Аралас жекпе-жектен Еуропа чемпионатының күміс жүлдегері Абай Жалал Octagon 55 турнирінде жеңілмеген әзірбайжандыққа қарсы жекпе-жек өткізіп, алғашқы раундта жеңді. Бұл туралы Stan.kz ақпарат агенттігі хабарлайды.

Фото: abay_zhalal Instagram парақшасынан алынды

ММА-ден жас талантты спортшы Абай Жалал Octagon 55 турнирінде жеңілмеген Мехеммед Исмаиловқа (3-0 ) қарсы жұдырықтасып, алғашқы раундтың алғашқы минутында жеңді. 61 келіде сынға түскен Абай қарсыласының қолына ауырту әдісін (кимура) жасап, кәсіби мансабындағы төртінші жеңісіне қол жеткізді. Ол жарқын жеңісінен кейін өз дивизионындағы үздік спортшыларға үндеу жолдап, чемпиондық белбеу үшін жұдырықтасуға дайын екенін айтты. 

Айта кетейік, Абай Жалал Octagon тұжырымында 3 жекпе-жек өткізіп, барлығында уақытынан бұрын жеңіске жеткен. 

 


Автор: Ербол Нурланов

Ербол — талантливый фотограф, зафиксировавший красоту природы и городской жизни Казахстана. Его работы придают нашим материалам визуальное великолепие.