М. Жұмабаев атындағы орта мектептің «А» сынып оқушыларының ата-аналарымен өткен жиналыс

Хаттама №1

1. 
   Ата-аналар комитетінің құрамын сайлау
   
2. 
   Ата-аналар жұмыс жоспарын бекіту. Мектеп ережелерімен танысу.
   
3. 
   Оқушыларға психологиялық көмек
   
4. 
   Бала тәрбиесіндегі ата-ананың рөлі және мектеппен байланысы.(баяндама)
   
5. 
   Әртүрлі мәселелер.
   

Бірінші мәселе бойынша сынып жетекші Аккалиева Гулзинат Ерболатовна жаңадан қосылған ата-аналарға өзін таныстырудан бастады да, негізгі мәселелерге ауысты. Оқу жылының басында кезек күттірмейтін мәселелер:

• 
  оқушыларды мектепке киетін киіммен қамтамасыз ету, және киімнің мектеп талабына сәйкес болуын қадағалау;
  
• 
  оқушыларды кітаппен және керекті оқу құралдарымен қамтамасыз ету;
  
• 
  мектеппен ата-аналар арасындағы келісім шартпен танысып, ондағы жүктелген міндеттерге жауапкершілікпен қарау;
  
• 
  оқушылардың сабаққа әрқашан дайындалып, кешікпей, уақытылы келуін қамтамасыз ету;
  
• 
  оқу жылының басынан ата-аналар мен сынып жетекшісінің және мұғалімдердің тығыз байланыста болуы.
  

Ата –аналар толық келісіп, келісім шартқа өз қолдарын қойды. Қатыспаған ата-аналарға ақпарат беруге келісті. Сынып жетекшісі өз тарапынан ол ата-аналарды қосымша шақыртатынын айтты.

Екінші мәселе бойынша барлық ата-аналардың ортақ шешімімен:

• 
  ата-аналар комитетінің төрайымы болып Талпакова Бибігүл апай бұрынғыша қалдырылды.
  
• 
  төрайымның оқушылармен байланыс жөніндегі көмекшісіне Бөпежанова Нұршат апай тағайындалды.
  
• 
  төрайымның ата-аналармен байланыс жөніндегі көмекшісіне Жанар апай тағайындалды.
  
• 
  Жиналыс соңында ата-аналар өз тілек-талаптарын айтты. Атап айтқанда, үлгермейтін сабақтарға қосымша уақыт қосу, қыз және ұл – балалардың қарым-қатынасына аса назар аудару және т.б. өзекті мәселелер талқыланып ортақ шешімдер қабылданды.
  

1. 
   Оқушылардың жаңа оқу жылына дайындығын қадағалауға ата-аналар мен сынып жетекшісіне бірдей жауапкершілік жүктелсін.
   
2. 
   Ата-аналар мен сынып жетекшісі және пән мұғалімдерінің арасында тығыз байланыс орнатуға жағдай жасалсын.
   
3. 
   Оқушыларға қатысты барлық мәселелердің уақытылы шешіліп отыруы қадағалансын.