Қазақстан Республикасы Денсаулық сақтау министрлігі



жүктеу 1.01 Mb.
бет1/6
Дата04.01.2019
өлшемі1.01 Mb.
түріАнықтамалық
  1   2   3   4   5   6



Қазақстан Республикасы

Денсаулық сақтау министрлігі

«Астана медицина университеті» АҚ


«Астана медицина университеті» АҚ

студентіне арналған анықтамалық-жолкөрсеткіш

2013-2014 оқу жылы



Астана 2013
І. «Астана медицина университеті» АҚ

студентінің ар-намыс кодексі
Студент – Қазақстан Республикасының патриоты, ол Егемен Қазақстанның маңызды атрибуттары – әнұранды, туды, елтаңбаны құрметтейді.

Студент өнегелі жоғары медицина мектебінің өкілі екенін әрқашан есте ұстайды, оның ар-намысы мен имиджін қадірлейді, оның абыройына кір келтірмеу үшін қолынан келгенін істейді.

Студент Қазақстан Республикасының лайықты азаматы болуға, таңдаған мамандығында кәсіби шебер болуға, өз бойындағы үздік шығармашылық қасиеттерді дамытуға ұмтылады.

Студент үлкенді сыйлайды, қасындағыларға дөрекі мінез көрсетпейді.

Студент парасаттылықтың, мәдениеттіліктің, адамгершіліктің үлгісі, ол адагершілікке жатпайтын әрекеттерге төзбейді, адамдарды жынысына, ұлтына немесе діни ерекшеліге қарай кемсітуге жол бермейді.

Студент саламатты өмір салтын ұстанады және барлық зиянды әдеттерден бас тартады.

Студент жоғары оқу орнының дәстүрлерін құрметтейді, оның мүлкін күтіп ұстайды, студенттер жатақханасында тазалық пен тәртіпті сақтайды.

Студент шығармашылық (ғылыми-біліми, спорт, көркемөнер және т.б.) белсенділікті дамытуға, корпоративтік мәдениетті және ЖОО беделін көтеруге бағытталған барлық қызметтің қажетті және пайдалы екенін мойындайды.

Студент академиялық теріс әдеттердің барлық түрлерімен күресуді өзінің міндеті деп санайды.

Студент студенттік ынтымақтастықтың интернационалдығының және көптілділіктің қажеттігін мойындайды.

Студент «Астана медицина университеті» АҚ негізгі этикалық құжаты – Ар-намыс кодексін қалтқысыз орындайды.

ІІ. «АСТАНА МЕДИЦИНА УНИВЕРСИТЕТІ» АКЦИОНЕРЛІК ҚОҒАМЫНЫҢ СТРАТЕГИЯЛЫҚ БАҒДАРЛАРЫ
2.1 «Астана медицина университеті» АҚ миссиясы:
«Астана медицина университеті» АҚ (бұдан әрі – Университет) – Халықаралық және ұлттық сапа мен қауіпсіздік стандарттарына сәйкес білім беретін және ғылыми-клиникалық қызмет көрсететін Қазақстан Республикасының білім беру, инновациялық ғылыми-клиникалық орталығы. Университет білім беру саласы мен медицина саласында ғылыми-зерттеу қызметін жүзеге асырады, қоғам мен мемлекеттің қазіргі және перспективалық талаптарына сәйкес медицина саласында интеллектуалдық, мәдени, адамгершілік деңгейі жоғары, еңбек нарығында сұранысқа ие білікті мамандар мен ғалым-педагог кадрларды даярлайды, сондай-ақ Солтүстік аймақтағы және тұтастай еліміздегі халықтың денсаулығын нығайтуға бағытталған серіктестік – Университет, қоғам, денсаулық сақтау жүйесі, аймақ арасындағы – әлеуметтік серіктестіктің тиімді моделін жүзеге асырады.
2.2 Университеттің болашақты болжауы – Университет болашақта:


  • Қазақстан Республикасының жоғары, жоғары оқу орнынан кейінгі және үздіксіз медициналық білім беру жүйесіндегі лидер.

  • Медициналық озық технологиялардың, интеллектуалдық жұмыстардың ғылыми-клиникалық орталығы.

  • Қазақстан Республикасының және ҚР солтүстік аймағының саяси, әлеуметтік-экономикалық саласын және мәдениетін дамытуға белсене қатысатын оқу орны.

  • Менеджменттің инновациялық жүйесін және сапаны басқару жүйесін жоғары медициналық білім беру саласына енгізетін орталық.

  • Әлемнің жетекші медициналық ЖОО-ларымен және ғылыми орталықтармен тең құқықты серіктес.

  • Білім беру жобаларын, ғылыми, мәдени жобаларды орындау үшін аймақтық, республикалық, шетелдік ұйымдармен және қоғамдастықтармен серіктестік қарым-қатынас орнатуға дайын жоғары оқу орны.

  • Білім беру процесінде ең заманауи ақпараттық-коммуникациялық технологияларды және «ғылым арқылы білім беру» принципін қолданатын, мамандарды даярлауда дәстүрлі әдістер мен инновациялық әдістерді ұтымды үйлестіре білетін жоғары оқу орны.

  • Университет өзі жинақтаған білім беру тәжірибесі, ресурстары мен құндылықтарының арқасында Қазақстан Республикасының және Астана қаласының мақтанышы болады.

  • Университеттің миссиялары мен болжауларын орындауға жауапкершілікпен қарайтын қызметкерлер мен білім алушылардың қауымдастығы және қызметкерлердің оны дамытуға қосқан үлестерін мойындайтын университет.


2.3 Университеттің құндылықтары:


  • Заң талаптарын сақтау

  • Кәсіби шеберлік

  • Көшбасшылық

  • Сапаға бейілділік

  • Инновацияда және шығармашылықта белсенділік

  • Қызметкерлер мен студенттерді ынталандыру

  • Демократиялық рух және корпоративтік мәдениет

  • Іскерлер командасымен жұмыс

  • Тиімділік

  • Өзара тиімді ынтымақтастық пен серіктестік

  • Тәртіп

  • Үнемі даму және оқу

  • Сабақтастық

  • Ұлт денсаулығын ойлау

  • Әдептілік пен адамгершілік

  • Сыйластық

  • Дәстүрді жалғастыру

  • Әлеуметтік патернализм, ардагерлерді қамқорлау және жастарды қолдау


2.4 Университеттің басты мақсаттары мен міндеттемелері:


  • қоғам мен мемлекеттің қазіргі және перспективалық талаптарына сәйкес еңбек нарығында сұранысқа ие, білікті мамандар мен ғалым-педагог кадрларды даярлау;

  • жоғары, жоғары оқу орнынан кейінгі, қосымша медициналық және фармацевтикалық білім беру арқылы, таңдаған қызмет саласы бойынша біліктілігін арттыру, үздіксіз кәсіптік жетілдіру арқылы тұлғаның адамгершілік, интеллектуалдық, мәдени дамуға сұранысын қанағаттандыру;

  • денсаулық сақтау саласының ғылыми әлеуетін дамыту;

  • ұйымды үнемі дамытып, жетілдіру үшін, ұйымның және оның персоналының экономикалық әл-ауқатын жақсарту үшін ішкі әлеуетін (жинақталғаен кәсіптік білім мен тәжірибе), сондай-ақ менеджменттің интеграцияланған жүйесі саласындағы білімін толығымен қолданатын технологиялық, ұйымдық, экономикалық тұрғыдан тиімді ұйымды құру.


ІІІ. ЖАЛПЫ ЕРЕЖЕЛЕР
1. Анықтамалық-жол көрсеткіш «Астана медицина университеті» АҚ-тың 1-курс студенттеріне арналған.

2. Анықтамалық-жол көрсеткіште «Астана медицина университеті» АҚ , университеттегі оқу процесін ұйымдастыру, ішкі тәртіп ережелері, білім алушылардың құқықтары мен міндеттері, пәндер бойынша тіркеу тәртібі, білім алушылардың үлгерімін ағымдық, аралық және қорытынды бақылауды ұйымдастыру тәртібі, ауыстыру тәртібі, студенттерді қайта қабылдау және оқудан шығару, студенттердің өздік жұмысы, материалдық және ақпараттық құралдарды пайдалану тәртібі туралы жалпы мағлұматтар берілген.



3. Анықтамалық-жол көрсеткіш 2007 жылғы 27 шілдедегі Қазақстан Республикасының «Білім туралы» Заңы; ҚР МЖМБС 5.04.019-2008 «Жоғары білім беру. Бакалавриат»; ҚР МЖМБС 5.03.006-2006 «Қазақстан Республикасының білім беру жүйесі. Жоғары оқу орындарындағы білім беруді бақылау және бағалау. Негізгі ережелер»; ҚР МЖМБС 5.03.007-2006 «Қазақстан Республикасының білім беру жүйесі. Кәсіптік білім беру бағдарламалары. Негізгі ережелер»; ҚР МЖМБС 5.03.009-2006 «Қазақстан Республикасының білім беру жүйесі. Жоғары оқу орындарындағы оқу-материалдық активтер. Негізгі ережелер»; ҚР МЖМБС 5.03.0010-2006 «Қазақстан Республикасының білім беру жүйесі. Ақпараттық ресурстар мен кітапхана қоры. Негізгі ережелер»; ҚР МЖМБС 3.08.388-2006; ҚР МЖМБС 3.07.485-2006 «051301 – Жалпы медицина»; ҚР МЖМБС 3.07.476-2006 «051302 – Стоматология»; ҚР МЖМБС 3.08.389-2006 «051102 – Қоғамдық денсаулық сақтау»; ҚР МЖМБС 3.08.390-2006 «051103 – Фармация»; ҚР МЖМБС 3.08.388-2006 «051101 – Мейірбике ісі»; ҚР БҒМ 2008 жылғы 18 наурыздағы «Білім беру ұйымдарындағы білім алушылардың үлгерімін ағымдық бақылау, аралық және қорытынды мемлекеттік аттестациядан өткізу ережелерін бекіту туралы» №125 бұйрығы (2011 жылғы 16 наурызда енгізілген өзгерістермен және толықтырулармен); Қазақстан Республикасы Үкіметінің 2012 жылғы 19 қаңтардағы №110 «Білім беру ұйымдарының типі бойынша білім алушыларды ауыстыру және қайта қабылдау қағаидалары туралы» қаулысы; «Білім беру ұйымдарындағы білім алушыларға академиялық демалыс беру ережелерін бекіту туралы» 18.03.2008ж. №124 бұйрығы, ҚР Үкіметінің №116 «Білім беру ұйымдарында білім алушылардың жекелеген категорияларына мемлекеттік шәкіртақы төлеу ережелерін бекіту туралы» қаулысы (2012 жылғы 28 ақпандағы өзгерістермен); 2011 жылғы 20 сәуірдегі «Оқытудың кредиттік технология бойынша оқыту процесін ұйымдастыру ережелері» №152 бұйрығы негізінде әзірленді.
3.1 Университет туралы мағлұмат

1964 жылы Қазақстан КП Орталық комитетінің және Қазақ КСР Министрлер кеңесінің 1964 жылғы 26 қазандағы №729 қаулысына сәйкес Целиноград мемлекеттік медицина институтының негізі қаланды. 1993 жылдың наурыз айында қала атының өзгертілуіне байланысты институт Ақмола мемлекеттік медицина институты деп аталды. ҚР Үкіметінің 1997 жылғы 25 ақпандағы №263 қаулысына сәйкес ЖОО академия болып өзгертілді. ҚР Үкіметінің


2003 жылғы 14 наурыздағы №249 қаулысына және ҚР ДСМ 2003 жылғы 20 наурыздағы №232 бұйрығына сәйкес Ақмола мемлекеттік медицина академиясы Қазақ мемлекеттік медицина академиясы деп аталды.

2006 жылы Қазақ мемлекеттік медицина академиясы Мәскеуде Халықаралық Саммит шеңберіндегі халықаралық сыйлықтың «Ұлттық Экономика Лидері – 2006» Құрмет белгісін алды.

Қазақстан Республикасының 2003 жылғы 13 мамырдағы «Акционерлік қоғамдар туралы» Заңына, ҚР Үкіметінің 2008 жылғы 13 мамырдағы «‘‘Ұлттық медициналық холдинг’’ акционерлік қоғамын құру туралы» №451 қаулысына сәйкес Қазақ мемлекеттік медицина академиясы «Ұлттық медициналық холдинг» АҚ-тың құрамына кірді және «Қазақ медицина академиясы» АҚ болып қайта ұйымдастырылды. «Ұлттық медициналық холдинг» Басқармасының 2009 жылғы 6 қаңтардағы №81 бұйрығы негізінде «Қазақ медицина академиясы» АҚ «Астана медицина университеті» АҚ болып өзгертілді.

Қазақстан Республикасы Үкіметінің 2010 жылғы 13 шілдедегі №710 қаулысымен "Астана медицина университеті" АҚ "Ұлттық медициналық холдинг" АҚ құрамынан шығарылып, Қазақстан Республикасы Денсаулық сақтау министрлігінің ведомстволық бағыныстылығына берілді.


3.1.1 ЖОО-ның басшылары және құрылымдық бөлімшелер туралы ақпарат




Ректорат


Телефон

Аты-жөні




Ректор-Басқарма төрағасы

Қабылдау бөлмесі 539424

Шайдаров Мажит Зейнуллаұлы




Ғылыми және клиникалық қызметтер жөніндегі проректор

Қабылдау бөлмесі 539431

Галицкий Франц Антонович




Білім беру қызметі жөніндегі проректор

Қабылдау бөлмесі 539428

Жаксылыкова Гүлнар Әділханқызы




Тәрбие ісі және әлеуметтік қызмет жөніндегі проректор

Қабылдау бөлмесі

539443


Хайрли Гафур Зинурұлы




Әкімшілік және экономикалық қызметтер жөніндегі проректор

Қабылдау бөлмесі

436130


Нұржаубай Марғұлан Оңталапұлы

Жалпы медицина факультетінің деканаты



курс

Декан

539437

Махамбетов

Қайыргелді Омбайұлы





Деканның орынбасары

539437

Тайжанова

Ляззат Евгеньевна





Деканның орынбасары

539437

Игенбаева

Бахыт Балкенқызы





Деканның орынбасары

539440

Нұрхан

Бакшагүл Кәрібайқызы





Деканның орынбасары

539440

Габбасова

Анар Мейрамқызы





Деканның орынбасары

539437

Байканова

Раушан Карабайқызы



Қоғамдық денсаулық сақтау, стоматология, фармация, мейірбике ісі,

медициналық-профилактикалық іс факультетінің деканаты




Декан

539572

Карибжанов

Айтбек Әнуарбекович






Деканның орынбасары

539432

Аджибаева Ботагөз Жорқаевна




Деканның орынбасары

539432

Нұрмұханов

Алтынбек Амангелдіұлы






Интернатура және жұмысқа орналастыру деканаты




Декан

539445

Сыздыкова

Айнұр Сайлаубайқызы






Жоғары оқу орнынан кейінгі білім беру деканаты




Декан

539450


Жарлығанова

Динара Сарқыбекқызы






Үздіксіз кәсіптік дамыту және қосымша білім беру факультетінің деканаты




Декан

539438

53-95-45


Сапарова

Ләйлім Тасболатқызы






Жастар ісі жөніндегі деканат




Декан

539542

Мухамметкалиева Гүлжан Абайқызы




Радиобиологиялық зерттеу институты




Директор

539439

Казымбет

Полат Казымбетұлы






Директордың орынбасары

539448

Бахтин

Мейрат Мұхамедкәрімұлы






ЖОО-ның бөлімшелері




Кітапхана

539533

Кенжебаева

Ляйля Саимбекқызы






Оқу процесін жоспарлау бөлімінің бастығы

539436

Досанова

Багдат Рахимқызы






Оқу-әдістемелік орталықтың жетекшісі

539461

Букеева

Жанар Каналбайқызы






Сапа менеджменті және стратегиялық жоспарлау бөлімі

53-95-27

Жумашева Захира Сраждинқызы




Студенттерді есепке алу бөлімінің бастығы

539435

Алиева

Мухаббат Байтемірқызы






Офис-тіркеуші бөлімінің бастығы

539641

Жукина Динара Қамидоллақызы




Кәсіптік бағдар беру және білім алушыларды психологиялық бейімдеу бөлімінің бастығы

53-95-47

Ақполатова

Гүлнұр Момынқызы






Оқытудың инновациялық технологиялары және қашықтықтан оқыту орталығы

56-98-64

Исабаев Эльдар Сағидоллаұлы




Ғылым бөлімінің бастығы

539528

Ақанов Аманғали Балтабекұлы




Мемлекеттік тілді дамыту және тіл саясаты бөлімінің бастығы

539548

Ахметов Мұхамбедия




Бақылау және құжаттамалық қамтамасыз ету бөлімінің бастығы

539454

Дүйсенбекова

Дариға Нүкенқызы






Оқу-клиникалық орталықтың жетекшісі

539521

Жумадилов

Даулет Шаймарданұлы






Компьютерлік тестілеу бөлімінің бастығы

539573

Тлешова

Нұргүл Серікқызы






Университеттің спорт клубының жетекшісі

539535

Саттыклышов

Берік Сапарбайұлы






«Студенттер қалашығы» бөлімінің бастығы

539520

Ысқақова Сәуле Амангелдіқызы




АҚ және ТЖ бөлімінің бастығы

539446

Бектұрсынов

Нұрдәулет Ташкенбайұлы






"Астана медицина университеті" АҚ медициналық орталығы

239284

Регистратура




Бас бухгалтер

539539

539540


Искакова Жансая Тұяққызы


3.2 АКАДЕМИЯЛЫҚ КҮНТІЗБЕ

2013-2014 оқу жылдағы

«МЕДИЦИНА-ПРОФИЛАКТИКА ІСІ» мамандығы бойынша оқитын 3 курс студенттеріне арналған

Академиялық күнтізбе

Мероприятие, Праздники

Даты

Білім күні, Сабақ басталуы / День знаний, Начало занятий

1 қыркүйек

Күзгі семестр / Осенний семестр

02.09-15.12.13

Сессия

16.12.13-05.01.14

Тәүелсіздік күні / День независимости

16, 17 желтоқсан

Жаңа жыл / Новый год

1, 2 қаңтар

Рождество

7 қаңтар

Демалыс / Каникулы

06.01-19.01.14

Көктемгі семестр / Весенний семестр

20.01-04.05.14

Сессия

05.05-25.05.14

Халықаралық әйелдер күні / Международный женский день

8 наурыз

Наурыз

21, 22, 23 наурыз

Қазақстан халқының бірлігі күні / День единства народов Казахстана

1 мамыр

Отан қорғаушылар күні / День защитника Отечества

7 мамыр

Жеңіс күні / День Победы

9 мамыр

Өндірістік тәжірибе / Производственная практика

26.05-01.06.14

Демалыс / Каникулы

02.06-31.08.14

2013-2014 оқу жылдағы

«Жалпы медицина» мамандығы бойынша оқитын 3 курсының студенттеріне арналған

Академиялық күнтізбе

Мероприятие, Праздники

Даты

Білім күні, Сабақ басталуы / День знаний, Начало занятий

1 қыркүйек

Күзгі семестр / Осенний семестр

02.09-05.01.14

Тәүелсіздік күні / День независимости

16, 17 желтоқсан

Жаңа жыл / Новый год

1, 2 каңтар

Рождество

7 қаңтар

Сессия

06.01-19.01.14

Демалыс / Каникулы

20.01-02.02.14

Көктемгі семестр / Весенний семестр

03.02-08.06.14

Халықаралық әйелдер күні / Международный женский день

8 наурыз

Наурыз

22, 23 наурыз

Қазақстан халқының бірлігі күні / День единства народов Казахстана

1 мамыр

Отан қорғаушылар күні / День защитников отечества

7 мамыр

Жеңіс күні / День Победы

9 мамыр

Сессия

09.06-29.06.14

Оқу-өндірістік тәжірибе / Учебно-производственная практика

30.06-13.07.14

Каникулы

14.07-31.08.14

2013-2014 оқу жылдағы

«Қоғамдық денсаулық сақтау» мамандығы бойынша оқитын 3 курс студенттеріне арналған

Академиялық күнтізбе

Мероприятие, Праздники

Даты

Білім күні, Сабақ басталуы / День знаний, Начало занятий

1 қыркүйек

Күзгі семестр / Осенний семестр

02.09.13-15.12.13

Сессия

16.12.13-05.01.14

Тәүелсіздік күні / День независимости

16, 17 желтоқсан

Жаңа жыл / Новый год

1, 2 қаңтар

Рождество

7 қаңтар

Демалыс / Каникулы

06.01.14-19.01.14

Көктемгі семестр / Весенний семестр

20.01.14-04.05.14

Сессия

05.05-01.06.14

Халықаралық әйелдер күні / Международный женский день

8 наурыз

Наурыз

21, 22, 23 наурыз

Қазақстан халқының бірлігі күні / День единства народов Казахстана

1 мамыр

Отан қорғаушылар / День защитника Отечества

7 мамыр

Жеңіс күні / День Победы

9 мамыр

Өндірістік тәжірибе / Производственная практика

02.06.14-08.06.14

Демалыс / Каникулы

09.06.14-31.08.14

2013-2014 оқу жылдағы

«Мейірбике ісі» мамандығы бойынша оқитын 3 курс студенттеріне арналған

Академиялық күнтізбе

Мероприятие, Праздники

Даты

Білім күні, Сабақ басталуы / День знаний, Начало занятий

1 қыркүйек

Күзгі семестр / Осенний семестр

02.09.13-15.12.13

Сессия

16.12.13-05.01.14

Тәүелсіздік күні / День независимости

16, 17 желтоқсан

Жаңа жыл / Новый год

1, 2 қаңтар

Рождество

7 қаңтар

Демалыс / Каникулы

06.01.14-19.01.14

Көктемгі семестр / Весенний семестр

20.01.14-04.05.14

Халықаралық әйелдер күні / Международный женский день

8 наурыз

Наурыз

21, 22, 23 наурыз

Қазақстан халқының бірлігі күні / День единства народов Казахстана

1 мамыр

Отан қорғаушылар күні / День защитника Отечества

7 мамыр

Жеңіс күні / День Победы

9 мамыр

Астана күні / День столицы

6 шілде

Сессия

05.05.14-25.05.14

ПРП

26.05.14-15.06.14

Демалыс / Каникулы

16.06.14-31.08.13


2013-2014 оқу жылдағы

«Стоматология» мамандығы бойынша оқитын 3 курсының студенттеріне арналған

Академиялық күнтізбе

Мероприятие, Праздники

Даты

Білім күні, Сабақ басталуы / День знаний, Начало занятий

1 қыркүйек

Күзгі семестр / Осенний семестр

02.09-19.01.14

Тәүелсіздік күні / День независимости

16, 17 желтоқсан

Жаңа жыл / Новый год

1, 2 қаңтар

Рождество

7 қаңтар

Демалыс / Каникулы

20.01-02.02.14

Көктемгі семестр / Весенний семестр

03.02-15.06.14

Халықаралық әйелдер күні / Международный женский день

8 наурыз

Наурыз

21, 22, 23 наурыз

Қазақстан халқының бірлігі күні / День единства народов Казахстана

1 мамыр

Жеңіс күні / День Победы

9 мамыр

Отан қорғаушылар күні / День защитника Отечества

7 мамыр

Астана күні / День столицы

6 шілде

Өндірістік тәжірибе / Производственная практика

16.06-29.06.14

Демалыс / Каникулы

30.06-31.08.13



    1. УНИВЕРСИТЕТТЕ ОҚУ ПРОЦЕСІН ҰЙЫМДАСТЫРУ


3.3.1 Білім беру бағдарламаларының мазмұны

  1. «Астана медицина университеті» АҚ келесі мамандықтар бойынша мамандар даярлау қызметін жүзеге асырады:

«Жалпы медицина». Жоғары медициналық білімі бар мамандарды даярлайды және «Дәрігер» біліктілігі беріледі. Оқу ұзақтығы – 7 (5+2) жыл, соңғы екі жылы – интернатура. 5 жылдық базалық оқудан кейін түлектерге «медицина бакалавры» дәрежесі беріледі. Түлек-бакалавр конкурстық негізде магистратураға түсе алады. Интернатураны бітіргеннен кейін, интернатураны аяқтағаны туралы куәлікті және дипломды алғаннан кейін түлектер «Жалпы практика дәрігері» мамандығы бойынша дербес практикалық қызметке кірісе алады. «Ішкі аурулар», «Хирургия», «Педиатрия», «Акушерия және гинекология» мамандықтары бойынша интернатурада білім алып жатқан студент таңдаған мамандығына қарай резидентурада оқуын жалғастыра алады (2-4 жыл). Резидентураны бітіргеннен кейін өз бетінше дәрігерлік қызметпен айналысуға құқық беретін диплом беріледі.
«Мейірбике ісі». Оқу кредиттік технология бойынша бакалавриат шеңберінде жүргізіледі, «мейірбике ісі бакалавры» академиялық дәрежесі беріледі. Оқу ұзақтығы – 4 жыл. Түлектер магистратурада білімін жалғастыра алады. Магистратураны бітірушілерге мамандық бейіні бойынша «мейірбике ісі магистрі» академиялық дәрежесі беріледі.
«Фармация». Оқу кредиттік технология бойынша бакалавриат шеңберінде жүргізіледі, «фармация бакалавры» академиялық дәрежесі беріледі. Оқу ұзақтығы – 5 жыл.
«Қоғамдық денсаулық сақтау». Оқу кредиттік технология бойынша бакалавриат шеңберінде жүргізіледі, «қоғамдық денсаулық сақтау бакалавры» академиялық дәрежесі беріледі. Оқу ұзақтығы – 5 жыл. Түлектер магистратурада білімін жалғастыра алады. Магистратураны бітірушілерге мамандық бейіні бойынша «қоғамдық денсаулық сақтау магистрі» академиялық дәрежесі беріледі. Магистрлердің докторантурада оқуын жалғастыруға құқығы бар.

«Стоматология». Жоғары медициналық білімі бар мамандарды даярлайды, «Стоматолог-дәрігер» біліктілігі беріледі. Оқу ұзақтығы – 6 (5+1) жыл, соңғы жылы – интернатура. 5 жылдық базалық оқудан кейін түлекке «стоматология бакалавры» дәрежесі беріледі. Түлек-бакалавр конкурстық негізде магистратураға түсе алады. Интернатураны бітіргеннен кейін, интернатураны аяқтағаны туралы куәлікті және дипломды алғаннан кейін түлектер дәрігер-стоматолог мамандығы бойынша дербес практикалық қызметке кірісе алады немесе мамандандырудан өту үшін оқуын резидентурада жалғастыра алады (2-4 жыл). Резидентураны бітіргені туралы диплом тиісті мамандығы бойынша дербес дәрігерлік қызметпен айналысуға құқық береді.

«Медициналық-профилактикалық іс». Жоғары медициналық білімі бар мамандарды даярлайды, «Гигиена және эпидемиология маманы» біліктілігі және «медициналық-профилактикалық іс» бакалавры академиялық дәрежесі беріледі. Оқу ұзақтығы – 5 жыл. Бакалавриатта оқуды аяқтағаннан кейін түлек эпидемиология, коммуналдық гигиена, балалар мен жасөспірімдер гигиенасы, еңбек гигиенасы, тағамтану гигиенасы, радиациялық гигиена, вирусология, бактериология, паразитология жөніндегі маман ретінде дербес практикалық қызметке кірісе алады. Түлектер магистратурада білімін жалғастыра алады.


  1. «Астана медицина университеті» АҚ-тың негізгі мақсаттарының бірі – студенттерді озық білім беру әдістемелері мен технологияларын қолдана отырып оқыту, білім алушыларды білімге және шеберлікке баулу, олардың жоғары кәсіптік дәрежеге ие болып, еңбектің халықаралық нарығында бәсекеге қабілетті деңгейге жетуін қамтамасыз ету.

Жоғары білім берудің қазіргі заманғы жүйесі адамдарды болашаққа заманауи әрі барабар бейімдеуге бағытталған, яғни тек қана білім беру деңгейін жоғарылатып қоймай, сонымен қатар қоршаған ортаның тез өзгеретін экономикалық, технологиялық, әлеуметтік және ақпараттық болмысына бейімделген жаңа типтегі зердені және қазіргі заманға сай ойлау тәсілін қалыптастырады. Кредиттік технологияны енгізу осы мақсаттарға қол жеткізуге септігін тигізеді. Оқытудың кредиттік жүйесі – кредиттер түрінде білім беру траекториясын таңдауды және білім алу көлемін есепке алуды жеке-жеке қарастыратын өзін-өзі оқыту деңгейі мен білімді шығармашылық түрде меңгеруді жоғарылатуға бағытталған жүйе.
3.3.2 Офис-тіркеуші қызметі туралы

1. Офис-тіркеуші бөлімі (ОТБ) – білім алушының оқудағы жетістіктерін толық тіркеп отыратын бөлім. Студенттің таңдаған пәндеріне жазылуды тіркейді, емтихандық-рейтингілік тізімдемені өңдеп, сақтайды. GPA (білім алушының оқудағы жетістіктері деңгейінің орташа есеппен алғандағы бағасы) көшіру балын есептейді.

Офис-тіркеуші бөлімі студенттердің білімін бақылау нәтижелерін есепке алады және академиялық рейтингіні есептейді.

2. Офис-тіркеушінің негізгі міндеттері мыналар:

- білім алушылардың оқу пәндеріне жазылу процесін ұйымдастыру және жеке оқу жоспарының орындалуын бақылау;

- білім алушылардың оқудағы жетістіктерін тіркеу процесін ұйымдастыру;

- білім алушыларды ағымдық және аралық аттестациядан өткізуді ұйымдастыру;

- қорытынды мемлекеттік аттестацияны ұйымдастыру мен өткізуді бақылау;

- ағымдағы транскриптілерді жүргізу және беру;

- GPA-ні жүргізу және есептеу;

- білім алушылардың оқу пәндері бойынша жинақталған кредиттерін/сағаттарын есепке алып, оны бірінші курстан бастап оқуды бітіргенге дейінгі кезеңде белгіленген форма бойынша жүргізу.
3.4 Пәндер бойынша тіркелу тәртібі
3.4..1 Элективті пәндерге жазылу процедурасы

1. Элективті пәндерге жазылу офис-тіркеуші бөлімінде жүзеге асырылады. Ұйымдастыру-әдістемелік және консультациялық жұмыстарды жүргізу үшін эдвайзерлер, тьютерлер, деканат қызметкерлері қатыстырылады.

2. Эдвайзерден кеңес алғаннан кейін білім алушы таңдаған мамандықтарға жазылады.

3. Білім алушы пәндерді таңдап болған соң өзі таңдаған элективті пәндерді көрсетіп тіркеу формасын толтырады, осы форма негізінде білім алушының жеке оқу жоспары (ЖОЖ) әзірленеді.

4. Элективті пәндерге жазылу электрондық түрде жүзеге асырылады.

5. Элективті пәндерге жазылу ағымдағы оқу жылының көктемгі семестрі кезінде 2 апта мерзімде жүргізіледі.

6. Егер бір пәнге тіркелген студенттер саны белгіленген саннан аз болса, онда ол пән жүргізілмейді және оқу-жұмыс жоспарына енгізілмейді.

7. Білім алушы бекітілген мерзімде элективті пәндерге жазылу және ЖОЖ-ға өзгерістер енгізу тәртібін сақтауға міндетті.

8. Білім алушы білім беру бағдарламасын меңгеру үшін оқу жылына белгіленген кредиттер (сағаттар) санына жазылуы тиіс.

9. Егер білім алушы белгіленген уақытта тіркелмесе, онда оны оқыту үшін сол курсқа арналып жасалған оқу жұмыс жоспары негізге алынады.

10. Офис-тіркеуші бөлімінің қызметкері білім алушының таңдаған элективті пәндері негізінде, топтардың тізімі бекітілгеннен кейін элективті пәндерді көрсете отырып, топтар бойынша ЖОЖ шаблондарын әзірлейді.

11. Білім алушы сайттан «жеке кабинеттен» өз ЖОЖ-ының электрондық нұсқасының шаблонын көшіріп немесе офис-тіркеуші бөлімінен алып, ЖОЖ шаблонын зер салып оқып алуы тиіс. Нұсқа Excel форматында берілген. Парақта міндетті компоненттің пәндері және таңдаған компоненті (элективті пәндер) көрсетілген.

12. Міндетті компоненттің пәндері – осы курста міндетті түрде оқытылатын пәндер. Олар осы мамандықтың МЖМБС үлгілік оқу бағдарламасында көрсетілген.

13. Элективті пәндер – белгіленген кредиттер (сағаттар) шеңберінде таңдау компонентіне кіретін оқу пәндері. Бұл пәндер білім алушының жеке траекториясын бейнелейтін оқу пәндері. Білім алушының тіркеу парағы негізінде толтырылады.

14. ЖОЖ-да студент тегін, атын, әкесінің атын және оқитын топтың нөмірін көрсетуі қажет.

15. Толтырылған ЖОЖ-ға білім алушы, эдвайзер қол қояды және оны факультет деканы бекітеді.

16. Егер студент белгіленген мерзімде офис-тіркеушіге өзінің ЖОЖ-ын тапсырмаса немесе тіркелуден бас тартқан болса, онда оны оқыту үшін сол курсқа арналып жасалған оқу жұмыс жоспары негізге алынады.

17. Факультет деканы ЖОЖ-ды екі данада бекітеді: бірінші данасы деканатта сақталады және білім алушылардың осы жоспарды меңгеруін және орындауын бақылауды жүзеге асыру үшін негіз болады; екінші данасы студентте сақталады. ЖОЖ-дың электрондық нұсқасы офи-тіркеуші бөлімінде сақталады.

18. Қол қойылған және бекітілген ЖОЖ-ды міндетті түрде орындау қажет. Міндетті пәндер сияқты, таңдаған пәндерге қатыспаса, академиялық қарыз болып есептеледі.

19. Офис-тіркеуші бөліміне ЖОЖ-ды тапсырудың соңғы мерзімі – оқу жылының бірінші аптасы.



  1. Студенттердің бекітілген ЖОЖ оқу жұмыс жоспарын құрастыру үшін негіз болады.


3.4.2 Оқытушының міндеттері

1. Оқытушы (педагог) функциялық міндеттеріне қарай дәріскер, тьютор, эдвайзер, куратор бола алады:

- дәріскер;

- тьютор – арнайы дайындықтан өткен, сабақтарды жүргізетін және нақты пәнді меңгеру бойынша студенттің академиялық консультанты ретінде қызмет атқаратын оқытушы;

- эдвайзер – білім алушыны мамандық бойынша оқытатын, таңдаған пәндерден жеке оқу жоспарын әзірлеуге және оқу барысында білім беру бағдарламасын меңгеруге көмектесетін академиялық консультант. Деканаттарда – мамандық эдвайзері, кафедраларда – пән эдвайзері.

- куратор – оқу және тәрбие жұмысын ұйымдастыруға көмектесу үшін студенттер тобына бекітілген оқытушы. Куратордың негізгі міндеттерінің бірі – тату, ұйымшыл ұжымды қалыптастыру және оны тиімді басқару.

2. Оқытушының студенттермен жұмысына келесі үш негізгі функция кіреді:

Оқытушының бірінші функциясынұсқау беру (тақырыпқа кіріспе; мақсат пен міндеттер қою; практикалық тиімділікті сипаттау, мазмұндық материалдың негізгі бөлімдерінің мәні мен өзара байланысын түсіндіру, оқу-әдістемелік құралдармен жұмыс бойынша ұсыныстар). Бұл студенттердің одан кейінгі өз бетінше орындайтын жұмысы үшін жеткілікті болуы тиіс.

Оқытушының екінші функциясыкеңес беру-түзету. Бұл студенттердің өзіндік жұмысы барысында оқу қызметін жүзеге асыруға нұсқау беру, жеке консультациялар өткізу және тиісті түзету жұмыстарын орындау үшін консультациялық көмек көрсетеді.

Оқытушының үшінші функциясыбақылау-бағалау. Бұл тестілеуді өткізу, студенттердің білімі мен шеберлігін бағалау, олардың негізгі қиыншылықтарын анықтау үшін сұхбат ұйымдастыру, оқытушының «дұрыс» әрекеттерді көрсетуі, өзара іс-әрекеттерді, сарапшы мен бақылаушының ұстанымы бойынша жұмыстың эталон тәсілдерін көрсету.
3.5 Студенттің ішкі тәртіп ережелері, құқықтары мен міндеттері
3.5.1 Жалпы ережелер

1.1 «Астана медицина университеті» АҚ-та (бұдан әрі – Университет) білім алушылардың ішкі тәртіп ережесі (бұдан әрі – Ереже) Қазақстан Республикасының «Білім туралы» Заңы, Қазақстан Республикасының Конституциясы,ҚР БҒМ 2012 жылғы 19 қаңтардағы № 110 «Білім беру ұйымдарының типі бойынша білім алушыларды ауыстыру және қайта қабылдау қағидалары туралы» бұйрығы, «Білім беру грантын беру ережесін бекіту туралы» ҚР Үкіметінің 23.01.2008ж. №58 Қаулысы, «Білім беру ұйымдарында білім алушылардың жекелеген категорияларына мемлекеттік шәкіртақы төлеу ережесін бекіту туралы» ҚР Үкіметінің 7.02.2008ж. №116 Қаулысы, ҚР БҒМ 2008 жылғы 18 наурыздағы №125 «Білім алушылардың үлгерімін ағымдық бақылау, аралық және қорытынды аттестациядан өткізудің типтік ережесін бекіту туралы» бұйрығы, Ішкі еңбек тәртібі ережелері, Университет Жарғысы, Студенттік жатақханалар туралы ереже және өзге де нормативтік-құқықтық актілер негізінде оқу тәртібін күшейту мақсатында әзірленді.


3.5.2 Білім алушылардың құқықтары

Білім алушының:

2.1. Мемлекеттік жалпыға міндетті білім беру стандарттарына сәйкес дайындықтың (мамандықтың) таңдап алынған бағыты бойынша білім алуға;

2.2. Қазақстан Республикасының қолданыстағы заңнамасымен белгіленген тәртіпте бір оқу орнынан басқа бір оқу орнына, бір мамандықтан басқа бір мамандыққа, оқудың бір формасынан басқа бір формасына қайта қабылдануға және ауысуға;

2.3. Университет қызметіне қатысты маңызды мәселелерді талқылауға және шешуге қатысуға, оның ішінде қоғамдық ұйымдар және Университеттің басқару органдары арқылы қатысуға;

2.4. Қазақстан Республикасының қолданыстағы заңнамаларында белгіленген тәртіпте студенттік өзін-өзі басқару органдарын, студенттік қоғамдық ұйымдар және бірлестіктер, оның ішінде кәсіптік одақтар құруға;

2.5. Университеттің басқару органдарын сайлауға және оларға сайлануға;

2.6. ҚР Үкіметінің 2012 жылғы 12 наурыздағы №320 «Азаматтарға олар білім алған кезеңде көрсетілетін әлеуметтік көмектің мөлшері, көздері, түрлері және ережелері туралы» қаулысы және 2008 жылғы 7 ақпандағы №116 «Білім беру ұйымдарында білім алатын азаматтардың жекелеген категорияларына мемлекеттік шәкіртақы төлеу ережесі туралы» 7.02.2008ж. Қаулыларына сәйкес шәкіртақымен қамтамасыз етілуге және әлеуметтік көмек алуға;

2.7. Ғылыми-зерттеу жұмыстарының барлық түріне, конференцияларға, симпозимдарға қатысуға, өз жұмыстарын жариялауға, оның ішінде Университет баспаларында жариялауға беруге;

2.8. Университеттің ақпараттық ресурстарын, оқу, ғылыми және басқа да құрылымдардың қызметтерін олардың ережелеріне сәйкес пайдалануға құқығы бар.


3.5.3 Білім алушылардың міндеттері

Білім алушы:

3.1. Білім беру саласындағы оқу-ғылыми процестерді, оларды ұйымдастыру мен жүргізуді реттейтін нормативтік актілердің талаптарын орындауға;

3.2. Таңдап алынған мамандығы бойынша теориялық білімді және практикалық машықтарды жүйелі және терең түрде игеруге;

3.3. Сабақтарға қатысуға және оқу жоспары мен бағдарламаларда көрсетілген тапсырмалардың барлық түрін белгіленген мерзімде орындауға;

3.4. Оқытушылардың және Университеттің басқа қызметкерлерінің ар-намысын мен абыройын сыйлауға;


3.5. Қоғамдық орындарда тәртіп нормаларын сақтауға, жатақханада тұру ережесін сақтауға, жалпыға ортақ адамгершілік және этика нормаларын сақтауға, құқық бұзушылық әрекеттерге, болашақ дәрігердің моральдық бейнесіне сәйкес келмейтін әрекеттерге жол бермеуге, Университеттің іскерлік абыроайын, аты мен беделін қорғауға;

3.6. Жалпы мәдениетті жақсартуға ұмтылуға, адамгершілік жағынан және дене тәрбиесі жағынан үнемі жетілуге; оқу тәртібін сақтауға, Университет әкімшілігінің өкімдерін дер кезінде және нақты орындауға;

3.7. Университеттің мүлкін ұқыптап ұстауға, оны дұрыс пайдалануға, зиян келтірмеу үшін шараларды алдын ала орындауға; Университетке материалдық зиян келтірген жағдайда оны Тәртіптік кеңестің шешіміне сәйкес өтеуге;

3.8. Университеттің қоғамдық өміріне, қоғамдық пайдалы еңбекке белсенді түрде араласуға;

3.9. Жоспарлы медициналық тексеруден дер кезінде және үнемі өтіп тұруға;

3.10. Өздерімен бірге жеке куәлігін, студенттік билетін, болмаса Университеттің оқу корпустарына кіруге (шығуға) және онда жүруге рұқсат беретін рұқсатнаманы алып жүруге және оларды Университетке кірген кезде көрсетуге;

3.11. Студенттік жеке құжаттарды (студенттік билет, сынақ кітапшасы) ұқыптап ұстауға, оларды жоғалтқан жағдайда тез арада факультет әкімшілігіне хабарлауға;

3.12. «Ақылы білім беру қызметі туралы» шартта белгіленген қаржылық міндеттемелерді орындауға;

3.13. Өзінің оқу орнын, оқу құралдарын тәртіпте және тазалықта ұстауға, оқу аудиторияларында, корпустарында, клиникалық бөлімшелерде және басқа да құрылымдық бөлімшелерде тазалық сақтауға, Университет аумағында қоғамдық тәртіпті сақтауға;

3.14. Барлық сабақтарда студент халат пен колпакты киіп жүруі тиіс;

3.15. Кітапхананы олдану тәртібін сақтауға;

3.16. Оқу-әдістемелік, ғылыми және көркем әдебиеттерді жоғалтқан білім алушылар оларды балама немесе оларға тең кітаптармен ауыстыруға;

3.17. Арнайы ережелерде және нұсқаулықтарда көрсетілген қауіпсіздік техникасын, өрт қауіпсіздігі техникасын, өндірістік санитарияны, еңбек және өртке қарсы күзет гигиенасын сақтауға;

3.18. Білім алушылардың Ішкі тәртіп ережесін және Жатақханада тұру ережесін сақтауға, Университет жарғысының талаптарын, Ғылыми кеңестің шешімін, Тәртіптік кеңестің шешімін, ректордың, проректорлардың, декандардың бұйрықтары мен өкімдерін орындауға;

3.19. «Ақылы білім беру қызметі туралы» шарттың талаптарын сақтауға міндетті.
3.5.4 Білім алушыларға тыйым салынған жағдайлар

Білім алушыларға:

4.1. Жалпыға ортақ этика нормаларын бұзуға;

4.2. Дөрекі сөйлеуге, балағаттауға, күш көрсетуге немесе білім алушылардың өмірі мен денсаулығына қауіп төндіретін басқа да әрекеттерге жол беруге;

4.3. Қызметкерлерге және білім алушыларға құрметпен қарамауға, олардың ар-намысы мен абыройына нұқсан келтіруге;

4.4. Заңмен қудаланатын ақпаратты таратуға;

4.5. Университет территориясында орын алған қандай да бір тәртіпсіздіктің бастамашысы болуға, тиісті рұқсат берілмесе хабарландыру және көрнекі үгіт-насихат қағаздарын ілуге;

4.6. Оқу және дәріс аудиторияларында, зертханаларда, жатақханаларда тыныштықты және тәртіпті бұзуға;

4.7. Мас күйінде жүруге, спиртті ішімдіктер ішуге, есірткі және уытты заттарды пайдалануға және таратуға, құмар ойындар ойнауға;

4.8. Университеттің оқу корпустарында және жатақханаларында темекі тартуға;

4.9. Үй-жайларда (оқу аудиторияларында, дәріс залдарында, акт залында) бас киіммен және сыртқы киіммен жүруге;

4.10. Университеттің мүлкіне зиян келтіруге;

4.11. Университет қабырғасында ақылы қызметтер немесе тауарлар ұсынуға;

4.12. Жемқорлыққа жағдай жасайтын (сыйлық беруге, кез-келген түрдегі сыйақы беруге, сондай-ақ пара беру үшін делдал қызметін атқаруға) әрекеттер жасауға.

4.13 Университет ғимаратында шолақ шалбармен, ішкөйлекпен, спорт киіммен жүруге (дене шынықтыру, спорт сабақтарынан басқа), сонымен қатар дененің ашық жеріне пирсинг тағуға тыйым салынған.
3.5.5. Оқу процесінің ережелері

5.1. Оқу жоспарындағы пәндер бойынша жүргізілетін сабақтарға қатысу міндетті.

5.2. Білім алушы курстан курсқа көшу үшін Университет белгілеген курстан курсқа көшу балын (GPA - (Grade Point Average – оқу үлгерімінің орташа балы) жинауға міндетті.

5.3. Сынақ-емтихан сессиясының нәтижесі бойынша академиялық қарыздары бар білім алушылар тиісті пәндерді ақылы негізде қайта оқу арқылы академиялық қарыздарды жоюға міндетті.

5.4 Сабаққа қайта қатысу арқылы пәндер бойынша академиялық қарызды жою қысқы және/немесе жазғы семестр кезінде жүзеге асырылады.

5.5. Білім алушылардың сабаққа кешігіп келу құқығы жоқ. Сабақ басталғаннан кейін аудиторияға оқытушының рұқсатымен ғана кіреді.

5.6. Сабақ барысында ұялы телефонды пайдалануға тыйым салынған.

5.7. Оқу тобында жақсы оқитын және тәртіпті, топ ішінде беделді студенттер арасынан староста тағайындалады. Оқу тобы старостасының функциясына:

– білім алушылардың барлық сабақтарға қатысуының жеке есебін жүргізу;

– білім алушыларды сабақ кестелеріндегі өзгерістер, хабарландырулар, деканат өкімі туралы хабардар ету;

–топтағы күн сайынғы кезекшілікті тағайындау кіреді.

5.8. Аталған функциялар аясында старостаның өкімі топтағы барлық білім алушыларға міндетті.

5.9 Нақты себептерге байланысты сабаққа қатыспаған білім алушы деканатқа немесе старостаға хабар беруге міндетті. Науқастанған жағдайда «Астана медицина университетінің медициналық орталығы» ЖШС берген белгіленген үлгідегі медициналық анықтаманы әкелуі тиіс. Басқа жағдайларда сабаққа қатыспау себебін растайтын құжаттарды әкелуге міндетті.

5.10. Сабақта себепсіз болмаған білім алушы факультет деканы атына түсініктеме жазады.

5.11. Білім алушылар қатыспаған сабақтарды өтеу үшін тиісті деканаттан өтеуге рұқсат алуы тиіс.

5.12. Барлық қатыспаған сабақтар (уәжді және уәжсіз себептер бойынша) ақысыз негізде өтеледі:



  • УӘЖДІ себеп бойынша қатыспаған сабақты өтеген кезде алынған баға РРБ-ны есептегенде ескеріледі;

  • УӘЖСІЗ себеп бойынша қатыспаған сабақты өтеген кезде алынған баға РРБ-ны есептегенде ескерілмейді (0 балға теңеледі);

5.13. Уәжсіз себеп бойынша қатыспаған сабақты 2 күнтізбелік апта ішінде өтеуге болады.

5.14. 72 сағат немесе 2 кредит көлемінде және одан көп уәжсіз себеп бойынша қатыспаған сабақтары бар білім алушы Ғылыми кеңестің шешіміне сәйкес Университеттен шығарылады.

5.15 Тест тапсыру кезінде телефон байланыс құралдарын, шпаргалка және т.б. пайдалануға.

5.16 Ағымдық, аралық және қорытынды бақылауды бөгде білім алушының орнына тапсыруға.

5.17 Университеттің құжаттарын қолдан жасауға (ведомостті, сабақты өтеуге арналған рұқсатты, сынақ кітапшасын, студенттік билетті, оқырман билетін және т.б.).

5.18 Компьютерлік тестілеу бөліміне ағымдық бақылау тапсыру барысында сабақты өтеуге рұқсат алу үшін донорлық анықтамаларды қолдануға.


3.6 Аралық аттестаттауды ұйымдастыру және өткізу ережелері
1.1 Білім алушылар сынақтар мен емтихандарды жұмыс оқу жоспарына, пәннің бекітілген оқу бағдарламаларына, сондай-ақ университеттің бекітілген бағдарламаларына сәйкес тапсыруға міндетті.

1.2 . Білім алушы пән бойынша рұқсат беру рейтингісі кемінде 50% болса ғана емтиханға жіберіледі.

1.3 Құжатпен расталған нақты себебі болған жағдайда факультет деканы емтихандар мен сынақтар тапсыратын жеке уақытты белгілейді. Емтихан сессиясын ұзарту деканның қызметтік өкімімен ресімделеді.

1.4 Оқу жылының қорытындысы бойынша курстан курсқа көшу балының белгілі мөлшерін жинамаған білім алушы GPA-ны арттыру мақсатында жеке пәндерді ақылы негізде қайталап оқуға құқылы, кейін қорытынды бақылауды тапсырады.

1.5 Емтихан нәтижесімен келіспеген студент емтихан өткен күннен кейінгі күннен кешіктірмей апелляцияға беруге құқылы.

1.6. Мемлекеттік білім беру гранты бойынша оқитын, курстан курсқа көшу балын жинап келесі курсқа көшкен академиялық қарызы бар білім алушының мемлекеттік гранты сақталады, бірақ оқытудың тақырыптық жеке жоспарына сәйкес тиісті пән бойынша ақылы негізде пәнді қайталап оқуға және қысқы немесе жазғы семестрде академиялық қарызын жоюға міндетті.

1.7. Мемлекеттік білім беру гранты бойынша оқитын, қайталап оқу курсына қалдырылған білім алушы мемлекеттік гранттан айырылады және бұдан әрі оқуын ақылы негізде жалғастырады.

1.8 Қайталап оқу курсында оқитын білім алушы оқу жоспарына сәйкес барлық пәндер бойынша өткізілетін сабақтарға қатысуға міндетті.

1.9. Қайталап оқу курсынан кейін «қанағаттанарлықсыз» баға алған білім алушы Университеттен шығарылады.

1.10. Университеттен оқудан шығарылған білім алушыға оқуды аяқтамаған азаматтарға берілетін белгіленген үлгідегі академиялық анықтама және транскрипт беріледі.

1.11. Емтихан сессиясы кезінде жеке ведомостар берілмейді.

1.12 Компьютерлік тестілеу бөлімінде ағымдық, аралық және қорытынды бақылау өткізу кезінде білім алушыларда өзімен бірге жеке куәліктері немесе нотариалдық қуәландырылған көшірмесі болуы міндетті.





      1. Достарыңызбен бөлісу:
  1   2   3   4   5   6


©kzref.org 2019
әкімшілігінің қараңыз

    Басты бет