Тақырыбы: «Тәуелсіздігім-тұғырым, Егемендігім-ғұмырым» Мақсаты



жүктеу 117.21 Kb.
Дата22.04.2019
өлшемі117.21 Kb.

Тақырыбы: « Тәуелсіздігім-тұғырым,

Егемендігім-ғұмырым»

 Мақсаты: Оқушылардың ойында елжандылық

сезімін қалыптастыра отырып, туған елі мен

жеріне деген сүйіспеншілігін тәрбиелеу, тіліміз бен

тарихымызға құрметпен қарауға тәрбиелеу;

 

1-жүргізуші: :Құрметті ұстаздар,оқушылар !

Бүгінгі, Жаңаталап орта мектебі ұжымы

Қазақстан Республикасы Тәуелсіздігінің

25 жылдығына орай өткізілген іс-шаралардың

қорытындысы «Тәуелсіздік-ел тілегі»

әдеби-сазды кешке қош келдіңіздер!

1-жүргізуші: Армысыздар, құрметті қонақтар,

ұстаздар, оқушылар!Биыл еліміз өз Тәуелсіздігінің

26-белесіне көтерілді. Біз үшін бұл– мемлекеттік

маңызға ие айтулы мерекелердің бірі де, бірегейі де.

Сондықтан да бігінгі мерекелік кештегі алғашқы сөз

кезегін мектеп басшысы Базылов Тасболат Қуанышұлы

мен ауыл әкімі: Амангелдин Т.К беріледі.

 1-жүргізуші: Тәуелсіз 26 жыл!

Туыңды биік ұстадың.

Көтерді халқың уақыттың қатал қыспағын.

Көшіңді бастап бақытты болашағыңа,

Жасай бер,жаса,

Тәуелсіз Қазақстаным!
 2-жүргізуші: 

Жиырма алты жыл өтті

Еркін бір дем алғалы,

Орындалып мың жылдық ел арманы,

Тәуелсіздік жолында қанын төккен,

Бабаларым бұл күнді көре алмады.

Ән: "Жаса, Қазақстан" (Мұғалімдер квартеті)
1- жүргізуші:

Тігілген соң Ақ орда – шаңырағым,

Тұғырыңа қонуды сан қыраның

Отан деген оранып от құшаққа,

Кәусарыңа шөлімді қандырамын.

Сенен ғана өрбиді күш, жыр – әнім,

Қазақстан, о, менің құт тұрағым!

Жер шарына қазақтың халық атын,

Тәуелсіздік туымен ұқтырамын!

 I.жүргізуші:Жиреншедей шешен елмін, сөйлесем,

Алдардайын тапқыр елмін «кел» десең.

Қожанасыр мінезіміз бар, тағы да,

Қарабайдай сараң елмін, бермесем.

Арман етіп бұл өмірдің шың-құзын,

Өз жұртының өрге тартқан жқлдызын.

Білім қуып, тұлпар мініп, ту алған,

Өнегелі бар осындай ұл-қызың

Ән: "Көк тудың желбірегені" 11-сынып оқушылары

1-жүргізуші:Рас, кезінде: «көшпелі ғұмыр кешкен қазақ жұртының ешқашан төл мемлекеті болған емес, Кеңестер Одағының ыдырауы салдарынан егемендікке кездейсоқ қол жеткізді, Тәуелсіздік деген – қазаққа көктен түскен тосын сый болды» деп сәуегейлік еткендер де табылды. Алайда мұның мейлінше жаңсақ пікір екеніне қатпарынан қаны сорғалаған қазақтың қарт тарихы куә.Шын мәнісінде, «мың өліп, мың тірілген» осынау жанкешті, қаһарман халық өз бостандығын «ереуіл атқа ер салып, егеулі найза қолға алып, еңку-еңку жер шалып», «тебінгісі терге шіріп, терлігі майға еріп жүріп» есте жоқ ескі замандардан бері қорғап келген, қорғап қалған.

 1-жүргізуші: Абылай заманы ,батырлар заманы. Найзаның ұшымен, қылыштың жүзімен қасық қаны  толғанша ел мен жер үшін айқасқан бабалар аманатын жалғастырған боздақтар қаншама. Ақтандақ жылдардағы қазақ деп қабырғасы қайысқан қайраткерлер де тәуелсіздігімізге жеткізер ұлы жолдағы құрбандар еді.

1986 жылдың желтоқсаны.

Атыраудан Алтайға, Сарарқадан Алатауға дейінгі байтақ жерімізге желтоқсанның қанды қара дауылы үдей түсіп дүбелең жайылды. Қазақтың көптеген азаматтарының мойындарына қыл  шылбыр салынды. Әділік үшін бой көтерген жас боздақтардың маңдайы тасқа соғылды

 Қасқалдақ ұшып көлінен

Шүрегей келіп қонған күн

Қыранды қуып көгінен

Қарғалар билік алған күн

 Нашақор деп, ұлтшыл деп,

Қазаққа күйе жаққан күн.

Базары кетіп бір күнде

Қайғыға халық батқан күн.

 2-жүргізуші:

Қақаған қыстың ызғары,

Сүйектен өтіп кеткен күн.

Қара көз қазақ қыздарын

Аярлар бастан тепкен күн.
Қариялар итке таланып,

Ер басын күрке шапқан күн

Аппақ қар қанға боянып

Қып қызыл мұз боп жатқан күн.


Қайғы езіп елдің еңсесін

Жаншыдау жанын батқан күн

Енді қайтып келмесін,

Сол бір қарғыс атқан күн. Осынау қайғы мен қасіретке толы, жастарға нақақтан жала жабылған күннің бір сәтіне арналған әнге кезек берсек.

Ән:"Желтоқсан желі"

 Жүргізуші: Тарихым жатыр тасында

Тіл қатып келер ғасырда

Азаттық дейтін ұғымның

Желтоқсан тұр қасында.

Иә, тарихқа көз жүгіртсек, 86-желтоқсанының қанқұйлы шындығының бірінің куәсі болдыңыздар. Ербол, Қайрат, Сәбира, Ләззат сынды аға-апаларымыздың есімдері ешқашан ұмытылмайды.  

1986 жылдың 16 желтоқсаны .Қазақтың  санасын сілкіндірген күн.

 1- Оқушы: 

Тәуелсіздік оңайлықпен келмеді,

Бізге бұны ешкім аяп бермеді.

Тәуелсіздік- Қайрат,Ләззат,Ерболдың

Тас көшеде тас-талқан боп өлгені. 

2- Оқушы: 

Енді бізге қайта оралды заңғарлар,

Сталиндік тозақтарда жанғандар.

Ахметтер, Жүсіпбектер, Сәкендер,

Ілиястар, Бейімбеттер, Мағжандар.

Би: "Алтын адам" 8-сынып оқушылары

 Экраннан Тәулсіздік батырлары туралы слайд көрсетіледі



1-жүргізуші:  Бұл- Ербол Сыпатаев .

19-желтоқсан. Ауруханаға бас сүйегі мен миынан жарақаттанған

энергетика институтының екінші курс студенті Ербол Сыпатаев

әкелінді. 23-желтоқсанда есін жимастан қайтыс болды. Ербол біреудің

жалғыз баласы еді. «Құйын-86» операциясының құрбаны болды.

 2-жүргізуші: Бұл- желтоқсан құрбаны болған Лаззат Асанова. Сол бір ерте түскен қыс тоқырау жанжалының табанында аяусыз,

армансыз тапталған ар-намыстың ышқынған дауысы құлағымызда әлішыңылдап тұрғандай. Бұл дауыстың ішінен қызғалдақтай Ләззат сенің де ләззат үнің талып естіледі. Сен тірі болсаң, қазағыңның мәдениетін дамытуда үлкен үлес қосар едің.

Еліңнің сен намысы үшін

Құрбан еттің жаныңды

Мазақ етіп қорлай алмас

Ешкім сенің арыңды.



1-жүргізуші: Сәбира, Сәбира Мұхамеджанова бар жоғы 16 жаста еді.26-желтоқсан күні Астанадағы дүрбелеңге үн қосқаны үшін өзінің ар-намысына, анасына, атасына масқара сөздер айтып, балағаттағанына училищеден жазықсыз шығарылғаны үшін шыдай алмай, Өскемен педучилищесінің 1- курс студенті Сәбира Мұхамеджанова жатақхананың 5-ші қабатынан құлап жан тәсілім етті.

Желтоқсанда шындық жырын шырқаймын деп шарқ ұрдың,

Желтоқсанда егеменді ел болсақ деп талпындың

Ерте айтылды, сондықтан да келте айтылды бұл әнің.

Айналайын, айналайын, жас өркені халқымның

 2-жүргізуші: Қайрат Рысқұлбеков-Елі үшін жазықсыз құрбан болған қазақ батыры.

Қайрат деген атым бар,

Қазақ деген затым бар

«Еркек тоқты құрбандық»

Атам десең атыңдар! Тайсалмай, ерлік көрсеткен Қайраттың соңғы сөзі.Қайрат Рысқұлбеков Семей түрмесінің 21- камерасында, 21-мамыр күні, 21 жасында жарық дүниемен қоштасты.

1-жүргізуші:

Ұрпақты елмін, ұл-қызы бар осындай,

Тілді елмін, жауап қатар тосылмай.

«Тілің кетсе, күнің кетер»-деген бар,

Ел болам ба тілім судай жосылмай
Көтеріліп жағадан бір асқақ үн,

Шыққан солай желтоқсаншыл жастарым.

Қорлап, қинап, судай шашып, жас қанын,

Қанды қылыш алып кетті бастарын


Соны ойласақ жұлған гүлдей соламыз,

Жылағаннан шықты сора-сорамыз.

Соны ойласақ, әлі күнге жалаңаш

Мұз үстінде отырғандай боламыз.

Әлі күнге шаштан сүйреп, кесірлер

Қабаған ит кеп қалғандай боламыз!


Би. "Аманат" 6-7-сынып оқушылары

1-жүргізуші:: Қас жауларым айырса да жағамды,

Ағайыннан бөлсе дағы арамды.

Өлтірсе де басты, тілді, санамды,

Ала алмапты ұланғайыр даламды.

Менің далам- ырыс, бақыт, дән дала,

Күмбірлі күй, толып жатқан ән дала.

Келешекке ататұғын таң дала,

Басқаға емес, тек қазаққа тән дала.

Менің далам – домбыраның пернесі

Менің далам-ақындардың термесі.

Менің далам – ғажайыптар көрмесі

Менің далам- Азияның кеудесі!



Күй: "Сарыарқа" мектеп оркестрі

1-жүргізуші:

Қанат жайдың егеменді халық боп,

Жолымыз да айқындалды жарық боп.

Тәуелсіздік еңсемізді көтерді,

Мойнымызға жүк артқанмен нарық көп.

 Әуелеттік Әнұранды аспанға,

Туымызды тіктік биік асқарға.

26 жыл болды Елтаңбамыз жарқырап,

Тәуелсіздік бізге есігін ашқанға.

26 жыл болды шуақ шашып кұніміз,

Қайта оралды қасиетті дініміз.

Мемлекеттік тіл деген мәртебе алған.

Бабалардан мұра болған тіліміз.

Ән: "Қазақтай ел қайда" 6-сынып оқушысы Сержұма Қарақат

2-Жүргізуші:

Қазақстан қасиетті ұғым бұл,

Ей, келешек, жан тәніңмен ұғын, біл.

«Тәуелсіздік» не мағына береді,

Ал толғайық жеткенінше қызыл тіл.



Тәуелсіздік туралы толғау. Оқушыларға кезек берсек.

(бастауыш сынып оқушылары)
 Жүргізуші::«Қазақстан-2050» бағытымыз,

Саясатпен жақындап алысымыз.

Републикам елдердің алды болсын,

Әрқашан алға бассын әр ісіміз.


 Естімейік енді елдің жылағанын,

Қайта құлап бостандық сұрағанын.

Абылайдың жолымен алға басқан,

Құт болсын «Нұрлы жолы- Нұр –ағаның.

 Көпшілігім кемімей толсын деймін,

Барлық елдің басына бақ қонсын деймін.

Келешекте Қазақстан Республикасы-

Орта Азияның «барысы» болсын деймін!!! 



Би: "Дала сыры"
1-жүргізуші: Тойтарып талай тағдыр тығырығын,

Бір қазақ боп жұмылсын жұдырығың.

Ұрпағыңды, жеріңді сақтап қалдың,

Міне ,сенің ең биік Ұлылығың!

Тағдырыңа тәубе еттің, шүкір еттің,

Ізгілік пен адалдық тұғыр еттің!

Мың тіріліп, мың өлген қазағыма

Тәуелсіздік тартуы Құдіреттің!!!


Тәуелсіздік – бұл менің мақтанышым,

Ризамын еркін самал, ақ таң үшін.

Бабаларым сенің арқаң бас иемін,

Ақ таңым арайланып, атқаны үшін!



Хор. " Отан"
1-жүргізуші: Қазағым, қазақтығың құтты болсын!

2-жүргізуші: Көптен күткен азаттығың құтты болсын!

1,2-жүргізуші: Тарихқа таңба боп жазылатын

Тәуелсіз елім егемендігің құтты болсын!
Соңы
Каталог: sabaq-kz -> attachment
attachment -> 1 қыркүйек – Білім күніне арналған Сыңғырла, күміс қоңырау
attachment -> «А. Имановтың жастарды патриоттық және азаматтық тәрбиелеу негізі ретіндегі рөлі» Карашинова Алмагүл Серікбайқызы
attachment -> Б. С. Батешова, Т. Н. Малдыбаев
attachment -> Сабақтың тақырыбы: «Қауіпсіз ғаламтор»
attachment -> Сабақтың түрі: Жаңа білімді хабарлау Уақыты: 90 мин Сабақтың педагогикалық мақсаты
attachment -> Сабақтың тақырыбы: ежелгі тас дәуірі Сабақтың мақсаты
attachment -> Сабақтың атауы XX ғасырдағы қазақ әдебиеті жалпы шолу Мақсаты Күтілетін нәтиже
attachment -> Туєан жер, алтын бесіік
attachment -> Қазақ тілі мен әдебиет пәні мұғалімі Ибрагим Бегімхан Керімханұлы Қазақ әдебиеті, 9-сынып Тақырыбы: Қожа Ахмет Йасауи «Диуани хикмет»


Достарыңызбен бөлісу:


©kzref.org 2019
әкімшілігінің қараңыз

    Басты бет