Батыс Ќазаќстан облысыныѕ мјдениет басќармасы


мамыр ҚЫДЫРНИЯЗОВА ШОЛПАН



жүктеу 1.22 Mb.
бет3/7
Дата21.04.2019
өлшемі1.22 Mb.
1   2   3   4   5   6   7

6 мамыр ҚЫДЫРНИЯЗОВА ШОЛПАН

туғанына 70 жыл (1949)


ҚР еңбек сіңірген мәдениет қызметкері Қыдырниязова Шолпан Батырқызы 1949 жылы 6 мамырда Батыс Қазақстан облысы, Қаратөбе ауданы Қаракөл селолық округінде дүниеге келген. Әкесі Батыр Қыдырниязов ақын, журналист, анасы Бибібатима Ерғалиева сөзге ұста, эпостық жырларды жатқа айтатын өнерлі жан болған. 1956-1966 жылдары мектепте орта білім алады.

Шолпан Батырқызы еңбек жолын аудандық «Еңбек туы» газетінде бастайды. Газетте жұмыс жасай жүріп, өлең, мақалаларымен аудан жұртшылығына танылады. Аудандық ақындар айтысына қатысып, жоғары білімді ұстаз Құмарғали Ғұбайдуллинмен сөз жарыстырып, тұсауын кестіріп, «Аудан ақыны» атағын алады, жеңімпаз ретінде облыстық ақындар айтысына жолдама беріледі. Қаратөбе ауданының атынан айтысқа шыққан он жеті жасар Шолпанға Тайпақ ауданынан жиырма бес жасар М.Құсанов деген өнерпаз қарсылас болып, екеуі жарасымды жұп құрап, бірінші орынды бөліседі, екеуіне де «Облыс ақыны» деген атақ беріледі. Айтыста жарқ еткен жас қыз сол жылы А.С.Пушкин атындағы Орал педагогикалық институтына оқуға қабылданады. Төрт жыл жоғарғы оқу орнында оқи жүріп, ақындар айтысына тұрақты қатысып, өнерін шыңдап, облыс жұртшылығының көзайымына айналады. Республикалық телехабарларға шақырылады, баспасөздер ол туралы көлемді материалдар жариялап, елге таныстыра бастайды.

1971 жылы А.С.Пушкин атындағы Орал педагогикалық институтын қазақ тілі мен әдебиеті пәнінің мұғалімі мамандығы бойынша тәмамдайды.

1971-1976 жылдары сегізжылдық мектепте мұғалімдіктен бастап, мектеп директорының оқу ісі жөніндегі орынбасары, 1976-1983 жылдары аудандық газетте жергілікті радио хабарын ұйымдастырушы, газеттің жауапты хатшысы, халық депутаттары аудандық Совет атқару комитетінде ұйымдастыру бөлімінің меңгерушісі, төраға орынбасары, 1983-1993 жылдары аудан әкімінің әлеуметтік мәселелер жөніндегі орынбасары, 1993-2002 жылдары Орал қаласына қоныс аударуына байланысты «Қазақгаз» мемлекеттік холдинг компаниясының салалық «Рауан» газетінде тілші, «Батысгаз», «Тахат» акционерлік қоғамдарының кадр бөлімінің бас маманы, 2002-2004 жылдары Орал қалалық мәдениет бөлімінде, облыстық мәслихатта аудармашы, 2004-2008 жылдары Батыс Қазақстан облыстық тілдерді дамыту басқармасының бастығы қызметтерін абыроймен атқарады. Қазіргі кезде зейнеткер.

Саналы ғұмырының жиырма жылын мемлекеттік қызметке арнаған ол талай таланттың жолын ашып, талай өнерпазға қамқорлық жасады. Бір ғана Қаратөбе ауданының өзінен сегіз өнерпаздың «Облыс ақыны» атағына ие болуында оның үлесі зор. Облыстық тілдерді дамыту басқармасының бастамасымен облыста тұңғыш рет бәйгеге бес жеңіл автокөлік тігілген халықаралық ақындар айтысы оздырылғанын халық әлі күнге дейін мақтанышпен еске алады. Шолпанның еңбегі елеусіз емес, халық оны «Ақжайық айтысының анасы» десе, мемлекет тарапынан да марапаттауларға ие.

«Қазақстан Республикасының еңбек сіңірген мәдениет қызметкері», «Қазақстан Конституциясына 10 жыл», «Ерен еңбегі үшін» медальдарының, Қазақстан Республикасы мәдениет министрлігінің Құрмет грамотасының, «Қаратөбе ауданының құрметті азаматы» төс белгілерінің иегері. 51 айтысқа қатысып, соның 29-ында І-орын алған.

«Жазира» (1980), «Ерке құс» (1991), «Елігі еркін даланың» (2004), «Қос қанат» (2010) жыр жинақтарының авторы. Бұдан басқа ақынның өлеңдері мен айтыстары «Жайықтың мөлдір сырлары», «Жыр шашу», «Он алты қыз, бір жігіт» топтамаларына, ол туралы мәлімет республикалық «Кто есть кто», Батыс Қазақстан облысының энциклопедиясына, «Ақжайықтың асыл арулары» энциклопедиясына, тіл дамыту және өнер иелері жөніндегі мақалалары мен ұсыныс, пікірлері халықаралық, республикалық, облыстық конференциялар жинақтарына енгізілген.
ӘДЕБИЕТТЕР


  1. Қыдырниязова Шолпан Батырқызы: өмірдерек // Батыс Қазақстан облысы: энциклопедия. - Алматы, 2010. – Б. 373.

  2. Есенаманқызы А. Ақынмен Ақсайдағы жүздесу // Орал

өңірі. - 2018. - 24 ақпан. - Б. 7.

3. Есқайырова Т. Ел жүрегінде жүрген ақын // Орал өңірі. –

2015. - 23 маусым. - Б. 8.

4. Жайықтың Шолпан жұлдызы // Үш қоңыр. - 2017. - 19

мамыр. - Б. 8.

5. Қыдыршаев А. Емен сөздің иесі // Игілік. - 2017. - №8. - Б.

32-33.

12 мамыр ШӘЛЕКЕНОВ УАХИТ

туғанына 95 жыл (1924)


Тарих ғылымдарының докторы, профессор Шәлекенов Уахит Хамзаұлы 1924 жылы 12 мамырда Батыс Қазақстан облысы, Орда ауданы Бөрлі ауылында (Нарынқұм) дүниеге келген.

Колхоздандыру, ашаршылық қат-қабат келген отызыншы жылдардың басындағы аласапыранда оның әке-шешесі Ресей Федерациясының Астрахан облысы Қарабайлы қоныс аударған.

1930 жылы әуелі Уахиттың анасы Хафиза, одан кейін екі кіші бауыры қайтыс болған соң, Астрахан облысына көшіп келген әкесі Хамза қалған үш баласын балық аулап, мал бағып асырайды. Перзентінің үлкені Қабираны Астрахандағы интернатқа беріп, ол сол жерде мектеп бітірген соң қаладағы қазақ педагогикалық училищесіне түскен. Одан кейінгі балалары Уахит және Набира әкесінің қасында болған.

Әкесі Хамза қайтыс болғаннан кейін үш ай өткен соң, 1942 жылдың тамыз айында орта мектептің соңғы класында оқып жүрген Уахит Қызыл Армияның қатарына шақырылады. Өзбекстанның Наманган қаласына көшіріп әкелінген Харьков Әскери училищесінде (ХВУ) даярлықтан өткен соң 1943 жылдың ақпанында кіші лентенант шенінде майданға жіберілді. Взвод командирінің көмекшісі, кіші лейтенант Уахит Шәлекенов құрамында болған ІІІ Украин майданындағы 960-атқыштар полкі Курск-Орлов шайқасына қатысады. Уахит Хамзаұлы Шәлекеновтің майдандағы және тылдағы көп жылдық жұмысы үшін, оған 1995 жылы ҚР Қорғаныс Министрлігінің бұйрығымен полковник әскери шені берілген. «Қызыл жұлдыз», «Отан соғысы» ордендерімен, 20 медальмен марапатталған.

ҚР Гуманитарлық академиясының академигі, Қазақ КСР Білім беру ісінің еңбек сіңірген қызметкері (1984). Қарақалпақ мемлекеттік педагогикалық институтын (1948, қазіргі Нөкіс мемлекеттік университеті) бітірген.

1948-50 жылдары Қарақалпақ облыстық партия комитетінде дәріскер, 1950-53 жылдары КСРО ҒА-ның Этнография институтында аспирант, 1953-70 жылдары Өзбекстан КРС ҒА-ның Қарақалпақ бөлімшесінің археология және этнография секторында меңгеруші, 1970-72 жылдары Шымкент мемлекеттік мәдениет институтында кафедра меңгерушісі болған.

1973 жылдан ҚазҰУ-да ғылыми-педагогикалық жұмыстармен айналысты. Университеттің тарих факультетінде декан, археология және этнография кафедрасының меңгерушісі болды. Кезінде Хорезм археологиялық - этнографиялық экспедициясының жұмыстарына қатысқан. Ұзақ жыл ҚазҰУ-дың археологиялық экспедициясын басқарды.

Ғылыми еңбектерінің негізгі бағыты – ортағасырлық қалалық мәдениеті мен жазба ескерткіштері, қазақ халқының этнографиясы. Уахит Хамзаұлы Шәлекенов Шу өзені бойындағы ортағасырлық Ақтөбе қаласында археологиялық оқу базасын құрды. 500-ден астам ғылыми жариялымның, оның ішінде 25-тен астам монография, оқу құралдары мен типтік бағдарламалардың авторы.


ӘДЕБИЕТТЕР

  1. Шәлекенов У.Х. Әлем халықтарының этнологиясы: оқу

құралы: жоғары оқу орындарына арналған. - Алматы:

Алтын Мұра, 2002. - 302 б.



  1. Шәлекенов У.Х. Ү-ХІІ ғасырлардағы Баласұғын қаласы.-

2-бас. - Алматы : Жібек жолы, 2007. - 248 б.

  1. Шәлекенов У.Х. Ғылыми еңбектер / У. Х. Шәлекенов;

ред.: Б. Хабдина, В. Аксенова. - Алматы : Жібек жолы,

2016 - 744 б.

*****


  1. Шәлекенов Уахит: өмірдерек // Қазақстан ғалымдары:

энциклопедиялық анықтамалық.-Алматы, 2013. - Б. 521.

  1. Шәлекенов Уахит: өмірдерек // Батыс Қазақстан облысы: энциклопедия.-Алматы, 2010. – Б. 525.



9 тамыз МӘМБЕТОВА ӘСЕЛ

туғанына 60 жыл (1959)


Әсел Иманғалиқызы Мәмбетова 1959 жылы 9 тамызда Батыс Қазақстан облысы, Ақжайық ауданының Ақжайық кентінде дүниеге келген.

1977 жылы Абай атындағы опера және балет театры жанындағы музыкалық студияға түсіп, 1979 жылы бітірді. Т. Жүргенов атындағы Алматы мемлекеттік театр және көркемсурет институтын 1984 жылы бітірген. Қалалық және аудандық шаралар сценарийлерінің авторы. 1984 жылы Алматы қаласының Жас көрермен театрының актері.

Әсел Мәмбетова театр сахнасында ондаған бейнелерді сомдады. Махамбеттің 200 жылдығына арналған республикалық фестивальде Гран-при – Бас жүлдені иеленген.

Әсел Иманғалиқызы 1990 жылдары «Тамаша» ойын-сауық отауында жүргізуші ретінде қызмет етті. 1996 жылы «Хабар» телеарнасында жүргізуші болды. «Қазақфильм» киностудиясының «Соңғы каникул» фильмінде – Ана рөлінде ойнады.

2000 жылы - Т. Жүргенов атындағы Қазақ ұлттық өнер академиясының доценті, аға оқытушысы. 2008 жылы Ж.Елебеков атындағы Эстрада және цирк колледжінің студенттеріне сахна тілі пәнінен дәріс береді.

2009 жылы «Қазақстанның еңбек сіңірген қайраткері» атағын алады.

2010 жылы - Ғ. Мүсірепов атындағы Қазақ академиялық балалар мен жасөспірімдерге арналған театрдың актері.

Қазіргі кезде Әсел Иманғалиқызы Мәмбетова Х. Бөкеева атындағы облыстық қазақ драма театрының әртісі.

Ә. Әбішевтың «Мәди» (Ділдар), У. Шекспирдің «Жазғы түндегі түс» (Гермия), А.П. Чеховтың «Чайка» (Нина Заречная), Ф. Оңғарсынованың «Бақыт пен қайғы» (Ақынқыз), С. Балғабаевтың «Ең әдемі келіншек» (Гүлбаршын), С. Асылбековтың «Рабиғаның махаббаты» (Роза); I. Жансүгіровтың «Исатай-Махамбет», Ғ. Мүсіреповтың «Қозы Көрпеш - Баян Сұлу» (Күнікей) және басқа спектакльдерде ойнады.

Әсел Иманғалиқызы «Дарын» мемлекеттік сыйлығының лауреаты, «Ерен еңбегі үшін» медалімен марапатталған. 2016 жылы "Қазақстан Республикасының Тәуелсіздігіне 25 жыл" медалімен марапатталды.


ӘДЕБИЕТТЕР

  1. Мәмбетова Әсел: өмірдерек // Батыс Қазақстан облысы: энциклопедия. - Алматы, 2010. – Б. 385.

  2. Мәмбетова Әсел: өмірдерек // Ақжайықтың асыл арулары: энциклопедия. - Алматы, 2013. – Б. 75.

  3. Ахмет А. Күнде сахнаға шығу - мен үшін үлкен мереке:

актриса Әсел Мәмбетовамен сұхбат // Мәдениет. - 2010. –

№5. - Б. 6-9.



  1. Әбдірайымқызы М. Сахнаның хас сұлуы: актриса Әсел

Мәмбетовамен сұхбат // Игілік. - 2010. - №5 - 6. - Б. 16-17.

  1. Кенжеғалиева Г. Әселмен әсерлі кездесу // Орал өңірі. –

2015. - 26 мамыр. - Б. 4.

  1. Шүйіншәлиева М. "Елім десе елжіреймін...": театр әртісі,

Т. Жүргенов атындағы Қазақ Ұлттық өнер академиясының доценті Әсел Мәмбетовамен сұхбат // Жайық үні. - 2012. - 15 мамыр. - Б.12.

  1. Шүйіншәлиева М. "Ең әдемі келіншек" – Жайығына

оралды // Жайық үні. - 2016. - 14 қаңтар. - Б. 1, 10.


19 тамыз ЗЕЙНУЛЛИН АМАНЖОЛ

туғанына 70 жыл (1949)


Ғалым, қоғам қайраткері, ауыл шаруашылығы ғылымдарының кандидаты Аманжол Зейнуллин 1949 жылы 19 тамызда Атырау облысы Құрманғазы ауданы Жормата ауылында дүниеге келген. Батыс Қазақстан ауыл шаруашылығы институтын тәмамдаған.

Аманжол Зейнуллин еңбек жолын Ақжайық ауданындағы «Чапаев» асыл тұқымды мал зауытында бас зоотехник-селекционері ретінде бастаған. 1977-1979 жылдары облыстағы ең жас совхоз директоры болды. 1979-1983 жылдары етті бағыттағы ірі қара мал шаруашылығы Бүкілодақтық ғылыми зерттеу институтының тірек нүктесінің меңгерушісі, Аңқаты асыл тұқымды мал заводының бас зоотехнигі қызметін атқарды.

1981 жылдан ауыл шаруашылығы ғылымдарының кандидаты. 1983-1992 жылдары Батыс Қазақстан институтының аға оқытушысы, доценті, кафедра меңгерушісі, факультет деканы болды. 1992-2010 жылдары саясаткер, мемлекет қызметкері – Орал қаласы әкімінің орынбасары, Батыс Қазақстан облысы әкімінің кеңесшісі, облыстық мәслихаттың екі дүркін депутаты, бизнесмен. 2011 жылдан бері Батыс Қазақстан аграрлық-техникалық университетінде ұстаздық етіп, генетика және биотехнология саласындағы ғылыми еңбектерін жалғастыруда.

Қатарынан екі шақырылым бойынша облыстық мәслихат депутаты, денсаулық сақтау және әлеуметтік қорғау туралы тұрақты депутаттық комиссиясының төрағасы қызметтерін атқарды. КСРО-да алғаш рет етті бағыттағы ірі қара бұқаларының ұрығын терең мұздатып, ондай ұрықты пайдалану технологиясын 1971 жылы, эмбриондарды трансплантациялау тәсілін 1986-1990 жылдарда дәстүрлі етті бағыттағы ірі қара шаруашылықтарында енгізді. Оралда алғашқы иммуногенетикалық лаборатория ашып, қазақтың ақбас тұқымының сегіз заводтық аталық іздерінің, бір заводтық типінің негізін қалыптастырып етті бағыттағы ірі қара малы селекциясы саласында жасаған зерттеулері мен енгізген жаңалықтары бір төбе. Бүкілодақтық ғылыми-зерттеу институтының Батыс Қазақстан облысындағы асыл тұқымды мал заводтарындағы тірек нүктесінің бастығы қызметін атқарған.

Ол Батыс Қазақстан облысының саяси-әлеуметтік өміріне белсене араласып, «Қазақ тілі» қоғамының, «Азат» қозғалысының жергілікті бөлімшелерін ұйымдастыруға жетекшілік жасаған.

1997 жылы «Еділ-Жайық қазақтары қауымдастығын» құрып, орыс-қазақ тілдерінде «Еділ-Жайық» газетін шығарған. «Бекарыс» жауапкершілігі шектеулі серіктестігінің директоры. Батыс Қазақстан облыстық мәслихатының депутаты.

Оның 30-ға жуық ғылыми-танымдық еңбектері жарияланған. Мал тұқымын асылдандыруға байланысты зерттеу жұмыстарына екі авторлық куәлік, екі патент берілген.
ӘДЕБИЕТТЕР


  1. Аманжол Зинуллин: "Менің кінәм – ұлтымды сүйгендігім...": Орал қаласы әкімінің орынбасары Аманжол Зинуллинмен сұхбат // Еділ-Жайық. - 2005. – сәуір.

  2. Махмут Ө. Алаштың айтөбелді Ақтаңгері: қоғам қайраткері Аманжол Зейнуллин туралы / Ө. Махмут, М.Қайыртайұлы // Дарабоз. - 2012. - №9. - Б. 24 - 33.

  3. Ықсанғали С. Ақжайықтың ақиық азаматы // Жайық үні. - 2008. - 21 ақпан. - Б.2.



23 тамыз БАҚТЫГЕРЕЕВА АҚҰШТАП

туғанына 75 жыл (1944)


Ақын, Қазақстан Жазушылар одағының мүшесі Ақұштап Бақтыгереева 1944 жылы 23 тамызда Батыс Қазақстан облысы Ақжайық ауданының Еңбек ауылында дүниеге келген. 1961 жылы Орал қаласындағы С.Сейфуллин атындағы №11 қазақ орта мектебін бітіреді.

1966 жылы Қазақ мемлекеттік қыздар пединститутының филология факультетін тәмамдаған. 1966-1971 жылдары Орал облыстық «Орал өңірі», Талдықорған облыстық «Октябрь туы», республикалық «Қазақ әдебиеті» газеттерінде әдеби қызметкер, 1971-1972 жылдары «Қазақфильм» киностудиясында редактор, 1972-1975 жылдары «Жұлдыз» журналында әдеби қызметкер, 1975-1981 жылдары «Жазушы» баспасының аударма редакциясында редактор болған. Қазір Қазақстан Жазушылар одағының Батыс Қазақстан облысындағы филиалының директоры.

Тұңғыш өлеңдер жинағы – «Өрімтал» 1967 жылы жарық көрді. 1969 жылы «Наз», 1971 жылы «Қуанышым – іңкәрім», 1973 жылы «Сені ойлаймын», 1975 жылы «Ақ қанат», 1978 жылы «Бақыт әні», 1980 жылы «Жайық қызы», 1981 жылы «Белокрылая», 1985 жылы «Ақжелең», 1990 жылы «Сүмбіле» атты кітаптары басылып шықты. 2001 жылы «Ақ шағала» атты таңдамалы жыр жинағы, 2004 жылы «Лебединая верность», 2009 жылы «Ақ Жайық қаламгерлерінің кітапханасы» сериясымен «Гүлдесте», 2011 жылы «Ақ айдын», 2014 жылы «Қайран қарлығаштар-ай», Үш томдық шығармалар жинақтары жарық көрді. С.Капутикян, В.Тушнова, А.Ахматова өлеңдерін қазақ тіліне аударған. Көптеген ән мәтіндерінің авторы.

2007 жылы ақын Ақұштап Бақтыгереева Махамбет атындағы Батыс Қазақстан Мемлекеттік университетінің құрметті профессоры атанып, арнайы дипломға ие болды.

«Қазақстан Республикасы тәуелсіздігінің 10 жылдығы» медалімен, 2005 жылы «Құрмет» орденімен марапатталған. 2008 жылы Халықаралық «Алаш» әдеби сыйлығының иегері, «Тіл жанашыры», «Астанаға 10 жыл» медальдармен марапатталған. 2012 жылы Ақұштап Бақтыгереева «Қазақстанның еңбек сіңірген қайраткері» құрметті атағына ие болды.

2017 жылы ақын Ақұштап Бақтыгереева Мемлекет басшысы Нұрсұлтан Назарбаевтың өкімі бойынша Қазақстан Республикасының тұңғыш Президенті - Елбасының мәдениет саласындағы мемлекеттік стипендиясының иегері атанды. Сонымен қатар осы жылы облыс әкімі Алтай Көлгінов халықаралық "Алаш" әдеби сыйлығының иегері, ақын Ақұштап Бақтыгерееваға Батыс Қазақстан облысының құрметті азаматы марапатын табыстады.


ӘДЕБИЕТТЕР

  1. Бақтыгереева Ақұштап: өмірдерек // Батыс Қазақстан облысы: энциклопедия.-Алматы, 2010. – Б. 172.

  2. Бақтыгереева Ақұштап: өмірдерек // Ақжайықтың асыл

арулары: энциклопедия.-Алматы, 2013. – Б. 154-155.

  1. Ақұштап ақын - құрметті азамат! // Қазақ әдебиеті. – 2017. - 13 қазан. - Б. 5.

  2. Бақтыгереева А. Ақ Жайыққа жыр арнағым келеді... // Үш қоңыр. - 2018 . - 23 наурыз. - Б. 5.

  3. Бақтыгереева А. Менің Фаризам: руханият // Қазақ әдебиеті. - 2016. - 5 ақпан. - Б. 10.

  4. Бақтыгереева А. "Қарлығаш көрсең, мені еске ал, оралып

ұшқан алдыңнан": ақын Ақұштап Бақтыгереевамен сұхбат /

Сұхбаттасқан Г. Бектас // Айқын. - 2014. – 11шілде. - Б. 6.



  1. Жайықтан ұшқан аққу-жыр: ақын А. Бақтыгерееваның шығармашылығына арналған кеш // Мәдениет. - 2015. - №1. - Б. 59.

  2. Мықтыбай Н. Көңілі дархан, баршаға қамқор апа // Қазақстан әйелдері. - 2015. - №3. - Б. 12-14.

  3. Ниетқалиева Г. Ақ Жайықтың Ақ шағаласы // Айқын. –2015. - 17 қаңтар. - Б. 6.

  4. Сомжүрек Ж. Қазақ өлеңінің ақ шағаласы // Ақ Жайық. –2014. - №2. - Б. 103-116.



10 қыркүйек ЖҰМАҚАЕВА ГҮЛЖАН

туғанына 70 жыл (1949)




Мәдениет қызметкері Жұмақаева Гүлжан Төлегенқызы 1949 жылы 10 қыркүйекте Батыс Қазақстан облысы, Қаратөбе ауданында дүниеге келген.

Жалпыға бірдей орта мектепті бітіргеннен кейін Қазақ мемлекеттік педагогикалық институтының кітапхана бөліміне оқуға түседі. Институттағы оқуын бітіргеннен кейін 1972-1979 жылдары аралығында Тайпақ аудандық мәдениет бөлімінде инспектор, балалар кітапханасының, одан кейін аудандық орталық кітапханасының директоры болып жұмыс істейді.

1979-1982 жылдары облыстық мәдениет басқармасының нұсқаушысы, 1982-2000 жылдары Н.К.Крупская атындағы облыстық кітапхана директоры қызметін атқарды.

1995 жылы Халықаралық кітапханашылардың басын қосатын ИФЛА-ның Түркияда өткен кезекті конференция жұмысына қатысты, 1998 жылы Қазақстан кітапханашыларының ІІ съезінің делегаты болды.

Жұмақаева Гүлжан Төлегенқызы 2 мәрте сайланған Орал қалалық мәслихатының депутаты болды.

1999-2000 жылдары Батыс Қазақстан облыстық мәдениет басқармасы бастығының орынбасары, 2002-2008 жылдары зейнет демалысына дейін Ж.Молдағалиев атындағы ОӘҒК директоры қызметтерін атқарды.

Оның басшылығымен жаңа мамандандырылған бөлімдер, мерзімді басылымдар, өнер жөніндегі құжаттар, өлкетану секторлары, Интернет – орталығы ашылды. Гүлжан Төлегенқызы Жұмақаева өз ісіне берілген, мәдениет саласының барлық мәселелерін шешуде шығармашылық таныта білетін іскер адам екенін дәлелдеді.

Гүлжан Төлегенқызы Жұмақаева бірнеше рет Құрмет грамоталарымен және дипломдармен марапатталды, «Үздік білім қызметкері», «Мәдениет қайраткері» медалдарымен наградталған.

Зейнет жасына шыққанымен, бүгінде ҚазИИТУ ғылыми-білім беру кешенінің кітапханашысы болып жұмысын жалғастыруда.


ӘДЕБИЕТТЕР

  1. Жұмақаева Гүлжан Төлегенқызы: өмірдерек // Маман

келбеті: биобиблиографиялық көрсеткіш. - Орал, 2012.-Б. 39-59.

  1. Басылым байсалды болса..: Ж. Молдағалиев атындағы

ОӘҒК-ның директоры Г. Жұмақаевамен сұхбат // Орал

өңірі. - 2006. - 24 маусым. - Б.1.



  1. Кенжебаева С. Іскер басшы: Гүлжан Төлегенқызы

Жұмақаева // Орал өңірі.-1999.-18 қыркүйек.

  1. Қабошқызы Ұ. Тектілік: Мәдениет саласының ардагері

Гүлжан Төлегенқызы Жұмақаева // Орал өңірі. –2014. - 25 қыркүйек. - Б. 8.

  1. Шағатай Л. Кітаппен дос болуға шақырды: Қадыр Мырза Әлі атындағы облыстық мәдениет және өнер орталығында "Үздік кітапханашы" белгісінің иегері, Ақжайық ауданының құрметті азаматы Гүлжан Төлегенқызымен кездесу өтті // Орал өңірі.-2016.–26 сәуір.


16 қыркүйек ЖАҚЫПОВ ҚАБИБОЛЛА

туғанына 70 жыл (1949)


Қоғам қайраткері Жақыпов Қабиболла 1949 жылы 16 қыркүйекте Батыс Қазақстан облысы Қазталов ауданы Қазталов ауылында дүниеге келген.

1972 жылы Целиноград инженерлік-құрылыс институтының өнеркәсіптік-азаматтық құрылыс факультетін тәмамдаған, инженер-құрылысшы; 1989 жылы Алматы жоғары партия мектебін бітірген, саясаттанушы.

Техника ғылымдарының кандидаты, Халықаралық экология академиясының академигі. Қазақстан Республикасы Ұлттық Инженерлік академиясының корреспондент-мүшесі. Қазақстан Республикасы Ұлттық жаратылыстану ғылымдары академиясының академигі. Л. Гумилев атындағы Еуразия ұлттық университеті байқау кеңесінің төрағасы. Құрметті профессор.

Құрылыс материалдары жөніндегі үш кітаптың авторы.

1972 жылдан бастап №8 «Оралауылқұрылыс» тресінде жұмыс өндірушісі, бас инженер, ПМК-811-дің бастығы қызметтерін атқарды.

1977-1981 жылдары «Оралколхозқұрылыс» тресінде бас инженер болып еңбек етті.

1981 жылдан – Қазақ КСР Халық депутаттары Кеңесінің Орал қалалық атқару комитеті төрағасының орынбасары.

1983 жылдан – Орал қаласы Халық депутаттары Кеңесінің Өнеркәсіп ауданы атқару комитетінің төрағасы.

1987 жылдан – Қазақстан Компартиясы Орал қаласы Ленин аудандық партия комитетінің бірінші хатшысы.

1989 жылдан – Қазақ КСР Халық депутаттары Кеңесінің Орал қалалық атқару комитетінің төрағасы.

1993 жылдың қаңтарынан бастап 2001 жылдың қаңтарына дейін Батыс Қазақстан облысының әкімі қызметін атқарды.

2001 жылдан – Қазақстан Республикасы Көлік және коммуникация бірінші вице-министрі.

2003 жылдан – Қазақстан Республикасы Премьер-Министрі Кеңсесі Басшысының орынбасары – Үкіметтің Қазақстан Республикасы Парламентінің Сенатындағы өкілі.

2007 жылдан – төртінші сайланған Қазақстан Республикасы Парламенті Мәжілісінің депутаты, Халықаралық істер, қорғаныс және қауіпсіздік комитетінің мүшесі.

2012 жылдың қаңтар айынан бастап – бесінші сайланған Қазақстан Республикасы Парламенті Мәжілісінің депутаты, «Нұр Отан» Халықтық-Демократиялық партиясының мүшесі, партиялық тізім бойынша сайланған.

2012 жылдың қыркүйегінен – Қазақстан Республикасы Парламенті Мәжілісі Төрағасының орынбасары болып сайланды.

2014 жылдың 3 сәуірінен бастап – Қазақстан Республикасы Парламенті Мәжілісінің Төрағасы болып сайланды.

«Құрмет» (1999) және «Парасат» (2009), ІІ дәрежелі «Әулие Даниил» (РФ) ордендерімен, сондай-ақ бірнеше мерейтойлық медальдармен марапатталған.


ӘДЕБИЕТТЕР

  1. Жақыпов Қабиболла: өмірдерек // Батыс Қазақстан облысы: энциклопедия.-Алматы, 2010. – Б. 262.

  2. Ғабдушева Т. Қандай да құрметке лайық: Қазақстан Республикасы Мәжілісінің депутаты, қоғам қайраткері Қабиболла Жақыпов туралы // Жайық үні. - 2009. – 17 қыркүйек. - Б.2.

  3. Құсайын Т. Қабиболла: Парламент Мәжілісінің депутаты,

БҚ облысының бұрынғы әкімі Қабиболла Жақыпов туралы // Орал өңірі. - 2009. - 15 қыркүйек. - Б.3.

  1. Шүйіншалиева М. Ел азаматын ардақтаған кітап: Қ. Қ. Жақыповтың 60 жасқа толу құрметіне орай "АКИМ -

СОЗИДАТЕЛЬ" атты кітап жарық көрді // Жайық үні. –

2009. - 5 қараша. - Б.2.



Каталог: images -> documents
documents -> Памятные и юбилейные даты на 2015 год
documents -> 2–13 января 2014 г.(12 раби` аль-авваля) – Ночь рождения Пророка Мухаммада
documents -> Ооо "Отделочные материалы Ганьсу Сибу Банци"
documents -> Рішення від № Про надання дозволу на проведення Сумською релігійною організацією місцевої церкви євангельських християн-баптистів «Церква благодаті» заходів із відзначення свята хрещення
documents -> Ж. Молдағалиев атындағы Батыс Қазақстан облыстық әмбебап ғылыми кітапханасы


Достарыңызбен бөлісу:
1   2   3   4   5   6   7


©kzref.org 2019
әкімшілігінің қараңыз

    Басты бет