Алматыдағы Райымбек даңғылында үш автобустың қатысуымен ірі жол апаты болды. Апат салдарынан зардап шеккендер бар. Бұл туралы Stan.kz ақпарат агенттігі хабарлайды.
Фотоны куәгер оқиға орнынан жіберді
Куәгердің айтуынша, жол апаты салдарынан тұрғындар жарақат алған.
"Қатарынан үш автобус келе жатты. Бірінші автобус тежегішін басқан кезде, екіншісі оған келіп соқтығысты. Ал үшіншісінің жүргізушісі алдыңғы автобусқа соғыспау үшін бұрылды. Алайда ол да автобус пен жеңіл көлікке соғылды", – деді куәгер.
Куәгердің сөзінше, бірнеше адам зардап шеккен. Жолаушылардың бірінің аяғы сынған.
Полиция мәліметіне сәйкес апат 13 ақпанда таңертең 09:00 шамасында болған.
- Зардап шеккендер бар: Ақмола облысында тас жолда 11 көліктің қатысуымен жол апаты болды
- Алматыда автобус пен жеңіл көлік соғылып, бір адам қаза тапты
"Райымбек даңғылының бойымен шығыс бағытта келе жатқан 54-бағыттағы автобус жүргізушісі алда келе жатқан 133-маршруттағы автобуспен, сондай-ақ Nexia көлігімен соқтығысты. 133-ші автобус инерция салдарынан қатарлас келе жатқан 88-бағыттағы автобуспен соқтығысқан", – деп хабарлады полиция департаменті.
Зардап шеккендерге медициналық көмек көрсетілді. Жол апатына ұшыраған үш автобус жеке тасымалдаушыларға тиесілі. Оқиға дерегін Медеу аудандық ПБ қызметкерлері анықтап жатыр. Басқа мән-жайлар анықталып жатыр.
Даулет — природовед и путешественник. Его увлечение природой Казахстана и исследования вносят неповторимый вклад в наше издание.