«Тегін медициналық көмектің кепілдік берілген көлемін және міндетті әлеуметтік медициналық сақтандыру жүйесіндегі медициналық көмекті көрсету бойынша дәрілік заттарды, профилактикалық



жүктеу 0.64 Mb.
бет1/2
Дата07.05.2019
өлшемі0.64 Mb.
  1   2



«Тегін медициналық көмектің кепілдік берілген көлемін және міндетті әлеуметтік медициналық сақтандыру жүйесіндегі медициналық көмекті көрсету бойынша дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтер көрсетуді сатып алуды ұйымдастыру және өткізу қағидаларын бекіту туралы» Қазақстан Республикасы Үкіметінің 2009 жылғы 30 қазандағы № 1729 қаулысына өзгерістер мен толықтырулар енгізу туралы


Қазақстан Республикасының Үкіметі ҚАУЛЫ ЕТЕДІ:

1. «Тегін медициналық көмектің кепілдік берілген көлемін және міндетті әлеуметтік медициналық сақтандыру жүйесіндегі медициналық көмекті көрсету бойынша дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтер көрсетуді сатып алуды ұйымдастыру және өткізу қағидаларын бекіту туралы» Қазақстан Республикасы Үкіметінің 2009 жылғы 30 қазандағы № 1729 қаулысына (Қазақстан Республикасының ПҮАЖ-ы, 2009 ж., № 47-48, 444-құжат) мынадай өзгерістер мен толықтырулар енгізілсін:

көрсетілген қаулымен бекітілген Тегін медициналық көмектің кепілдік берілген көлемін және міндетті әлеуметтік медициналық сақтандыру жүйесінде медициналық көмекті көрсету бойынша дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтер көрсетуді сатып алуды ұйымдастыру және өткізу қағидаларында:

2-тармақта:

6) тармақша мынадай редакцияда жазылсын:

«6) сараптамалық бағалау – мына тұлғалар: лизинг беруші, жеке кәсіпкерлер немесе заңды тұлғалар денсаулық сақтау саласындағы уәкілетті орган бекіткен медициналық техниканың оңтайлы техникалық сипаттамаларын және клиникалық-техникалық негіздемесін сараптамалық бағалауды жүзеге асыру әдістемесіне сәйкес жүзеге асыратын бағалау;»;

мынадай мазмұндағы 22-1) тармақшамен толықтырылсын:

«22-1) денсаулық сақтау саласындағы уәкілетті орган (бұдан әрі – уәкілетті орган) – азаматтардың денсаулығын сақтау, медициналық және фармацевтикалық ғылым, медициналық және фармацевтикалық білім беру, дәрілік заттардың, медициналық мақсаттағы бұйымдардың және медициналық техниканың айналымы, медициналық қызметтің сапасын бақылау саласындағы басшылықты жүзеге асыратын мемлекеттік орган;

27) тармақша мынадай редакцияда жазылсын:

«27) өнім берушіге фармацевтикалық қызметтің шығындарын өтеу – бюджеттен қорға тегін медициналық көмектің кепілдік берілген көлеміне ақы төлеуге жүргізілетін трансферттер және қордың активтері немесе облыстардың, республикалық маңызы бар қалалардың және астананың жергілікті атқарушы органдарының қаражаты есебінен бірыңғай дистрибьютордың немесе облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарының дәрілік заттарды, медициналық мақсаттағы бұйымдарды тасымалдау, сақтау, есепке алу және өткізу бойынша көрсетілетін қызметтердің құнын қоса алғанда, дәрілік заттарды, медициналық мақсаттағы бұйымдарды сатып алу нәтижелері бойынша белгіленген құны бойынша шығындарды фармацевтикалық қызметтерді берушіге өтеу;»;

29) тармақша мынадай редакцияда жазылсын:

«29) медициналық техникаға кепілдікті сервистік қызмет көрсету – өндіретін зауыт орнатқан шығыс материалдары мен тозатын тораптарды қалпына келтіруді қоспағанда, ол тиісінше пайдаланылған және сақталған жағдайда, өнім беруші (дайындаушы, орындаушы) өнім берудің ұзақ мерзімді шарттарымен, үш жақты сатып алу және кемінде 37 айлық мерзімге қаржы лизингі шарттарымен, оның ішінде қашықтықтан (мамандандырылған бағдарламаларды және жабдықты, деректерді беру арнасын, сәйкестендірілген бар кодты немесе өзге де әдісті пайдаланумен, онлайн режимде) тегін көрсететін техникалық қызмет көрсетудің кез келген түрлерін, техникалық диагностиканы және жабдықтың ақауын, жөндеу-қалпына келтіру жұмыстарын, техникалық консультацияны қамтитын, берілген медициналық техниканы жарамды жай-күйде ұстау жөніндегі көрсетілетін қызметтер кешені;»;

31)-34) тармақшалар мынадай редакцияда жазылсын:

«31) сатып алу шарты – электрондық құжат түрінде және (немесе) жазбаша нысанда қол қойылған, уәкілетті органмен бекітілген нысан бойынша тауарларды сатып алуға тапсырыс беруші мен өнім беруші арасында жасалған шарт;

32) өнім беру шарты – бірыңғай дистрибьютордың ақпараттық жүйесінде қалыптастырылған және электрондық құжат түрінде және (немесе) жазбаша нысанда қол қойылған, уәкілетті органмен бекітілген нысан бойынша дәрілік заттарды, медициналық мақсаттағы бұйымдарды беруге бірыңғай дистрибьютор мен өнім беруші арасында жасалған шарт;

33) сатып алу шарты – бірыңғай дистрибьютордың ақпараттық жүйесінде қалыптастырылған және электрондық құжат түрінде және (немесе) жазбаша нысанда қол қойылған, уәкілетті органмен бекітілген нысан бойынша дәрілік заттарды, медициналық мақсаттағы бұйымдарды сатып алуға бірыңғай дистрибьютор мен тапсырыс беруші арасында жасалған шарт;

34) фармацевтикалық қызметтерді көрсетуге арналған шарт – бірыңғай дистрибьютордың ақпараттық жүйесінде қалыптастырылған және электрондық құжат түрінде және (немесе) жазбаша нысанда қол қойылған, уәкілетті органмен бекітілген нысан бойынша фармацевтикалық қызметтерді көрсетуге тапсырыс беруші немесе бірыңғай дистрибьютор мен өнім беруші арасында жасалған шарт;

59) тармақша мынадай редакцияда жазылсын:

«59) сатып алу веб-порталы – әлеуетті өнім берушілерге бірыңғай дистрибьютор, тапсырыс беруші немесе сатып алуды ұйымдастырушы жүргізетін дәрілік заттар мен медициналық мақсаттағы бұйымдарды электрондық сатып алуға қолжетімділіктің бірыңғай нүктесін ұсынатын ақпараттық жүйе;»;

63) тармақша мынадай редакцияда жазылсын:

«63) дәрілік заттарды, медициналық мақсаттағы бұйымдарды есепке алу және өткізу жөніндегі қызметтерді көрсету шарты - бірыңғай дистрибьютордың ақпараттық жүйесінде қалыптастырылған және электрондық құжат түрінде және (немесе) жазбаша нысанда қол қойылған, уәкілетті органмен бекітілген нысан бойынша дәрілік заттарды, медициналық мақсаттағы бұйымдарды есепке алу және өткізу жөніндегі қызметтерді көрсетуге бірыңғай дистрибьютор мен қызмет беруші арасында жасалған шарт;»;

67) тармақша мынадай редакцияда жазылсын:

«67) тауарларды есепке алу және өткізу жөніндегі қызметтерді берушіге шығындарын өтеу – бюджеттен қорға тегін медициналық көмектің кепілдік берілген көлеміне ақы төлеуге жүргізілетін трансферттер және қордың активтері есебінен бірыңғай дистрибьютордың қызметтерді сатып алу нәтижелері бойынша дәрілік заттарды, медициналық мақсаттағы бұйымдарды есепке алу және өткізу жөніндегі қызметтерді берушіге тауарларды сақтау, өткізу және есепке алу шығындарын өтеуі;»;

69) тармақша алынып тасталсын;

70) тармақша мынадай редакцияда жазылсын:

«70) дәрілік заттарды, медициналық мақсаттағы бұйымдарды берудің өтеусіз шарты (бұдан әрі – өнім берудің өтеусіз шарты) – бірыңғай дистрибьютордың ақпараттық жүйесінде қалыптастырылған және электрондық құжат түрінде және (немесе) жазбаша нысанда қол қойылған, уәкілетті органмен бекітілген нысан бойынша, бекітілген халықты амбулаториялық дәрілік қамтамасыз ету үшін бірыңғай дистрибьютор мен денсаулық сақтау субъектілері арасында жасалған шарт;»;

мынадай мазмұндағы 72) тармақшамен толықтырылсын:



«72) «DICOM» интерфейсі – файл форматының сипаттамасын және желілік хаттаманы қоса алғанда, ақпаратты өңдеу, сақтау, басып шығару және беру жүйесі.»;

4-тармақ мынадай редакцияда жазылсын:

«4. Тегін медициналық көмектің кепілдік берілген көлемі және міндетті әлеуметтік медициналық сақтандыру жүйесі шеңберінде дәрілік заттар мен медициналық мақсаттағы бұйымдарды сатып алу үшін бөлінетін бюджет қаражатын оңтайлы және тиімді жұмсау мақсатында дәрілік заттар мен медициналық мақсаттағы бұйымдар шекті бағалардан аспайтын бағалармен сатып алынады.»;

мынадай мазмұндағы 11-1-тармақпен толықтырылсын:

«11-1. Тапсырыс беруші, сатып алуды ұйымдастырушы немесе бірыңғай дистрибьютор әлеуетті өнім берушіні немесе өнім берушіні жосықсыз деп танудың осы Қағидалардың 11-тармағымен көзделген негіздері басталғаны мәлім болған күннен бастап күнтізбелік отыз күннен кешіктірмей әлеуетті өнім берушіні немесе өнім берушіні жосықсыз деп тану туралы талап арызбен сотқа жүгінуге міндетті. Сонымен бір уақытта берілетін тауардың өндірушілері (дайындаушы зауыттары) болып табылатын шетелдік өнім берушілерге мұндай талап арыздар қойылмайды.»;

13-тармақ мынадай редакцияда жазылсын:

«13. Тауарлардың, фармацевтикалық қызметтердің әлеуетті өнім берушілері мынадай біліктілік талаптарына сай болуы тиіс:


  1. құқық қабілеттілігі (заңды тұлғалар үшін), азаматтық әрекет қабілеттілігі (кәсіпкерлік қызметті жүзеге асыратын жеке тұлғалар үшін);

  2. Қазақстан Республикасының резиденті болу (фармацевтикалық қызметтердің әлеуетті өнім берушілері үшін);

  3. төлем қабілеттілігі – салық берешегі, міндетті зейнетақы жарналары, міндетті кәсіптік зейнетақы жарналары, әлеуметтік аударымдар мен міндетті әлеуметтік медициналық сақтандыру аударымдары және (немесе) жарналары бойынша берешегі болмау;

  4. банкроттық не таратылу рәсіміне жатпауы, қаржы-шаруашылық қызметі сатып алуды өткізу сәтінде Қазақстан Республикасының заңнамалық актілеріне сәйкес тоқтатыла тұрған болмауы тиіс;

  5. жосықсыз әлеуетті өнім берушілердің (өнім берушілердің) тізбесінде тұрмау;

  6. олармен айналысу үшін рұқсат алу, хабарлама жіберу қажет болатын қызмет түрлерін жүзеге асыратын әлеуетті өнім берушінің құқық қабілеттілігі «Ақпараттандыру туралы» 2015 жылғы 24 қарашадағы Қазақстан Республикасының Заңына сәйкес мемлекеттік органдардың ақпараттық жүйелері арқылы расталады. Мемлекеттік органдардың ақпараттық жүйелерінде мәліметтер болмаған жағдайда әлеуетті өнім беруші «Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңына сәйкес алынған (жолданған) тиісті рұқсаттың (хабарламаның) нотариуспен куәландырылған көшірмесін ұсынады»;

осы Қағидалардың 9-тармағымен көзделген шектеулер мен қатынастардың болмауы.»;

14-тармақ алынып тасталсын;

20-тармақ мынадай редакцияда жазылсын:

«20. Сатып алынатын және босатылатын (фармацевтикалық қызметтерді сатып алу кезінде) дәрілік заттар, медициналық мақсаттағы бұйымдар, профилактикалық (иммундық-биологиялық, диагностикалық, дезинфекциялық) препараттар, мынадай талаптарға сәйкес болуы тиіс:

1) кодекстің ережелеріне сәйкес Қазақстан Республикасында дәрілік заттарды, медициналық мақсаттағы бұйымдарды, профилактикалық (иммундық-биологиялық, диагностикалық, дезинфекциялық) препараттарды уәкілетті орган айқындаған тәртіппен тіркеудің болуы (дәріханаларда дайындалған дәрілік препараттарды, уәкілетті орган бекіткен орфандық препараттардың тізбесіне енгізілген орфандық препараттарды, тіркелмеген дәрілік заттарды, медициналық мақсаттағы бұйымдарды, медициналық мақсаттағы бұйым мен медициналық техниканың құрамына кіретін және дербес бұйым ретінде пайдаланылмайтын құрамдас бөлшектерді немесе уәкілетті орган берген қорытынды (рұқсат беру құжаты) негізінде Қазақстан Республикасының аумағына әкелінген құрылғыны қоспағанда);

2) дәрілік заттар, профилактикалық (иммундық-биологиялық, диагностикалық, дезинфекциялық) препараттар, медициналық мақсаттағы бұйымдар уәкілетті орган бекіткен Дәрілік заттарды, медициналық мақсаттағы бұйымдар мен медициналық техниканы сақтау және тасымалдау қағидаларына сәйкес, олардың қауіпсіздігінің, тиімділігінің және сапасының сақталуын қамтамасыз ететін жағдайларда сақталады және тасымалданады;

3) дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдардың таңбалануы, тұтыну қаптамасы және қолдану жөніндегі нұсқаулығы Қазақстан Республикасы заңнамасының талаптарына және уәкілетті орган белгілеген тәртіпке сәйкес келеді;

4) өнім беруші тапсырыс берушіге берген күні дәрілік заттардың, профилактикалық препараттардың (иммундық-биологиялық, диагностикалық, дезинфекциялық) және медициналық мақсаттағы бұйымдардың жарамдылық мерзімі:

қаптамада көрсетілген жарамдылық мерзімінен кемінде елу пайызды (жарамдылық мерзімі екі жылдан кем болса);

қаптамада көрсетілген жарамдылық мерзімінен кемінде он екі айды (жарамдылық мерзімі екі жыл және одан көп болса) құрайды;

5) өнім беруші бірыңғай дистрибьюторға берген күні дәрілік заттардың, медициналық мақсаттағы бұйымдардың жарамдылық мерзімі:

тауарды жүргізілетін сатып алу арналған жылдың алдындағы қараша, желтоқсан және басталған қаржы жылының қаңтар айлары кезеңінде берген кезде қаптамада көрсетілген жарамдылық мерзімінен кемінде алпыс пайызды (жарамдылық мерзімі екі жылдан кем болса) және қаржы жылы ішінде келесі өнім беру кезінде кемінде елу пайызды;

     тауарды жүргізілетін сатып алу арналған жылдың алдындағы қараша, желтоқсан және басталған қаржы жылының қаңтар айлары кезеңінде берген кезде қаптамада көрсетілген жарамдылық мерзімінен кемінде он төрт айды (жарамдылық мерзімі екі жыл және одан көп болса) және қаржы жылы ішінде келесі өнім беру кезінде кемінде он екі айды құрайды;

6) осы тармақтың 7) тармақшасында көрсетілген тауарларды қоспағанда, бірыңғай дистрибьютор тапсырыс берушіге берген күні дәрілік заттардың, медициналық мақсаттағы бұйымдардың жарамдылық мерзімі:

      қаптамада көрсетілген жарамдылық мерзімінен кемінде отыз пайызды (жарамдылық мерзімі екі жылдан кем болса);

    қаптамада көрсетілген жарамдылық мерзімінен кемінде сегіз айды (жарамдылық мерзімі екі жыл және одан көп болса) құрайды;

7) бірыңғай дистрибьютор тапсырыс берушіге берген күні вакциналардың жарамдылық мерзімі:

      қаптамада көрсетілген жарамдылық мерзімінен кемінде қырық пайызды жарамдылық мерзімі екі жылдан кем болса);

      қаптамада көрсетілген жарамдылық мерзімінен кемінде он айды (жарамдылық мерзімі екі жыл және одан көп болса) құрайды;

8) олардың жарамдылық мерзімі өткенге дейін тағайындалуы бойынша пайдалану үшін тараптардың келісімі бойынша тапсырыс берушіге және (немесе) есепке алу және өткізу қызметін берушіге жеткізілетін бірыңғай дистрибьютор тауарының ауыспалы қалдықтары үшін осы тармақтың 6) және 7) тармақшаларында көрсетілген жарамдылық мерзімдері аз болады;

9) дәріханаларда дайындалған дәрілік препараттарды, уәкілетті орган бекіткен орфандық препараттардың тізбесіне енгізілген дәрілік заттарды, тіркелмеген дәрілік заттарды қоспағанда, дәрілік заттардың саудалық атауына шекті бағаның болуы.

10) уәкілетті орган белгілеген тәртіпте медициналық мақсаттағы бұйымдарға шекті бағаның болуы.

Бұл ретте, осы тармақшада көзделген медициналық мақсаттағы бұйымдарға қойылатын талаптар бірыңғай дистрибьютордың тізімі бойынша сатып алынатын медициналық мақсаттағы бұйымдарға ғана қолданылады.

Осы тармақтың талаптары осы Қағидалармен көзделген барлық сатып алу түрлеріне қолданылады.»;

21-тармақ мынадай редакцияда жазылсын:

21. Сатып алынатын медициналық техникаға мынадай талаптар қойылады:

1) медициналық техниканың Қазақстан Республикасында тіркелуінің немесе Кодексте көзделген жағдайларда Қазақстан Республикасының аумағына әкелу үшін уәкілетті орган қорытындысының (рұқсат беру құжатының) болуы. Тіркеу тіркеуді растайтын құжаттың көшірмесімен немесе электрондық цифрлық қолтаңбамен куәландырылатын Мемлекеттік тізілімнің ақпараттық ресурсынан алынатын үзіндімен расталады. Тіркеудің қажет болмауы сараптама ұйымының немесе уәкілетті органның хатымен расталады;

2) медициналық техниканың таңбалануы, тұтыну қаптамасы және қолдану жөніндегі нұсқаулығы мен пайдалану құжаты Кодекстің талаптарына және уәкілетті орган белгілеген тәртіпке сәйкес келеді;

3) медициналық техника уәкілетті орган бекіткен Дәрілік заттарды, медициналық мақсаттағы бұйымдар мен медициналық техниканы сақтау және тасымалдау қағидаларына сәйкес, оның қауіпсіздігінің, тиімділігі мен сапасының сақталуын қамтамасыз ететін жағдайларда сақталады және тасымалданады;

4) медициналық техника жаңа, бұрын пайдаланылмаған, өнім беру сәтінің алдындағы жиырма төрт ай ішінде өндірілген болып табылады;

5) өлшем құралдарына жататын медициналық техника Қазақстан Республикасының өлшем бірлігі туралы заңнамасына сәйкес Қазақстан Республикасының өлшем бірлігі мемлекеттік жүйесінің тізіліміне енгізілген. Қазақстан Республикасының өлшем бірлігі жүйесінің тізіліміне енгізілгені техникалық реттеу және метрология саласындағы уәкілетті орган берген сертификаттың көшірмесімен расталады. Өлшем бірлігі жүйесінің тізіліміне енгізу қажеттілігінің болмауы техникалық реттеу және метрология жөніндегі уәкілетті органның хатымен расталады;

6) жылжымалы кешен арнайы автокөліктен, медициналық техникадан, медициналық мақсаттағы бұйымдардан тұратын бірыңғай кешен ретінде Қазақстан Республикасында тіркелген;

7) «DICOM» цифрлық интерфейсін қолдайтын медициналық техника тиісті лицензиялық кілттермен және дерек алмасуға қажетті басқа да құрылғылармен жабдықталады.»;

24-26-тармақшалар мынадай редакцияда жазылсын:

«24. Егер осы Қағидалардың 6 және 7-тармақтарында көзделген сатып алуға отандық тауар өндіруші болып табылатын, тендерлік өтінімі немесе ұсынылған құжаттары осы Қағидалардың талаптарына сәйкес келетін бір әлеуетті өнім беруші қатысқан жағдайда, комиссия осындай әлеуетті өнім берушіні онымен бір көзден сатып алу тәсілін қолданбай шарт жасалатын тендер жеңімпазы деп тану туралы немесе одан сатып алу жүзеге асырылатын осындай әлеуетті өнім берушіні айқындау туралы шешім қабылдайды, Бұл ретте, шарт жасасу кезінде тауардың бағасы сол әлеуетті өнім берушінің бастапқы баға ұсынысының бағасынан аспайды.

25. Егер осы Қағидалардың 6 және 7-тармақтарында көзделген сатып алуға екі және одан көп әлеуетті өнім берушілер қатысып, олардың біреуі тендерлік өтінімі немесе ұсынылған құжаттары осы Қағидалардың талаптарына сәйкес келетін отандық тауар өндіруші болып табылатын әлеуетті өнім беруші болған жағдайда, комиссия осындай әлеуетті өнім берушіні онымен бір көзден сатып алу тәсілін қолданбай шарт жасалатын тендер жеңімпазы деп тану туралы немесе одан сатып алу жүзеге асырылатын осындай әлеуетті өнім берушіні айқындау туралы шешім қабылдайды, Бұл ретте, шарт жасасу кезінде тауардың бағасы сол әлеуетті өнім берушінің бастапқы баға ұсынысының бағасынан аспайды.

26. Егер осы Қағидалардың 6 және 7-тармақтарында көзделген сатып алуға отандық тауар өндірушілер болып табылатын, тендерлік өтінімдері немесе ұсынылған құжаттары осы Қағидалардың талаптарына сәйкес келетін екі және одан да көп әлеуетті өнім беруші қатысса, тапсырыс беруші, сатып алуды ұйымдастырушы немесе бірыңғай дистрибьютор отандық тауар өндірушілер болып табылатын әлеуетті өнім берушілердің тендерлік өтінімдерін немесе құжаттарын қарайды, ал басқа әлеуетті өнім берушілердің (олар болған кезде) өтінімдері немесе құжаттары қабылданбайды.»;

29-33-тармақтар мынадай редакцияда жазылсын:

«29. Тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде шарттар жасау артықшылығына:

1) дәрілік заттарды сатып алу және дәрілік заттарды берудің ұзақ мерзімді шарттарын жасасу кезінде тиісті өндірістік практика (GMP) (тиісті өндірістік желіге) және 1 және 2А қолданудың әлеуетті тәуекелді класын қоспағанда (стерильді бұйымдардан басқа), медициналық мақсаттағы бұйымдарды сатып алу және медициналық мақсаттағы бұйымдарды берудің ұзақ мерзімді шарттарын жасасу кезінде ISO 13485 сапаны басқару жүйесінің стандарты;

2) дәрілік заттарды және фармацевтикалық қызметтерді сатып алу кезінде тиісті дистрибьюторлық практика (GDP) және (немесе) тиісті дәріханалық практика (GPP);

3) фармацевтикалық қызметтерді сатып алу кезінде тиісті дәріханалық практика (GPP) талаптарына объектінің сәйкестігі туралы сертификаты бар әлеуетті өнім берушілер (дәрілік заттардың, медициналық мақсаттағы бұйымдардың және медициналық техниканың айналымы саласындағы субъектілер, оның ішінде дәрілік препараттарды дайындау құқығына ие дәріханалар) ие болады.

30. Сатып алу шартын немесе өнім беру шартын жасауға артықшылық алу үшін тендерлік өтінімге:

отандық тауар өндірушілер дәрілік заттарды сатып алу және дәрілік заттарды берудің ұзақ мерзімді шарттарын жасасу кезінде объектінің және өндірістің тиісті өндірістік практика (GMP) талаптарына сәйкестігі туралы сертификатты қоса береді (тиісті өндірістік желіге);

отандық тауар өндірушілер медициналық мақсаттағы бұйымдарды сатып алу және медициналық мақсаттағы бұйымдарды берудің ұзақ мерзімді шарттарын жасасу кезінде 1 және 2А қолданудың әлеуетті тәуекелді класын қоспағанда (стерильді бұйымдардан басқа), медициналық мақсаттағы бұйымның ISO 13485 сапаны басқару жүйесінің стандартына сәйкестігі туралы сертификатты қоса береді;

әлеуетті өнім берушілер (дәрілік заттардың, медициналық мақсаттағы бұйымдардың және медициналық техниканың айналысы саласындағы субъектілер, оның ішінде дәрілік препараттарды дайындау құқығына ие дәріханалар) дәрілік заттарды, медициналық мақсаттағы бұйымдарды және фармацевтикалық қызметтерді сатып алу кезінде объектінің тиісті дистрибьюторлық практикаға (GDP) немесе тиісті дәріханалық практикаға (GPP) сәйкестігі сертификатын, сондай-ақ 1 және 2А қолданудың әлеуетті тәуекелді класын қоспағанда (стерильді бұйымдардан басқа), медициналық мақсаттағы бұйымның ISO 13485 сапаны басқару жүйесінің стандартына сәйкестігі туралы сертификатты қоса береді қоса береді;

Әлеуетті өнім берушілер және (немесе) олардың бірлесіп орындаушылары (дәрілік заттардың, медициналық мақсаттағы бұйымдардың және медициналық техниканың айналысы саласындағы субъектілер, оның ішінде дәрілік препараттарды дайындау құқығына ие дәріханалар) фармацевтикалық қызметтерді сатып алу кезінде объектінің тиісті дәріханалық практика (GPP) талаптарына сәйкестігі сертификатын қоса береді.

31. Егер лот бойынша тендерге (екі кезеңдік тендерге) осы Қағидалардың талаптарына сәйкес келетін тендерлік өтінімді, осы Қағидалардың 30-тармағында көзделген талаптарға сәйкес объектінің тиісті өндірістік практика GMР (тиісті өндірістік желіге), тиісті дистрибьюторлық практика GDP немесе тиісті дәріханалық практика (GPP) талаптарына сәйкестігі туралы сертификат ұсынған бір ғана әлеуетті өнім беруші қатысса, комиссия мұндай әлеуетті өнім берушіні жеңімпаз деп тану туралы шешім қабылдайды, онымен бір көзден сатып алу тәсілін қолданбай шарт жасалады. Бұл ретте шарт жасасу кезінде тауардың бағасы осы әлеуетті өнім берушінің бастапқы баға ұсынысының бағасынан аспайды.

32. Егер лот бойынша тендерге (екі кезеңдік тендерге) олардың бірі осы Қағидалардың талаптарына сәйкес келетін тендерлік өтінімді, осы Қағидалардың 30-тармағында көзделген талаптарға сәйкес объектінің тиісті өндірістік практика GMР, тиісті дистрибьюторлық практика GDP немесе тиісті дәріханалық практика (GPP) талаптарына сәйкестігі туралы сертификатты ұсынған екі және одан да көп әлеуетті өнім беруші қатысса, комиссия объектінің тиісті өндірістік практика GMР, тиісті дистрибьюторлық практика GDP немесе тиісті дәріханалық практика (GPP) талаптарына сәйкестігі туралы сертификатты ұсынған әлеуетті өнім берушіні жеңімпаз деп тану туралы шешім қабылдайды, онымен бір көзден сатып алу тәсілін қолданбай шарт жасалады. Бұл ретте шарт жасасу кезінде тауардың бағасы осы әлеуетті өнім берушінің бастапқы баға ұсынысының бағасынан аспайды.

33. Егер лот бойынша тендерге (екі кезеңдік тендерге) осы Қағидалардың талаптарына сәйкес тендерлік өтінімді, осы Қағидалардың 30-тармағында көзделген талаптарға сәйкес, объектінің тиісті өндірістік практика GMР, тиісті дистрибьюторлық практика GDP немесе тиісті дәріханалық практика (GPP) талаптарына сәйкестігі туралы сертификат ұсынған екі және одан да көп әлеуетті өнім беруші қатысса, онда комиссия тек олардың тендерлік өтінімдерін ғана қарайды, ал басқа әлеуетті өнім берушілердің (олар болған кезде) тендерлік өтінімдері қабылданбайды.»;



Достарыңызбен бөлісу:
  1   2


©kzref.org 2017
әкімшілігінің қараңыз

    Басты бет