Алматыда 18 жастағы ұлынан айырылған ана әділдік іздейді. Жалғыз баласынан көз жазып қалған Зада Лаубаева Сержан Жәкежанның өзіне қол жұмсады дегенге сенбейді. Оның ойынша, енді студент атанған жігіт жоғары курстағылардан зәбір көрген болуы мүмкін. Бұл туралы Stan.kz ақпарат агенттігі 31-арнаның Информбюро жаңалықтар бағдарламасына сілтеме жасап хабарлайды. 

Видеодан скриншот

Енді ғана студент атанып, Абай атындағы Қазақ Ұлттық Университеттің бірінші курсында оқып жүрген бала өзінен жоғары курста оқитын тәлімгерлерден жәбір көрді деген күдік бар. Өйткені Сержан Жәкежан соңғы кездері қалтасына пышақ салып жүрген екен.

Қайғыдан қан жұтқан Зада Лаубаева жалғыз ұлынан айырылып қалғанына әлі де сене алар емес. Бақанас ауылынан ұстаз болуды армандап, Қазақ Ұлттық педагогикалық университетіне түскен Сержан Жәкежанның мақсаттары көп болыпты. 22 ақпан күні сабақтан шыққан Сержанның соңғы видеосы білім ордасының бейнебақылау камерасына түсіп қалған. Осыдан кейін оның қайда барғанын ешкім көрмепті. Келесі күні Медеуден белгісіз адамның мәйіті табылып, кейіннен оның Сержан екені анықталған.

“Медеудің плотина деген жерінен баламды тапты. Көше тазалаушылардан сұрағанымда, олар "Балаңыз өз бетінен құламаған. Екі бетінен жатқан да, құлаған кезде көп қан жоғалтып, содан мерт болып кеткен. Өзі жүрейін деп талпынған сынды. Екі қолмен тырмалап жүрген балаңыздың қолының ізі бар. Қасында таяқ бар екен, таяқпен біреуден көмек сұрайын деген”, – деді марқұм Сержан Жәкежанның анасы Зада Лаубаева.

Ана ұлына әлдекімдер қысым көрсеткеніне сенімді. Себебі бұған дейін ұлы ұялы телефонымды жоғалттым деп айтқан екен, ал мерт болар алдында қалтасында пышақ жүрген.

“Балам телефонын жоғалтқан. Оны бізге қорқып айтпаған ғой. Үйдегі келіндер телефонын қайда екен деп тексерсе, тура универді көрсетіп тұр. Демек балалар тартып алған. Осы көз жұмардан он күн бұрын балама қысым көрсеткен. Үйден кішкентай пышақ алып кетті. Тергеуде қалтасында пышақ жүр дейді. іреуден қорыққаннан кейін өзін қорғау үшін пышақты салып алған. Ол бұзақы ма деп мектептен, ауылдан сұраңыздар. Бүкіл ауыл менімен бірге жылап жатыр”, – деді марқұмның анасы. 

Жоғарғы оқу ордасының қызметкерлері студенттің сабақ үлгерімі жақсы болғанын айтты. Сержанның мерт болар күні де сабаққа қатысқан.

“Баланың өзі сәл тұйықтау дейді, сессиясын, бірінші семестрді өте жақсы жапқан. 22-күні ол түсте сағат 12 мен 13 арасында Абайтану сабағына қатысты. Одан кейін шығып кетті. Одан кейінгі жағдай университет қабырғасында болған жоқ. Өзіміз де тергеу амалдарының шешімін күтіп отырмыз”, – деп мәлімдеді Абай атындағы Қазақ Ұлттық педагогикалық университетінің әлеуметтік даму жөніндегі проректоры Мақсат Жақау.

Жұмбақ жағдайда көз жұмған Сержан Жәкежанның өліміне қатысты полиция тергеуді бастады. Ұлының өліміне нақты қандай жағдайдың әсер еткенін білу мақсатында Зада Лаубаева қазір Медеу маңайына жиіп барып, қандайда бір ақпарат алуға тырысып жүр. Өйткені оның өмірге деген құштарлығын білетін ана ұлының өз еркімен мұндай қадамға бармайтынына сенімді. Ал істің ақ қарасы енді тергеуден кейін белгілі болмақ.


Автор: Ербол Нурланов

Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.