Ақтауда құрылысы бітпеген кәріз стансасындағы электр желілерін белгісіз біреулер тонап кетті. Бұл туралы Stan.kz ақпарат агенттігі “Хабар 24” арнасына сілтеме жасап хабарлайды.

Фото видеодан алынған

Кәріс стансасы курорттық аймақтардың бірінің маңында тұрғызылған. Сонымен қатар аймақта белгісіз біреулер құрылыс жүріп қатқан жердегі 4 шақырым болатын электр желілерін қолды еткен. Мемлекетті келтірілген шығын 105 миллион теңгені құрап отыр.

Осылайша жетекші туристік жобаның құрылысы тоқтап тұр. 

Жергілікті полиция департаменті күдіктілерді ұстап, істі сотқа жіберді. Белгілі болғандай, нысанның құрылысы 2019 жылы басталған. 

Облыс орталығынан курорттық аймаққа дейін кәріз желілері тартылып, 50 сорғы стансасы орнатылды. Оларды электрмен жабдықтауға қосу ғана қалған еді. Алайда қондырғыларды белгісіз адамдар тонап, электр желілерін ұрлап кетті. 

Ақтаудағы құрылыс бөлімі секторының меңгерушісі Біржан Маратұлы жоба бойынша 57 шақырым кәріз желілері салынғанын атап өтті.

  • Қазақстанның Ұлттық университетінде миллиондаған ақша жымқыру фактісі анықталды
  • "Орындықты лақтырып, төбелесе бастадым": Алматы облысында зейнеткер үйіне түскен ұрылардың сазайын берді

"6 кәріз сорғы және 42 модульдік сорғы стансасы орнатылды. Оларға 44 шақырым электр желілері тартылды. Қазір бұл нысан "Каспий жылу, су арнасы" мемлекеттік кәсіпорнына берілді", – деді құрылыс бөлімінің өкілі.

Ал коммуналдық кәсіпорынның бас инженері Асқар Дүзмағамбетовтің айтуынша,  мекеме қызметкерлері күн сайын барлық жұмысты бақылап отырады.

"Кешкі уақытта, нысанда адамдар болмаған кезде бәрі ұрланған. Олар кәріз стансасында темір қоршауды ашып, кабельдерді алып кетті. Кәріз люктерін ашып, оларды да қолды еткен. Полицияға ұрланғаны жөнінде өтініш жаздық. Сөйтіп, іс жүзінде объект аяқталмай қалды”, – деді Асқар Дүзмағамбетов.

Қаладағы полиция басқармасы тергеу бөлімінің орынбасары Әнуар Сүлейменов күдіктілердің бесеуі ұсталғанын мәлім етті.

"188-бап 4-бөлім 1-тармақ (қылмыстық топ жасаған ұрлық, ірі мөлшерде) бойынша сотқа дейінгі тергеу жүргізіліп жатыр. Қазір олардың ұрлық фактісіне қатысы бар екені дәлелденді. Іс сотта қаралады. Ұрлық қайталанбауы үшін объектінің айналасында электр қоршауын орнату туралы шешім қабылданды", – деді полицей.


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.