Танымал әнші Жеңіс Ысқақова балалық шағы мен өскен әулеті туралы сыр шертті. Бұл туралы Stan.kz ақпарат агенттігі “Отбасы альбомы” бағдарламасына сілтеме жасап хабарлайды. 

Фото: https://www.instagram.com/zhenisiskakova/

Өнер иесі 10 жасынан бастап, үй тірлігіне араласқан. 

“Мен үйдің кенжесімін. Әкем қатты еркелеткенімен, анам өте қатал болды. Қыздарына ес біліп келе жатқан кезінен бастап, үй тірлігіне араластырды. Үйренгенің өзіңе жақсы” дегенді жиі айтатын. Қамыр жайған кезде жанында қалай жаятынын қарап тұратын едік. “Бір үйдің ошағының тұтқасын ұстайсың” деп ақыл айтатын. Одан жаман болғанымыз жоқ. Қазір бәрін үйден өзім істеймін. Қолдан қамыр жайып, ет тұздаймын. Анама әлі күнге дейін рақмет айтамын”, – деп еске алады әнші. 

  • "Қызым" деп айтпаймын: Жеңіс Ысқақова ене мен келіннің қарым-қатынасы қандай болатынын түсіндірді

  • Қандай ер азаматқа тұрмысқа шықпау керек – Қазақстандықтар кеңес берді

Сонымен қатар өнер қайраткері анасының бойындағы керемет жақсы қасиеттерін де бойына сіңіргенін айтты. 

“Менің әзілге жақындығым анамнан дарыған. Ол кісі айналасындағы адамдармен әзілдесіп жүретін. Келген адамның қолын қайтармайтын. Үнемі жақсылық жасап, бізді де қайырымды болуға тәрбиеледі. Әлі есімнен кетпейді, тәңертең ұйқыдан тұрғанда үйде бөтен адамдар жүретін. Туысқанымыз десек ұқсамайды. Анамыздан сұрасақ, “жолаушы ғой өтіп бара жатқан, қонатын жері жоқ екен” деп жауап береді. Сонда мүлдем танымайтын адамды қонақ етіп, жолына ас-суын дайындап береді. Сол кездегі адамдардың ниетінің тазалығы арам ойламайды. Тонап кетсе немесе балаларына зиянын тигізсе деп күдіктенбеген”, – деп көзінің жасын сығып алды өнер иесі. 

Еске салайық, әнші енелерге ақыл айтқанын жазған едік. 


Автор: Даулет Байгонусов

Даулет — природовед и путешественник. Его увлечение природой Казахстана и исследования вносят неповторимый вклад в наше издание.