«Шығыс Қазақстан облысының мемлекеттік еңбек инспекциясы басқармасы» мм



жүктеу 76.43 Kb.
Дата07.05.2019
өлшемі76.43 Kb.







«Шығыс Қазақстан облысының мемлекеттік еңбек инспекциясы басқармасы» ММ

070004, Өскемен қаласы, Карл Либкнехт көшесі, 19, 7-қабат

байланыс телефоны: 256502, e-mail: enbek-i@akimvko.gov.kz

бос әкімшілік мемлекеттік лауазымдарға орналасуға

жалпы конкурс жариялайды
еңбек қатынастарын бақылау бөлімінің бас маманы-мемлекеттік еңбек инспекторына, (D-О-4 санаты бойынша лауазымдық жалақысы қызмет атқарған жылдарына байланысты 83282,08 теңгеден 112430,81 теңгеге дейін).

Функционалдық міндеттері: еңбек заңнамасының сақталуына мемлекеттік бақылау жасауды жүзеге асыру, заңнама талаптарының бұзылуын жібермеу, алдын алу бойынша құқықтық және әкімшілік ықпал ету шараларын қолдану, бұзушылықтардың салдарына талдау жасау; еңбек заңнамасы мәселелері бойынша жеке және заңды тұлғалардың арыздарын қарау; еңбек, халықты жұмыспен қамту туралы Қазақстан Республикасының заңнамаларының және басқа да нормативтік-құқықтық актілерінің бұзылуын қорытындылау, жинақтау, талдау, және бұзушылықтарды жою бойынша шаралар қолдану, сонымен қатар олар бойынша есептер жасау;

еңбек заңнамасы мәселері бойынша ақпараттық-имидждік және түсіндірме жұмыстарын жүргізу;

өндірістегі ауыр және адам өлімімен аяқталған жазатайым оқиғаларды тексеру комиссиясының құрамына қатысу; белгіленген нысандар бойынша есептер жасау.

Білімі: жоғары білім, келесі тараудың мамандықтары бойынша: «Құқық» (құқықтану), «Бизнес және әлеуметтік ғылымдар» (экономика, қаржы, мемлекеттік және жергілікті басқару, есеп және аудит) немесе «Техникалық ғылымдар және технология» (тау-кен ісі, металлургия, машина жасау, аспап жасау, жылуэнергетикасы, электрэнергетика, құрылыс, қоршаған ортаны қорғау және өмір тіршілігінің қауіпсіздігі, еңбекті нормалау және ұйымдастыру)

Конкурсқа қатысатындарға қойылатын талап: тұрғылықты жері Зырян қаласы болу.
тау-кен-металлургия саласындағы еңбек заңнамасын бақылау бөлімінің бас маманы - мемлекеттік еңбек инспекторына, D-О-4 санаты бойынша лауазымдық жалақысы қызмет атқарған жылдарына байланысты 83282,08 теңгеден 112430,81 теңгеге дейін).

Функционалдық міндеттері: - еңбек заңнамасы талаптарының сақталуына мемлекеттік бақылау жасауды жүзеге асыру, заңнама талаптарының бұзылуын жібермеу, алдын алу бойынша құқықтық және әкімшілік ықпал ету шараларын қолдану, бұзушылықтардың салдарына талдау жасау, еңбек заңнамасы мәселелері бойынша жеке және заңды тұлғалардың арыздарын қарау;

өндірістегі болған жазатайым оқиғалар мен кәсіби ауруларды дер кезінде тексеру, есепке алу және талдау жасау, еңбек қауіпсіздігі және еңбекті қорғау бойынша мәселелердің орындалуын бақылауды бірыңғай қамтамасыз ету; өндірістік жарақат алудың және кәсіби аурулардың жағдайы мен себебіне талдау жасау, оларды алдын - алу бойынша ұсыныстар әзірлеу; жұмыс берушілерде еңбек қауіпсіздігі және еңбекті қорғауды қамтамасыз етуге жауапты басшы қызметкерлер мен тұлғалардың білімін тексеруді жүргізу; өндірістегі ауыр және адам өлімімен аяқталған жазатайым оқиғаларды тексеру комиссиясының құрамына қатысу; белгіленген нысандар бойынша есептер жасау.



Білімі: жоғары білім, келесі тараудың мамандықтары бойынша: «Құқық» (құқықтану), «Экономика және бизнес, әлеуметтік ғылымдар» (экономика,әлемдік экономика, мемлекеттік және жергілікті басқару) немесе «Техникалық ғылымдар және технология» (тау-кен ісі, металлургия, машина жасау, аспап жасау, жылу энергетикасы, электр энергетикасы, құрылыс, қоршаған ортаны қорғау және өмір тіршілігінің қауіпсіздігі)
бухгалтерлік есеп, ұйымдастыру-кадрлармен қамтамасыз ету және персоналды басқару бөлімінің бас маман-бухгалтеріне, D-О-4 санаты бойынша лауазымдық жалақысы қызмет атқарған жылдарына байланысты 83282,08 теңгеден 112430,81 теңгеге дейін, негізгі қызметкердің бала күтіміне байланысты жалақысы сақталмайтын демалыс кезеңіне).

Функционалдық міндеттері: мемлекеттік сатып-алудың, бюджеттік қаржы есебінің, штаттық кестенің жылдық жоспарын құру, қолданыстағы заңнамаға сәйкес мемлекеттік сатып-алуды жүргізу, есеп және бюджеттік қаржыландыру бойынша шығындарды нақты есептеу;

- кассалық шығындарды есепке алу және есептілікті жүзеге асыру; Басқарманың құрылымдық бөлімшелерін қамтамасыз ету үшін шығындар есебінің орындалуы туралы жылдық есепті жасау;

- негізгі мүліктің есебін жүргізу, түгендеу және есептен шығару; қаржыландырудың жылдық жоспарын уақытылы орындау; алдағы жылға бюджеттік өтінімді дайындау; статистика және мемлекеттік сатып-алу бойынша есепті жасау.

Білімі: жоғары білім, келесі тараудың мамандықтары бойынша: «Бизнес және әлеуметтік ғылымдар» (экономика, қаржы, есеп және аудит)
Конкурсқа қатысатындарға қойылатын талап: тұрғылықты жері Зырян қаласы болу.

Жұмыс тәжірибесі талап етілмейді.
Конкурсқа қатысушыларға қойылатын жалпы талаптар:

Мынадай құзыреттердің бар болуы: бастамалық, адамдармен тіл табысу, аналитикалық, ұйымдастырушылық, әдептілік, сапаға бағдарлану, тұтынушыға бағдарлану, сыбайлас жемқорлыққа төзбеушілік.

Жалпы конкурсқа қатысуға ниет білдірген тұлғалар құжаттарын «Шығыс Қазақстан облысының мемлекеттік еңбек инспекциясы басқармасы» ММ-не қолма-қол тәртіпте, не почта арқылы,не enbek-i@akimvko.gov.kz электрондық почта мекенжайына электронды түрде, не «Е-gov» электронды Үкімет порталы арқылы келесі құжаттарды тапсырады:



  1. «Б» корпусының әкімшілік мемлекеттік лауазымына орналасуға конкурс өткізу Қағидаларға 2-қосымшаға сәйкес нысандағы өтініш;

  2. 3х4 үлгідегі түрлі түсті суретпен «Б» корпусының әкімшілік мемлекеттік лауазымына орналасуға конкурс өткізу Қағидаларға 3-қосымшаға сәйкес нысанда толтырылған "Б" корпусының әкімшілік мемлекеттік лауазымына кандидаттың қызметтiк тiзiмі;

  3. бiлiмi туралы құжаттар мен олардың көшірмелерінің нотариалдық куәландырылған көшiрмелерi;

  4. еңбек қызметін растайтын құжаттың нотариалдық куәландырылған немесе жұмыс орнынан кадр қызметімен куәландырылған көшiрмесi;

  5. Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6697 болып тіркелген) Денсаулық сақтау ұйымдарының бастапқы медициналық құжаттама нысандарына сәйкес құжат тапсырғанға дейін алты айдан аспайтын уақытта берілген 086/е нысандағы денсаулығы туралы медициналық анықтама (дәрігерлік кәсіби-консультациялық қорытынды) (немесе нотариалдық куәландырылған көшірмесі);

  6. Қазақстан Республикасы азаматының жеке басын куәландыратын құжаттың көшірмесі;

  7. құжаттарды тапсыру сәтінде заңнаманы білуіне тестілеуден өткені туралы шекті мәннен төмен емес нәтижелері бар қолданыстағы сертификат (немесе сертификаттың нотариалдық куәландырылған көшірмесі);

  8. конкурсқа қатысу үшін құжаттарды тапсыру сәтінде уәкілетті органда жеке қасиеттерін бағалауды өту туралы қолданыстағы қорытынды (немесе қорытындының нотариалдық куәландырылған көшірмесі);

  9. Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен (Қазақстан Республикасының Әділет министрлігінде 2015 жылы 11 маусымда № 11304 тіркелді) бекітілген "Психоневрологиялық ұйымнан анықтама беру" мемлекеттік көрсетілетін қызметтің стандартына сәйкес нысан бойынша құжат тапсырғанға дейін бір жылдан аспайтын уақытта берілген психоневрологиялық ұйымнан анықтама (немесе қорытындының нотариалдық куәландырылған көшірмесі);

  10. Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен (Қазақстан Республикасының Әділет министрлігінде 2015 жылы 11 маусымда № 11304 тіркелді) бекітілген "Наркологиялық ұйымнан анықтама беру" мемлекеттік көрсетілетін қызметтің стандартына сәйкес нысан бойынша құжат тапсырғанға дейін бір жылдан аспайтын уақытта берілген наркологиялық ұйымнан анықтама (немесе қорытындының нотариалдық куәландырылған көшірмесі).

«Б» корпусының әкімшілік мемлекеттік лауазымына орналасуға конкурс өткізу Осы Қағидалардың 76-тармағының 3), 4), 5), 7), 8), 9) және 10) тармақшаларында көрсетілген құжаттардың көшірмелерін ұсынуға рұқсат етіледі. Бұл ретте, персоналды басқару қызметі (кадр қызметі) құжаттардың көшірмелерін түпнұсқалармен салыстырып тексереді.

Егер азамат еңбек қызметін жүзеге асырмаған және конкурс жарияланған бос лауазым бойынша жұмыс өтілі талап етілмейтін жағдайда еңбек қызметін растайтын құжаттың көшiрмесiн ұсыну талап етілмейді.

Құжаттардың толық емес пакетін немесе дәйексіз мәліметтерді ұсыну комиссиясының оларды қараудан бас тартуы үшін негіз болып табылады.

Азаматтар бiлiмiне, жұмыс тәжiрибесiне, кәсiби деңгейіне және беделіне қатысты (бiлiктiлiгiн арттыру, ғылыми дәрежелер мен атақтар берiлуi туралы құжаттардың көшiрмелерi, мiнездемелер, ұсынымдар, ғылыми жарияланымдар және өзге де олардың кәсіби қызметін, біліктілігін сипаттайтын мәліметтер) қосымша ақпараттарды бере алады.

Конкурсқа қатысу үшін құжаттарды электронды түрде электрондық почта не «Е-gov» электронды Үкімет порталы арқылы берілген жағдайда азаматтар құжаттардың түпнұсқасын әңгімелесу басталғанға дейін 1 (бір) жұмыс күні бұрын кешіктірілмей береді. Оларды бермеген жағдайда тұлға конкурс комиссиясымен әңгімелесуден өтуге жіберілмейді.

Әңгімелесуге жіберілген кандидаттар, оны кандидаттарды әңгімелесу жіберу туралы хабардар ету күнінен бастап 3 (үш) жұмыс күн ішінде Шығыс Қазақстан облысының мемлекеттік еңбек инспекциясы басқармасында өтеді.

Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушылар шақырылады.

Конкурс комиссиясының отырысына байқаушылар ретінде Қазақстан Республикасы Парламентінің және барлық деңгейдегі мәслихат депутаттарының, Қазақстан Республикасы заңнамасында белгіленген тәртіпте аккредиттелген бұқаралық ақпарат құралдарының, басқа мемлекеттік органдардың, қоғамдық бірлестіктердің (үкіметтік емес ұйымдардың), коммерциялық ұйымдардың және саяси партиялардың өкілдері, мемлекеттік қызмет істері жөніндегі уәкілетті органның (бұдан әрі – уәкілетті орган) қызметкерлері қатыса алады.

Құжаттарды қабылдау мерзiмi жалпы конкурс өткiзу туралы хабарландыру уәкілетті органның интернет-ресурсында конкурс өткізілетіндігі туралы хабарландыру соңғы жарияланғаннан кейін келесі күнінен бастап 7 (жеті) жұмыс күннің ішінде Өскемен қаласы, К. Либкнехт көшесі 19 үй, 706 кабинетке тапсырылуы тиіс.

Азаматтар конкурсқа қатысу шығындарын (әңгімелесу өтетiн жерге келу және қайту, тұратын жер жалдау, байланыс қызметiнiң барлық түрлерiн пайдалану) өздерiнiң жеке қаражаттары есебiнен жүргiзедi.



Конкурс комиссия шешімін қабылданған күннен бастап 5 (бес) жұмыс күн ішінде қатысушылар мен кандидаттар уәкiлеттi органға немесе оның аумақтық бөлiмшесiне, не Қазақстан Республикасының заңнамасына сәйкес сот тәртiбiнде шағымдана алады.

Жалпы конкурс Қазақстан Республикасының Мемлекеттік қызмет істері министрінің 2017 жылғы 21 ақпандағы № 40 бұйрығымен бекітілген «Б» корпусының әкімшілік мемлекеттік лауазымына орналасуға конкурс өткізу қағидалары негізінде жүргізіледі.



Анықтама телефоны: 8 (7232)25-65-02, enbek-i@akimvko.gov.kz.

Достарыңызбен бөлісу:


©kzref.org 2017
әкімшілігінің қараңыз

    Басты бет