Қарағанды ​соты ​қала әкімі мен тұрғын үй қатынастары бөліміне қатысты талап арызды қарады. Бұл туралы Stan.kz ақпарат агенттігі хабарлайды.

Фото: pixabay.com

Балалар үйінің тәрбиеленушісі болған Т., мемлекеттік тұрғын үй қорынан тұрғын үй алу кезегіне санатын өзгертуді сұраған. Ол 2014 жылдың 8 шілдесінен бастап "Толық емес отбасы" санаты бойынша кезекте тұр. Тұрғын үй қатынастары бөлімі оның Теміртау қаласындағы балалар үйінің түлегі екенін және "Жетім және ата-анасының қамқорлығынсыз қалған балалар" санаты бойынша есепке алынғанын ескермеген.

03.05.2023 жылы Т. санатты өзгерту туралы өтінішпен департаментке жүгінген. 2023 жылдың 26 ​​мамырында департамент өтінішті қанағаттандырудан бас тартты.

Сот отырысында әкімдік өкілдері талапкердің құжаттарында балалар үйі туралы мәліметтердің болмағанын айтты. Олар жетім баланың 2014 жылдың 8 шілдесінен бері "Толық емес отбасы" санаты бойынша кезекте тұрғандықтан құқығы бұзылмағанын айтты.

"Сотта анықталғандай, талапкер 2003 жылдың 12 ақпанынан 2007 жылдың 7 қыркүйегіне дейін интернатта тәрбиеленіп, мемлекет тарапынан толық қамтамасыз етілген. Әкімдіктің тиісті санат бойынша уақтылы тіркеу жүргізбеуі, азаматтың  құқықтары мен заңды мүдделерінің бұзылуына әкеп соқты”, – деп хабарлады Қарағанды ​​облысының соты.

Cотталушылар бір ай ішінде барлық заң бұзушылықтарды жоюға міндеттелді. 

Еске салсақ, Орал қаласында "Шаңырақ" жасөспірімдер үйінің тұрғындары көшуге наразылық білдіріп, шатырдың үстіне шығып алған болатын. 


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.