Ресейде атыс кезінде қаза тапқан екі қазақстандық террористер және экстремистер тізіміне енгізілді. Бұл туралы Stan.kz ақпарат агенттігі хабарлайды.
Бұл жөнінде ресейлік телеграм-арналар жазды. 14 наурызда жаңартылған тізімде Сәбит Әшіралиев және Жәнібек Тасқұлов атты екі адамның аты-жөні де бар. Бұл ресейлік ASTRA телеграм-арнасы жазған Ресейдің Калуга облысында 7 наурызда атып өлтірілген екі адамның аты-жөнімен сәйкес келеді.
Бұған дейін 9 наурызда Ұлттық қауіпсіздік комитеті Ресейдің қауіпсіздік қызметімен атыс кезінде екі қазақстандықтың көз жұмғанын растаған.
ҰҚК баспасөз қызметінің мәліметінше көз жұмғандардың қазақстандықтар екені және олардың Ресейге шыққаны расталып отыр.
- "Ислам діні деп атауға келмейді": Қазақстандық экс-депутат хиджаб пен тоқал мәселесін сынап, Қаңтар оқиғасын атап өтті
- Шетелдік "заңдағы ұрылардың" қолшоқпарлары Бурабайдағы бизнесті бақыламақ болған – ҰҚК
"Көрсетілген факті бойынша ҰҚК сотқа дейінгі тергеп-тексеру жүргізуде. Тексеріс ынтымақтастық арнасы аясында Ресей ФҚҚ-мен тығыз байланыста жүзеге асырылуда. Өзге ақпарат Қылмыстық-процестік кодекстің 201-бабы 1-бөлігіне сәйкес жария етуге жатпайды", – делінген хабарламада.
Олар Мәскеудегі синагогада теракт ұйымдастырмақ болды деген күдікке ілінген. Тінту кезінде қазақстандықтар болған үйден қару-жарақ тәркіленген.
Гульжан — исследовательница жизни и достижений знаменитых личностей Казахстана. Ее статьи позволяют читателям взглянуть на страну через призму вкладов ее ярких представителей.