Астана әкімдігі жоспардан тыс жүргізілген тексеріс кезінде құрылыс компанияларының қызметінде заң бұзылғанын анықтап, оларды жоюға 247 тапсырма берді. Бұл туралы Stan.kz ақпарат агенттігі хабарлайды.

Фото: Риа Новости

Құрылысты сапасыз салғаны және құрылыс-монтаждау жүргізгені үшін 46 компания, ал дұрыс бақыламағаны үшін 7 техникалық қадағалау ұйымы жазаланды. Ал 22 техникалық қадағалау сарапшысының аттестатының күші 6 ай мерзімге жойылды немесе мүлдем аттестатынан айырылды.

“Астана қаласының әкімшілік құқық бұзушылық жөніндегі мамандандырылған ауданаралық сотының қаулысымен әкімшілік құқық бұзушылық туралы кодекстің 312-бабы 2-бөлігі "Осы баптың бiрiншi бөлiгiнде көзделген, әкiмшiлiк жаза қолданылғаннан кейiн бiр жылда қайталап жасалған әрекеттер" және 313-бабы1-бөлігі "Салық мөлшерлемелері" бойынша сапасыз құрылыс-монтаждау жұмысын орындағаны және мемлекеттік нормативтерді бұза отырып жобалық құжаттаманы қабылдамағаны үшін сегіз компания құрылыс лицензиясынан айырылды”, – делінген Астана әкімдігінің хабарламасында.

Мына компаниялар құрылыс салу лицензиясынан айырылды: 

  • "NAK development" ЖШС;
  • "БазисДоСтрой" ЖШС;
  • "КСМК-АФ" ЖШС;
  • "DBK-Engineering" ЖШС;
  • "Пропилон" ЖШС;
  • "ANA Astana" ЖШС;
  • "ППК" жобалау-құрылыс компаниясы" ЖШС;
  • "X-clusive Qurylyus Group" ЖШС. 

Автор: Гульжан Оразбаева

Гульжан — исследовательница жизни и достижений знаменитых личностей Казахстана. Ее статьи позволяют читателям взглянуть на страну через призму вкладов ее ярких представителей.