Алматыда курьер тауарларды алушыларға жеткізбей, өзі иемденіп отырған. Бұл туралы Stan.kz ақпарат агенттігі хабарлайды.

Фото: pixabay.com

Полицияның хабарлауынша, курьер тауарды жеткіземін деп алып кетіп, тапсырыс берушілерге табыстамаған. Зардап шеккендер полицияға шағым түсіргенге дейін курьер өзінің құйтырқы әрекетін жасауды тоқтатпаған. 

“28 жастағы курьер анықталып, ұсталды. Тергеу айғақтарды анықтап, ұсталған азаматтың осыған ұқсас қылмыстарға қатысы бар-жоғын тексеруде", – деп түсіндірді полиция қызметкерлері.

Белгілі болғандай, ұсталған азамат бұрын мүліктік қылмыстар жасағаны үшін сотты болған. Ол Өзбекстан азаматы болып шықты.

Аталған фактіге қатысты "Алаяқтық" бабы бойынша сотқа дейінгі тергеу амалдары жүргізілуде.

 


Автор: Жанара Кенжебекова

Жанара — исследовательница культуры и традиций. Ее статьи поднимают важные темы многообразия культур Казахстана.