Ережесі байқаудың бастамашылары мен ұйымдастырушылары



Дата27.05.2018
өлшемі24.66 Kb.
#29942

НАЗАР САЛЫҢЫЗ, БАЙҚАУ!

ЕРЕЖЕСІ 
Байқаудың бастамашылары мен ұйымдастырушылары:
«Халың қалай, ардагер?» бейнероликтер байқауын «Нұр Отан» партиясының қолдауымен, ішкі саясат бөлімімен бірлесе отырып Бородулиха ауданының Жастар орталығы және «Жас Отан» жастар қанаты өткізеді.
МАҚСАТТАРЫ:
Бородулиха ауданы жастарының тақырыптық бейнероликтер жасаудағы дағдаларын жетілдіру, жағымды бағыттағы шығармашылық қызметтін насихаттау.

І. БАЙҚАУДЫҢ ӨТКІЗІЛУ МЕРЗІМІ.
Байқау 2015 жылдың 1 – 24 сәуірі аралығында өткізіледі.


ІІ. БАЙҚАУҒА ҚАТЫСУШЫЛАР.

Байқауға 14 – 35 жас аралығындағы жеке тұлғалар, сондай-ақ ұжымдар қатыса алады.

ІІІ. БАЙҚАУДЫҢ ТАЛАБЫ.
Байқауға қолда бар кез-келген құралмен тақырыпқа сай түсірілген (жасалған) бейнероликтер қабылданады.


ІV. БЕЙНЕРОЛИККЕ ҚОЙЫЛАТЫН ТАЛАПТАР:
1. Нысаны – ерікті.
2. Бейнероликтің минималды көлемі – 4:3 үшін 480x360; 16:9 үшін 480x272.
3. Бейнероликтің максималды ұзақтығы – 7 минуттан аспауы тиіс.
4. Бейнероликте Ардагер және байқауға қатысушы бейнеленуі қажет.
5. Бейнероликті түсіру мен монтаждауға арнайы бағдарламалар мен құралдарды қолдану – қатысушының өз еркінде.
6. Бейнероликтер саны — шектеу жоқ.
7. Байқауға қатысушылар бейнероликтің жанрын өздері таңдайды (сұхбат, репортаж, бейнеклип және тағы басқа).
8. Роликте фотосуреттер қолдануға болады.
9. Байқауға басқа адамдардың ар-намысына нұқсан келтіретін, байқау тақырыбына сәйкес келмейтін жарнамалық бағыттағы роликтер қабылданбайды.
10. Байқауда аталымдар мен жеңімпаздарға жүлде қарастырылған.
11. Авторлар өз роликтерін «Байқау» деген атпен тегін, атын, әкесінің атын, жасын, байланыс телефондарын көрсете отырып, 24 сәуірге дейін cmbor@mail.ru электронды мекен-жайына жолдайды.


12. Егер байқауға қатысушының өз материалын электронды түрде жіберуге техникалық жағынан мүмкіндігі болмаса, онда ол өз ролигін қолында бар кез-келген тасымалдағышпен төмендегі мекен-жайға әкеліп өткізе алады:

Бородулиха ауылы, Достық көшесі, 154, «Нұр Отан» ғимараты, Бородулиха ауданының Жастар орталығы.

V. БАҒАЛАУ КРИТЕРИЙЛЕРІ.
1. Роликтің байқау тақырыбына сәйкес келуі.
2. Шығармашылық жаңашылдық.
3. Шынайылылық.
4. Әуенмен әрленуі, бейнеэффектілердің болуы.
5. Жағымды эмоциялық әсері болуы.

VI. АВТОРЛЫҚ ҚҰҚЫҚ.
1.Байқауға қатысатын жұмыстың авторлық құқығы үшін осы жұмысты байқауға жіберген автор (жеке тұлға немесе ұжым) жауапкершілік тартады.
2. Өз жұмысын байқауға жібере отырып автор (жеке тұлға немесе ұжым) байқауды ұйымдастырушылардың осы материалды пайдалануы үшін (интернет желісінде орналастыруға, телебағдарламаларда қолдануға, шығармашылық жобаларға қатысуға және тағы басқа) оларға автоматты түрде құқық береді.
3. Егер қажет болып жатса байқауды ұйымдастырушылар автордан бейнероликтің түпнұсқасын сұрап ала алады.
4. Байқауға қатысушылар өздері туралы мәліметтерді: тегін, атын, әкесінің атын, туған жері мен жылдарын, пошталық мекен-жайларын, абоненттік нөмірлерін, «Интернет» желісіндегі электронды пошталары мен сайттарының мекен-жайларын, мамандығы туралы мәліметтерді және байқауға қатысушы өзі айтқан басқа да мәліметтерді тексеруге келісім береді.
5. Байқауға ұсынылған бейнероликтер кері қайтарылмайды.




VII. БАЙҚАУДЫҢ ҚОРЫТЫНДЫСЫН ШЫҒАРУ.
1. Әр аталым бойынша үздік деп танылған бейнероликтің авторы жеңімпаз атанады.
2. Байқау комиссиясы байқаудың қорытындысын 27 сәуірге дейінгі мерзімде шығарады.


3. Байқаудың қорытындығы жергілікті БАҚ-та жарияланады.

4. Жеңімпаздар Бородулиха ауданының Жастар орталығы атынан грамоталармен және сыйлықтармен марапатталады.


Достарыңызбен бөлісу:




©kzref.org 2022
әкімшілігінің қараңыз

    Басты бет