Литература (5-11 кл.) Программа бордын ужазы С. Т. Арекеева, В. Г. Пантелеева, Л. П. Федорова, В. Л. Шибанов, А. Г. Шкляев



жүктеу 2.15 Mb.
бет1/10
Дата10.01.2019
өлшемі2.15 Mb.
түріЛитература
  1   2   3   4   5   6   7   8   9   10

УДМУРТ ЛИТЕРАТУРА (5–11 кл.)

Программа
Программа бордын ужазы С.Т. Арекеева, В.Г. Пантелеева, Л.П. Федорова, В.Л. Шибанов, А.Г. Шкляев.
"Филология" удысэз дышетонын «Удмурт литература» но «Удмурт кыл» предметъёс куспазы люконтэм герӟаськемын. Удмурт литература – со одӥгез тужгес но узыр шыкыс, кудысьтыз дышетскисьлэн, вераськон кылзэ узырмытон, вераськон кыл культуразэ ӝутон но ог-огеныд капчи, кулэ кусып (коммуникация) тупатон понна, котьма басьтэмез луэ. Чеберлыко произведениосты пыр-поч дышетон юрттэ нылпиослы кыллэсь эстетика ласянь пумтэм функциоссэ валаны но удмурт кыллэсь стилистика ласянь кутӥськись буёлъёссэ шӧдыны.
«Литература» предметлэн аспӧртэмлыкез со бордын но – отын кыл искусство но литературатодос (литературоведение) ог-огенызы пӧлэстэмын.
Литература – кыл вамен тус пуктон искусство – улонэз тодон-валанъя нимысьтыз удыс, чеберлыко «дунне модель». Наука амалэн лэсьтэм «дунне суредлэсь» со трослы пӧртэм луэ: солэн туж вылӥ эмоциональной кужымез, со ачиз быдэс метафора, со сӥё-сӥё пуштросо, со кылдытэ трос ассоциациос, солэн ӧвӧл кыӵе ке точка пуктон пумыз, со кулэ каре ас лыдӟисезлэсь но быгатэмзэ, фантазизэ, творчествое пыриськемзэ. Дышетскисьлэн литература урокъёсын кыл искусствоен пумиськемез – со зэмос чеберлыко шедевръёсын тодматскон но коммуникация ласянь бадӟым опыт басьтон, писательёсын (удмурт но ӟуч, кунгож сьӧрысь, туала но мукет вакытъёсысь) тунсыко ваче вераськон

(диалог). Со дуннеысь вань адямиослы-калыкъёслы матын но кулэ луись (общечеловеческой) дунъетъёсын (ценностьёсын) тодматскон, озьы ик удмурт но мукет финн-угор калыкъёслэн духовной опытазы пырон. Сыче опыт шодиське удмурт фольклорын но, удмурт литературалэн классикаяз но. Соос асьсэос но – дунне культуралэн люкетэз, со дыре ик соос йӧскалык (национальной) аспӧртэмлыко. Шаерысьтымы калыкъёслэн кыл искусствоенызы тодматскон трослы паськытатэ трос нациё Россилэсь быдэс культуразэ тодонэз, валан сётэ, со культура туж узырлыко но туж пӧртэм шуыса, солэн туж бадӟым духовной но нравственной потенциалэз шуыса.

Чеберлыко улон-суредэз, кудӥз лэсьтӥське кыллэн кужымез вылын, «кыл знакъёс» вылын, асьмеос сюлмынымы гинэ ӧвӧл (эмоциос ласянь), йырвизь ласянь но (рационально) сазнатӥськом (сознаём). Юнме гинэ литератураез философиен но, историен но, психологиен но артэ уг пукто, сое улонэз чеберлык ласянь эскерон, человековедение, «улыны дышетӥсь» (учебник) юнме уг шуо.

Литератураез дышетонын асьмеос ас азямы пуктӥськом таӵе ужпумъёс (цельёс):

- пушулон (духовность) ласянь вылӥ азинскем личностез будэтон, сыӵе муртэз, кудӥзлэн дунне шоры учконэз (мировоззрениез) адямиез яратон-гажанэн (гуманизмен) герӟаськемын, кудӥзлэн вань йӧскалыкез (национальностез) ласянь вылӥ асваланэз, быдэс Россиез утись-шӧдӥсь гражданской сознаниез, патриотизмез;

- дышетскисьлэсь интеллектсэ будэтон но творческой мылкыдъёссэ ӧръян: сыӵе уж номырин воштонтэм луэ личность понна, солэсь социализацизэ но самореализацизэ юнматон-азьланьтон понна;

- шаерысьтымы но быдэс дунне литератураысь вылӥ ӟечлыко произведениосты тодон-валан, соосты лыдӟыса потон но эскерон (таӵе эскерон мед пыкиськоз кыл искусстволэсь тус пуктон амалзэ валан вылэ, произведенилэн вылкабезлэсь но пуштросэлэсь люконтэм герӟаськемзэ валан вылэ, искусстволэсь улонэн герӟаськемзэ валан вылэ, сыӵе принцип вылэ, кудзэ шуо историзм);

- дышетскисьлэсь лыдӟыны быгатонзэ азьланьтыны, дышетскисьлэсь произведенилы комментарий, анализ но интерпретация лэсьтыны быгатонзэ тупен-тупен, вамышен-вамышен муромытыны;

- чеберлыко текстлэсь (яке котькыӵе но верамъёслэсь) пуштроссэ сэрттон-пертчон алгоритмъёсты кутыны дышетон, собере дышетскись аслэсьтыз но текстсэ кылдытыны мед быгатоз, произведениез лыдӟемез бере со ласянь аслэсьтыз малпанъёссэ вераны, госжтослы дунъет сётыны мед быгатоз;

- тужгес но кулэ огъя быгатонъёсты но валанъёсты (гожъяно ужлэсь малызэ валэктон, солы план лэсьтон, библиография люкан, пӧртэм источникъёсысь ивортодэт шедьтон но сое уже кутон, отын ик интернетэз но палэнэ кельтытэк) киултыны дышетон;

- чеберлыко текстъя басьтэм тодон-валанъёсты огшоры улонын но, дышетскон удысын но, озьы ик огшоры вераськонэз волятонын но уже кутыны дышетон.
5–8-тӥ классъёсын литература курсъёс пыкисько концентрической, историко-хронологической но проблемно-тематической принципъёс вылэ, нош 9-тӥ классын дэмласьком ни линейной шуон историко-литературной курс (ымысь ыме верам – устной – литература, революцилэсь азьло потэм «инмар литература» но светской литература, революция бере ӝужам литература), нош 10–11 классъёслы – война бере кылдэм но туала литература).

Та дэмлам программаын чакламын таӵе люкетъёс:


Фольклор

Удмурт литературалэн инъетэз (XVIII даурлэн пумыз – 1917-тӥ ар)

Удмурт литературалэн 1917–1950-тӥ аръёсы азинскемез

Удмурт литературалэн 1950–1990-тӥ аръёсы азинскемез

Удмурт литература ХХI дауре

Россиысь но кунгож сьӧрысь калыкъёслэн литературазы

Литературалэн теориезъя но историезъя валанъёс.

Удмурт литературая туннэ нуналлы люкам (текущий контроль) но оглом тодон-валанъёсты эскерон
1–5-тӥ люкетъёсын сётэмын чеберлыко произведениослэн нимъёсынызы ӵош вакчияк аннотация, кудӥзъя валаны луэ произведенилэсь огъя проблематиказэ но чеберлыкъя аспӧртэмлыксэ. Произведениез эскеремлэсь азьло сётоно авторлэн улонэзлы но творчествоезлы вакчияк обзор. 6-тӥ люкет дышетскисьлы луонлык сётэ ас мылкыд каремезъя лыдӟиськонзэ но быгатонъёссэ эскерон понна произведение бырйыны. Отын сётэмын сыӵе текстъёс, кудъёсыз матын луо тематиказыя, проблематиказыя, жанрзыя, тус пуктон системазыя яке кылдон вакытсыя программая дэмлам проиведениослы.

Теория но история ласянь материалъёс чакламын программалэн котькуд люкетаз. Озьы ке но, 9-тӥ люкетъя валано, дышетскисьёслэсь теория ласянь, соослэсь литература процессъя, литературной эпохая, литератураын кыӵе ӧръёс вань шуыса тодон-валанъёссэс муромытон, огъя сузьетэ пыртон понна, нимысьтыз часъёс но висъямын шуыса.

Берпум люкетын дэмламын сыӵе занятиос, кудъёсызъя валаны луэ, макем мур пыӵазы пиналъёслы сётэм тодон-валанъёс.

Дышетон предметлэн пуштросысьтыз дунъетлыко ориентиръёс

(Ценностные ориентиры содержания учебного предмета)

Литература – дышетон предмет чотын – ас пушказ бадӟым визьясь-нодъясь дыкужым возе. Дышетӥсь, та предмет пыр пиналъёслэсь интеллект ласянь быгатонлыкъёссэс азинтэм сяна, соослэсь дунне шоры учконзэс но дунъетлыкъёсъя радъяны быгатэ. Солы луыса, дышетскисьёс удмурт литературалэн классикаяз ӝутэм ужпумъёсты умой валаны быгато, гожъясьчиен (писателен) ваче вераськонэ (диалоге) пырисько. Литература классика «пырак дыръёслы» дунъетъёсты валаны дышетэ, литератураез валан удысъя валтӥсь направление луэ, соин сэрен таӵе азинлыко цельёсты ӝутыны куре:

– лулпуш ласянь узыр адямиез нодъян но будэтон, со ас кожаз но ас мылкыд каремезъя ассэ узырмытыны мед тыршоз, кругозорзэ мед паськытатоз, люкам лулпуш узырлыксэ практикае мед пыӵатыны тыршоз;

– нылпилы адямиез гажан, яке гуманизм пуштросъем дунневаланэз пыӵатон (сыӵе дунневалан инъяське адями улонлэсь котьмалэсь но дуно луэмзэ валан вылэ), адямилэн эрико азинсконэзлы но творчество удысын быгатонлыкъёсызлы эрикрадэз гажан;

– граждан мылкыдо асваланэз кылдытон, куке нылпи сюлмаське дунне вылын ортчись вань учыръёс пумысен, улон шоры дӥсьтӥсь мылкыдын учке;

– вордскем шаерлы, калыкедлэн историезлы но лулчеберетэзлы, озьы ик мукет калыкъёслэн сям-йылолъёсызлы гажан мылкыд пыӵатон;

– улонын ортчись югдуръёсты дунъяку, «ӟеч» но «чебер» валатонъёс вылэ инъяськон (нравственно-эстетический подход); адямиос пӧлын чебер кусыпъёс пала кыстӥськон, (сыӵе кусыпъёс тужгес но яркыт возьматэмын классикаысь гожтосъёсын);

– творческой уж борды кыстӥськон, куке нылпи быгатонлыкъёссэ азинтэ но муромытэ, угось соку гинэ дышетскон дисциплина устолыклэн (искусстволэн) одӥгез йӧсэз сямен валатӥське.


«УДМУРТ ЛИТЕРАТУРА» ПРЕДМЕТЭЗ ДЫШЕТОНЛЭН ЕМЫШЪЁСЫЗЛЫ (РЕЗУЛЬТАТЪЁСЫЗЛЫ) КУРОНЪЁС.

Выль стандарт вылэ инъяськоно ке, литератураез дышетонлэсь емышъёссэ куиньлы висъяны луоно – личностной, метапредметной но предметной. Берпуметӥзэ эшшо ньыль ӧрлы люкыны луэ на (тодон-валанъёс басьтон, дунъетъёсты валан, коммуникация но эстетика удысъёсын).

Инъето школаын «Удмурт литература» предметэз дышетэмзыя, нылпиос ас пушдуннезэс азинтон ӧрын таӵе личностной емышъёс (результатъёс) басьтыны кулэ:

– Адямилэсь – асмуртлэсь – лулпуш дуннезэ узырмытон, трос йӧскалыкъем шаермес гажанэз пыӵатон, удмурт литератураез, мукет калыкъёслэсь лулчеберетсэс валан но гажан мылкыд;

– Выль тодон-валанъёс басьтэмъя но кусыпъёс тупатэмъя, ивортодэт сётӥсь трос источникъёсты уже кутыны быгатон (кыллюкамъёс, энциклопедиос, интернет ресурсъёс но мукет).

Инъето школаын «Удмурт литература» предметэз дышетэмъя, нылпиос ас пушдуннезэс азинтон но ас тодон-валанзэс будэтон ӧрын таӵе метапредметной емышъёс (результатъёс) басьтыны кулэ:

– ужпумез ӝутыны быгатон, гипотезаез висъян, материалэз структураезъя радъян, аслэсьтыд малпандэ висъян понна аргументъёс шедьтон, верам но гожтэм текстъёсысь мугъёсты но герӟетъёсты шедьтон, йылпумъянъёс лэсьтон;

– аслэсьтыд ужандэ ас кожад радъяны быгатон, сое валаса дунъян, озьы ик аслэсьтыд тунсыкъяськонъёстэ нодлыко валан;

– ивортодэт удысысь пӧртэм источникъёсын ужаны быгатон, соосты шедьтон, эскерыса быръён, ас ужан удысад соосты быгатыса кутон.

Инъето школаын «Удмурт литература» предметэз дышетэмъя, нылпиос ас тодон-валанзэс будэтон ӧрын таӵе предметной емышъёс (результатъёс) басьтыны кулэ:

1) тодон-валанъёс басьтон удысын (в познавательной сфере):

– удмурт но мукет калыкъёслэн фолклорысьтызы, революцилэсь азьло но ХХ даурысь удмурт литератураысь, озьы ик Россиысь калыкъёслэн но кунгожсьӧр литератураосысь валтӥсь ужпумъёсты висъян;

– чеберлыко текстлэсь кылдон вакытаз ас дауреныз герӟаськемзэ валэктыны быгатон, отысь «пырак дыръёслы» ӝутэм дунъетъёсты валан, со дунъетъёслэсь туала вакытэ аспӧртэмлыксэс висъян;

– литератураысь гожтосэз сэрттыны-пертчыны быгатон: текстэз дӥньыз (род) но жанрез ласянь тодман; чеберлыко произведенилэсь темазэ, шор малпанзэ, пафос ласянь аспӧртэмлыксэ валан но валэктыны быгатон, текстысь геройёслы дунъет сётон, соосты одӥг яке трос гожтосъёсысь мукет геройёсын артэ пуктыны но ӵошатыны быгатон;

– произведениысь сюжет, композиция ёзэтъёссэ, кылэз чеберман амалъёссэ висъян, гожтослэсь пуштроссэ эскерон дыръя, соослэсь кулэлыксэс валэктыны быгатон (та ини филологической сэрттон-пертчонлэн инъетэз);

– чеберлыко гожтосэз эскерон дыръя литературатодос удысысь нимкылъёсты (терминъёсты) уже кутыны быгатон;

2) дунъетъёсты валан удысын (в ценностно-ориентационной сфере):

– удмурт литературалэн но лулчеберетлэн узырлыкез пала кыстӥськон, мукет калыкъёслэн лулпуш дунъетъёсынызы сое ӵошатыны быгатон;

– удмурт литератураысь чеберлыко гожтосъёс шоры аслэсьтыд малпанъёстэ кылдытон, соосты быгатыса дунъян;

– дышетоно текстъёслы аслэсьтыд валэктондэ-интерпретацидэ (куд-ог учыръёсы) сётыны быгатон;

– авторлэсь позицизэ валан но со пумысен аслэсьтыд мылкыддэ валэктон;

3) коммуникация удысын, яке кусыпъёс юнматон ласянь (в коммуникативной сфере):

– пӧртэм жанръем гожтосъёсты кылзыку но лыдӟыку, соосты нодлыко валан, текстъёсты валаса лыдӟон но шугъяськытэк валэктыны быгатон;

– проза но драма удысысь текстъёсты яке отысь люкетъёсты удмурт кыллэсь тус пуктон тӥрлыкъёссэ но произведениысь цитатосты кутыса мадьыны быгатон; лыдӟем яке кылзэм текстъёсъя пуктэм юанъёслы валэктон сётыны быгатон; монолог амалэн вераны быгатон; диалог кылдытыны быгатон;

– дышетоно гожтосысь сётэм тематикая но ужпумъёсъя изложениос но сочинениос (куд-ог учыре эссеос) гожтыны быгатон, классын но гуртын творческой ужъёс быдэсъяны, литература но огъя лулчеберет удысъя рефератъёс кылдытыны быгатон;

4) эстетика удысын, яке чеберлыкез валан ласянь:

– дышетскисьёс валаны кулэ, литература – со кыллэн устолыкез но чеберлыкез вылэ инъяськись маке; литератураез чеберлыклэн куронъёсызъя шӧдон-валан, эстетика шӧмез сюлэме пыӵатон;

– нылпиос тодыны кулэ, литература текстысь кылсуредъёсты кылдытыку но кылэз чеберман амалъёсты кутыку, автор кыллэсь эстетической кужымзэ висъя шуыса.

«УДМУРТ ЛИТЕРАТУРА» НО «УДМУРТ КЫЛ» ПРЕДМЕТЪЁСЛЭН УЧЕБНОЙ ПЛАНЫН ИНТЫЗЫ

Удмурт литературалы но кыллы дышетон программа дасямын, Россиысь инъетъёзо школалы юнматэм Федерал дышетон базисной планэз чакласа. Солэн 3-тӥ вариантэз ӵапак дэмламын сыӵе огъядышетон школаослы, кытын дышетон уж мынэ ӟуч кылын, но ӟуч кылъя предмет вӧзы ватсаське на Россия Федерациысь калыкъёслэн одӥгез вордскем кылзы. Со быръем кыл табере пыре базисной планлэн инвариант (воштонтэм яке обязательной) люкетаз. Озьыен, удмурт кыл но литература воштонтэм люкетэ пыре бере, сое школа ас кожаз уг быгаты кулэстыны нокыӵе мугъёсын но. Инвариант люкетын удмурт кыллы но литературалы V–IX классъёсын висъямын арняяз 3 час. Соин ӵош ик БУП луонлык сётэ на вариативной (вошъяськись) люкетысьтыз часъёсты уже кутыны. Тае лыдэ басьтыса, ми дэмласьком на 1 час та вошъяськись люкетысьтыз басьтыны. Озьыен, удмурт кылъя но литературая арняяз луоз 4 час кутыны. Базисной учебной планлэн куремезъя, V–IX классъёсын лыдъяське 35 дышетскон арня. Ӵектиськом удмурт кылъя но литературая часъёсты тазьы люкылыны (базисной планлэн 3-тӥ вариантэзъя):







5 класс

6 класс

7 класс

8 класс

9 класс

Ваньмыз

Удмурт кыл

3 час

3 час

2.5 час

2.5 час

2.5 час

13 час

Удмурт литература

1 час

1 час

1.5 час

1.5 час

1.5 час

7 час

Удм.кыл/Удм.лит.

105/35

105/35

87.5/52.5

87.5/52.5

87.5/52.5

472,5/227,5

Базисной план кулэ каре теорилы но обзорлы нимысьтыз часъёс висъяны. Та удысъя школаын дышетӥсь ас валамезъя но мылкыдызъя часъёсты радъяны быгатэ. Ӵектӥськомы сётэм часъёслэсь ог люкетсэс теорилы (обзорлы) тазьы висъяны: 5 кл. – 1 час, 6 кл. – 2 час, 7 кл. – 2 час, 8 кл. – 2 час, 9 кл. – 1,5 час, 10 кл. – 2 час, 11 кл. – 3 час (ваньмыз – 13,5 час).

Табере бадӟым саклык висъяно луоз тодон-валанэз эскеронлы (диагностика и контроль текущих и итоговых знаний). Талы оглом 32,5 час висъяно луоз. Дэмласькомы часъёсты тазьы люкылыны (дышетӥсь ас мылкыд каремезъя тае вошъяны быгатэ):

А) ортчемзэ тодэ ваён урокъёс (арлэн кутсконаз) быдэн 1 час яке ӝыны урок (0,5 час);

Б) дышетскон арлэн пумаз огъясь урокъёс (быдэн 1 яке 1,5 час);

В) викторинаос, сочинениос, эсеос, проектной ужъёс, котырес ӝӧкъёс но мукет. Асьме учыре татчы пыре «Быгатӥсьлэн сэрегез» рубрикая ужан но. Часъёс тазьы радъяськыны быгато: 5 кл. – 0,5 час, 6 кл. – 1,5 час, 7 кл. – 2,5 час, 8 кл. – 2 час, 9 кл. – 2 час, 10 кл. – 5 час, 11 кл. – 5 час (ваньмыз – 18,5 час). Озьыен, А), Б) но В) люкетъёсты огазеяса, ваньмыз 32,5 час люкаське.



1-тӥ люкет. ФОЛЬКЛОР (10 ч.)

Мифъёс. «Дуннелэн кылдэмез». «Толэзьысь виштыос». «Кыл­дысинлэн пќртмаськемез сярысь мадь» (2 ч.)

Миф сярысь валан.

Дуннелэн, Инсьќрлэн (Космослэн), Музъемлэн, Адямилэн кылдэмзы сярысь мифъёс. Отысь образъёслэн пќртэмлыксы. Адями но инкуазь. Улэп инкуазь. Инкуазь анайёс (Шунды-мумы, Музъем-мумы, Инву-мумы).



Выжыкылъёс (1 ч.)

Выжыкыллэн мифлэсь пќртэм луэмез. Выжыкылъёсын улонэз пќртмаса возьматон, улонысь пиртэшъёсты, адямилэсь урод сямъёссэ серекъян. Выжыкылысь геройёс, соосты суредан амалъёс.


Удмурт эпосысь батыръёс (1 ч.)

Бурсин но Сьӧлта батыръёс. Соосты фольклорын суредан амалъёс.



Мадиськон (1 ч.)

Тодон-валанлэн кужымез. Нодлыко адямиез сћлы карон. Мадиськон вакыт. Мадиськон ёзъёс: адями ― тћрлык-бурлык ― инкуазь. Мадись­конъёслэн чеберлыксы.


Калык кырњанъёс (3 ч.)

Вќсьнерге гуръёс. Сюан-бќрысь гуръёс. Џыжы-выжы кусыпъёсты сћлы карон, ог-огдэ данъян мылкыд.

Келян кырњанъёсын (ныл келян, солдат келян) люкиськон тема. Бы­зись ныллэн кырњанъёсыз. «Вож бадяр но, ой, кадь ик». «Кылёд ук, кылёд ук».

Калык поэзиын эпослэн но лирикалэн пќртэм луэмзы. Лирической произведениослэн кылдон инъетсы. Дунъет сётонын пќртэм џошатонъ­ёслэн кутћськемзы.



Фольклорлэн покчи кабъёсыз (2 ч.)

Фольклорлэн покчи кабъёсыз. Чаклан кыл (примета). Осконъёсты юнматћсь индылон-косонъёс (повериос). Визькылъёс (пословицаос). Лэчыт кылъёс (поговоркаос). Мадиськонъёс (загадкаос).


2-тӥ люкет. Удмурт литературалэн инъетэз

(XVIII даурлэн пумыз – 1917-ти ар)

(22 ч.)

Фольклорысь – литературае (2 ч.)

Удмурт фольклорлэн узырлыкез, литератураын интыез. Калык твор­чествоез люкан но эскерон. Крашинь бигер Борис Гаврилов но удмурт фольклоръя нырысетћез книга. Михаил Худяков њуч кылбурчилэн уд­мурт эпос кылдытэмез («Донды батыръёс» но «Калмез батыръёс» лю­кетъёсыныз тодматскон). Бернат Мункачи мадьяр учёнойлэн удмурт фольклор текстъёсты люкамез. Удмурт фольклор но финн (Т. Аминофф, Ю. Вихманн), немец (М. Бух), австри (Р. Лах) тодосчиос. Туала венгер тодосчиос но соослэн удмурт фольклор бордын ужамзы, удмурт пре­даниосын но кырњанъёсын сборникъёс поттон. Геза Кепешлэн венгер кылын кылдытэм «Калмез батыръёс» поэмаез. Беглойёс сярысь легендаос. Михаил Можгинлэн «Беглой» балладаез.

Удмурт фольклорлэн туала литератураез азинтонын кужымез.
Григорий Верещагин (3 ч.)

«Чагыр, чагыр дыдыке...». «Огназ черсћсь». «Шакырес луэ сюрес».

«Чагыр, чагыр дыдыке...» — удмурт чеберлыко литературалэн ас­пќртэмлыко кутсконэз. «Огназ черсћсь» кылбурын сирота ныллэсь сюлэм куректонзэ суредан. «Шакырес луэ сюрес» кылбурын гурт улонэз возьматон амалъёс. Кылбуретын силлаботоникалэн куронъёсыз сярысь.



«Батыр дћсь» – ӟуч выжыкылъя кылдытэм по­эма.

«Зарни чорыг» – тодмо сюжетъя гожтэм выжыкыл. Образъёс­лэн национальной шќмзы.
Нырысетћ удмурт югдытћсьёс (4 ч.)

Христианствоез вќлмытэмен валче калыкъёслы письменность кыл­дытон. Вениамин Пуцек-Григорович но нырысетћ удмурт грамматика. Њуч но удмурт миссионеръёс. Казаньысь православной школаос но ды­шетћсьёсты дасясь семинария. Н. Ильминскийлэн дышетон системаез но удмурт книгаос поттон.



Кузьма Андреев. Нырысетћез удмурт дышетћсь, удмурт школа кылдытћсь; кунгож сьќрысь тодосчиослэн юрттћсьсы. И. Михеевлэн К. Андреев сярысь «Карлыган удмуртъёс» ужез.

Николай Васильев. Удмуртъёс пќлысь вылћ дышетскем адями, Б. Мункачилэн юрттћсез, черк литератураез берыктћсь.

Иоанн Васильев. Миссионер но этнограф. Немец кылэ берыктэм ужлэн авторез.

Гавриил Прокопьев. Дышетћсь но кылбурчи. «Кин йыр?» кылбурез.

Иван Михеев. (3 ч.) Пќртэм выжы калыкъёсты дышетон удысын тырше­мез. «Нырысетћ лыдњон книгае» пырем веросъёсыз. «Удмурт кален­дарьёсты» поттћсь но удмурт журналистикалы кутскон сётћсь.

Евангелиос («Њеч ивор») удмурт кы­лын. Иисус Христослэн быремез (Евангелиысь люкет).
Иван Яковлев. (1 ч.) Удмурт кылын дышетон сярысь сюлмаськемез. Пуб­лицистикаез. «Янтамыр батыр» но «Вормонтэм батыр» поэмаосыз.

«Янтамыр батыр» – батыръёс сярысь удмурт легенда вылын кылдытэм поэма. Янтамыр батырлэн образэз. Эпосын калыклэсь «зарни даурзэ» суредан. Эпичес­кой геройлэн улэмез, тушмонъёсын нюръяськемез но быремез. Автор­лэн интыез.

М. Можгин. «Беглой». (1 ч.)

Фольклор но литература вискын кылдэм произведение. Солэн бал­ладалы матын луэмез. Романтической но реалистической тодметъёсыз. Беглой шоры пќртэм синмын учкон.


Михаил Ильин. (2 ч.)

«Вуко» кылбурез.

«Пилемъёс».

Кылбурын образъёслэн радъяськемзы. Пилемез пќртэм лулосъёсын џошатон.



«Мон удмурт пи луисько».

Удмурт адямилэн вордскем шаереныз люконтэм герњаськемез. Гур­тысь адямилэн музъем уж шоры учкемез. Арлэн пќртэм вакытъёсыз. Тылобурдоослэн образзы.


Михаил Худяков. «Песнь об удмуртских батырах». (4 ч.)

Удмурт калыклэн ортчем сюресэз сярысь легендаосъя њуч кылын кылдытэм батырлыко эпос. Сое удмурт кылэ берыктон. Эпослэн «Дор­выжы» вариантысьтыз укмысэтћ кырњанэз. Удмурт калыклэн вашкала книгаез сярысь легенда но сое эпосын возьматон.



«Дорвыжы». (2 ч.)

Вашкала эпосъя гожтэм текст. Бурсин батырлэн но Сьќлта батырлэн образъёссы. Удмурт батыръёс сярысь.


3-тӥ люкет. Удмурт литературалэн

1917–1950-тӥ аръёсы азинскемез

(119 ч.)
Революциен валче љутскем литература (4 ч.)

1905–1907-тћ но 1917-тћ аръёсы ортчем куинь революциос бере удмурт литературалэн љутскемез. «Виль синь», «Гудыри» но мукет газетъёсын печатлам чеберлыко произведениос.



Трокай Борисов. Удмурт йӧскалык движениез бугыртэмез. Удмурт автономия кылдытон бордын ужамез. «Гудыри» газетэз кылдытэмез но пыд йылаз пуктэмез. Улон сюресэз но адӟонэз. «Тӧдьылэн малпанэз» кылбур.

Максим Прокопьев. Удмурт автономиез кылдытон бордын тырше­мез. «Максимлэн гожтэмез» кылбур книгаез. Кузебай Гердлэн Максим Прокопьевлэсь ожын быремзэ тодыса гожтэм некрологез.



Даниил Майоров. «Зарни крезь», «Революци» но мукет кылбуръёсаз вакытлэн пќсез. Революция тема. Д. Майоровлэн быремез пумысен К. Гердлэн «Туннэ-џуказе» кылбурез.

Иван Дядюков. Выль улонэз лэсьтонлы сћзем кылбур-хроникаез. «Пашка Педор» повестез.

Михаил Тимашев. Солэн «Насьток» драмаяз но «Камит» поэмаяз революцилэсь азьло улонэз возьматон.
Кузебай Герд (19 ч.)

«Гондыръёс».

Авторен кылдытэм выжыкыл-поэма. Азьтэмъёсты но капчиен узыр­мыны тыршисьёсты шараян. Беризь образлэн пќртэмлыкез. Выжыкыл-поэмалэн кылбур тусыз. Рифмаослэн интызы.



«Кызьпуос». «Сћзьыл». «Тулыс».

Кылбуръёсын арлэсь вакытъёссэ пќртэм буёлъёсын суредан. Оли­цетворенилэн интыез.



«Инъёс».

Вашкала мифъёсъя авторлэн кылдытэм текстэз. «Зарни дауръёслэсь» быремзэс валэктон. Текстын буёлъёслэн интызы.


«Чагыр инме». «Њильыр-њильыр шур бызе». «Сяськаяськись льќмпу».

«Чагыр инме» кылбурын ваче пумит луись дуннеосты суредан. «Жоб му», «чагыр ин», «зарни пагња» образъёслэн пуштроссы. Геройлэн мылкыдыз. Кылбурлэн люкетъёсыз но соослэн радъясь­кемзы.

«Њильыр-њильыр шур бызе» кылбурлэн вашкала осконъёсын герњась­кемез. «Шур» образлэн аспќртэмлыко луэмез. Сюжетлэн радъяськемез. Геройёслэн сямъёссы. Кылбурын куара шудон амалъёс.

«Сяськаяськись льќмпу» кылбурын инкуазьлэсь шулдырзэ возьма­тон. Текстын кутћськись чеберман амалъёс (џошатонъёс но метафора­ос). «Л» куараен тӧллэсь веттаськемзэ суредан. Буёлэз возьматћсь образъёс.


«Воз». «Парсь». «Пагња». «Пуныос».

Фольклорын сатира но юмор амалъёс. Басня но памфлет гожъян тра­дициосыз удмурт литературае пыџатон.


Каталог: pub -> docs -> stud
stud -> Учебное пособие для студентов химфака ргу структурная химия возникновение структурной химии Структурные теории
stud -> Мельникова О. М. Провинциальное археологическое сообщество вятской, Казанской, Пермской губерний
stud -> Учебно-методический комплекс по дисциплине «Криминальная психология» Для направления / специальности 031900 специальная психология
stud -> Курс лекций Пермь 2006 ббк 63 л 24 л 24 Лаптева М. П
stud -> Программа для начальной школы» (М.: Просвещение, 2009, 2010) но «Примерные программы основного общего образования. Литература»
stud -> В основе большинства реакций в аналитической химии лежит образование различных комплексных соединений, физические и химические свойства которых используются для целей анализа
stud -> Рабочая программа дисциплины (модуля) Теория и история художественного перевода финно-угорских литератур народов России
stud -> Практикум (Тексты для самостоятельного изучения) Казань 2006
stud -> Возможности, открываемые генетической инженерией перед человечеством как в области фундаментальной науки, так и во многих других областях, весьма велики и нередко даже революционны
stud -> Учебно-методический комплекс по дисциплине физическая и коллоидная химия направление подготовки


Достарыңызбен бөлісу:
  1   2   3   4   5   6   7   8   9   10


©kzref.org 2019
әкімшілігінің қараңыз

    Басты бет