1. Педагог қызметкердің:

1) кәсіби қызметіне арналған жағдаймен қамтамасыз етіле отырып, педагогтік қызметпен айналысуға;

2) ғылыми-зерттеу, тәжірибелік-эксперименттік жұмыспен айналысуға, педагогтік практикаға жаңа әдістемелер мен технологияларды енгізуге;

3) дара педагогтік қызметке;

4) тиісті білім беру деңгейінің мемлекеттік жалпыға міндетті стандартының талаптары сақталған жағдайда педагогтік қызметті ұйымдастырудың тәсілдері мен нысандарын еркін таңдауға;

5) коммуналдық мемлекеттік мекемені басқарудың алқалы органдарының жұмысына қатысуға;

6) бес жылда бір реттен сиретпей, ұзақтығы төрт айдан аспайтын біліктілігін арттыруға;

7) санатын арттыру мақсатында мерзімінен бұрын аттестатталуға;

8) педагогтік қызметтегі табыстары үшін мемлекеттік наградалар, құрметті атақтар, сыйлықтар мен атаулы стипендиялар түрінде моральдық және материалдық көтермеленуге;

9) өзінің кәсіптік ар-намысы мен қадір-қасиетінің қорғалуына;

10) әскери қызметке шақырылу мерзімінің кейінге қалдырылуына;

11) ғылыми қызметпен айналысу үшін педагогтік өтілі сақтала отырып, шығармашылық демалыс алуға;

12) коммуналдық мемлекеттік мекеме әкімшілігінің бұйрықтары мен өкімдеріне шағым жасауға;

13) білім алушылар, тәрбиеленушілер және олардың ата-аналары немесе өзге де заңды өкілдері тарапынан өз ар-намысы мен қадір-қасиетінің құрметтелуіне құқығы бар.


  1. Педагог қызметкер:

1) өзінің кәсіптік құзыреті саласында тиісті теориялық және практикалық білімді және оқыту дағдыларын меңгеруге;

2) мемлекеттік жалпыға міндетті білім беру стандарттарының талаптарына сәйкес ұсынылатын білім беру қызметтерінің сапасын қамтамасыз етуге;

3) білім алушыларды жоғары имандылық, ата-аналарына, этномәдени құндылықтарға құрмет көрсету, қоршаған дүниеге ұқыпты қарау рухында тәрбиелеуге;

4) білім алушылардың өмірлік дағдыларын, құзыретін, өздігінен жұмыс істеуін, шығармашылық қабілеттерін дамытуға;

5) өзінің кәсіптік шеберлігін, зияткерлік, шығармашылық және жалпы ғылыми деңгейін ұдайы жетілдіріп отыруға;

6) бес жылда бір реттен сиретпей аттестаттаудан өтуге;

7) педагогтік әдеп қағидаларын сақтауға;

8) білім алушылардың, тәрбиеленушілер мен олардың ата-аналарының немесе өзге де заңды өкілдерінің ар-намысы мен қадір-қасиетін құрметтеуге;

9) білім алушылар жасаған, оның ішінде білім алушыларға қатысты қылмыстық құқық бұзушылықтар фактілері туралы не өздеріне белгілі болған, білім беру ұйымдарынан тыс жерде болған осындай құқық бұзушылықтар жасау фактілері туралы құқық қорғау органдарына дереу хабарлауға;

10) өмірде қиын жағдайға тап болған баланы анықтағаннан бастап бір жұмыс күні ішінде кәмелетке толмағандар арасындағы құқық бұзушылықтардың, қадағалаусыз және панасыз қалудың профилактикасы жүйесі органдарына хабарлауға;



  1. Коммуналдық мемлекеттік мекеме қызметкерлерінің еңбегіне ақы төлеу жүйесі Қазақстан Республикасының заңнамасында белгіленген тәртіппен айқындалады.

  2. Мектептің эксперимент режімінде жұмыс істейтін педагог қызметкерлеріне Қазақстан Республикасының заңнамасында белгіленген тәртіппен қосымша ақы және басқа да төлемдер төленеді.

  3. Қызметкердің және коммуналдық мемлекеттіка мекеменің еңбек қатынастары Қазақстан Республикасының заңнамасымен белгіленген тәртіппен реттеледі.

  4. Педагогикалық қызметпен айналысуға арнайы педагогикалық және сәйкесті бейін бойынша кәсіби білімі бар тұлғалар жіберіледі.

  5. Коммуналдық мемлекеттік мекемеде жұмыс істеуге:

  1. медициналық қарсы көрсетілімдері бар;

  2. психиатриялық және (немесе) наркологиялық диспансерде есепте тұрған тұлғалар;

  3. Қазақстан Республикасының Еңбек кодексімен көзделген шектеулер негізінде жіберілмейді.

  1. Міндеттерді бұзғаны және педагогикалық қызметкер атағының беделін түсіретін теріс қылық жасағаны үшін педагогикалық қызметкер Қазақстан Республикасы заңдарымен белгіленген жауаптылыққа тартылуы мүмкін.



7. Білім беру процесі


  1. 1 деңгей –бастауыш білім беру (1 – 4 сыныптар) баланың жеке басын қалыптастыруға, оның жеке қабілеттерін, оқу ісіндегі оң талпынысы мен алғырлығын: негізгі мектептің білім беру бағдарламаларын кейіннен меңгеру үшін оқудың, жазудың, есептеудің, тілдік қатынастың, шығармашылық тұрғыдан өзін-өзі көрсетудің, мінез-құлық мәдениетінің берік дағдыларын дамытуға бағытталған.

  2. 2 – деңгей - негізгі орта білім беру (5 – 9 сыныптар) білім алушылардың ғылым жүйесінің базалық негіздерін меңгеруге, олардың бойында тұлғааралық және этносаралық қатынастың жоғары мәдениетін қалыптастыруға, жеке адамның өзін-өзі билеуіне және кәсіптік бағдарлануына бағытталады.

Осы деңгейде білім алушылардың қызығушылықтарын, қабілеттерін және кәсіби бағдарлануларын жүзеге асыруға бағытталған бейін алды даярлығын (7-9 сыныптар) қамтиды.

  1. 3 – деңгей (10 – 11 сыныптар) жаратылыстану-математикалық және қоғамдық-гуманитарлық бағыттар бойынша бейіндік оқытуды енгізе отырып саралау, интеграциялау және білім беру мазмұнын кәсіптік бағдарлау негізінде әзірленеді.

  2. Оқыту мен тәрбиелеу тілі мемлекеттік тіл болып табылады (көрсету).

  3. Коммуналдық мемлекеттік мекемедегі білім беру процесі үлгілік оқу жоспары негізінде дайындалатын оқу жұмыс жоспары аясында жүзеге асырылады және тиісті саланың Уәкілетті органымен келісіліп, коммуналдық мемлекеттік мекеменің өзінде бекітіледі.

  4. Білім беру мазмұны білім берудің мемлекеттік жалпыға міндетті стандарттары негізінде әзірленетін жалпы білім беретін оқу және білім беру бағдарламаларымен айқындалады.

Білім мен ғылымды интеграциялау, оқу-тәрбие процесін қамтамасыз ету және жетілдіру, оқытудың жаңа технологияларын әзірлеу және енгізу, білім беру ұйымдарында және тиісті инфрақұрылымда педагог қызметкерлердің біліктілігін арттыруды қамтамасыз ету мақсатында оқу-әдістемелік және ғылыми-әдістемелік жұмыс жүзеге асырылады.

  1. Коммуналдық мемлекеттік мекемедегі оқу сабақтарының басталуы мен аяқталуы, оқу сабақтарының ұзақтығы және каникул күндерін бөлу Қазақстан Республикасының заңнамасына сәйкес айқындалады.

Бірінші сыныптарда және мектепалды даярлық сыныптарында сәйкес саланың өкілетті органдарымен басталуы және аяқталуы анықталған үшінші тоқсан ортасында қосымша демалыс аптасы енгізілген.

  1. Коммуналдық мемлекеттік мекемедегі сабақ кестесінде білім алушылар мен тәрбиеленушілердің тамақтануы және белсенді тынығуы үшін ұзақтығы жеткілікті үзіліс жасалуы көзделуге тиіс.

77. Коммуналдық мемлекеттік мекемеде сабақтың ұзақтығы 40 минуттан аспауы тиіс. Бірінші сыныптарда оқу жүктемесін бірте-бірте арттыра отырып, оқу сабақтарының «сатылы» режімін қолданады. Қыркүйекте үш сабақ 35 минуттан, қазаннан бастап 40 минуттан жоспарланады. Сабақтарда дене шынықтыру минуттары және көзге арналған жаттығулар өткізіледі. Мектепалды даярлық сыныптарында ең көп рұқсат етілген сабақтар саны – 25-30 минут ұзақтығынан көп болмауы керек (ОСЫ ТАРМАҚТЫ МҰҚИЯТ ҚАРАҢЫЗДАР, МЕКТЕПАЛДЫ ДАЯРЛЫҚ ТОПТАРЫ БАР МЕКТЕПТЕР ОСЫЛАЙ ҚАЛДЫРАСЫЗДАР, ОНДАЙ ТОПТАРЫ ЖОҚ МЕКТЕПТЕР ОҒАН ҚАТЫСТЫ СӨЗДЕРДІ АЛЫП ТАСТАЙСЫЗДАР)

78. Коммуналдық мемлекеттік мекемеде оқу сабақтары сағат сегізден ерте басталмайды.

79. Жеке пәндер, соның ішінде бейінді пәндер бойынша сабақтар өткізу кезінде заңнамада белгіленген тәртіппен сыныптарды топтарға бөлу жүргізіледі.

8. Білім алушылардың үлгеріміне ағымдық бақылау, аралық және қорытынды аттестаттау өткізу жүйесі, формасы және тәртібі
80. Білім алушылардың үлгерімін ағымдық бақылау - бұл жалпы білім беретін оқу бағдарламасына сәйкес ағымдағы сабақ барысында мұғалім жүргізетін білім алушылардың білімдерін жүйелі тексеру мақсатында жүргізіледі.

81. Білім алушылардың үлгеріміне ағымдық бақылауды барлық оқу пәндері бойынша мұғалімдер 2-11 (12)-сыныптарда оқу жылының бірінші тоқсанынан (жарты жылдығынан) бастап жүргізеді.

82. 1-сыныптың бірінші жартыжылдығында оқу материалын меңгеру деңгейіне баға қойылмайды.

83. 1-11 (12)-сыныптардың білім алушыларының пәндер бойынша жылдық бағасы тоқсандық (жартыжылдық) бағалардың негізінде қойылады.

84. 5-11 (12) сыныптардың білім алушыларының пәндер бойынша қорытынды бағасы тоқсандық, жылдық және емтихан бағаларының негізінде қойылады.

85. Тоқсандық, жартыжылдық, жылдық және қорытынды бағаларды қайта қарауға рұқсат берілмейді.

86. 1-сынып білім алушылары психологиялық-медициналық-педагогикалық консультацияның ұсынымдары және ата-аналардың немесе баланың заңды өкілдерінің келісімі бойынша қалдырылған білім алушыларды қоспағанда, қайта оқу жылына қалдырылмайды.

87. Бір немесе екі пәннен қанағаттанарлықсыз бағалары бар 2-4-сыныптардың білім алушылары үшін ауызша, жазбаша немесе тест тапсырмалары нысанындағы бақылау жұмыстары қайта ұйымдастырылады. Бақылау жұмыстарының қорытындысы бойынша «3», «4», «5» деген бағаларын алған білім алушылар келесі сыныпқа көшіріледі.

88. Бір немесе екі пәннен қанағаттанарлықсыз бағалары бар 5-8 (9), 10 (11) сыныптардың білім алушылары аралық аттестаттауға жіберіледі.

89. Үш немесе одан да көп пәндерден қанағаттанарлықсыз бағалары бар 2-8 (9), 10 (11) сыныптардың білім алушылары аралық аттестаттауға жіберілмейді, қайта оқу жылына қалдырылады.

90. 5-8 (9), 10 (11) сыныптардағы білім алушыларды аралық аттестаттау оқу жылы аяқталғаннан кейін 31 мамырға дейін жүргізіледі. Аралық аттестаттау оқу пәндерінің тізбесі (екіден артық емес), нысандары мен өткізу мерзімдері білім беру ұйымының мектептің педагогикалық кеңесінің (бұдан әрі – педагогикалық кеңес) шешімімен белгіленеді.

91. Бір немесе екі пәннен қанағаттанарлықсыз қорытынды бағалары бар 5-8 (9), 10 (11) сыныптардың білім алушылары осы пәндер бойынша қайта аралық аттестаттаудан өтеді. Жазғы каникул кезеңінде осы білім алушыларға тиісті пәндер бойынша оқу тапсырмалары беріледі.

92. Қайта аттестаттау оқу жылы аяқталғаннан кейін 3 аптадан соң жүргізіледі. Қайта аттестаттау кезінде қанағаттанарлықсыз қорытынды баға алған жағдайда, білім алушылар қайта оқу жылына қалдырылады.

93. 2-8 (9), 10 (11) сыныптардан келесі сыныпқа барлық оқу пәндері бойынша жылдық және қорытынды бағалары «3», «4», «5» болған білім алушылар көшіріледі.

94. Барлық оқу пәндері бойынша жылдық бағалары «5» болған 5-8 (9), 10 (11) сыныптардың білім алушылары келесі сыныпқа емтихансыз көшіріледі.

95. Негізгі орта, жалпы орта білім берудің жалпы білім беретін оқу бағдарламаларын меңгеру білім алушылардың міндетті қорытынды аттестаттауымен аяқталады және мынадай нысандарда өткізіледі:

1) 9 (10) сыныптардың білім алушылары үшін қорытынды бітіру емтихандары;

2) 11 (12) сыныптардың білім алушылары үшін мемлекеттік бітіру емтихандары.

96. 1-8 (9), 10 (11) сыныптардың білім алушыларына қорытынды аттестаттау қарастырылмайды.

97. Негізгі орта білім берудің жалпы білім беретін оқу бағдарламаларын меңгерген 9 (10) сынып білім алушылары төрт пәннен емтихан тапсырады, оның біреуі таңдау бойынша.

98. 9 (10) сынып білім алушылары үшін қорытынды аттестаттау мынадай нысандарда өткізіледі:

1) ана тілі мен әдебиетінен жазбаша емтихан (оқыту тілі бойынша) (гуманитарлық циклдегі пәндерді тереңдетіп оқытатын мектептердің білім алушылары үшін – шығарма, қалған білім алушылар үшін - диктант);

2) математикадан жазбаша емтихан;

3) орыс тілінде оқытатын мектептерде қазақ тілінен ауызша емтихан және қазақ тілінде оқытатын мектептерде орыс тілінен ауызша емтихан;

4) таңдау бойынша пәннен (физика, химия, биология, география, геометрия, Қазақстан тарихы, дүниежүзі тарихы, әдебиет, шетел тілі (ағылшын, француз, неміс), информатика) ауызша емтихан.

99. Жалпы орта білім берудің жалпы білім беру оқу бағдарламаларын меңгерген 11 (12) сынып білім алушылары бес емтихан түрінде қорытынды аттестаттау тапсырады, олардың біреуі таңдау бойынша.

100. 11 (12) сынып білім алушыларын қорытынды аттестаттау мынадай нысандарда өткізіледі:

1) ана тілі және әдебиетінен (оқыту тілі) эссе нысанында жазбаша емтихан:

2) алгебра және анализ бастамалары пәнінен жазбаша емтихан;

3) Қазақстан тарихынан ауызша емтихан;

4) орыс тілінде оқытатын мектептерде қазақ тілінен және қазақ тілінде оқытатын мектептерде орыс тілінен тестілеу;

5) таңдау бойынша пәннен (физика, химия, биология, география, геометрия, дүниежүзі тарихы, әдебиет, шетел тілі (ағылшын, француз, неміс), информатика) тестілеу.

101. Негізгі орта білім туралы аттестатқа қосымшаға енгізілетін оқыған пәндерден «5» деген бағасы бар 9 (10) сынып бітірушілеріне заңнамамен бекітілген нысанға сәйкес негізгі орта білім туралы үздік аттестат беріледі.

102. Негізгі орта білім туралы аттестатқа қосымшаға енгізілетін оқыған пәндерден «5» деген бағасы бар 10 (11) сынып бітірушілеріне жалпы орта білім туралы үздік аттестат беріледі.

103. Жақсы мінез-құлық танытқан және 5-11 (12) сыныптар аралығында барлық пәндерден жылдық және қорытынды бағалары «5» болған және жалпы орта білімі бойынша қорытынды аттестаттаудан «5» деген бағаға өткен 11 (12) сынып бітірушілеріне бекітілген нысанға сәйкес жалпы орта білім туралы «Алтын белгі» аттестаты және «Алтын белгі» белгісі беріледі.

104. Білім алушылардың оқу жетістігін бағалау формативтік және жиынтық бағалау нысандарында жүзеге асырылады.

105. Формативтік бағалау білім алушылардың оқыту мақсатына жету мониторингін жүргізу және орындалған үй жұмысы мен педагогтің жазбаша түрдегі (дәптерге немесе күнделікке) немесе ауызша ұсынымдамалырының қорытындысын ескере отырып, сараланған жұмыстарды одан әрі теңестіру үшін жүргізіледі.

106. Білім алушылардың үлгеріміне ағымдық бақылауды тоқсан, бөлім (ортақ тақырып) аяқталғаннан кейін оқу материалдарының мазмұнын меңгеру деңгейін анықтау және қадағалау үшін жиынтық бағалау нысанында педагогтер жүргізеді.

107. Ерекше оқу қажеттіліктері бар білім алушыларды бағалау кезінде педагог сараланған және/немесе жеке тапсырмаларды қолданып, сондай-ақ оқушының ерекшелігін есепке ала отырып, бағалау критерийлеріне өзгерістер енгізеді.

108. Психологиялық-медициналық-педагогикалық кеңес беру қорытындысымен сол сныпта қайтадан оқытуға ұсыныс берілген және/немесе баланың ата-анасының немесе заңды өкілдерінің келісімімен орнында қалдырылатын білім алушыларды қоспағанда 1-сынып білім алушысы оқу жылын қайта оқуға орнында қалдырылмайды.

109. 2-11 (12) сынып білім алушыларының пәндер бойынша жылдық бағалары жақын бүтіндікке дөңгелектеу арқылы тоқсандық бағалар жиынтығының орташа арифметикалық мәні ретінде қойылады және қорытынды баға болып табылады.

110. Оқу жылының қорытындысы бойынша аралық аттестаттау жүргізілмейді.

111. Бір немесе екі пәннен «2» бағасын алған 2-8 (9) және 10 (11) сынып білім алушылары үшін мектеп жасаған кестеге сәйкес жүргізілетін оқу жылындағы материал мазмұнын қамтитын жиынтық бағалау оқу жылына ұйымдастырылады.

112. Қорытынды баға жақын бүтіндікке дөңгелектеу арқылы жылдық баға мен қосымша жиынтық бағаның орташа арифметикалық мәні арқылы қойылады.

113. Үш немесе одан да көп пәннен «2» бағасын алған 2-8 (9) және 10 (11) сынып білім алушылары қайта оқуға орнында қалдырылады.

114. «3», «4», «5» бағаларын алған 2-8 (9) және 10 (11( сынып білім алушылары келесі сыныпқа көшіріледі.

115. Бір немесе екі оқу пәнінен қайта «2» бағасын алған 2-8 (9) және 10 (11) сыныптардың білім алушылары, осы пәндерден қосымша жиынтық бағалаудан өткізіледі.

116. Қорытынды баға жақын бүтіндікке дөңгелектеу арқылы жылдық баға мен қосымша жиынтық бағаның орташа арифметикалық мәні арқылы қойылады.

117. Қосымша жиынтық бағалау жаңа оқу жылының басына дейін өткізіледі.

118. Қосымша жиынтық бағалаудан «2» деген баға алған жағдайда, білім алушы сол сыныпта оқуға орнында қалдырылады.

119. Тоқсандық, жылдық және қорытынды бағаларды қайта қарауға рұқсат берілмейді.

120. Оқушылар бір мектептен екінші мектепке ауысқан кезде, оқу жылы көлеміндегі оның жиынтық бағалау нәтижесі (бөлім (ортақ тақырыптар) және тоқсан үшін жиынтық бағалаудың максималды балы және білім алушының қорытынды балдары) электронды (қағаз) журналдан жазба арқылы ресімделіп, директор және мектеп мөрімен расталып, оқушының жеке іс қағазымен беріледі.



9. Міндетті мектеп формасына қойылатын талаптар
116. Міндетті мектеп формасы (бұдан әрі – мектеп формасы) оқытудың зайырлы сипатына сәйкес келеді. Мектеп формасының үлгісі, түсі классикалық стильде, бірыңғай түс гаммасында жасалады, үшеуден асырмай түстерді араластыруға рұқсат етіледі. Мектеп формасының түсі қалыпты және ашық емес түстерден таңдалады.

105. Ұлдардың мектеп формасы: пиджак, жилет, шалбар, мерекелік жейде, күнделікті жейде (қысқы мезгілде: трикотаж жилет, водолазка). Ұлдарға арналған шалбарлар еркін тігілген және ұзындығы бойынша тобықты жауып тұрады. Мектеп формасының түсі қою көк түсті және қою қызыл.

106. Қыздардың мектеп формасы: пиджак, жилет, юбка, шалбар, классикалық жейде (қысқы уақытта: трикотаж жилет, сарафан, водолазка). Қыздарға арналған шалбарлар еркін тігілген және ұзындығы бойынша тобықты жауып тұрады. Мектеп формасының түсі қою көк түсті және қою қызыл.

107. Ұлдардың мерекелік формасы күнделікті формаға қосымша ақ жейдеден, қыздар үшін ақ түсті көйлектен құралады.

108. Ұлдар мен қыздарға арналған спорттық форма спорттық костюмнен (спорттық шалбар, куртка, футболка), спорттық аяқ киімнен (крассовка, кеды) тұрады.

109. Мектеп формасына классикалық пішіндегі мектеп формасының негізгі түсіне сәйкес немесе кереғар келетін галстук тігіледі.

110. Мектеп формасына түрлі діни конфессияларға қатысты киім элементтерін қосуға болмайды.

111. Мектеп формасына қойылатын талаптар бойынша жарақаттайтын фурнитурасы бар киім мен аксессуарлар киюге тыйым салынады.

112. Мектеп формасына орта білім беру ұйымының ерекшелік белгілерін (белгілер, тігіспелер және т.б.) салуға болады. Олар киімнің немесе аксессуардың (пиджак, жилет, галстук) жоғарғы бөлігінде орналасады.

113. Мектеп формасына қойылатын талаптар климаттық жағдай, оқу сабақтарының өткізілу орны және оқу ғимаратындағы температуралық режим ескеріліп, іске асырылады.

114. Мектеп формасына өзгерістер енгізу туралы шешім қоғамдық кеңеспен келісу арқылы қабылданады.

115. Ата-аналар және өзге заңды өкілдер білім алушылардың орта білім беру ұйымында белгіленген мектеп формасын киюіне жауап береді.



10. Мүлкінің құрылу тәртібі және қызметінің қаржылық қамтамасыз етілуі
122. Коммуналдық мемлекеттік мекеме мүлкін бағасы оның теңгерімінде айқындалатын заңды тұлғаның активтері құрайды. Мемлекеттік мекеменің мүлкі мыналардың:

1) оған меншік иесі берген мүлік;

2) өз қызметі барысында сатып алған мүлік (ақшалай кірістерді қоса алғанда);

3) Қазақстан Республикасының заңнамасымен тыйым салынбаған өзге де қаржы көздері есебінен құрылады.

123. Коммуналдық мемлекеттік мекеменің мүлкі оған жедел басқару құқығымен тиесілі және коммуналдық меншікке жатады.

124. Коммуналдық мемлекеттік мекеме дербес иеліктен шығаруға немесе оған бекітілген мүлік пен оған смета құралдары бойынша бөлінген мүлікке өзгеше тәсілмен иелік етуге құқығы жоқ.

125. Егер Қазақстан Республикасының заңдарында қосымша қаржыландыру көзі белгіленбесе, коммуналдық мемлекеттік мекеменің қызметі тиісті саланың уәкілетті органы бюджетінен қаржыландырады.

126. Коммуналдық мемлекеттік мекеме бухгалтерлік есеп жүргізеді және Қазақстан Республикасының заңнамасына сәйкес есептілік ұсынады.

127. Коммуналдық мемлекеттік мекеменің қаржылық-шаруашылық қызметін тексеру және ревизия Қазақстан Республикасы заңнамасында белгіленген тәртіппен тиісті саланың уәкілетті органы Жүзеге асырады.

11. Қосымша ақылы білім беру қызметтерінің тізбесі және көрсету тәртібі
128. Коммуналдық мемлекеттік мекеме мемлекеттік жалпыға міндетті білім беру стандарттарының талаптарынан тыс, ақылы қызметтер көрсету туралы шартты жасай отырып, ақылы негізде мынадай қызметтерді көрсетуге құқылы:

1) қосымша білім беру бағдарламаларын (балалар және жасөспірімдер шығармашылығын, спорт, мәдениет және өнер саласындағы бейімділіктер мен қызығушылықтарды дамыту, мамандардың біліктілігін арттыру) іске асыру;

2) оқу жоспары мен бағдарламалары бойынша бөлінген оқу уақытынан пәндер (сабақтар және сабақтардың циклдері) бойынша жекелеген білім алушылармен қосымша сабақтар ұйымдастыру;

3) пәндер (сабақтар және сабақтардың циклдері) бойынша білім алушылармен ғылым негіздерін тереңдетіп оқып үйренуді ұйымдастыру;

4) жазғы демалысты ұйымдастыру, білім алушылар мен тәрбиеленушілердің тамақтануын қамтамасыз ету;

5) білім алушылар мен тәрбиеленушілер, педагог қызметкерлер мен ересек жұртшылық арасында әр түрлі: спорт жарыстарын, семинарлар, кеңестер, конференциялар, сондай-ақ оқу-әдістемелік әдебиетті әзірлеу мен өткізу жөніндегі іс-шаралар ұйымдастыру және өткізу;

6) музыка аспаптарын пайдалануға беру, энергия қондырғылары мен қазандықтар беретін жылу энергиясын жіберу, оқу-өндірістік шеберханалардың, оқу шаруашылықтарының, оқу-тәжірибе учаскелерінің өнімдерін өндіру мен өткізуді ұйымдастыру.

129. Білім алушыларға және (немесе) тәрбиеленушілерге ақылы білім беру қызметтері ата-анасының немесе өзге де заңды өкілдерінің тілегі бойынша жеке кесте бойынша ұсынылады.

130. Коммуналдық мемлекеттік мекеме ақылы негізде ұсынатын тауарларға (жұмыстарға және қызметтер көрсетуге) бағалар Қазақстан Республикасының заңнамасында белгіленген тәртіппен бекітілуге жатады.

12. Коммуналдық мемлекеттік мекемедегі жұмыс тәртібі
131. Коммуналдық мемлекеттік мекеменің жұмыс тәртібі ішкі еңбек тәртібінің қағидаларымен белгіленеді және Қазақстан Республикасы еңбек заңнамасының нормаларына қайшы келмеуі тиіс.

13. Құрылтай құжаттарына өзгерістер мен толықтырулар

енгізу тәртібі
132. Коммуналдық мемлекеттік мекеменің құрылтай құжаттарына өзгерістер мен толықтырулар енгізу тиісті саланың уәкілетті органының (жергілікті атқарушы органының) шешімі бойынша жүзеге асырылады.

133. Коммуналдық мемлекеттік мекеменің құрылтай құжаттарына енгізілген өзгерістер мен толықтырулар Қазақстан Республикасының заңнамасына сәйкес тіркеледі.



14. Коммуналдық мемлекеттік мекемені қайта ұйымдастыру

және тарату шарттары
134. Коммуналдық мемлекеттік мекемені қайта ұйымдастыру және таратуды жергілікті атқарушы орган жүзеге асырады.

135. Таратылған коммуналдық мемлекеттік мекеменің кредиторларды қанағаттандырғаннан кейін қалған мүлігін мемлекеттік мүлік бойынша уәкілетті орган (жергілікті атқарушы орган) қайта бөледі.



136. Кредит берушілердің талаптары қанағаттандырылғаннан кейін қалған таратылған коммуналдық мемлекеттік мекеменің ақшасы, осы заңды тұлғаның мүлкін сату нәтижесінде алынған қаражатты қоса алғанда, тиісті бюджеттің табысына есептеледі.





Достарыңызбен бөлісу:


©kzref.org 2019
әкімшілігінің қараңыз

    Басты бет