Қостанай қаласының Әуежай шағын ауданында 7 жастағы қыз -25 градус аязда абайсызда жылу құдығына құлап кеткен. Баланы ТЖД қызметкерлері келіп құтқарып алды. Бұл туралы Stan.kz ақпарат агенттігі хабарлайды. 

Фото: ТЖМ

Төтенше жағдай министрлігінің мәліметінше, құдықтағы судың тереңдігі 60-70 сантиметр. Оқиға орнына ТЖД жедел-құтқару жасағының қызметкерлері дереу жетті. Қызды құтқаруға бейтаныс адам да көмектесті.

Құтқарушылар баланы құдықтан шығарып, жедел жәрдем қызметкерлеріне табыстады. Қазір бала жансақтау бөлімінде жатыр. 

“Балаға гипотермия (дене температурасының төмендеуі) диагнозын қойдық. Ішкі ағзаларында, басында және аяқ-қолдарында жарақаттар жоқ. Бала есін жиды, сұрақтарға жауап беріп отыр. Егер жағдайы жақсарса, ертең палатаға ауыстырамыз”, – дейді Қостанай облыстық балалар ауруханасының бас дәрігері Нұрлан Ержанов.

Қазір бала дәрігерлерің бақылауында. Айта кетейік, қазір Қостанай облысында сынап бағанасы -25 градус аязды көрсетіп тұр.

 


Автор: Айгерим Жумабаева

Айгерим — опытный редактор с богатым опытом в изучении и письме о культуре и истории. Ее страсть к языкам и письму помогает создавать увлекательные тексты.