Кәсіпкердің жадынамасы



Дата08.05.2019
өлшемі49.5 Kb.
#139309


КӘСІПКЕРДІҢ ЖАДЫНАМАСЫ!

Сізге тексеру келсе, Сіз білуыңыз қажет:

Жеке кәсіпкер субъектілері қызметтерін тексеру мәселелері «Қазақстан Республикасындағы мемлекеттік бақылау және қадағалау туралы» Қазақстан Республикасының 2011 жылғы 6 қантардағы Заңымен реттеледі.



Қоғамдық бірлестіктер (мемлекет емес, жеке ұйымдар) кәсіпкерлерге қандайда бір тексерулер жүргізуге құқығы жоқ.

Келе жатқан тексеру туралы кәсіпкерді ескерту қажет пе?

Бақылау және қадағалау органы тексеру жүргізудің мерзімдері мен нысанасын көрсете отырып, тексерудің өзі басталғанға дейін кемінде күнтізбелік отыз күн бұрын жоспарлы тексеру жүргізудің басталатыны туралы тексерілетін субъектіні жазбаша түрде хабардар етуге міндетті. Жоспардан тыс тексеру жүргізу кезінде, осы Заңның 16-бабы 7-тармағының 2), 3), 4), 7), 8) тармақшаларында, 9 және 10-тармақтарында көзделген жағдайларды қоспағанда, мемлекеттік орган тексеру жүргізу нысанасын көрсете отырып, тексеру басталғанға дейін кемінде бір тәулік бұрын жоспардан тыс тексеру жүргізудің басталатыны туралы тексерілетін субъектіге хабарлауға міндетті.



Тексеру тағайындау туралы актілер құқықтық статистика органдарында (прокуратура) тіркелуі қажет па?

Салық қызметі органдары жүзеге асыратын қарсы тексерулерді қоспағанда, тексеруді тағайындау туралы акт құқықтық статистика және арнайы есепке алу жөніндегі уәкілетті органында міндетті түрде тіркеледі.

Тексеруді жүргізу қажеттігі қоғамдық тәртіпке, халықтың денсаулығына және Қазақстан Республикасының ұлттық мүдделеріне төнген қауіпті дереу жоюды талап ететін қалыптасқан әлеуметтік-экономикалық ахуалға байланысты туындаған жағдайда, сондай-ақ тексерулерді жұмыстан тыс уақытта (түнгі уақытта, демалыс немесе мереке күндері) жүргізген кезде бұзушылықтарды жасау кезінде тікелей олардың жолын кесу қажеттігіне қарай және айғақтарды бекіту үшін кейінге қалдыруға болмайтын іс-қимылдар жасау үшін тексерулер тағайындау туралы актіні тіркеу тексерулер басталғаннан кейінгі келесі жұмыс күні ішінде жүргізіледі.

Тексеруді тек қана актіде көрсетілген лауазымды тұлғалар ғана жүргізеді.

Тексеру тағайындау туралы актінің тіркелуі, мұндай тексерудің заңдылығына дәлел бола алмайды, өйткені тексеру тағайындау туралы тіркеу есепті сипатта болады.

Кәсіпкер тексерушіден не талап етуі мүмкін?

Тексеру үшін объектке келген тексеруші лауазымды тұлғалар тексеру тағайындау туралы акттен басқа міндетті түрде қызметтік куәлігін және жеке кәсіпкер субъектілерінің қызметіне жеткілікті талаптар тізімін қосатын, заңнамамен ескертілген, формасы мемлекеттік органмен бекітілген және ресми сайттарда жарияланатын жоспарлы тексеру кезінде тексеру парағын көрсетуге міндетті.



Тексеру жүргізу мерзімдері:

Тексеруді тағайындау туралы актіні тексерілетін субъектіге берген сәттен бастап тексеру жүргізу басталған болып есептеледі. Бірақ тексеруді тағайындау туралы актіні алудан бас тарту тексеруді жүргізбеу үшін негіз болып табылмайды. Тексеру жүргізу мерзімі алдағы жұмыстардың көлемі, сондай-ақ қойылған міндеттер ескеріле отырып белгіленеді және ол Қазақстан Республикасының салық заңнамасында көзделген салықтық тексеруді, сондай-ақ санитариялық-эпидемиологиялық бақылау, ветеринария, карантин және өсімдіктерді қорғау, тұқым шаруашылығы, астық және мақта нарығы саласында жүргізілетін тексерулерді жүргізу кезіндегі жекелеген жағдайларды қоспағанда, тексеру жүргізу мерзімі отыз жұмыс күнінен аспауға тиіс.



Тексеру жарамсыз деп танылады, егер:

Тексеруді ұйымдастыруға және жүргізуге Заңмен белгіленген талаптарды өрескел бұза отырып мемлекеттік орган жүргізілген тексеру жарамсыз деп есептеледі, ал осы тексерудің қорытынды актісі, тексерілетін жеке кәсіпкерлік субъектілердің заңнама талаптарын бұзуының дәлелі болып табылмайды, бұл жоғары тұрған мемлекеттік органның немесе соттың оның күшін жоюына негіз болып табылады. «Қазақстан Республикасындағы мемлекеттік бақылау және қадағалау туралы» Заңның 28- бабының 2- тармағында көрсетілген талаптарды бұзу өрескел бұзушылыққа жатады.



Кәсіпкердің тексеру барысындағы құқықтары мен міндеттері.

Тексерушілер тексеру барысында Заңмен белгіленген тәртібін сақтамаған жағдайда, жеке кәсіпкер тексеруге жібермеуге құқығы бар. Сонымен бірге, егер жүргізілетін тексерудің нысанасына жатқызылмаған немесе актіде көрсетілген кезеңге жатқызылмаған болса, мәліметтер бермеуге құқығы бар. Тексерілетін субъектілердің келушілер мен тексерулерді есепке алу кітабын жүргізуге құқығы бар. Бақылау және қадағалау органдарының лауазымды адамдары тексерілетін субъектілердің келушілер мен тексерулерді есепке алу кітабында тегін, лауазымдарын және актіде баяндалған деректерді көрсете отырып, жүргізілген іс-әрекет туралы жазба жасауға міндетті.

Тексеруді жүзеге асыру үдерісін, сондай-ақ лауазымды адамның қызметіне кедергі келтірместен, аудиотехника және бейнетехника құралдарының көмегімен лауазымды адамның тексеру шеңберінде жүргізген жекелеген іс-әрекеттерін тіркеуге, сондай-ақ үшінші тұлғалардың өз мүдделері мен құқықтарын білдіруі мақсатында оларды тексеруге қатысуға тартуға құқылы.

Сонымен бірге, кәсіпкер тексеруді тағайындау туралы актінің екінші данасында оны алғаны туралы белгі жасауға, тексеруді жүзеге асыру кезеңінде тексерілетін құжаттарға өзгерістер мен толықтырулар енгізуге жол бермеуге және объектіге тексеру жүргізу үшін келген адамдардың осы объекті үшін белгіленген нормативтерге сәйкес зиянды және қауіпті өндірістік факторлар әсерінен қауіпсіздігін қамтамасыз етуге міндетті.

Кәсіпкер тексеру тағайындау актіне және тексерудың нәтижелері туралы акті мен мемлекеттік органдардын лауазымды тұлғаларының iс-әрекетiне Қазақстан Республикасының Заңнамасымен белгіленген тәртіпте шағымдануға құқығы бар.

Сонымен қатар, «Жеке кәсіпкер туралы» Қазақстан Республикасының Заңына сәйкес мемлекеттік органдарға жеке кәсіпкер субъектілері туралы ақпарат таратқаны үшін жауапкершілік артылады, ал жеке кәсіпкер субъектісінің рұқсатысыз ақпарат таратқаны үшін келтірілген зиян өтеуге жатады




Кәсіпкерлік қызметке заңсыз кірісуге белсенді қарсылық көрсету үшін прокуратура ұтқыр (мобильдік) топ құрды. Кез келген кәсіпкер, бақылаушы органның тексеруінің заңдылығына күмәнданса, прокуратура органдарының сенім телефондарына хабарласып ұтқыр (мобильдік) топты шақыра алады. Республиканың барлық аумағында «Бизнес Тірегі» жобасы жүмыс істейді.

Жобаның кәсіпкерлерге ғаламтор және ұтқыр (мобильдік) байланыс арқылы тағайындалған тексеру туралы ақпарат білуге мүмкіндік береді.

Ол үшін Бас прокуратураның веб-сайтында (www.prokuror.kz) бақылау іс-шараларының ақиқаттығын тексеруге, тексеруге келген органның тексеру парағымен танысуға, тексеруші туралы мәліметтер және тексеру жүргізудің тәртібі жазылған жадынамамен танысуға мүмкіндік бар.

1012 қысқа номерге SMS хабарлама жіберіп немесе Call – орталығына хабарласып
(115 - Республика бойынша бірыңғай номер) тексеру туралы кешіктірмей ақпарат
алуға болады.


Кәсіпкерлер құқытарының бұзылуына байланысты барлық сұрақтар бойынша ұтқыр (мобильдік) топтардың сенім телефондарына хабарласуға болады:

8 (7142) 54-57-34, 54-94-94

8 (71433) 3-43-23

(сенім телефондар)


Каталог: rightmenu -> biznes
biznes -> Карта развития предпринимательства
biznes -> «Бизнестің жол картасы 2020» бизнесті қолдау мен дамытудың бірыңғай бағдарламасы шеңберінде сыйақы мөлшерлемесінің бір
biznes -> «Бизнестің жол картасы 2020» бизнесті қолдау мен дамытудың бірыңғай бағдарламасы шеңберінде жеке кәсіпкерлік субъектілерінің кредиттері бойынша кепілдік беру қағидалары
biznes -> «Бизнестің жол картасы 2020» бизнесті қолдау мен дамытудың бірыңғай бағдарламасы Бағдарламаның паспорты
biznes -> «Бизнестің жол қартасы 2020» бизнесті қолдау мен дамытудың бірыңғай бағдарламасы шеңберінде мемлекеттік гранттар беру


Достарыңызбен бөлісу:




©kzref.org 2022
әкімшілігінің қараңыз

    Басты бет