Исландияда Гриндавик қаласының маңында жанартау атқылауда. Бұл туралы Stan.kz ақпарат агенттігі Исландияның RÚV ұлттық хабар тарату компаниясына сілтеме жасап хабарлайды.

Фото: Almannavarnadeild ríkislögreglustjóra Facebook парақшасынан

Исландия ұлттық полициясы таратқан соңғы кадрлар лаваның елді мекендерге жақындағанын көрсетеді.

Исландияның батысындағы жанартаудың атқылауы бүгін таңертең басталды. Вулканолог Торвалдур Тордарсон егер атқылау қазіргі қарқынымен жалғаса берсе, шамамен бір аптаға созылады. Сарапшының пікірінше, арнайы қоршаулар жасап, лаваны елді мекендерден алыс ұстауға тырысу керек.

Айтуынша, жанартау жер сілкінісінен кейін атқылай бастаған.  Соның салдарынан жарықшақ пайда болды.

Кейбір мәліметтерге сәйкес, жарықшақ кеңейе береді. Жарылыс болған жерге қауіптілік деңгейін бағалау үшін тікұшақтар жіберілді.

Исландия метеорологиялық бюросының соңғы мәліметі бойынша, лава Гриндавик бағытында ағып жатыр. Ол қаланың ең солтүстік үйлерінен 450 метр қашықтықта орналасқан.


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.