Қаржы мониторингі агенттігі Ақмола облысы Көкшетау қаласында 68 шетелдік көлікті заңсыз тіркегендерді анықтады. Бұл туралы Stan.kz ақпарат агенттігі хабарлайды.

Фото: pexels.com

Агенттік дерегінше, "Азаматтарға арналған үкімет" мемлекеттік корпорациясы Көкшетау қалалық ХҚКО-ның бұрынғы маманымен алдын ала сөз байласып, 2 адамның жалған төлем құжаттарын пайдаланып, алымдарды төлемей шетелдік көліктерді жаппай бастапқы тіркеуді ұйымдастырған. 

Істі қаржы мониторингі агенттігі Ақмола облысы бойынша департаменті тергеді.

  • Алматыда мамандандырылған ХҚКО қызметкерлері 250 көлікті заңсыз тіркеген

  • Астанада шетелден әкелінген автокөліктерді заңсыз тіркеген қылмыстық топ ұсталды

"Жалған төлем-есеп айырысу құжаттары арқылы 68 көліктің заңсыз тіркелгені анықталды. Бастапқы тіркеу үшін алым төлемеу түріндегі мемлекетке келтірілген шығын – шамамен 449 миллион теңге", – деді ҚМА баспасөз қызметі.

Қылмыстық-процестік кодекстің 201-бабына сәйкес басқа ақпарат жарияланбайды.

Еске салайық, 2023 жылы Ақмола облысында 2 жыл бойы жүк көліктерін заңсыз тіркегендер, оның ішінде мамандандырылған ХҚКО қызметкерлерінің ісі әшкереленгенін жаздық.


Автор: Ербол Нурланов

Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.