Парламент Сенатында әйелдер мен балалардың қауіпсіздігін қамтамасыз ету туралы заң жобасы талқыланып жатыр. Құжатта балаларды отбасынан алып қоюы мәселесіне қатысты бірде-бір норма жоқ екені атап өтілді. Бұл туралы Stan.kz ақпарат агенттігі хабарлайды.
Фото: fotoxcom.ru
Мәдениет және ақпарат министрлігі желіде тараған ақпараттың жалған екенін айтты.
"Мемлекеттік саясат отбасын, туған отбасындағы баланы, балаларды тәрбиелеу, оқыту және қауіпсіздігі мәселелерінде ата-ананың барлық басқа адамдар алдындағы басымдығын сақтауға бағытталған. Баланың өміріне немесе денсаулығына қауіп төнген ерекше жағдайларда ғана мемлекеттік органдар оның құқықтарын қорғау шараларын қабылдайды. Қолданыстағы "Неке (ерлі-зайыптылық) және отбасы туралы" Кодекстің 82-бабына (Баланың өміріне немесе оның денсаулығына тікелей қатер төнген жағдайда баланы айырып алу) сәйкес қорғаншы және қамқоршы органдар баланың өміріне немесе денсаулығына тікелей қауіп төнген жағдайда, баланы балалар ұйымына, яғни балаларды қолдау орталығына уақытша жіберу шараларын қабылдайды", – делінген хабарламада.
- “Аналары психиатриялық ауруханада есепте тұрған”: Қарағандыда өлі күйінде табылған екі баланың отбасына қатысты тың ақпараттар белгілі болды
- "Аш қалған балаларыма нан алуға шыққаным үшін тепкінің астына алды": Радикалдың әйелі басынан өткен қиындықтарын айтып берді (видео)
Түзетулер қылмыстық жауаптылықты қалпына келтіруді ұсынады:
- денсаулыққа жеңіл зиян келтіргені үшін 200 АЕК (738 400 теңге) мөлшерінде айыппұл салуға немесе 200 сағатқа дейін қоғамдық жұмыстарға тартуға, не 50 тәулікке дейін қамауға алуға жазаланады;
- шабуыл жасағаны үшін 80 АЕК (295 360 теңге) мөлшерінде айыппұл салу, не 80 сағатқа дейін қоғамдық жұмыстарға тарту, не 25 тәулікке дейін қамауға алу.
Сонымен қатар қылмыстық жауапкершілік артады:
- кәмелетке толмаған адамды немесе дәрменсіз күйдегі адамды азаптап, денсаулығына ауыр және орташа ауырлықтағы зиян келтіргені үшін. Атап айтқанда, бас бостандығынан айыруды ғана қолданатын "бас бостандығын шектеу" баламалы жаза түрі алынып тасталды;
- Кәмелетке толмаған баланы өлтіру немесе педофилия үшін балама емес жаза – өмір бойына бас бостандығынан айыру енгізіледі.
"Үшіншіден, олар кәмелетке толмағандарға қатысты немесе отбасы-тұрмыстық қатынастар саласында әкімшілік немесе қылмыстық құқық бұзушылық жасаған адамдардың мінез-құлқына ерекше талаптарды қолдану тәртібін реттейді. Зорлық-зомбылық құрбанын қорғау үшін ерекше жағдайларда сот отбасы-тұрмыстық қатынастар саласында қылмыстық құқық бұзушылық жасаған адамға белгілі бір мерзімге бірге тұруға тыйым салу түрінде құқықтық ықпал ету шарасын қолдануға құқылы", — деді министрлік.
Кәмелетке толмаған баланы қорлағаны үшін құқық бұзушы енді ескерту немесе 10-нан 30 АЕК-ке дейін (36 мыңнан 110 мың теңгеге дейін) айыппұл төлейді.
Интернаттарда тұратын балалардың құқықтарын қорғауды қамтамасыз ету үшін депутаттар мыналарды ұсынады:
- бақылау субъектісін алдын ала хабарламастан барлық түрдегі және нысандағы балаларға арналған мектеп-интернаттарда мемлекеттік бақылауды енгізуге;
- арнаулы әлеуметтiк қызметтердi және балаларға арналған бiлiм беру және денсаулық сақтау қызметтерiн көрсететiн ұйымдардың қызметiне лицензия негiзiнде ғана рұқсат етедi.
Бұл ретте заңда отбасы институтын нығайту және тұрмыстық зорлық-зомбылықтың алдын алу көзделген. Отбасын қолдау орталықтары қызметінің стандарттары бар.
"Орталықтар "бір терезе" қағидаты бойынша мұқтаж азаматтарға психологиялық, әлеуметтік және құқықтық көмек көрсетеді. Сонымен қатар мемлекеттік отбасы саясатын жүзеге асыру бойынша жергілікті атқарушы және өкілді органдардың бірқатар құзыреттері қарастырылған", — деді ведомство.
Айта кетейік, бұған дейін Сенат депутаты жаңа заң жобасын түсіндіргенін хабарлаған едік.
Даулет — природовед и путешественник. Его увлечение природой Казахстана и исследования вносят неповторимый вклад в наше издание.