Еліміздің премьер-министрі Олжас Бектенов құтқарушылардың мәртебесі мен құқық қорғау органдары қызметкерлерінің дәрежесімен теңелуі мүмкін екенін айтты. Бұл туралы Stan.kz ақпарат агенттігі хабарлайды.
Фото: ТЖМ
“Үкіметтің 2023 жылғы 29 тамыздағы қаулысына сәйкесТөтенше жағдайлар министрлігінің құрылымында 19 "Жедел-құтқару жасағы" мемлекеттік мекемесі қайта құрылды (“Жедел-құтқару жасағы” "Өрт сөндіру және апаттық-құтқару жұмыстары қызметі" мемлекеттік мекемесының құрамынан шығарылды). Қазіргі уақытта Төтенше жағдайлар министрлігі құтқарушыларды аттестациядан өткен қызметкерлер санатына ауыстыру мәселесін қарастырып жатыр. Осылайша құтқарушылардың зейнетке шығу жасы төмендеп, олардың құқықтары мен мәртебесі құқық қорғау жүйесіндегі қызметкерлердің дәрежесімен теңеспек”, – дейді Олжас Бектенов.
Оның айтуынша, азаматтық қорғау органдарының қызметкерлеріне тұрғын үй төлемдерін жасау мәселесі де қарастырылған.
“Жалпы алғанда бұл бастама көптің қолдауына ие болды. Қазіргі уақытта тиісті түзетулер енгізіліп жатыр. Олар алдағы уақытта белгіленген тәртіппен бекітіледі”, – деді премьер-министр.
Олжас Бектенов 2023 жылы әскери қызметкер мен Төтенше жағдайлар министрлігіндегі қызметкерлердің жалақысы орта есеппен 40%-ға көтерілгенін еске салды. Сондай-ақ құтқарушыларға денсаулығына зиян келтіретін және өміріне қауіп төндіретін жұмыстар үшін 70 пайызға дейінгі мөлшерде қосымша ақы төленетінін атап өтті.
2022 жылдан бастап мемлекеттік қызметшілердің жекелеген санаттарының, соның ішінде азаматтық қорғау органдары құтқарушыларының еңбекақысы лауазымдық жалақысына түзету коэффициентін қолдану арқылы кезең-кезеңімен көтеріледі (2022 жылы – 1,23 (23%), 2023 жылы – 1,45 (18%) , 2024 жылы – 1,71 (18%), 2025 жылы – 2 (17%). Еңбекақының көтерілетінін ескерсек, 2025 жылға қарай құтқарушылардың жалақысы екі есеге өседі.
Гульжан — исследовательница жизни и достижений знаменитых личностей Казахстана. Ее статьи позволяют читателям взглянуть на страну через призму вкладов ее ярких представителей.