Маңғыстау облысында 115 жер телімі мемлекет меншігіне қайтарылды. Бұл туралы Stan.kz ақпарат агенттігі хабарлайды.
Фото: posttype.ru
Маңғыстау облысының прокуратурасы 2023 жылға арналған жұмыс қорытындысын баяндады. Осылайша, экономикалық мүдделерді қорғау саласында қадағалау актілері бойынша мемлекет кірісіне 1,7 миллиард теңге өндірілгені белгілі болды.
Сондай-ақ мемлекетке 9 миллиард теңгенің мүлкі, негізінен олигополия субъектілеріне тиесілі мүлік қайтарылды.
"Біз 80 мың гектар аумақты құрайтын 115 жер учаскесін, оның ішінде олигополия субъектілеріне тиесілі Каспий теңізінің бойындағы "алтын учаскелерді" қайтардық. 32 заңсыз нысан бұзылды, 35 құрылыс салушы айыппұлмен әкімшілік жауапкершілікке тартылды.
Ал 5 құрылыс салушы құрылыс-монтаж жұмыстарын жүргізуге лицензиясынан айырылды. Аталған құрылыс салушылардың 17 инжинирингтік қызметіне 6 айға қызметін тоқтатып, шара қолданылды", — делінген хабарламада.
- "Қызыл деңгейден асты": Ғалымдар Каспийдегі итбалық популяциясының апатты жағдайда екенін айтып, дабыл қақты
- Экология министрлігінің экс-қызметкері аққулардың өлімінен кейін Rixos қонақ үйіне қатысты мәлімдеме жасады
500 миллион теңгеден астам бюджет қаражатын ұрлау фактілері анықталып, 5 сотқа дейінгі тергеп-тексеру барысында түпкілікті процессуалдық шешімдер қабылданып, тұлғалар кінәлі деп танылып, сот үкімдері шығарылды.
Жергілікті атқарушы және уәкілетті органдармен бірлесе отырып, жалпы сомасы 100 миллиард теңгеге 7 инвестордың мәселесі оң шешімін тапты.
Айта кетейік, бұған дейін премьер-министр Әлихан Смайылов Қазақстанға активтерді қайтару жұмысына қатысты сұрақтарға жауап берген болатын. Сондай-ақ тізілімге енгізілген компаниялар активтерін сату, кепілге қою немесе сенімгерлік басқаруға беру алдында комиссияны хабардар етуі керектігі айтылды.
Даулет — природовед и путешественник. Его увлечение природой Казахстана и исследования вносят неповторимый вклад в наше издание.