Жылуға артық ақша төлеген астаналықтардың қаражаты қайтарылады. Бұл туралы Stan.kz ақпарат агенттігі КТК телеарнасына сілтеме жасап хабарлайды. 

Фото: freepik.com

Астана тұрғындарының ақпандағы жылу тарифіне қатысты шағымдарынан соң, баға төмендетілетін болды. Бұл туралы ұлттық экономика министрлігінің табиғи монополияларды реттеу комитеті мәлімдеді. 

Жылу энергиясын жеткізуші "Астана-Теплотранзит" мекемесінің қызметін талдау барысында жауапты инспекторлар көрсетілген қызмет көлемінің артуына байланысты негізсіз алынған кіріс түріндегі бұзушылықтарды анықтады. Сондай-ақ жеке субъектінің теңгерімінде жоқ нысандарға бағытталған тариф сметасындағы қаражаттың мақсатсыз пайдаланғаны белгілі болды. Осылайша қайта қаржыландыру мөлшерлемесін ескере отырып, тұтынушылардың жалпы сомасы 3 млрд теңгеге жуық қаржысы тариф аясында қалпына келтіріледі.

“Табиғи монополияларды реттеу комитетінің Астана қаласы бойынша департаменті уақытша өтеу тарифін енгізу арқылы негізсіз алынған табысты қайтару бөлігінде, "Табиғи монополиялар туралы" заңға сәйкес шаралар қабылдады. Қабылданған шаралар тұтынушы үшін жылу тарифінің 8 пайызға төмендеуіне алып келді”, – делінген министрлік хабарламасында.


Автор: Айгерим Жумабаева

Айгерим — опытный редактор с богатым опытом в изучении и письме о культуре и истории. Ее страсть к языкам и письму помогает создавать увлекательные тексты.