Бүгін үкімет отырысында төтенше жағдайлар министрі Шыңғыс Әрінов кешегі жер сілкінісіне қатысты баяндама жасап, министрлік бірінші минуттардан бастап қажет шараларды үйлестіргенін атап өтті. Бұл туралы Stan.kz ақпарат агенттігі хабарлайды.

Фото: Үкімет отырысынан скриншот

Оның сөзінше, сөйлеу дабылы, сирена және жергілікті объектілер жүйелері тартылып, теле, радио каналдары арқылы жеткізу жүзеге асырылған. 

“Республикалық және өңірлік жедел штабтар ашылып, 384 азаматтарды қабылдау пункті ұйымдастырылды, тәулік бойы "Жедел желі" жұмыс істеп жатыр. Қазірге дейін ақпараттық сипаттағы 259 қоңырау түскен. Кеше қабылдау пунктерінде үш мыңға жуық адам орналасты, оның 906-ы бала”, – деді төтенше жағдайлар министрі. 

Ол жер сілкінісін кез-келген төтенше жағдай сияқты алдын-ала болжау мүмкін емес дейді. Осыған байланысты министрлік олардың алдын алу және халықты бірінші кезектегі әрекеттерге дайындау бойынша жұмыс істеп жатыр.

Осы қысқа мерзімде жер сілкінісі кезіндегі азаматтардың іс-қимылдары туралы ауқымды ақпараттандыру және түсіндіру жұмыстары жүргізіліп, осы жолы ол нәтижесін көрсеткенін айтты. Бұл жолы халықтың көп бөлігі үрейге салынған жоқ.

“Жедел топ 8 мыңға жуық ауланы аралап, білім беру объектілерінде 650-ден астам сабақ өткізді және адамдар көп жиналатын орындарда түсіндіру жұмыстары мен нұсқау көрсетілген парақшаларды таратты.

Кеше менің бұйрығыммен халықты оқыту және жер сілкінісі кезінде практикалық әрекеттерді пысықтау үшін қосымша Алматыға Ұзынағаштан әскери қызметкерлер жіберілді”, – деді Шыңғыс Әрінов. 

Министрдің сөзінше, қазір елдегі сейсмикалық жағдай тұрақты. 

Бұған дейін сейсмология институтының профессоры Әлқуат Нұрмағамбетов неліктен алматылықтардың толқынды емес, тік жер асты дүмпуін сезгенін түсіндірген еді. 


Автор: Ербол Нурланов

Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.