А. В. Костюнин «Деньги» Коньдон (перевод на удмуртский язык)



жүктеу 33.73 Kb.
Дата03.04.2019
өлшемі33.73 Kb.

Булдакова Надежда, учащаяся 8 класса МБОУ «СОШ № 60» города Ижевска Удмуртской Республики

Учитель: Ямщикова Елена Николаевна, учитель удмуртского языка и литературы высшей категории МБОУ «СОШ № 60» города Ижевска Удмуртской Республики



А.В. Костюнин «Деньги»

Коньдон (перевод на удмуртский язык)

Улон интыелэн кузёез кемалась вералляз ни вал кыче ке но дышетись сярысь. Солэн гань-гань куараез, йырам пырытэк, кошкылиз возтим…

( Тыныд вераськон кулэ овол ке, секыт ымнырдэ тунсыко карыса пукыны адямиен).

Секыт лулзыса, кышномурт азьланьтиз:

- … Со дышетисьлэн ньыль нылпиез вал. Бадзымез нылыз укмысэз йылпумъяз, кыкетиез куатети классын дышетскиз, мынам пиеным чош. Нош пиоыз: одигез куинети классын, мукетыз – нырысети. Кузпалыз ужаз руда поттон комбинатын, нош ачиз пиелэн классэн кивалтисез вал. Куинь ар талэсь азьло комбинатын ужасьёслы уждунзэс жегатыса сёткаллязы. Дышетисьёслы но дырыз дыръя оз сёткалэ. Калыкез чем алдало вал.тужгес но секыт трос нылпиё семьяослы йотылиз.
Мон кылзиськыны кутски.
- Валамон, вань портэм адямиос. Нош та дышетись вал сыче адямиос полысь, кин улон кузя мукетъёссэ гырпуменыз донгатэк мыниз. Матысь адямиосыз гинэ тодо вал, дыр, кыче солы секыт. Уждун сёткаку уг учко вал, уго, кинлэн коня нылпиез. Ваньмызлы сётылизы одиг кадь – куамын процент. Нош утча ай сюдыны ньыль нылпиез… Ми чем пумиськылим. Куддыръя мынам уж дорам, куддыръя мон дораз вуыли. Со монэ туж умой вала вал дышетись кадь но, но нырысь ик, анай кадь, дыр. Мынам пие висе вал. Со чик уг кылы. Куинь ар дышетскиз спецшколаын, нош ньылети классэ мон ваи пиме огшоры общеобразовательной школае. Капчи, ку одиг дышетись дышетэ классэз, нош воксё мукет югдур, ку котькуд предметэз нуэ мукет дышетись. Мон туж кышкасько вал, быгатоз-а пие огкыл шедьтыны дышетисьёсын но классысь дышетскисьёсын. Валамон ини, кылдылизы шуг-сектъёс. Нырысети адями, кудиз юрттиз мыным, вал со дышетись. Со дышетисьёслэсь но дышетскисьёслэсь мылкыдзэс жутиз.монэ буйгатэ вал кызьы быгатэ.шонерзэ вераса, мон ой возьма вал пиелэсь витети классын таче бадзым вормонъёссэ. Дышетисьмы пиналъёсты но, милемыз но, бадзымъёсты, быгатиз огазеяны. Ортчытъяз милемын чош шулдыръяськонъёс.ми нылпиосынымы чош Ымусьтон пумитам – дасяськимы нылпиосын чош. Витети класс пумын ми ваньмы валам одиг бадзым семья луэммес. Ваньмыз понна ми тау шуыны кулэ классэн кивалтисьмылы. Дун-чылкыт Валентинлэн нуналэзлы со котькуд нылпилы кузьмаз ас киыныз лэсьтэм «горд» сюлэмъёс. Тани со сюлэм. Мон сое татчы, адзиськон интые, оши.

Огпол жыт, уж бере дорам бертыкум, сое пумитай – школаысь, кыкети смена бере бертэ вал. Мон вузаськонние пырыны оти, нош со шуэ: «Мыным отын номыр карыны, мынам няньлы гинэ но уксёе овол…» Тулкымъяськыны одъяй. «Вае, - шуисько, юртто». Нош со: «Кулэ овол! Малы мон понна сюлмаськонэз?»
Ваньзэ тае веракуз, кузё кышно гуразьпалан мар но со ужаз. Нош собере дугдиз, возам пуксьыса азьланьтиз:

- Соку дышетисьёслэн нырысети бугыръяськонъёссы кутскизы. Дышетись кадь со жаля вал урокъёс кылё шуыса, нош адями кадь вала вал - нюръяськыны кулэ аслад правоосыд понна. Мон жингыртоно кариськи, чуказе нунал ласянь, нуоно-а, овол-а нылпиосты школае? Жингыртылыкум, мон трос дырзэ ой быдтылы дышетисьмылэсь, мар кулэ юасько но, всё. Нош татын вераськонмы кемагес кыстиськиз. Со жожтиськиз лулпушказ секыт шуыса. Млн шуи, куинь нунал коть коня ке шутэтскоды пиналъёслэсь. Дышетись вераз шутэтскыны уз пормы шуыса – озьы ик школае ветлоно луоз. Вераз на, кузпалэзлы уж дораз уждун интые быдэс мешок пызь сётиллям шуса. Чуказе, пе, мильым пыжо. Та вераськонлы мон соку бадзым саклык ой висъя. Нош со валес вылаз выдыса монэн вераськем ини. Нылпиос, пе, бызьыло, шумпото, чуказе школае уз мынэ шуыса. Картэз уй сменае ужаны кошкем. Нош чукна, кузпалыз ужысьтыз бертыку, нылпиос султэмын вылэм ни. Изён интыязы ос ворсамын, анайзэс медаз сайкатэ шуыса.

Нош анайзы кулэмын вал ни.

Эмъясьёс гожтизы: сюлмыз чидамтэ.
Борддорысь пичи горд сюлэм калленак вырзиз…

Сюлэм, кудизлэн шунытэз тырме вал котькудизлы но оз тырмы аслыз гинэ, азьланьтэ улонзэ…

***

Вань но овол.

Та кык категорилэсь кылдэмын калык.

Соос портэм сямен улон шоры учко – та пумтэм-йылтэм нюръяськон, бугыръяськон но тужгес секыт философской юан.

Библиын вервмын: « Кулэ овол люканы аслыд байлык музъем вылын, кытын кей но зег чош уло, кытын лушкаськисьёс байлыктэ лушкалозы. Байлык люкано инбамын». Та чебер но шонер кылъёс лыктозы-а меда тодаз сютэм адямилы… Та кылъёсты луоз дышетыны, вераны, но сютэм синъёс ваньзэ асьсэос вералозы.

«Коня пол тонэ янгыше уськытозы тодэмзылэсь азьло тон ымтэм но пельтэм шуыса», - гожъяз Михаил Жванецкий. Библиын верам кылъёслы «овол» категориысь адямиос ымтэм-пельтэмъёс кадь.

Адями коньдонлы кусыпсэ соку гинэ воштоз, ку ачиз шодоз ас куэз вылын, мар со узырлык, узырлык – «кык курегъёс кык тэркыын, со кык машинаос гаражъёсын, кык йыр висён котькуд аспирин таблеткалы».

Мон валасько, кин али шуиз:



  • Милемлы но таче йыр висён кулэ!

Шонер мылкыд.

Инмаре, сёт соослы луонлык ас вылазы эскерыны сое.
Каталог: file
file -> Симон маркиш
file -> Падение Трои Пьеса в 5-ти действиях
file -> 2. в греческом языке существует три слова для обозначения понятия «слово» «эпос», «логос» и
file -> Қазақстан Республикасы Қорғаныс министрінің 2016 жылғы 22 қаңтардағы №35 бұйрығымен бекітілген тиісті деңгейдегі білім беру бағдарламаларын іске асыратын Қазақстан
file -> График предоставления респондентами первичных статистических данных по общегосударственным статистическим наблюдениям в июне 2013 года
file -> 66 баспасөз релизі қаржы нарығындағы ахуал туралы


Достарыңызбен бөлісу:


©kzref.org 2019
әкімшілігінің қараңыз

    Басты бет