Бүгін Алматы қаласы Қылмыстық істер жөніндегі мамандандырылған ауданаралық сотында судья Балжан Тұрлыбекті 20 жылға бас бостандығынан айыру туралы үкім шығарды. Дегенмен қыздың әжесі Елена Закураева 7 жасар Карина Закураеваның өліміне қатысты әкесін де жауапқа тарту керек деп есептейді. Бұл туралы Stan.kz ақпарат агенттігі хабарлайды.
Фото: Stan.kz
Cот отырысына келген ол немересінің әкесі туралы айтты.
"Мен қызды жеті жыл өсірдім. Сот үкіміне қатты қуанып отырмын. Ол менен ең қымбат нәрсемді тартып алды. Ал әкесіне келсек, Тоқаевқа жазамын. Ол да түрмеге қамалсын. Ол да ұрып-соққан, оны да жазалау керек, шамамен 4-5 жыл. Оны да жауапқа тарту керек. Біз онымен сөйлестік. Ол өкінбейді. Бірақ ол адам өлтірмейді", – деді марқұм Каринаның әжесі Елена Закураева.
Еске салайық, қыздың анасы баланы бір жасында тастап кеткен. Әкесі оны алып кетпес бұрын сәбиді әжесі өсірген. Сосын олар оған қызды көруге тыйым салған.
Бұған дейін 7 жасар қыздың туыстары айыпталушыны өмір бойына бас бостандығынан айыруды талап еткен. Сот отырысында олар прокурор сотталушыға осы бапта көзделген ең жоғары жазаны, яғни 20 жыл қауіпсіздігі орташа мекемеде өтеуді сұрады.
Өз кезегінде Балжан Тұрлыбек апелляциялық шағым түсіретінін айтты. Сот үкімі әлі күшіне енген жоқ.
Еске салсақ, былтыр шілде айында Алматыда 7 жасар өгей қызын ұрып өлтірді деген күдікпен қоғам белсендісі Балжан Тұрлыбек қамауға алынған еді.
Жеті жасар Каринаны асқан қатыгездікпен ұрып өлтірді деп айыпталған әйел бар кінәні азаматтық некедегі күйеуіне артқан еді. Сотта айыпталушы Балжан Тұрлыбек өгей қызына киім алып беріп, мектепке дайындағанын, би үйірмесіне жазып, жеке репетитор да жалдағанын айтты. Сонымен қатар ол Каринаның әкесімен отбасын құрған соң баланы асырап алуды жоспарлаған.
Бірақ айыпталушы сотта қыздың әкесі баланы кіші дәретін ұстай алмағаны үшін ұрып келген деді. Тіпті кейде 7 жасар қызды салқын душқа түсіріп, бақша қайшысымен ұрғанын, балконға қамайтынын айтқан.
20 желтоқсан күні болған сот отырысында судья Ерлан Болатов қыздың әкесі Бәкен Ғалымжанұлынан жауап алуға шақырды. Ол куәгер болды. Әкесі сотталушымен 2022 жылдың қыркүйегінен кісі өлтіргенге дейін, яғни 2023 жылдың шілдесіне дейін бірге тұрған.
Куәгер қайғылы оқиға болған күні, яғни 10 шілдедегі оқиғаның қалай болғанын айтып берген. Айтуынша, таңғы сағат 08.00 шамасында әйелі екеуі оянған. Ол дүкенге кеткен кезде, қызы Карина да оянған. Балжан Тұрлыбек оларға таңғы ас әзірлеп берген. Содан кейін үйлеріне кабель тартып жатқан альпинистер келіп, көмек сұраған. Ер адам оларға көмектесіп жүріп бірнеше рет үйіне кірген кезде бәрі жақсы болған. Әйелі тіпті емханаға барып келген.
Жанара — исследовательница культуры и традиций. Ее статьи поднимают важные темы многообразия культур Казахстана.