Н. П. Боталова, Н. А. Главатских, Л. В. Фазлеева 3-тћ классын «Њеч-а, бур-а, удмурт кыл!»


Кызьы ми ортчытћськом шутэтскон дырмес (6 час)



жүктеу 1.32 Mb.
бет4/7
Дата03.04.2019
өлшемі1.32 Mb.
түріУчебник
1   2   3   4   5   6   7

Кызьы ми ортчытћськом шутэтскон дырмес (6 час)

Личностной результатъёс: покчиосын, бадњымъёсын, огъёзо эшъёсын пќртэм мерлыко (социальной) югдуръёсы валче ужаны быгатонлыкъёссэ азинтон; секыт эчешон югдуръёсысь ог-огдэ валаса, керњегъяськытэк вераськыны быгатонзэ азинтон.

Метапредметной результатъёс

Регулятивной результатъёс: пуктэм ужпумъёсты но сое быдэстон амалъёсты лыдэ басьтыса, асьсэлэсь ужзэс радъяны быгатонзэс кылдытон. Сётэм правилоосты уже кутыны быгатонзэс азинтон.

Познавательной результатъёс: ИКТ-тћрлыкъёсты кутыса, котырысь улон но ас сярысьтызы быръем ивортодэтэз гожтыны быгатонзэс кылдытон. Предметъёслэсь но явлениослэсь валтћсь но валтћсьтэм тодметъёссэс висъяны быгатонзэс азинтон.

Коммуникативной результатъёс: адямиослэн мукет, асьсэлы тупасьтэм, малпанъёссы но луыны быгато шуыса валаны быгатонзэс кылдытон. Пќртэм модельёсты но схемаосты уже кутыса, ужпумъёсты валэктыны быгатонзэс азинтон.

84

Микилэн

телевизор



учкон

сярысь


малпанъёсыз

Выль тодон-валан басьтон урок

Нылпиос мадиськонэз лыдњо но тодо, дышето сое; суредъёсты эскеро но верало, кин кызьы ортчытэ шутэтскон дырзэ; асьсэ шутэтскон дырзы сярысь верало; кылбурез лыдњо но пуштроссэ њуч кылын верало




Учебникысь 4-тћ уж

85

Арнянунал – шутэтскон нунал.

Выль тодон-валан басьтон урок

Нылпиос суредъёсты эскеро но верало, ма карыны ярато Визьпог но Нюшмылёк шутэтскон дыръязы; текстэз лыдњо но юанлы валэктон сёто, кылзэм текстысь кулэ ивортодэтсэ шедьто




Учебникысь 5-тћ уж

86

Мусокайлэн лымы коркаез.

Выль тодон-валан басьтон урок

Нылпиос сиськонни, изённи, пыласьконни кылъёсын тодматско, текстэз валаса кылзо; веросэз ас понназы лыдњо но отысь висъям кылъёссэ эскеро; веросэз ас кылынызы верало; кылбур дышето, текстэз удмурт кылэ берыкто

Лексико-грамматической тест

Учебникысь 7-тћ уж

87

Быдњым тылож сярысь малпанъёс

Выль тодон-валан басьтон урок

Нылпиос тылож, Быдњым тылож, ожмаськыны кылъёсын тодматско, Е. Загребинлэсь вероссэ лыдњо, юанъёслы валэктонъёс сёто, верало, ма тодо тылож сярысь, тылож сярысь лыдњем книгазылэсь, учкемфильмзылэсь нимзэс верало




Учебникысь 6-тћ уж

88

33 «Медаль но премия»

Урок-рефлексия

Нылпиос ож, ожгарчи, нюръяськыныкылъёсын тодматско, веросэз лыдњо, юанъёслы валэктонъёс сёто, тетрадязы гожто, кыџе юанъёс сётъясалзы ожысь но ужысь ветеранъёслы




Учебникысь 5-тћ уж

89

Проект

Урок-рефлексия

Быдњым тыложлы сћзем бордгазет лэсьто но со сярысь верало. Ог-огзэс дунъяло

Проектной уж




Выжыкыл дуннеын (13 час)

Личностной результатъёс: нылпи калыккылос, чеберлыко литература, сям-йылолъёс пыртћ удмурт пиналъёслэн дуннеенызы тодматсконзэ азинтон

Метапредметной результатъёс

Регулятивной результатъёс: результатъёсъя огъясь но промежуточной эскерон уж лэсьтыны быгатонзэс кылдытон

Познавательной результатъёс: энциклопедиосты, справочникъёсты, дышетскон пособиосты уже кутыса, кулэ луись ивортодэтэз утчаны быгатонзэс кылдытон.

Коммуникативной результатъёс: пќртэм коммуникативной ужпумъёсты лэсьтон понна, вераськон амалъёсты валаса ужазы кутыны; монолог но вачевераськон кылдытыны, озьы ик ИКТ-технологиосты но дистанционной вераськон амалъёсты кутыса (электрон почта, форумъёс, чатъёс) быгатонзэс кылдытон.

90

«Воргорон но вумурт» удмурт калык выжыкыл

Урок-рефлексия

Нылпиос воргорон, вумурт, азвесь, зарни, огшоры, тћр, пу кораны, потыны кылъёсын тодматско, выжыкылэз рольёсъя лыдњо, юанъёслы валэктон сёто, суредэз эскеро но верало, тупа-а со выжыкыллэн пуштросэзлы; тћрез суредало




Учебникысь 6-тћ уж

91

В. Сухомлинский «Баба Яга»

Урок-рефлексия

Нылпиос выжыкылэн тодматско, пуштроссэ њуч кылын верало, кулэ ивортодэтсэ тетрадязы гожто, Баба Ягалэсь тусбуйзэ кылъёсын суредало, суредэз эскеро но солы тупась интызэ веросысь шедьто, сямъёс сярысь верасько




Учебникысь 5-тћ уж

92

Њуч калык выжыкыл

Урок-рефлексия

Нылпиос ас понназы њуч калык выжыкылэз лыдњо, ужазы удмурт-њуч кыллюкамез куто, пуштроссэ њуч кылын верало, выжыкыллы суред лэсьто но со сярысь верало

Лексико-грамматической тест

Учебникысь 2-тћ уж

93

Удмурт калык выжыкыл

Урок-рефлексия

Нылпиос уробо кылын тодматско, удмурт калык выжыкылэз лыдњо, пуштроссэ њуч кылын верало, ужазы удмурт-њуч кыллюкамез куто, кылъёсты кузъяло но тетрадязы гожто, мадиськонэз кылзо но валэктонзэ тетрадязы гожто







94

Эксэй но мудрон пи

Урок-рефлексия

Нылпиос эксэй, пќяны кылъёсын тодматско, выжыкылэз лыдњо, пуштроссэ њуч кылын верало, кылбуръёсты лыдњо, тодо, кыџе выжыкылъёс сярысь отын вераське но тетрадязы гожто




Учебникысь 3-тћ уж

95

А. Юзыкайн «Вунэтэм анай»

Урок-рефлексия

Нылпиос ас понназы выжыкылэз лыдњо, юанъёслы валэктон сёто, сётэм кылъёслэсь выжыкылъя предложениос кылдыто, суредъёсты эскеро но юанъёслы верало

Лексико-грамматической тест

Учебникысь 7-тћ уж

96

А. Юзыкайн «Вунэтэм анай»

Урок-рефлексия

Нылпиос эбек кылын тодматско, выжыкыллэсь пуштроссэ радъяло но шара лыдњо, выжыкылэн тодматсконзэс азьланьто, юанъёслы верало, героиняез эбекен џошато







97

А. Юзыкайн «Вунэтэм анай»

Урок-рефлексия

Нылпиос чонари кылын тодматско, выжыкылэн тодматсконзэс азьланьто, текстлэсь пуштроссэ вакчияк удмурт кылын радъяло, юанъёслы валэктон сёто, пор но њуч кылын чузъяськемзэ кылзо, выжыкылъя асьсэлэсь мылкыдзэс верало







98-99

Эскерон




Нылпиос ар џоже басьтэм тодон-быгатонъёссэс возьмато, дунъяло

Йылпумъян эскерон уж




100

Резервной

Урок-рефлексия

Нылпиос ортчем темаосъя тодон-валанзэс юнмато, муромыто, эскеро, дунъяло







101-102

Проект

Урок-рефлексия

Выжыкылысь персонажъёсты суредан яке пластилинлэсь лэсьтон. Со персонажъёсты уже кутыса, выжыкылысь ог люкетэзлы инсценировка лэсьтон

Проектной уж




Куд-ог урокъёслы разработкаос.

1-тћ урок.

«Нырысетћ куарусёнэ нюлэс кушын» тема.

Пуктэм мугъёс: 1. Ог-огдэ валаса, гажаса кылзыны мылкыд пыџатон. Удмурт кылэз дышетыны мылкыдзэс љутон. 2. Валатскыны, огъян лэсьтыны, џошатыны быгатонзэс азинтон. 3. 40-озь числительнойёсты, удмурт букваосты вераськонын кутыны быгатонзэс азинтон.

Кутэм материал: Микиез, њичыез, лудкечез, койыкез, коньыез, гондырез, џушъялэз, куакаез, кионэз возьматћсь суредъёс,

Уроклэн мынэмез:

I. Уроклэн кутсконэз.

1.Њечбуръяськон.

2. Кылэз волятон.

Дышетћсь вера, собере нылпиос верало:



дћ – дћ – дћ – тодћсько

тћ – тћ – тћ – кыкетћ

џо – коџо, џу – џушъял, њи – њичы, кќ – кќня, пќ – пќйшур

Доска вылэ гожтэм вачевераськонэз дышетћсь но нылпиос лыдњо:

Кќняетћ туннэ число?

Туннэ нырысетћ куарусён.

Кыџе туннэ куазь?

Туннэ куазь шулдыр!

Дышетскисьёс, суредъёсты эскерыса но видеопроекторысь кылъёсты лыдњыса, тодазы ваё таџе кылъёсты: њичы, лудкеч, коньы, гондыр, кион, џушъял, куака; гожъяськыны, лыдњиськыны, вераськыны, кылзыны, кырњаны; ньыльдонозь лыдпусъёсты;тодыны глаголлэсь спряженизэ.

II. Уроклэн шорсюлмыз.

Дышетћсь:

– Тани нош ик вуиз сћзьыл, нырысетћ куарусён. Нылпиос школае мыно. Нош пќйшуръёс ма меда каро?

Учебникысь 1-тћ ужез быдэстон. Нылпиос веросэз кылзо, собере юанъёслы верало:

Кин лыктэм нюлэс куше? (Њичы, Койык, Коџо, Лудкеч, Гондыр, Коньы, Кион, Џушъял.)

Ма соос отын каро? (Верасько.)

Ма сярысь соос верасько? (Удмурт кыл сярысь.)

Пиналъёс текстысь шедьто но верало, кин ма карыны быгатэ.

Учебникысь 2, 3-тћ ужъёсты быдэстон.

– Мики тћледлы тунсыко ужъёс дасям, ойдолэ лэсьтомы.

Ужан тетрадьысь 1-тћ ужез быдэстон. Йыртћянэз лэсьты но тод, мае яратэ Мики.

– Кин ваньмызлэсь чебер но чылкыт гожтоз! Ужан тетрадьысь 2-тћ ужезбыдэстон.

Учебникысь 5-тћ ужез быдэстон. Пиналъёс суредэз сак эскеро, соя юанъёслы верало:

Кинъёс татын суредамын?

Кин числоосты умой тодэ?

Кин алфавитэз умой тодэ?

Кин лыдъяськонъёсты тодэ?

Азьланяз ужез радъяны луоз тазьы: нырысетћ рад ньыльдонозь лыдъяськыны дасяське (кузэн ужало), кыкетћ рад алфавит сярысь вераськыны дасяське.

Учебникысь 3-тћ ужез быдэстон.

Дышетћсь выльысь 5-тћ бамысь суредэз эскерыны косэ но таџе юанъёслы вераны куре:

– Кин њеч лыдъяськыны быгатэ? Нош тон њеч лыдъяськыны быгатћськод-а?

– Кин алфавитэз лыдњыны быгатэ? Нош тон алфавитэз умой тодћськод-а?

– Кин лыдъяськонъёсты вераны быгатэ? Нош тћ, пиналъёс, лыдъяськонъёсты тодћськоды-а? (Дорысь ужез эскерон.)

Учебникысь 4-тћ ужез быдэстон.



III. Уроклэн пумыз.

1. Дорысь ужез валэктон. Учебникысь 6-тћ уж.

2. Йылпумъянъёс лэсьтон.

2-тћ урок.

«Микиен тодматскон» тема.

Пуктэм мугъёс: 1. Ог-огдэ валаса, гажаса кылзыны мылкыд пыџатон. 2. Валатскыны, огъян лэсьтыны, џошатыны быгатонзэс азинтон. 3. Вачевераськон кылдытыны дышетон.

Кутэм материал: Микилэн но Визьпоглэн туспуктэмъёссы, Микилэн кепкаез; «ёрос» но «шор» кылъёс.

I. Уроклэн кутсконэз.

1. Њечбуръяськон.

2. Кылэз волятон.

II. Уроклэн шорсюлмыз.

– Асьме доры куное туннэ Визьпог лыктэм. Солэн выль эшеныз тодматэмез потэ. Эшезлэн нимыз Мики. (Дышетћсь возьматэ Микилэсь туспуктэмзэ.)

Учебникысь 1-тћ ужез быдэстон.

–​ Нош Микилэн семьяез сярысь Визьпог суредам. Ойдодэ суредэз эскером но Мики сярысь веранмес азьланьтом.

Учебникысь 3, 4, 5-тћ ужъёсты быдэстон.

– Нош али асьмеос шудом. Кинлэн Мики луэмез потэ? (Со дышетскисьлы Микилэсь кепказэ дћсяло. Микилэсь рользэ 3 – 4 мурт шудэ.)

Учебникысь 6- тћ ужез быдэстон.

3. Дорысь ужез эскерон.

– Мики туж тунсыко тетрадь вылзэ гожтэм. Ойдолэ тодматском уженыз.

Ужан тетрадьысь 2- тћ ужез быдэстон.



III. Уроклэн пумыз.

1. Доре уж. Учебникысь 7-тћ уж.

2. Йылпумъянъёс лэсьтон.

3-тћ урок.

«Мики школае мынэ» тема.

Пуктэм мугъёс: 1. 2. 3. Њечкылан гожтыны дышетон.

Кутэм материал: Микилэн, Визьпоглэн, Люгыкайлэн туспуктэмъессы яке соосты возьматћсь суредъёс (мунёос), писпу макет.

I. Уроклэн кутсконэз.

1. Њечбуръяськон.

2. Кылэз волятон.

– Урокмес кутском шудонысен. Кудћз рад тросгес тодэ, кыџе юанлы верась кылъёсты? (Нылпиос шудо.)



II. Уроклэн шорсюлмыз.

– Люгыкай тћледлы кылбур ваем. Ойдолэ соин тодматском но тодом, кыџе арлэн вакытэз сярысь асьмеос туннэ урокын вераськом.

Ужан тетрадьысь 4 - тћ ужъёсты быдэстон.

– Сћзьыл кылэз вераськом ке, кыџе кылъёс тодады лыкто на? (Дышетћсь верам кылъёсты писпу макет вылэ гожтэ яке гожтыса дасям кылъёсты пќртэм буёло куаръёс вылэ ошылэ.)

– Учке, кыџе тунсыко писпумы луиз. Кыџе арлэсь вакытсэ со тодэ вайытэ? Дышетскисьёс дышетћсен џош со кылъёсты верало.

Учебникысь 2-3- тћ ужъёсты быдэстон.

– Мики но сћзьыл сярысь верос гожтэм. Ойдолэ соин тодматском.

Учебникысь 3- тћ ужез быдэстон.

– Визьпог ваньмон дыръяз кылбур гожъя. Ойдолэ тодматском солэн кылбуреныз.

Ужан тетрадьысь 1 - тћ ужез быдэстон.

Дорысь ужез эскерон.

III. Уроклэн пумыз.

1. Доре уж. Учебникысь 3- тћ ужез быдэстон.

2. Йылпумъянъёс лэсьтон.

5-тћ урок.

«Визьпог удмурт алфавитэн тодматске» тема.

Пуктэм мугъёсПуктэм мугъёс: 1. Кыл (вордскем кыл, удмурт кыл, мукет кылъёс) – со калыкъёс куспын валтћсь вераськон амал луэ шуыса, валанзэ азинтон. 2. Валатскыны, огъян лэсьтыны, џошатыны быгатонзэс азинтон. 3. Удмурт алфавит сярысь вераныдышетон.

Кутэм материал: Визьпонез, Микиез возьматћсь суред (мунё), удмурт алфавит; Ф, Х, Ц, Щ букваосын карточкаос, удмурт алфавит сярысь кылбур (раздаточной материал).

I. Уроклэн кутсконэз.

1. Њечбуръяськон.

2. Кылэз волятон удмурт алфавит сярысь кылбур вылын ортчытћське.

А буква вань эшъёссэ

Ќтем туж кузь сюресэ.

Џук! Џук! Џук! – поезд вырње,

Алфавит каре лобње.

Бэ, Вэ, Гэ, Дэ, Е, Ё, Жэ:

– Ми мынћськом Иже!

Љэ, Зэ, Ње, И, вакчи И,

Вагонын пуко ини.

Ка, Эль, Эм, Эн, О но Ќ,

Укноетћ учкыло.

Пэ, Эр, Эс, Тэ, У, Эф, Ха:

– Шоркаре вуим уга!

Че, Џэ, Ша, Ща, чурыт пус:

– Кыџе чебер Ижкар тус!

Ы, небыт пус, Э, Ю, Я:

Алфавитмес йылпумъям.

Н. Боталова.

II. Уроклэн шорсюлмыз.

– Мар сярысь кылбурын вераське?

Визьпоглэн яратоно урокез – удмурт кыл. Гужем со удмурт алфавитэз эскерем. Со асьмелы но эскерыны дэмла.

Учебникысь 2- тћ ужез быдэстон.

– Туннэ дорамы куное њуч алфавитысь куноос лыктћллям. (Дышетћсь Ф, Х, Ц, Щ букваосын карточкаосты доска вылэ ошылэ. Нылпиос верало. ) Ойдолэ утчаломы та букваосын удмурт кылъёсты.

Ужан тетрадьысь 3 - тћ ужъёсты быдэстон.

–​ Табере эскером, кин туннэ урокын самой шаплыез но сак кылзћськисез.

Учебникысь 4, 5-тћ ужъёсты быдэстон.

– Мики понна но, асьме понна но выль дышетскон ар кутскиз. Ойдолэ ог-огместы выль дышетскон арен њечкылалом.

Дорысь ужез эскерон.

III. Уроклэн пумыз.

1. Доре уж. Учебникысь 6-тћ уж.

2. Йылпумъянъёс лэсьтон.

7-тћ урок.

«Библиотекаын» тема.

Пуктэм мугъёс: 1. Нылпи калыккылос, чеберлыко литературалы яратон мылкыд пыџатон. 2. Нылпиослэсь йырсазьзэс, вылтћ малпаськонзэс (воображенизэс) азинтон 3. Текстъя юанъёслы малпаны дышетон.

Кутэм материал: Микиез возьматћсь суредъёс (мунёос), котькуд парта вылэ нимаз кылъёслы вандылэм визькыл «Книга лыдњод – трос тодод».

I. Уроклэн кутсконэз.

1. Њечбуръяськон.

2. Кылэз волятон визькылъёс вылын ортчытћське. Пиналъёс сётэм кылъёслэсь визькылъёс люкало.

Книга лыдњод – трос тодод.



II. Уроклэн шорсюлмыз.

– Туннэ урокын асьмеос библиотекае экскурсие мыном, книгаосын тодматском. Нош кыџе книгаос луыны быгато? (Доска вылын книгалэн суредэз ошемын. Нылпиос кылъёсты верало, нош дышетћсь со кылъёсты книга суред котыр гожтэ.) Нош кыџе меда книга луыны быгатэ на? Асьмеос тодомы веросэз лыдњыса.

Учебникысь 7- тћ ужез быдэстон.

Верос лыдњемъя, выль кылъёсты дышетћсь доска вылэ ватса.

– Школаямы пќртэм конкурсъёс ортчо. Алигес ялэмын вал 3-тћ классын дышетскисьёс пќлын «Кызьы астэ библиотекаын возёно» темаен плакатъёсын конкурс. Тћ но пыриське отчы. Самой умойёсыз плакатъёс билиотекае ошемын луозы.

– Нюшмылёк но пыриськем та конкурсэ. Со гожтэм таџе џектонъёс:

1. Библиотекае џем ветлоно ќвќл, малы ке шуоно билиотекаын ужасьёс тонтэк но жадё.

2. Библиотекаын, книга лыдњыку, сиськыса пуконо.

3. Книгаез лыдњыса уд ке быдтћськы, бамзэ куасалтоно.

4. Библиотекаын эшъёсын вераськыса пуконо.

– Тћ соглаш-а Нюшмылёкен? Нош тћ мар солы џектћськоды?

Нылпиос веранзэс радъяло таџе планъя:

1.​ Џем-а тон библиотекае ветлћськод?

2.​ Трос-а адями отын луэ?

3.​ Мар карыны луэ туала библиотекаын?

4.​ Кызьы астэ библиотекаын возёно?

5.​ Мар тон плакат вылад суредад?

Дышетскисьёс ужъёссэс возьмато, планъя верасько. Мукетъёсыз дышетскисьёс юанъёс дасяло.

– Нюшмылёклэсь янгышъёссэ тупатъялэ.

Мон яратисько библиотекае вэтлыны. Мон лыдзисько отын портэм журналёс но газетёс. Кыче ке суред кэльше ке, мон книгалесь бамзэ кещыса, серам басьтисько.

Учебникысь 1, 2- тћ ужъёсты быдэстон.

Ужан тетрадьысь 2 - тћ ужез быдэстон.

–​ Џем-а тон библиотекае ветлћськод? Кыџе книгаосты лыдњыны яратћськод? Кыџе библиотекае тон ветлћськод?

Учебникысь 3, 4- тћ ужъёсты быдэстон.

– Нош кулэ-а алфавит библиотекаын? Вералэ, малы кулэ.

Дорысь ужез эскерон.

III. Уроклэн пумыз.

1. Доре уж. Учебникысь 9- тћ ужез быдэстон.

2. Йылпумъянъёс лэсьтон.

12-тћ урок.

«Кызьы Мики гужем шутэтскон дырзэ ортчытћз» тема.

Пуктэм мугъёс: 1. Пайдалыко, азинлыко, тазалыко, њечлыко, тупаса улыны мылкыдзэ кылдытон 2. Кузэн, ас понназы но туркымын ужаны быгатонзэс азинтон. 3. Гужем шутэтскон дыр сярысь ваче вераськыны дышетон.

Кутэм материал: Микиез, Платонэз возьматћсь суредъёс (мунёос).

I. Уроклэн кутсконэз.

1. Њечбуръяськон.

2. Кылэз волятон. Сётэм кылъёс пќлысь гужем ма кари? юанлы тупасьсэ бырйы. Доска вылэ гожтэмын кылъёс: шутэтски, дышетски, пыласьки, узы-боры бичай, куасэн нискылай, лымы мунё лэсьтћ, анаелы юрттћ, бакчаын ужай. Нылпиос кулэ кылъёсты тетрадязы гожто, собере верало.

II. Уроклэн шорсюлмыз.

– Тодэмды потэ-а, гужем Мики ма кариз?

Учебникысь 2- тћ ужез быдэстон.

Сётэм кылъёсты ойдолэ кузъялом, та выллем асьмеос но кылтэчетъёс кылдытом.

юрттћськи шурын

пыласьки ву

киськай бакчаын

уриськи анаелы

Учебникысь 3- тћ ужез быдэстон.

– Нош кытын тћ гужем шутэтскон нуналъёстэс ортчытћськоды? (Глаголъёсты шонер формае пуктон понна нырысь тодазы ваё ортчем дырын глаголъёслэсь вошъяськемзэс. Учебникысь 1- тћ ужез быдэстон).

Учебникысь 4- тћ ужез быдэстон.

Ужан тетрадьысь 1- тћ ужез быдэстон.

– Асьмеос тодћськомы, Микилэн эшъёсыз вань шуыса. Ойдолэ соин тодматском но вералом, ма карыны яратэ со гужем.

Учебникысь 5, 6- тћ ужъёсты быдэстон. (5-тћ ужез дышетћсен џош эскеро, секыт кылъёссэ валэкто, юанъёслы валэктон сёто, собере гинэ оген ас кылынызы верало).

– Тћ радъяськоды-а гужем нуналдэс? Ойдолэ гожтом, ма карыны луэ на гужем џоже. (Нылпиос примеръёссэс тетрадязы гожто .)

III. Уроклэн пумыз.

1. Доре уж. Учебникысь 5- тћ ужез быдэстон.

2. Йылпумъянъёс лэсьтон.

13-тћ урок.

«Мики чорыга » тема.

Пуктэм мугъёс: 1. Вордскем интызэс, шаерзэс гажан мылкыд пыџатон. 2. Пиналъёслэсь выльзэ тодыны тыршон мылкыдзэс љутон, ужрадлыкез валаса ужаны быгатонзэс азинтон. 3. Чорыган сярысь вераны дышетон.

Кутэм материалчукырна, чабак, пая, чипей возьматћсь суредъёс (муляжъёс), чорыг нимъёсын карточкаос, њуч-удмурт биология кыллюкам.

I. Уроклэн кутсконэз.

1. Њечбуръяськон.

2. Кылэз волятон.

II. Уроклэн шорсюлмыз.

Нылпиос мадиськонэз кылзо но тодо, ма сярысь туннэ урокын вераськозы

– Асьмеос туннэ Микиен но Семонэн џош чорыганы мыномы. Тћ тодћськоды-а, кыџе чорыгъёс уло асьме шуръёсын?

Учебникысь 2, 3- тћ ужъёсты быдэстон.

Дышетћсь пиналъёс верамъя чорыген суредъёсты но соослэсь нимъёссэс доска вылэ ошылэ. Нылпиос чорыг нимъёсын предложениос малпало но верало.

– Мики гужем чорыганы яратэ. Нош тон яратћськод-а чорыганы? Чорыган понна ма кулэ?

Учебникысь 4, 5- тћ ужъёсты быдэстон.

– Шур дурын астэ лачмыт возёно. Ойдолэ вералом, ма карыны уг яра чорыгаку.

Ужан тетрадьысь 1- тћ ужез быдэстон.

– Шурын сяна, кытын чорыгъёс уло на?





Достарыңызбен бөлісу:
1   2   3   4   5   6   7


©kzref.org 2019
әкімшілігінің қараңыз

    Басты бет