Полицейлер интернет арқылы АҚШ-тағы туыстарына үйлену тойының фотосы мен видеосын жібермек болған Түркіменстанның екі тұрғынын ұстады. Әйелдер уақытша ұстау изоляторында бес күн отырды. Бұл туралы Stan.kz ақпарат агенттігі Chronicles of Turkmenistan басылымына сілтеме жасап хабарлайды. 

Фото: hronikatm.com

Оқиға 27 желтоқсанда Лебап велаятының астанасы Түркменабат қаласында болған. 29 және 27 жастағы екі қызды жергілікті интернет-кафеде туыстарына фотосуреттер мен бейнежазбаларды жібермек болған кезде, азаматтық киім киген полиция қызметкерлері ұстады.

Ұсталғаннан кейін түркімен әйелдері Гурбансолтан Еже ауданының полиция бөліміне жеткізіліп, 31 желтоқсанға дейін уақытша ұстау изоляторына қамалды. Жаңа жыл қарсаңында полицейлер қыздардан жазбаша түсініктеме алып, 2 қаңтардан 7 қаңтарға дейін жауап алуға келуге міндеттеп, үйлеріне жіберген.

Полиция ұсталғандармен әңгімелесу барысында олардың туыстарының қайсысы АҚШ-та тұратынын, ол жаққа қалай эмиграцияға кеткенін және Түркіменстандағы тойға неліктен келмегенін анықтауға тырысты.

5 қаңтарда жауап алу кезінде қыздардың бірі есінен танып қалған. Қауіпсіздік қызметі бөлімшеге жедел жәрдем мен ата-анасын шақырған. Осыдан кейін полицейлер әйелдер шетелдегі туыстарымен байланысын жалғастыра берсе, қылмыстық іс қозғаймыз деп қорқытып, үйлеріне қайтуға рұқсат берген.

Күш құрылымдары өз әрекеттерін "шетелге жіберілген кез келген фото және бейнематериалдарды шетелдік идеологиялық диверсиялық орталықтар біздің бейбіт және тыныш еліміздегі жағдайды тұрақсыздандыру үшін пайдаланады" деп түсіндірді.

Түркіменстан әлемдегі ең жабық елдердің бірі, интернет цензурасы қатаң. Республика интернет жылдамдығы бойынша әлемде соңғы орында тұр. Ал ел билігі шетелдік IP-мекен-жайларды тұтас ішкі желілермен бұғаттайды, сондықтан барлық қолданыстағы веб-сайттардың 3/4-і пайдаланушылар үшін қолжетімсіз.

2023 жылдың күзінде Түркіменстан билігі ел тұрғындарына VPN орнатуға және мемлекеттік цензураны айналып өтуге көмектескендерді жаппай жазалай бастады.


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.